Pizza Bar (Closed)

上星期四男友突然想出去食飯,之前見過食評不錯,價錢又唔貴,果然係唔錯喎1)金沙骨~好好味2)Salame Pizza (細)~OKAY, 有4件3)肉醬闊麵~較乾身,但可以接受,份量大p.s.如果想搵地方傾計就唔好揀呢度,因為都幾嘈下

昨晚跟男友又進行了一次掃吧日，今次地點選了灣仔駱克道，來回行了一趟，先看準了這間吧，因為男友喜歡吃pizza，個名以此命名，想必有番咁上下水準。走下樓梯，冇乜人，揀了卡位，點了hoegaarden 和菲律賓生力生啤，跟著要了一客鹽燒牛脷和mini 的莎樂美pizza。菲律賓生力生啤聞好香，但入口偏淡，跟香港o個隻分別不太大；鹽燒牛脷應該係煎唔係燒，但好好食，雖然有部份煎得唔係好夠火喉，但不失牛脷應月o既膻味，而且入口不韌；pizza 個餅底做得不是太好，但用料就不俗，芝士和蕃茄醬分布均勻，沙樂美腸也不欺場，mini size 也有成8 塊。

聽家人講，呢到的lunch幾抵~而食物味道也不錯，就同個同學黎呢到食野~~$45 一個餐~~NO加一~~凍飲唔加$$每人2塊蒜蓉飽餐湯：一紅一白主菜：雞扒+沙律 牛柳+意粉2杯凍檸茶~蒜蓉飽幾脆~~唔錯~~牛柳整得好入味~好好味~~~真係算係甘~~ 甘ge價錢係灣仔食lunch~~

呢度大大話話我同埋D朋友都唔記得幫趁左幾多次喇,我地次次黎都一定會叫PIZZA,因為呢度既PIZZA有種好PIZZA既風味,某程度上好食過意大利正宗既,PIZZA落好重芝士好開心,我地今次三個人叫左一個大SALAME PIZZA, 一個炸薯條, 一個金沙骨,鬼佬SIZE我地3個男仔都幾乎食唔晒, 特別提下既係金沙骨,好有肉汁,下次可以再叫!仲有就係要讚下佢地70'S裝修同埋佢地就算係忙到死都好有服務質素.

今日去左呢度吃午餐. 要落一層的. 有d set揀. 有蒜蓉包兩片, 湯, 主菜, 餐茶. 主菜我揀左肉眼扒跟飯. 成個餐好豐富, 味道都唔錯.環境就係一間bar咁樣.

午餐賣$42。包紅或白湯、焗飯或肉扒或雞扒、冷熱飲品。先來每人有兩片的「蒜蓉牛油法包」，略烘但涼了，唔好味。。湯：「粟米火腿忌廉湯」和「羅宋湯」係標準茶記質素。主食：我的「焗芝士白汁魚柳炒飯」汁濃芝士香稠惹味，魚柳超大塊厚肉，唯略腥。炒飯有許多蛋絲，好香。同事的「牛脷薯菜」的那三塊牛脷超軟好味，紅腰豆雜菜汁好多料。焗薯太軟，似烚薯裹上錫紙。熱奶茶好香濃，就算凍奶茶都好濃稠，真的不簡單。

雖然這兒名為Pizza Bar，不過午餐\是沒有薄餅供應的！（起碼我光顧當天沒有……）正如某些食評中提及的$37一份午餐\，12:30-13:45 是不設是項優惠的；正價午餐\承惠$40-$50一份不等。沒有了「人人稱許\」的薄餅，也得點午餐\。我點了芝士白汁龍脷柳飯，有些同事點了牛排什麽的。我的龍脷柳一般－－一般茶餐\廳貨式……據說那牛排也不怎麼樣。給大家一個温馨提示：這兒的食物很可能下了味精（尤其是羅宋湯），對味精敏感的要注意了。

我覺得D食物好有水準，Pizza 一定要試，個皮好脆好好味，佐酒小食亦不錯。環境是同區酒吧餐廳中比較寧靜，三五知幾飲下酒食下野，非常舒適。

今日同幾個同事去左Pizza Bar 食Lunch (第一次去)，佢地D Set Lunch唔算好貴(相比同類的Bar)，我叫0左牛柳拼意大利粉，份量好夠，最正係佢D牛柳一D都唔硬Ga！！其次佢配好多蔬菜。食完之後勁飽！！以前我地成日都去唔同的Bar食Lunch，Lee間我真係極力推薦！平時我比較大食，食完Lunch好快就肚餓，又時仲會食Tea tim!!今日唔使食tea，返到屋企仲覺得飽飽地，食唔落飯！極力推薦—南瓜cream soup超好飲(跟Set lunch)最後，原來食滿HK200，有一張小食Coupon送！！

I went here once this week, first time,我同大肚同事都叫了燒烤雞伴薯菜. 由於係餐, 又有蒜茸多士同湯, 感覺好豐富. 另一同事叫了西冷牛排, 顏色好靚. 大家的薯菜都ok,薯角不油膩,紅蘿蔔味道較為淡,或許未曾用鹽水泡泡,否則會較好.椰菜略遜一籌,不夠淋.環境比較黑暗,有sofa坐,幾有情調幾舒服.不過餐廳要改善一下冷氣機,人淸 理一下,因為我發現佢d冷氣機會不時有黑炭灰塵吹向食客或空坐位,影響客人.As we left before 12:45noon the lunch set only costs $37 each, no service charge. If we left later, each set costs $45.

真係唔明白點解冇乜人評呢間餐廳!佢D 野真係好好食架! 尤其是素食意粉!D 小食又好食, 唔明點解冇乜人去@3@雖然係間BAR, 不過店內D 人唔嘈, 佢地多數都係傾計,而且店內全部都係梳化位, 好好坐^_^

Actually I kinda like their garlic bread, fries, fish & chips and escargot. Pizza and spaghetti are pretty good too.

朋友請食飯，兩個人order左一個莎樂美百勝pizza同西冷扒。最先上o既湯同餐包普通啦，而個pizza幾香幾脆，不過芝士漏左少少；西冷生熟度剛好，好juicy，都幾好味。間餐廳人都幾多，ｄ位有ｄ窄，唔係會食得更舒服。

其實呢間o野d pizza 、小食同意粉都做得好好，我最鍾意佢地餐牌上o既no. 34 意粉,叫做素食意粉。其實就只有olive oil, 剌椒,蒜容去炒, 雖然料不多, 不過都唔知點解咁好味?! 各位一定去試下呀! 另外佢地d lagsana , 芝士牛肉蒸腸粉(意式啦當然) , 餡角,蒜容炒椰菜.....嘩,一講就流口水啦, 好好味呀! 呢間o野雖然唔多出名,但佢地d Italian cuisine 一d 都唔馬虎, Pizza Hut 同Spagetti House o既Chef , 都比唔上佢地個Chef 呀! 你地去試下先講啦.記得叫no. 34 素食意粉呀!