南豐小廚雞煲火鍋 (Closed)

［📍旺角｜南豐小廚雞煲火鍋］呢間係一間家庭式既老舖頭呢到有好多唔同款式既火鍋湯底比大家選擇今次我地試左黃酒雞鍋 雞件非常足秤湯底清清地 碌野食之前飲翻碗 即刻暖笠笠 冬天無得頂呢到既火鍋配料 大部分都非常新鮮價錢亦都非常合理 係一間好有人情味既舖頭果然老舖頭係信心既保證

之前同事吹雞嚟食宵夜，就對個黃酒雞念念不忘，經openrice訂枱，個雞煲有半價，真係非常之抵食。黃酒雞，濃郁既湯底，一打開已經聞到酒香同藥材香，份全雞好乾淨企理，小店處理食材好好，店員亦都幫手落雞及話你知煮幾耐，雞肉唔會老，有誠意細心-加分！個湯張相係浸完全部雞先影，所以全部都係雞油，但淥其他食材落去又唔係好覺。鯪魚球必食！鯪魚球加在檸檬葉，好清香好夾，彈牙夠味好食。另外幾款手打丸類上次都食過，樣樣都唔錯，水準以上安格斯牛肉二百幾蚊碟，雖然都係雪藏牛小排，亦都可以，但如果你係牛魔王對牛肉好有要求，呢款就滿足唔到你，建議試其他種類牛肉。有牛坑腩，見到隔離枱嗌左份，一定要試試！其他配料，雲吞，魚皮餃，魚腐，豬膶等等，全部都幾好。酸薑皮蛋普普通通，嗌嚟飲啤酒送下口都幾過癮，大甜大酸。果杯巨無霸檸檬茶真係解渴之選總括食材ok，價錢合理，小炒炸物椒鹽等等都水準之上。推介！！唯一挑剔就係個場比較舊。

朋友介紹依間食雞煲，火鍋唔錯我哋五個人叫咗《黃油雞煲》首先個湯底係溫補食材這款雞煲加入黃雞，加上紅棗和杞子補氣血又不會過份進補再加上暖身的黃酒去煮，既保暖又補身最正係《美國桶蠔》啲桶蠔大大隻食落真係好有質感而家講完已經好想再食😋😋😋仲有《安格斯牛》$2xx都幾大碟😍😍份量都唔細🥰讚讚手切雪花安格斯🐮份量足而且有牛味！仲有叫咗花甲同埋桂花蚌冇影到相，但係都好好味的佢嘅啤酒🍻性價比好高，$28一大支好大大杯檸樂卡可樂啊鹹檸七都可以揀

黃酒雞煲🥃🐔打開蓋有一陣黃酒香氣撲鼻😌雞係入味同嫩滑酒味同藥材味食起上黎無聞咁濃郁🥲食完雞煲再打邊爐, 仲有大大杯檸檬茶🍹爽呀！大力推介：手切雪花安格斯🐮份量足而且有牛味，正呀！👍🏼薯仔片🥔薯仔吸左湯底既酒味真係十分出色自從朋友介紹左薯仔打邊爐後，一試就入坑了🤤不建議：響鈴有油味，不了😵‍💫🙅🏼‍♀️整體🌟餐廳係茶記嘅格局，可以雞煲打邊爐同埋食小菜見到隔離台叫既蠔餅都好似唔錯空間唔會好大，但冷氣夠既即使３台一齊打緊邊爐都唔會好焗❄️不過同隔離台真係好近，傾計要嗌破口喉先聽到了 👂🏼侍應叔叔好熱心❣️亦好有禮貌雞煲黎到佢會幫忙落雞，如果自己黎會非常危險⚠️呢Ｄ危險動作都係等番經驗人士黎啦

上次同朋友嚟南豐小廚食黃酒雞煲後念念不忘～（上次都有打食評，有興趣就可以睇返）點解又打多次食評呢？因為我真係好鍾意呢間小店呀～今次專登帶埋另一位朋友一行5人嚟食，等佢感受下打邊爐嘅態度打邊爐唔係代表一穫熟呀～每次必嗌黃酒雞煲每人都飲完2碗湯食哂啲雞先開始打邊爐湯底正，雞嫩滑，份量足 等食期間伙記叔叔話啱啱炆好牛腩醒我哋食本身我係好少食牛腩，因為普遍都係太淋無咬口 又或者太韌咬唔爛但呢碟牛腩我好愛！又香，肉質唔會過淋，軟硬肥瘦都好適中，點解可以咁正！？牛柏葉，豬肚，皇帝菜另外嗌咗兩碟牛，貴紀蚌，准山，萵筍，等等不過掛住食唔記得咗影相食材同上次食一樣新鮮～巨無霸檸檬梳打，勁大杯今次朋友食完都一致好評，伙記好似朋友咁，仲話以後打邊爐就約實嚟呢間，好開心朋友都同我一樣欣賞呢間小店

