必勝客

Open Now

Now Closed

一家三口再次出動...今日帶埋BB接老公收工, 大家都未食野, 咁就閃左去附近GA PIZZA HUT 食少少野回家LA.真係好耐冇食過PIZZA HUT, 仲要係堂食就緊家少, 原來而家推出左D宵夜餐都唔知, (20:30後有售)咁我地就叫左兩個宵夜套餐,第一個, 一個薄批PIZZA + 兩個忌廉湯 $108初初睇個餐牌，諗左好耐，佢個PIZZA係咩SIZE呢, E個分成6件GA應該係中...個人覺得少少貴, 料唔多,唔知係咪因就黎收工LEI, 但係PIZZA HUT 食E個價係平常GA,第二個, 蘋果蘇配雪糕+柚子蜜 $49E個蘋果酥冇味, 得蘋果有少少味姐, 仲要好細件而杯柚子蜜, 我飲到水既味道多D, 大佬, 洗唔洗咁稀呀...加埋一埋單$172.7A..食完後, 老公話唔夠飽，要去MCD 買多左個餐

超級至尊唔錯，高水準，d肉有肉味，唔會太老，芝士都夠多。其他食材食落都幾新鮮。千層肉醬闊面：jeng！最搶手既一款，入面d醬香口，好多碎肉，足料的。闊面唔會太硬/太軟，同肉醬比例呢，如果肉醬再多番dd，就平均曬啦！吞拿魚意粉：not good。 味道好淡，吞拿魚凈系自己夠味，d醬汁同意粉都無咩味。意粉太硬，唔好食。原味雞翼：香口，不過都係過於乾同硬，偏乾口味既會喜歡。多分批：香草菠蘿肉腸，菠蘿新鮮，酸得來偏甜，幾好食，肉腸就好似無預期咁香口，有dd失望，似普通腸仔。Anyway，係叫外賣既，講好左夜晚7點半先上來，confirm多次之後都係5點送到上來，都唔知講咩好。服務麻麻地。

假期的第一天，行經Pizza Hut，順道吃下午茶輕鬆一下。有少許餓意，與朋友選了公司三文治和俄羅斯沙律配煙肉菠蘿酥，分別配冷熱奶茶。飲品先到，奶茶夠滑，感覺茶與奶份量一半半，不苦澀。公司三文治的多士和薯條，外脆內軟不鹹，雞肉、火腿、蕃茄、青菜、雞蛋，餡料挺豐富的，亦配搭合適，不酸不濃，新鮮美味，令人感覺清新。俄羅斯沙律配煙肉菠蘿酥很有特色，蝦肉及蔬菜新鮮爽口，沙律的醬料有風格亦好吃，個人較難用言語或文字來形容，建議親嚐。煙肉菠蘿酥炸得較上火氣，雖有點硬但好吃，另菠蘿的濕潤配上煙肉的惹味，兩者相互平衡，味道不錯。雖然價錢稍貴，但仍是令人舒暢開懷的一餐！

是夜拜完年都接近晚上十點，見有點肚餓逐與友人到來點了一個套餐，套餐包括兩碗羅宋湯，兩杯汽水，一個肉醬意粉，一個菠蘿火腿芝心批。可能臨近收舖羅宋湯材料少且淡，肉醬意粉肉碎不多，茄汁太單薄，唯芝心批則能保持水準菠蘿與火腿夠足。

由於收到信用卡的茶餐優惠，便趁假期到pizza hut享用下午茶。【葡汁雞皇飯】是我在pizza hut最喜歡的菜式之一，而今次亦沒令我失望。侍應端上焗飯的時候，焗飯仍然冒著煙雞肉嫩滑可口，配上香濃醬汁，十分美味！【卡邦尼意粉】味道中規中矩，意粉略為乾身，醬汁稠一點更好。【煙三文魚三文治】香脆的多士夾著微鹹的煙三文魚，還有碎蛋、蕃茄和青瓜點綴，層次豐富。【迷你至尊芝心批】小女子對芝心情有獨鍾，但材料稍缺，只嚐到很鹹的辣肉腸

諗起好耐冇食過pizza hut，今日專登去幫襯😀叫咗個香烤之星2人餐，話就話2人餐，其實都有好多嘢，3個人食就差5多。。。首先，嚟咗2杯飲品 + 2個湯，嗯！白湯尚算可以接受，個意大利菜湯簡直攞我命3000，飲咗1啖即刻打個冷震，難飲到呢。。。之後上咗沙律，好奇怪嘅汁，撈完食咗1啖就叫人拎走😧肉丸意粉，薯蓉陸續上埋，味道麻麻，D嘢食凍哂添！失望😵主角終於出場啦😍👏登登登登！講到明pizza hut就緊係食pizza啦！最好味亦都係pizza😂未食完就要埋單先😓超趕！ 去嗰陣企咗成十幾分鐘都冇人理，明明成個場5多人，服務態度又差！下次請都5會再去😡😡

