寶城餅店 (教育路)

Open Now

Now Closed

前排睇到食評先知道寶城蛋撻咁多人讚…成日都買佢地既麵包,但都冇買過蛋撻,所以今日經過要買番屋企同家人一齊分享~買5隻可以有盒~$2/隻,好抵食~唔係岩岩出爐~但仍然係暖~搭完車拎到返去都仍然暖暖地~而且一隻都冇整爛到…呀爸先試…太甜~我就覺得蛋芯好滑,好有蛋香,但好似得好少蛋液~薄薄的...牛油蛋撻皮超甜,好似d糖未溶晒仲o係個撻入面咁,仍有進步既空間, 少fd糖同物埋可以做得再脆d. 比較起我食過覺得好味既蛋撻都係紅磡-漢堡餅店同上環既加利年餅店..

與食友們食飯就食得多，一齊行山還是第一次，抱著興奮又期待的心情準時到達元朗站等候大家。出發前有食友更送上蛋撻和老婆餅打底，萬分感動。迷你老婆餅是恆香出品，暫不在此文評論；而蛋撻則是食友讚好的寶城出品。好日都唔入下元朗既我，當然未嚐過這極品。淨係睇蛋漿在 『浪下浪下』，已經好想食。應該是剛出爐不久，入口仍是熱燙燙的，很正斗。蛋漿軟滑，蛋汁豐盈，牛油皮既香口又鬆化。因太鬆化既關係，有食友更不慎把撻皮掉在地上，要勞煩清潔嬸嬸去打掃。一打蛋撻，肯定難唔到大家，三兩下手勢就把它幹掉。吃飽飽再出發，最合適不過。再次多謝食友的細心安排。

出發前Yan買了一打蛋撻給大家打打抵，是她極功推介的寶城出品。熱辣燙口，還感受到出爐時香氣，不過剛剛新鮮出爐的，一定會滋味非常。搖搖欲墜的蛋漿如燉蛋般香甜軟，蛋汁在口中溶化；牛油皮甘香鬆化，一咬下後餅屑鬆得四散。12個很快給我們消滅一空，有機會還要試試Yan另一推介的菠蘿包。

去千色途中經過寶城, 剛剛有腸仔包出鑪, 呀姐又勁sell, 難得新鮮出鑪, 就俾面買了一個, 忍不住一路行一路食, 面包算軟熟, 好熱辣辣, 腸仔就一般啦, 但$3.5買一個新鮮面包已很好的了.

柴娃娃走到街上~為食之過也~~元朗出名粉麵多~皆因此等運輸行業繁盛之地當然不能缺少飽肚給予正能量的粉粉麵麵~街頭小吃就成了閒來一吃的小品~在千色廣場對面的餅店~門前行人熙來攘往~在元朗成長的二十多年來都不曾停下來一嚐此店的包餅~因為怕極了那些大十字路口的煙塵~但見好友都相繼介紹這裡的蛋撻~甚至北上前都要來一趟~就知道不能走寶~結果八九人就站在店前呼著冷空氣中的縷縷白煙等了又等~呀姨交帶新鮮的蛋撻要等五分鐘~結果等了兩個五分鐘~haha~但見到除了一系列賀年炸物受歡迎之外~家常的小蛋糕和包點都很快清盤蛋撻一出爐~爭崩頭的上前~因為大家都得以保留胃納~多分半來吃~就要了半打~~見鐵盤中漲卜卜的蛋漿~已經忍不了~加上呀姨們的超強耐熱手~不消三兩秒就把小鐵模換上紙模~好熱啊~~蛋撻是傳統的牛油曲奇皮~可能是因為熱騰騰的關係~水氣還未有足夠時間化開就被我們鯨吞了~所以撻皮顯得有點過軟~但相信這只是我們心急之過~隨手抖著抖著的蛋漿才是精髓~~吃罷才得悉~原來每個蛋撻才$2~真的無話可說~難怪眾人愛死您~haha

蛋撻食到悶悶地, 試吓寶城嘅椰撻係唔係同蛋撻一樣咁好味先?答案係味道一般並沒有驚喜, 平平實實的一個椰撻如果蛋撻和椰撻放在我的面前, 還是選擇較驚喜的蛋撻好了

元朗驚艷的小食，還有寶城的蛋撻。第一次吃到半溶軟滑、會晃動的蛋芯，暖暖的溶在口中，蛋香久久不會化去。入牛油香的曲奇撻皮又頗合我心意，個人覺得比油滯的酥皮更出色。雖然是間鮮有人知的小鋪子，其出品的蛋撻就真是令人一試愛上，忘不了了。又要謝過Yan這位超級美食向導，當然還有Lung，因為時間緊迫幫我們買了蛋撻，就算不是剛出爐，也已經食得心滿意足了