餐廳係大排檔嘅格局，冷氣足，可以雞煲打邊爐，或鑊氣小炒，朋友食過一次，介紹我一齊食。侍應係兩位叔叔，非常之熱情，好落力咁介紹啲材料同埋食法，我哋選擇叫咗個滋補黃酒雞煲，叔叔教我哋點樣去控制個時間，雞好嫩滑，好入味，黃酒味重，藥材用料十足，滋補對女人好，但加上打邊爐，對我就太熱氣。呢度嘅飲品係珍寶級數，好正，打邊爐對液體嘅需求係好龐大。「鮮醉雞子」$62雞子好鮮，但唔醉，用料上乘。「牛骨髓」$98我係第一次食牛骨髓，口感正，有豐富嘅蛋白質，補鈣都一流。「萵筍」$42份量就比較少，但勝在好新鮮。「爽脆鮮魷 」$72鮮魷非常雪白，滑溜，新鮮貨。「蓮藕片」$32口感介乎於粉與爽之間，好食。「自家製手打三寶丸」$68墨魚，蝦，鯪魚既丸，各兩粒，爽口彈牙，鮮味十足，好滿意。肥牛色澤唔錯，脂肪比例幾好，美中不足係略嫌牛味有啲唔夠。三個女仔食，埋單每人 $310 ☺️覺得性價比都算高，啲嘢新鮮，而且叔叔既服務態度和藹親切。

已經第二次嚟食黃酒雞煲喇！上一次同班朋友食完覺得好正，所以今次友人問食咩好，就推薦咗呢間～一去到梗係嗌咗雞煲先😁鋪頭靚仔幫我哋落雞件同黃酒，預啱時間一打開蓋陣陣黃酒香氣撲鼻☺️☺️聞到流哂口水🤤🤤黃酒雞煲其實好補㗎，所以我飲咗2碗湯先😋放心少少酒唔會醉😂雞件熟度都剛剛好，半隻雞唔夠喉🙈 下次叫返1隻！其餘打邊爐配料係正常發揮～自己同朋友都特別鍾意黃酒雞子，好食😁同埋巨無霸飲品勁大杯😂食哂成餐都飲唔哂～總括來說呢一定會再去食呀！！❤️

十一點幾收工嘅時候周圍行下睇下有咩宵夜食， 喺旺角做咗好幾年嘢都未試過呢間雞煲 咁就畀個機會佢啦， 入到去坐低 同個姨姨叫咗個bb辣雞煲 嘩一嚟到嘅時候 我哋好肯定唔係bb辣 想搵個人加水冇咁辣都等咗好耐先有人， 叫咗支啤酒，幾隻水杯 問佢攞個熱水，洗完之後 再用紙巾抹， 玻璃杯竟然有啡色嘅污漬擦到出嚟 😭😭 真心好恐怖， 老實講嘢食好唔好食 都見仁見智，清潔衛生呢方面，真係要改善下， 我哋叫完個雞煲 見到個環境咁衛生咁都冇胃口再食落去。

近排太子旺角生意麻麻，我哋星期六一行三人決定去撐小店去到黑布街好多野食呀。。最後我哋決定食雞煲！呢度店員好溫馨，好似去左親戚屋企打邊爐甘（真係想叫埋佢地一齊食！）好耐冇番過屋企食飯既朋友可以去呢度差下電呀忍唔住試埋生炒排骨，真係即炒架喎🤩必食推介：魚腐，生炒排骨，一定要叫喔！

公司同事慶生，同事就近搵咗南豐小廚雞煲提早一日預留訂枱。去到鋪面不大，不過侍應好好安排樓上位置比我地。象拔蚌刺身，爽口彈牙夠新鮮，厚度適中唔會太薄有口感，需要提早預訂。胡椒豬肚雞煲，胡椒香氣十足。對我略為偏辣。牛肉片值得推介，口感好軟身，牛味夠重。桶蠔，新鮮大隻，但份量太小一桶只得4隻。桂花蚌份量少，一般貨色。