平日也繁忙，難得嚐嚐此店的下午茶，點了兩客套餐，有煙肉菠蘿酥和茄醬沙律多士，香味不太濃，也不油膩，但吃下感到簡單寫意，味道很好但份量略少，不過下午茶意在休閒一下，實不宜大吃大喝，是值得回味的。

最近發現，原來有好多朋友關注自己寫嘅OpenRice食評，難得係唔介意一篇篇既簡單、又不太細膩描繪食物嘅文字，竟然有人肯睇喎◑△◐？甚至有食評被推介添?真係令我受寵若驚呀 多謝，多謝哂\^o^/仲記得由舊年開始寫食評，因一次去譚仔三哥食米線，但未食已成肚氣，激氣之下，就想藉住OpenRice話比人知，該店如何嘅惡劣服務質素。之後，就習慣喺餐廳用膳後，寫低食評比人參考，當然，有時遇到食物同服務都唔錯嘅食肆，會故意去讚揚一吓。事實上，真係好佩服有好多人，能夠將食評寫得好詳盡，同描繪食物時好細緻，咁當然有A+啦！自問就未到呢個水平，更何況自己都唔係食家，加上工作好多時都較繁忙，咁唯有多d欣賞人哋 d A+靚食評啦！話雖如此，此終簡單到題嘅食評係我鍾意嘅表達模式，加揷相片就更提高趣味性啦！買咗團購套餐，到期日係十月十曰，於是趕快訂位食咗佢先。好耐冇嚟Pizza Hut食嘢啦，仲記得以前佢嘅份量唔係好多，感覺上唔太抵食囉！今次一入到嚟，原來又裝修過，好靚好光猛，但d檯就稍窄，而且同隔離張檯太貼，完全冇哂私隱，基本上好似同搭檯冇分別咁囉！咁啱隔離檯個女人不停口不停口又大聲講嘢，成餐飯都比佢轟炸到死

好耐冇食過pizza hut，因為差唔多價有太多其他好ge選擇但因為突然心血來潮，就叫個夏威夷風光普通批薄批黎食熱辣辣～個pizza底好脆呀，尤其係個邊邊好脆d料都好足，個pizza邊邊唔會冇料好多mozarella cheese，好軟好香好好食，唔似某pizza店d cheese得個樣，咬落好似食緊d冇味ge膠質野咁有d肉同菠蘿咁，菠蘿酸酸甜甜又係好好食雖然唔正宗，但其實pizza hut d pizza都幾好食丫

十一月十九日 (星期一)是晚架架妹六時多回家，很早了，原來媽媽更早回到家呢不只，在回家的途中，還成了人肉速遞，帶了個薄餅回家，全家人都很雀躍架架妹與弟弟愛吃芝心批，尤其是這個超級夏威夷芝心批芝心批還是熱辣辣才好吃，凍了的，芝士會變得硬，難以入口幸好媽媽速遞回家的芝心批還是暖暖的，吃起來也頗滋味批面有菠蘿,火腿,辣肉腸及牛肉碎等，配料甚豐富辣肉腸較薄，質感香脆，又帶點鹹香老實說，Pizza Hut的薄餅，一點也不薄，怎樣也不可用薄來形容走的是美式的路線，實行以大堆頭,配料豐富來吸引食客以這價錢，無投訴了近期，Pizza Hut卻一改以往特色，首次推出意式手製薄餅今次賣的不再是大堆頭的貨色，款式分別有燒烤滋味,熱情貝拉及菲達之海三款未知味道如何呢?下次有機會來試試

係我中學年代，大埔 Pizza Hut 已紮根在此，細個時一個月總有一次幫襯。出到社會工作，見識多左、試既食物多左，就算對 Pizza Hut 抗拒，出品好難食。對上一次幫襯係 3 年前，再上一次都有十年前。但係 2012 年既 4 月另我刮目相看，某些出品令我讚不絕口 ﹗進步不少呢 ﹗女友好想食 Pizza，咁我就陪佢去 Pizza Hut 試吓啦，我一向都非常拒抗，以前食過真係好難食呀 ﹗由意粉、焗飯、小食到 Pizza 都好唔掂 ﹗已經 Black list 左，但見女友多次推介，試試無妨啦 ﹗門口接待既肥阿姐笑面迎人，好有熱誠地招待及帶位，連我都感受到，讚 ﹗其他男女侍應們服務態度都好好，滿意。細心睇左幾份 menu 之後，都有好多野想試試，不過我地只得兩個人，怕叫太多會浪費，咁就 order 住少少先啦，唔夠再加。依度客路都好街坊，踢拖、短褲、背心、波褲都唔出奇。好采隔離枱嘈喧巴閉既阿叔好快走左啫，咁就有餐安樂飯食吓喇，條友講每句說話大大聲，全餐廳都聽到，著到牛記笠記吹到生意有幾大得幾大 ﹗佢個細路仲係通道走上走落、著住鞋係梳化爬黎爬去，頂 ﹗ 熱情果蘆薈特飲，夠冰凍，淡淡既

