Video
Opening Hours
Today
11:00 - 21:30
Mon - Thu
11:00 - 21:30
Fri - Sun
11:00 - 22:00
Above information is for reference only. Please check details with the restaurant.
同大家一樣, 隨時都會食 Pizza Hut~真係好想講Pizza Hut 真係好好, 真係好少咁好, 唔收附加費 都會肯送外賣嚟, 仲要外送嘅哥哥每次都係 勁友善 笑笑口, 毫無怨言~ 有時真係唔想郁, 唔想落去買自取…每次食到佢嘅外送速遞都好感動~ 住得偏遠嘅朋友一定會明白~ 超級至尊手藝批係近年最愛~ 即刻熱辣辣食好味、放涼咗食都仲可以 就算第二日 氣炸翻熱嚟食 (雖然, 近幾次會變咸咗啲, 但係自己加返啲芝士上去溝溝佢, 就會好味番曬!) 都好味呀~
continue reading
今日中午堂食。落餐難度再升級，不能簡單用相機scan, 一定要在app scan. 但app user interface 好差，每張枱都要問侍應如何落單😑今日食物勁鹹，至少係平日的1.5 倍咁鹹，好心通知侍應叫廚房留意，但侍應沒太大反應 。另外，Pizzahut 一直好差的是汽水，正價$35一小杯的汽水，沒氣的，非常flat 。原因是餐廳一早將汽水加入大jar 內，有客叫才倒入餐杯，非常差勁及不理顧客感受的安排 。同樣 己告知侍應但對方也沒什麼反應 。希望餐廳留意 。
continue reading
- 香檸蜜糖辣肉腸 ($79)揀咗大批 鬆厚批 貪平同貪得意試咗新口味 🫢檸檬皮好苦 要挑走去先食得🫢檸檬係唔落好過落🤣除咗檸檬係敗筆之外 其實味道係正常嘅 鍾意食厚批 有咬口- 辣味雞翼 8隻 (嗌pizza另加$40)呢個辣味雞翼改變咗我對pizzahut 辣味雞翼嘅壞印象 咁耐冇食 好似好味咗 微微辣 啱我食😋- 焗肉醬意粉 (牛肉) ($87)味道正正常常 兩個人食原來叫一個大批再加小食已經好夠飽🤰🏼後尾發現意粉叫多咗🫣飽到不要不要的
continue reading
本身諗住去食Pizza Hut嘅榴槤放題，點知去到店員話已經冇出，淨係可以單點，問佢幾時會出返佢話唔會再出，但我話你推廣寫去到7月10號而家先5號，佢話因為啲貨源唔夠放題，淨係可以單點，所以全線淨係頭幾日有得賣，之後都取消咗，我話但係你個日期寫去到10號㗎喎，然之後店員竟然話，唔係寫乜就係㗎嘛，佢話出咗廣告都唔代表有得賣㗎，態度極差
continue reading
近排榴槤當季！Pizza Hut新推出左榴槤新品既堂食放題！絕對係榴槤控既福音🥰作為其中一位絕對要去試吓啦🥰🌟【放題】 每人$129（連加一）=$141.9🌟放題係入座開始計起！最後15分鐘就會係最後加單時間～(⁎⁍̴̛ᴗ⁍̴̛⁎)個人覺得絕對夠時間食！加單既速度亦算正常！一開頭每人會有一碟頭盤（分別係千層蛋糕、麻糬同香濃卷）然後再俾紙仔order‼️1️⃣【三重口味榴槤迷你批】 （原價$89）呢個會等得比較耐！相信係即叫即整既！熱辣辣🔥趁熱食啱啱好～面頭芝士做到拉絲既效果😍榴槤份量都唔輸蝕！平均一塊有兩球榴槤+一層榴槤蓉！但係略嫌薄餅皮太厚（好快飽）麵包同榴槤&芝士既份量不成正比！2️⃣【貓山王雪香】 （原價$45）即係一球榴槤蓉+雲尼拿味既Hagendazs雪糕！呢個絕對係回本之選😆建議大家多嗌！3️⃣【貓山王麻糬】 （原價$64）頭盤入面我印象最深刻係呢個！榴槤蓉好滿～味道好足！但係與其話佢係麻糬🙈不如話佢係榴槤糯米糍🙈🙈食多左同樣比較漏！4️⃣【D24香濃卷】 （原價$49）類似pancake～有一層cream同一層榴槤蓉～感覺兩者比例差唔多！但係卷皮比較厚身 味道就正正常常🙊5️⃣【D24千層蛋糕】 （原價$49）千層蛋糕食落同樣會有榴槤味（但係相比之下唔係太出）cream極多！個人覺得好漏！真係食一個就夠曬了🥺溫馨提示🔔：大家想食可以去指定既28間分店！查吓你附近有冇提供呢個放題啦😙最後！個人覺得單食榴槤放題會有少少漏！🥹頭盤三樣嘢都大同小異！但係總括黎講質素唔差既 鍾意食榴槤既朋友可以試一次啊🤩📍Pizza Hut分店遍佈香港十八區🙈#榴槤 #榴槤控 #雪糕 #千層蛋糕 #放題 #甜品放題 #香港美食 #香港打卡 #香港美食指南 #香港美食日記 #foodie #hkfood #hkfoodie #hkfoodblogger #hkfoodlover #foodiehk #hkigfood #852food #hongkongfoodie #foodhk #pizza #pancake #durian #mongkok #hongkong
continue reading