Video
5-min walk from Exit E2, Hong Kong MTR Station
continue reading
Opening Hours
Today
12:00 - 20:30
Mon - Sun
12:00 - 20:30
Above information is for reference only. Please check details with the restaurant.
去朋友屋企開party 又點可以兩手空空呢😆放工經過IFC 個陣見到有一間新開嘅bakery store Pinky Bakery 🥯 主打招牌每日新鮮製造，採用日本麵粉及天然食材，無添加，無防腐嘅烘焙食品🍩店前嘅餅櫃內整齊排好粒粒飽滿嘅donuts ，另一邊仲有bagel 🥯牛角包🥐同sourdough 😆款款都好似好好味咁😎今次見donuts 做緊買3送1又點可以錯過哩個優惠😌人氣爆餡donuts 有6款口味，今次揀咗以下其中4款，donuts 經過油炸後食落都完全無油膩感，麵團軟稔稔夠鬆軟😆又唔會食到成口油，食到朋友們都舔舔脷😋😋🍩海鹽焦糖冬甩 - 人氣招牌款色，冬甩炸過後外層再裹上一層海鹽焦糖糖衣，冷卻後會變成一層鏡面脆糖衣，雙重口感，仲會加上一個迷你pretzel ，睇得又食得👍🏻內餡先係重中之重，鹹甜適中嘅海鹽焦糖醬超級好味道👅食完仲想再多件🍩黑芝麻冬甩 - 由冬甩麵團開始到內餡麵係滿滿號黑芝麻香氣，自家製黑芝麻醬超級濃郁👍🏻仲會食到黑芝麻粒粒😋😎🍵抹茶冬甩 - 用料講究👍🏻除咗日本麵粉外仲會用上日本嘅抹茶粉製作哩款冬甩，哩款甜度較低帶點點茶香回甘，而且內餡多到咬落去會有爆醬效果😎☕️咖啡冬甩 - 咖啡控必點之選，咖啡味相當突出，如果配埋一杯黑咖啡☕️作為下午茶💯💯
continue reading
過到嚟上環嘅海港政府合署搞啲文件，返公司途中經過IFC，睇見呢一家主打賣冬甩嘅新店「Pinky Bakery」好吸引，之前晌銅鑼灣就過佢哋嘅Pop-Up Store。咁就不如買啲返去跟同事一齊下午茶，當喺慰勞吓大家早排搞掂幾個項目。店舖細細一眼睇晒，兩組餅櫃就顯示晒所有烘焙產品，一排排整齊排列，加上燈效，頗為吸晴。當中包括有冬甩、迷你冬甩、貝果包、酸種麵包、牛角酥……等等，望上去確喺非常吸引。難得依家仲有買3送1優惠嘛！紙盒包裝，剛剛好裝到4個大冬甩，盒面除咗有店名、招牌妹妹個樣之外，晌盒邊更印有店家產品嘅特點：新鮮人手製作、無添加、無防腐、天然食材、本地香料，以及採用日本麵粉。所以，食得健康之餘，更有份信心晌度。朱古力花生醬冬甩 $48冬甩外層有近一半沾上黑朱古力漿，仲黐咗少少花生粒，咬落去朱古力味都好香濃，而裡面嘅花生牛油醬軟漿好軟滑，滿滿花生香，又無過甜嘅問題。咖啡冬甩 $48睇樣就平平無奇，不過，佢哋啲冬甩咬落去真喺好軟熟，撳落去回彈力十足，而裡面超過一半空間都喺咖啡漿，口感滑溜，好醇香咖啡味，襯杯咖啡真喺一流。抹茶冬甩 $48呢個好搞笑，晌個唧漿嘅窿位塞咗粒QQ嘅麻薯，純粹都喺方便做個印記。裡面同樣填滿抹茶軟漿，嗰陣抹茶味非常之濃郁幽香，絕對喺抹茶控嘅最佳之選。海鹽焦糖冬甩 $48講到賣相，應該最突出就喺呢一款海鹽焦糖冬甩，成個冬甩面面鋪咗一層焦糖鏡面，閃閃爧，可能天氣凍，咬落去脆得嚟有少許硬，而裡面嘅焦糖軟漿就好正。雖然賣到$48一件確喺唔平，但作為一件高質素嘅西式甜點，又唔可以話貴，最緊要喺大家食得開心，大家又好欣賞。
continue reading
每次經過見到都覺得好吸引，咁啱做緊買三送一優惠，就俾個藉口自己試吓🤣當日去嘅口味有黑芝麻、吉士、咖啡、抹茶、焦糖海鹽同朱古力花生醬口味，除咗冬甩佢哋仲有新推出牛角包🥐最印象深刻的是朱古力花生醬，黑朱古力配鹹甜嘅花生醬，極爆漿好邪惡！味道相對較甜一點😛另外黑芝麻冬甩都不錯，用上台灣黑芝麻，食落幾香，芝麻味濃郁，表面冇砂糖粒，取而代之用咗椰子蓉代替，幾特別👍🏻整體啲麵包幾有彈性，即使隔咗一日食都唔會有油淰淰
continue reading
社交平台 網店 Pinky Bakery人氣熱賣各款手工烘焙Bagel、蛋糕及最歡迎的冬甩.並於中環、尖沙咀、啟德等地方開Pop Up Store.加上每日新鮮製作,包控不要錯過!🔸咖啡冬甩($36)🔸抹茶冬甩($36)🔸芝麻冬甩($36）🔸辣味芝士bagel($35)他們的冬甩採用日本鳥越麵粉、法國牛油和蛋黃香濃的湖北蛋. 咖啡、抹茶及芝麻味冬甩各有特色!經發酵後,香味突出,咬落鬆軟.內裡忌廉餡濃稠卻不過甜.最愛咖啡味,香濃不苦澀有點焦香味.貝果亦比想像中有驚喜,是我喜歡不太硬實而帶點軟熟的口感.辣味芝士bagel氣炸數分鐘後,芝士味飄出,內有微辣腸粒,咸食者必愛!
continue reading
2024年最後一日去左IFC既Pinky Bakery買冬甩返屋企食。店舖除左有冬甩，仲有貝果、牛角包、麵包、鬆餅等，買四個冬甩就會有個盒裝。冬甩新鮮人手香港製作，採用日本麵粉，無添加，無防腐，非常天然。抹茶冬甩冬甩鋪滿砂糖，有粒粒脆脆既口感，口感非常鬆軟，而冬甩內充滿抹茶餡，抹茶唔係苦澀個種，帶些少甜味。吉士冬甩吉士就係原味，甜甜地幾好食。朱古力花生醬冬甩朱古力餡會醬啲，但朱古力味既就係美味，又唔會過甜。海鹽焦糖冬甩呢個外型同其它唔同，外層是一層脆口既焦糖，有片脆餅，內餡係焦糖味，甜度適中。
continue reading