為左唔想等位，就去食個early dinner喇~ 6:45pm去到居然連半疏化位都沒有了，暑假的pizza hut生意真好呢!叫左個歐陸二人晚餐B $162餐包括:1) 雜菜湯X 2湯夠熱，又多雜菜，GOOD~2) 大蝦鮮茄薄脆不夠熱的，但仍有少少脆口，有酸酸甜甜的車里茄+4隻蝦，都OK LA~3) 煙肉長通粉配松露忌廉醬夠哂熱辣辣，面頭有一片巨大的芝士片，要先吃，否則淋了就不好吃。煙肉大部份肥肉，對於最怕吃肥的我要把它愓走，有點麻煩。另外還有少量蘑菇，都幾好食~ 不過，我不知道松露廉醬有咩特別，我吃不出來啊!4) 卡邦尼雞肉蘑菇寛條麵太飽了，這個沒吃，外帶回家了。5) 餐飲凍檸水，平常的飲品，正正常常的。今次用了會員COUPON，星期一全單8折，兩人只是 $143，這個價錢沒有甚麼要求了。

下午茶在pizza hut ，因為唔餓，只是想飲下野，所以叫了兩個雪糕類下午茶。朱古力雪糕好明顯係牛奶公司出品，仲要溶左好多先上枱，失望。木槺oreo 雪糕，苦的oreo，又失望了。跟餐的兩杯飲品，一杯正正常常的凍檸檬茶，但另一杯凍朱古力就奇奇怪怪，苦苦的。

2011年大除夕晚吃的一餐，是2011年的最後一餐，總不能太隨便，正所謂好頭好尾嘛！ 跟E先生兩個人又不想去太遠的地方，所以就到了大埔廣場的Pizza Hut，話說回來我們兩人都有好幾年沒到Pizza Hut堂食了。 百事 $23當所有人都說Pizza Hut的特飲難喝的時候，還是喝汽水較好。意大利菜湯 $30比以往稀巴巴幾乎沒味道的進步了很多，不錯。 酥皮龍蝦湯 $44一貫水準，不過不失的味道。 俄羅斯沙律 $48以底層脆餅盛著大蝦薯仔沙律，吃起來較乾身，但整體味道不錯。 精選歐陸式小食拼盤 $58拼盤有蝦多士、酥脆雞棒、蝦春卷&薯格，小食脆口，油膩熱氣少不了，以蝦多士及蝦春卷最為好吃。海鮮意粉配蕃茄醬 $70蕃茄味香濃，餡料亦夠多，味道OK，唯賣相扣分。 金黃芝士批配鮮甜帶子 $266說是三重芝味誘惑，但其實芝味說不上是很重：扭紋批邊不香脆，批面車打 芝士不覺香濃，芝士粒是有的，但偏少，帶子亦偏細隻，且說不上鮮甜。整體只能說是合格，美味更談不上，收這個價錢，只能說是物非所值，以前那個芝士六重奏必勝批比這個要美味得多。

好耐冇食PIZZA HUT，因為印象中佢D野食麻麻地，想食PIZZA唔會諗起佢....成日響超級城搵食，食到悶，唯獨是冇食過PIZZA HUT...好，見你有新野，一於入去晚飯啦！雜菜湯︰咦？好濃喎，同我印象中GE"雜菜水"相差好遠，進步咗好多。帶子火山批︰呀！批邊D芝士好正，海鮮幾好味，蝦大大隻，魚唔腥！驚喜喎！豬仔骨配沙律︰OK，厚肉多汁。香蒜蜜糖焗薯條︰其實幾特別幾香口，可惜我唔鍾意蒜頭...特飲︰SORRY，唔記得你係乜，真係難飲到冇人有...友人一早提醒，話PIZZA HUT D野飲出名難飲...只係我見食物改善咗咁多，諗住野飲應該都OK....點知..... =_="特飲仲要加8蚊，早知叫可樂算數。好耐冇見，你進步咗。