Video
4-min walk from Exit A1, Tsim Sha Tsui / East Tsim Sha Tsui MTR Station
continue reading
Telephone
98626588
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
今日約咗網友尖沙咀交收，自己早到咗就到新港中心地庫美食廣場搵野食。見到其中一間西式快餐店，見多人排隊估應該吾差，就試下啦。雖然是繁忙時段，由排隊點餐到出餐都係幾分鐘，算快趣。我點的是黑椒牛扒意粉再加配粟米忌廉湯。先講餐湯，12蚊連法包超抵食。法包點湯食一流！牛扒水準超出美食廣場水平，嫩滑多汁。食咗少部分才記得拍照。吾使100蚊大大件抵食。隔離枱幾個客就應該係蕃茄濃湯意粉，食清湯都無應該都好得下，可以下次試埋。全場美食廣場就只有一間西餐：快煮意，吾會搵錯。
continue reading
今日路過尖沙咀，少少肚餓就行去新港中心地庫美食廣場揾野食。見到很多人都食扒飯，多口問其中一枱客邊度有售？佢指住"新開張"嗰一間就係。好快搵到，原來叫"快煮意"，咁當然即點牛扒飯。收銀美女推介"薯條"及"餐湯"。就按她建議多一份"薯條"。收到份扒飯，牛扒比我想像中大好多。按$79.00真係超值，仲好juicy。黑椒汁唔夠辣，明白冇完美，收貨。跟餐$16.00薯條係我最喜歡的粗身版本，I like it。少少後悔冇點埋餐湯。下次試下蕃茄濃湯意粉系列再比意見。
continue reading
周末同内地過黎朋友去尖沙咀買嘢，行到又熱又攰又餓近近地落新港中心楼下food court揾食, 勝在有冷氣可以慢慢坐回氣。睇左一陣有間新開叫‘快煮意’嘅西式快餐，但係啲嘢有啲特别又唔似茶記，咁就試下新嘢。我要咗個全肉嘅餐有牛扒，猪扒，炸鸡连炸薯條（唔要薯條好似有其他選擇）99蚊，另外加咗幾蚊要碗香草玉米湯。Overall份量同味道都唔錯，薯條剛炸好又熱又大條，好食。個湯雖然簡單但加咗香草就好香成個唔同晒。朋友就要蕃茄濃湯海鲜意粉，佢話個蕃茄湯好好味，份量用料亦足，抵食。見佢餐牌嘅價錢，同食物水平，喺尖沙咀應該算高性價比。係可以再翻食嘅簡單選擇。PS. 有個慢煮鳮肉沙律好似好得，個friend話下次要試。
continue reading
昨日星期日(2023-06-04)因有要事同朋友出去尖沙咀，做完要事大約7:00pm，當然要食野，但聽日返工要早起，諗住求其食就算，就走入新港中心 food court 食完就走，入到去兜咗過圈見到一間叫快煮意既鋪，望多眼話係sell意大利食品，見到D相 ok 就揀呢間，個 friend 無乜主見，跟我一齊，其中一個原來同我一樣睇中個牛扒餐，最後兩個食肉獸叫埋一樣。我地個牛扒餐塊牛扒唔算薄喎，應該即煎，幾香口，好味，唔韌，個黑椒汁辣D就仲好，薯條即炸！好耐無食過熱辣辣外脆內軟既薯條，唔似 m 記嗰D。個粟米湯唔跟餐，另加，但估唔到落咗香草，成碗湯唔同哂，有一種清香感，一飲就知。個餐加埋湯一百蚊多D，如果我嗰度返工，我會經常返食，試埋其他食品，下次經過都要再試
continue reading
天氣太熱，選擇留有商場食lunch。剛巧大食代有新餐廳開業，看看餐牌，見到有豬扒番茄湯螺絲粉，湯粉正適合炎熱夏天，一於點這個。吃一口，很濃的番茄味，很開胃，正。豬扒煎得很香，厚度適中，不錯。份量對一般女士稍為大碗了一點，但因為是湯粉，吃著吃著，不覺意就吃光了。男士如果不夠飽，可以考慮加小食。下次可以試吓白酒蜆肉意粉，偷吃了一口同事的，很香蒜香味，蜆肉比其他餐廳多一倍，抵。留意到這間餐廳的餐具是全新的（跟其他餐廳不同），誠意十足。吃了一半才想起影相。
continue reading