老公睇咗昨日我寫嘅泰昌蛋撻食評, 知我好想試寶城蛋撻, 今日特意車我出元朗買, 好感動呀, 多謝老公去到剛剛賣晒, 亞姐話好快會出爐, 叫我哋兩分鐘後返嚟, 兩分鐘後果然真係有,而且仲賣咗幾個,去貨速度真快蛋撻新鮮出爐熱辣辣, 牛油曲奇皮香脆, 蛋芯漲卜卜, 睇見都心花怒放, 即使拎返屋企凍了都依然好味, 最難得係$2.0個有咁高質數, 又真係比$3.8一個嘅泰昌蛋撻高班, 對唔住呀泰昌, 我要移情別戀喇

近來接待了幾位來元朗的朋友。首先例牌會去著名的恆老餅家朝聖。老婆餅即食的確好吃，也適合當手信；但其實鮮有人知道：也在附近不遠的寶城餅家，所出品的蛋撻也是難得的人間美味!　　豐盛還會抖動的蛋芯，香甜滑溜兼有之，外層薄薄的撻皮做得輕且香，愛曲奇皮者必定愛上，個人認為水準比泰昌總店還高一班。老婆餅吃多了都會膩，但新鮮出爐的寶城蛋撻，真的是白吃不厭，見一次吃一次的!　　寫這篇食評也有點掙扎，因為寶城蛋撻定價還十分便宜才$2個，也有擔心出名後不會身價數倍。不過好東西還是值得分享的，經開元朗的朋友，特別是蛋撻迷，記得也來一試呀!除了蛋撻，也十分推介新鮮出爐的菠蘿包，另外要留意寶城共有三間分店，只有這間流量大、出品新鮮、味道最好，各位要醒目啦!　

次次行過寶城都會買黎食 以前最少買6蚊 而家最少買7蚊~不過我always買10蚊~好味道~~~d牛油味好香

本人是面包痴，凡經過BAKERY，都會停下來看看有否新鮮出爐面包。特別對舊式餅店情有獨鐘，因為價廉物美，好有童年感覺。其中聯和墟「協香」最令人回味。今天來到元朗，舊式餅店同圍都是，經過寶城餅店，看見竟然有法包買，便買了一條，只售八元。法包無論內外都好軟身，似乎不太合格，個人認為外面硬身和脆、但內裡是軟的才好吃喔。但不打緊吧，味道還是沒差，只是質感不同了而已。黃糖蒸糕($5)：這個是店鋪亞姐極力推介，外形有點像馬拉糕，但味道和口感就大大不同了。味道不會太甜，煙煙軔軔的，好有媽媽做的糕點的感覺，好味，當下午茶也很好，吃後不會太飽!!!我和媽媽一人一半，她也讚好味，同時做得很正宗雖然法包不合格，但這個傳統蒸糕加了分，加上我很喜歡這類舊式餅店，要繼續支持，所以給笑臉作鼓勵

大大件既芒果燸米滋，裏面好多鮮芒果，$2.5 一粒又唔貴，可以一試！

外表幾好~入面係黑森林~幾鬆軟dstrawberry酸左d~但噤既價$ 好抵食

呢間o野賣o既馬仔,$10得果七件太貴啦! 蛋散仲誇...人地交貨俾佢之嘛! 由上年年頭$10兩件,賣到而家$14兩件,而$20先得果三件。就係因為佢個位旺,而o的蛋散又ok好食,所以唔憂做兩年唔夠加兩次價。【馬仔】而家我買馬仔,會去佢(寶城)附近...近大棠熟食亭對面,文記家品隔離果間麵包餅店買,$10元八包馬仔,一樣都係果間廠家交貨,味道包裝一樣。【蛋散】我會去近裕景坊及大馬路Citibank條巷仔,有間專賣蛋卷o既細鋪頭買,雖然價格都係一樣,賣$20元三包蛋散,但起碼佢呢兩年都係呢個價,所以我like 幫襯佢,而且佢o既蛋卷我敢講,係元朗最老字號最好味。【麵包】我會幫襯壽富街33號好利樓N鋪地下(大橋街市側),雞尾及菠蘿包新鮮現場出爐,大隻過都係賣$1元一隻。

黄昏時間,放工經過此店,一盤熱辣辣的腿蛋飽剛出爐,忍唔住買咗個, WOW!個皮重脆脆地, 好熱辣辣,從來都未食過咁好味既腿蛋飽..Yummy!