必勝客

Open Now

Now Closed

星期日諗住唔煮飯輕鬆一下，諗住食pizza，又會諗住試吓新野，就嗌依個皇冠至尊批，依個批難食到不得了，材料得幾粒蕃茄仔同幾塊3文魚，個批底系又乾又乾，撕都撕吾開，硬過鞋底！批邊所謂既炸蝦又多粉又淋，個批似系一早整好擺左好耐，出晒油！體驗好惡劣！嗰炸蝦仲要係爭先嘅刺身蝦切對半包起來炸，d炸粉厚過塊紙皮，好彩又叫多個普通至尊批，加咗20幾蚊要芝脆邊，一定都吾脆，今日既pizza底完全吾合格，辣味雞翼同肉醬意粉就保持到水準！我覺得貴公司如果真係想經營落去，唔該提升一下你哋pizza底既質素，一間Pizza店嘅Pizza唔好食係最大嘅敗筆

因為在家工作，間中叫外賣，好耐無食pizza，之前網上訂不成功，今次再試下原本以為深水埗分店快遞，估唔到系長沙灣分店接單一小時內送到食物食物熱辣辣，好香烤雞薄餅厚皮新鮮好味😋又有海鮮長通粉，小食拼盤叫兩個湯，可能快遞車太飄移，湯碗變形整體滿意外賣要求不需要太高品質

🍻好有創意嘅Pizza.🍻🍕🍕🍕🍕🍕🍕🍕🍕🍽最好食係得舊芝士波😂分開左芝士還芝士，餅底還餅底。個餅低無咩味，個邊實的的。🥳🥳🥳佢賣相好繽紛架，但餅邊好乾、唔脆好滯～🍽另外仲叫有雞翼，炸蝦、蒜蓉包、長通粉、海皇飯、餐湯。🍯🍯🍯🍯🍯🍯🍯🍯雞翼同炸蝦都好好味，香口野個個都鐘意食。雖然有啲熱氣，所以都係食少少。但係好味嘅。🍕🍕🍕🍕🍕🍕🍕🍕🍕

大年初二。開年！開年！日間：四圍出動去拜年是必須的。晚間：都唔會煮飯啦，嗌外買是常識吧！由於太攰太攰，外賣自取都懶，所以唔可以嗌麵食，唔會嗌餃子之類，嗌炸雞薯條有似有d太hea，畢竟都係新年呀嘛😅所以上網點「Pizza hut」外賣速遞🤪因為農曆新年關係，佢新推出咗”芝士七重奏”套餐，由於我唔會紅肉（如豬、牛、羊之類）所以點了”海鮮盈滿”，或者新年呱，平時四十五分鐘嘅速遞時間，今日要一個鐘頭三十分鐘😵仲要送到嚟只是微温而已！重點係加錢換嘅葡汁焗蔬菜倒瀉咗，d葡汁滴到周圍係🤦🏽‍♀️個速遞員已經不斷say sorry，話會返公司換過新的，再揾同事送過來，之後等咗another 一個鐘頭三十分鐘先到。今次好好，個葡汁焗蔬菜係熱嫁！算佢啦！

同一大班朋友係屋企玩FIFA 玩通頂。結果第二日訓到三點幾四點。所以就直接叫左pizza黎食。成個過程都幾快。我地叫大兩個大批，分別係芝士果果個同埋千島海鮮。整體既味道相唔錯。送到黎果陣仲係熱既  仲有mash potato送。 

　　有時也想吃薄餅，但Pizza Express不設外賣速遞，故選擇這裡。由點單到取薄餅，只需等待約半小時。　　套餐中的原味雞翼，經烘烤的雞翼外層不算香脆，但味道及格有餘，嫩滑美味；入口的忌廉湯不算難吃；焗豬排意粉，豬排很厚較韌，兼且沒有味道，醬料沒有番茄的香味亦沒有鹹味，算是難吃的水準；錦繡大會薄餅，大的薄餅底香脆熱辣，不過味道略鹹，只能屬及格水準；額外增加的甜品是經改良的木糠布丁，味道不錯，甜度適中而香滑，雖然與坊間吃的木糠布丁有別，但算是不錯。

上一次叫外送有好多coupon送, 見就過期, 今次就叫午餐, 買二送一~迷你超級至尊pizza: 雖然好迷你, 只有四塊, 但好足料, 特別有好多芝士, 辣肉腸超好味！而且今次係熱辣辣的, 餅底中間軟, 邊邊又好脆, 非常好味, 只係油咗d, 成個紙盒都係油, 好似油炸咁...... 車打芝士海鮮焗飯: 只有好少好少芝士, 只係普通的白汁海鮮飯, 白汁偏甜, 有魷魚仔, 魚柳, 蝦仔, 蟹柳, d"海鮮"份量唔多, 同雜菜係一半一半~肉醬意粉: 好黑好燶, 意粉淋咗d, d醬又好傑, 偏乾.......始終都係超級至尊食得最開懷, 永遠不敗~$97三個午餐。今次話要四十五分鐘, 結果要1hr15min 先送到, 阿哥話差d餓暈, 好彩都係熱辣辣, 原諒佢啦~

阿哥好想試新出的皇室開心批, 有什麼頂級波蘭腸在批邊, 一看己覺得很像腸仔包, 食一塊都一定好飽.以前都覺得pizzahut能夠做到熱辣送上, 但自從新開了這家分店, 我家的位置要由這店送貨, 就每次都不夠熱, pizza 只有少得可憐的熱度, 今次也是一樣皇室開心批: 因為不夠熱, 食到後期時, 批邊硬化, 腸仔上面有芒果芥末醬, 但只感受到甜味~腸仔沒有特別味道, 吃兩口已不想再吃那比普通腸仔包還要難食的腸仔批邊！批面好薄好脆, 其實只有很少料, 大部分是蔬菜頪, 雞肉只有很少很少(不是每塊都能分到1舊雞), 不過個醬汁幾好味, 辣辣地好惹味( 但料少到有時只係食到醬汁加脆餅底, 點都唔覺食完會好開心！外送滿$180 送香茄焗薯皮, 薯皮不脆, 也是不熱, 油油的, 有肉醬在上面, 和相片相差很遠(相片的是有些粒粒蔬菜在上面, 有黃有紅的！)豬肉腸拼雞肉腸, 茄汁太酸, 雞肉腸比那波蘭腸好食得多！焗飯就好夠熱, 但沒有吃.....完全是改錯名名的pizza, 本來想send email投訴的, 但在它的網頁竟沒有任何email address, 真是投訴無門！