麻辣雞煲和胡椒豬肚雞煲湯底，雞肉嫩滑， 個人較喜歡胡椒豬肚雞煲，既可食又可飲湯，美中不足是豬肚太少。象拔蚌刺身很新鮮，肉類款式有很多選擇，有豬、牛、羊和雞，分量頗多。略嫌地方淺窄些，空調不夠涼快和通風，令人越吃越熱。 但值得一提是飲品夠大杯，整晚飲一杯便足夠了。

朋友難得約見面想揾間座得耐既餐廳，結果揾左哩度原來係食雞煲喎。我地嗌左一隻雞煲，都okay 既，不過雞肉有啲鞋既食完雞煲就嗌野食打邊鑪啦，嗌左「手切牛肉」「鳳城水餃」「芝士腸」豬潤，「手打牛丸」「手打墨魚丸」，午餐肉等等。再一人一茶大檸茶不過哩度既配菜唔多新鮮，最好食既係「手切牛肉」，有牛味，肥瘦適中！手打牛丸都okay 既😊😊手打墨丸都正常既。。。其他配菜就好唔精神了，豬潤淥極都好似淤紅色咁既芝士腸就有兩隻色，問嗰老闆點解有兩隻色啦，老闆又好老實答話雪得耐呀應該，水餃🥟啲咸唔新鮮，尤魚我無食，牛餐肉正正常常。。。

本來無打算寫食評，所以一開頭都無影相。朋友介紹黎試呢間雞煲，話平靚正！雞煲半價又真係平既，唔洗$100就有半隻雞，我都無特別要求太高。我地當晚係叫咗四川麻辣雞煲（中辣），點知都係得BB辣，完全無麻，而且係超級多油。當時係一個姨姨招呼4-5枱客人，有無服務可想而知！炸響鈴🤢浸完湯食落口係硬既，竟然唔係脆！我諗住浸耐少少食淋身d，點知中間個心都係硬既！（明顯係無炸起，而炸既油溫亦未夠）失望😞水餃🥴佢皮厚又細隻都算喇！食落去竟然是甜甜地既一陣怪味，差！（餡料調味有問題）蝦丸如圖所見好大粒，見到都好期待，通常手打丸都應該唔會太差既，但大粒未必好，好難熟，滾好耐都未熟透，咬落去口感好粉感，完全無彈性。明顯蝦膠係無打過仲有我無影相既$48午餐肉亦都是非常粉的口感，我地都明白一定都係比平野你食架喇！但無預過質素可以比預期低。以上我地叫4個火鍋料，午餐肉勉強清咗，其他三樣我影相既就全部都是剩下無食

之前食過小菜覺得唔錯,今次試下火鍋叫左肥牛,牛柳粒,牛坑腩,三寶丸,桶蠔,帶子,鮮魷,即炸響鈴。。。。價錢比一般的高少少,份量亦比一般的少啲,但質素比一般的高好多,海鮮幾新鮮,牛的質素亦好,下次一定再去

一大班人食乜好？一定係雞煲或者打邊爐啦，又多款式又可以坐耐d吹下水，朋友介紹呢間雞煲，就試一試佢成十個人，一個雞煲一定唔夠食啦，所以叫咗兩個煲，一個辣一個唔辣，照顧曬大家需要😎點知食得辣嘅朋友話兩個都唔辣，所以叫老闆拎咗d辣醬加入去就咁食d雞都還好，放響玲同魚皮落去，響玲同魚皮咸到不得了🤢🤢（因於太肚餓，冇影到響玲同魚皮，響玲似係自己炸，好脆但好油，魚皮都好脆口👍🏼👍🏼）另外叫咗幾款小食，炸蝦餅同雞軟骨好香口，忍唔住食咗好多。鮮魷同小炒皇就普通貨色，小炒皇d蝦乾又係咸到不得了另外叫咗好多款火鍋配料，珊瑚蚌比較好，好爽口，墨魚丸同蝦丸好大粒，其他冇乜驚喜食物普遍好咸，比較重口味，唔怪得野飲都特別大杯，有朋友飲咗兩杯😂😂