Video
2-min walk from Exit E2, Mong Kok MTR Station
continue reading
Opening Hours
Mon - Sun
08:00 - 17:00
18:00 - 02:30
Above information is for reference only. Please check details with the restaurant.
成班師兄弟妹參加完活動之後就玩即興， 成班人衝上去呢間喺雞煲界又隱蔽又出名嘅寶寶雞煲。好彩嗰日唔係太多人仲有位畀到我哋，就真係要 thank 嗰度職員啲安排，佢哋服務好好。打邊爐同埋食雞煲最重要就係一大班人嚟食，就係咁樣先至夠氣氛夠開心，嗰晚我哋叫咗好多嘢食，牛肉、丸類、蔬菜、羊肉、豬肉、豬腰、豬潤，總之大路嘅嘢我哋都叫咗嚟食， 但係呢啲都係唔係我想講或者介紹嘅嘢。我重點要講嘅就係呢度嘅招牌雞煲，呢度個鷄煲對味道好特別，唔係特別麻辣嗰一種四川嘢成都嗰啲咁嘅味道， 相反呢度啲雞煲辣得你係甜甜地咁樣，覺得就係好似就連細路哥都可以食得到，老人家食咗都唔會覺得燥熱，好特別嘅一個雞煲，雞肉又入味又夠滑，味道又甜又辣又鹹，真係食極都唔夠。有時轉下新口味都唔錯，唔係一定下下都麻辣要標曬汗先過癮嘅。
continue reading
一班朋友出去食飯最好就係食雞煲，旺角當然係首選啦，方便到咁多位大大呀嘛，係open rice 見到依間一於去試下啦。樓上鋪係有啲難搵，但大家食完都讚不絕口，值得行條樓梯上去，仲可以係open rice 訂位，非常方便。服務態度方面，真係一流，無切餅費，仲幫我地執好張枱先拎個蛋糕俾我地。食物方面，我地叫左招牌咳咳雞煲，係乾煲，好好味，每舊雞都炒到好乾身，非常惹味，仲有因為係乾，加湯打邊爐時亦唔想辣，啱唒有啲人食辣有啲人又唔食得辣，但鍾意食雞汁打邊爐既就要擇另一款雞煲。極推魚皮同響鈴，即叫即整，就咁食都已經好香脆可口。椒鹽粟米，我就覺得嫲嫲冇乜特別脆鯇唔錯野飲大大杯，抵飲
continue reading
已經好耐無食過雞煲啦~今次就約左幾個朋友一齊黎食~我地7點鐘到黎到 唔洗等位嗌左個醉雞湯底 ~ 個陣味好正呀! 真係超過推介同埋依個最特別既一定係佢啤酒杯裝既凍檸荼雖然都要四十幾 但真係好大杯 為番條數就差唔多啦~
continue reading
今天我地幾條某利齊齊找野食，由於我地食左成個星期既辣野，今天吾想再食辣，加上有個貪靚鬼怕出暗瘡介食辣，所以叫左個微辣既雞煲食左先，一路等果D遲到既大爺。先來個響鈴及炸魚皮(都脆口既)，喜歡當小食食又得，喜歡十下十下又得;跟住上雲吞及午餐肉(無論以前或現在我都不喜歡，不知為何現在變左人地必食之選，當然我係吾會阻止他們吃的);由於我地今日食微辣，加上加過一次滾水，已經同吾辣無分別，之後有個姐姐經過，見到無乜湯，直接拿壺野加落去，問都無問直接加，仲要係加滿甘濟，當我們見到係辣湯已經太遲🙄佢見到我地"啊"一聲，都呆左一下，跟著講"D湯都吾係好辣既"😑都加左羅咪唯有繼續食，你話吾辣？你話姐，其實都幾辣嫁，因為我地食竹笙同灼菜，吸晒D辣汁，比起平時我地係ok既，但今天我地有個貪靚者，之後我們 "畢"起啲湯，叫另外個樓面加水，個姐姐聽到(雖然佢有承認佢加錯湯，亦有叫個樓面拿起我們個煲去倒左D湯，再換過，但D語氣同D西口组既面孔，就算里一刻，佢做到幾完美都好，都令到 人地吾舒服)🙄當然無換到湯，但貪靚大爺無 再食過野都好既，佢食少D，我地又可以夾少D money:不過就算個姐姐幾西口都好，都要讚一讚間舖個冰鎮秋葵，顏色好靚，望落去好新鮮，冰得嚟又爽口;牛肉都吾差
continue reading
幾好坐又靜，成班gathering唔錯。有人介紹醉雞煲，可惜唔夠酒味，早知食雞煲算！叫左個醉雞肝，呢個就正，好入味又爽口，必食！呢到好多特別部份食，我就唔係太頂得順，但係我有個朋友乜都試，可能因為咁令我反胃。Anyways, 醉雞肝勁正！
continue reading