浦井韓食居酒屋 (Closed)

星期五晚上，約了朋友睇戲和食韓燒，<浦井>新開張不久，決定一試。餐廳的裝潢充斥韓國色彩，環境寬敞舒適，大伙兒圍爐而食，感覺温暖而熱閙。椅子的設計貼心，打開坐墊，可以放入私人物品。原祖蜜糖醬炸雞(全份) $168蜜糖醬炸雞(全份)一共8件，有2件雞脾、雞全翼及雞塊，賣相使人垂涎! 為了讓口感保持最佳效果，我們要求蜜糖醬另上，清楚看到雞皮炸至金黃酥脆，新鮮熱辣，即使帶了膠手套，仍然十分熱燙! 雞腿的脆漿薄而香脆，內裡的雞肉嫰滑多汁，外脆內軟的口感令人心醉! 蜜糖醬濃稠、蜜甜，完美的沾滿整隻雞翼，入口啖啖甜香，混合了雞肉的鮮嫰肉汁，惹味之餘，令人欲罷不能! 雞塊下還有脆卜卜的薯條，薯味十足，沾上蜜糖醬，盡是滋味，雞脾薯條必然是絕配。上牛烤 $88上牛烤的賣相豐富，有牛小排、肉眼、牛立方、牛舌、腹胸肉；伴菜有冬菇、紅蘿蔔、翠玉瓜、青瓜及生菜等，營養均衡。我們先吃窩邊蛋，熱燙滑溜，十分美味，再燒牛小排，薄切而牛脂豐潤，展開滋味開端。在旁的紅蘿蔔片，吸收了牛肉的油香，更是香甜清新。然後是燒牛舌、肉眼及腹胸肉，牛舌質感彈性，滋味而富嚼勁；肉眼及腹胸肉牛味更出眾，肉質肥美，包在翠綠的生

同朋友睇完戲,決定到附近食下韓燒~浦井韓食居酒屋當晚餐。 店裝潢好有街頭韓風韓燒埸, 好RAW好正, 並播著韓歌及韓國综藝節目,好似置身於韓國之中。* * * 先來小食 【柚子蜜餞凍蕃茄】$ 32 店員推介咪點了, 是冷盤, 味道幾特別, 食落多酸少甜味,都幾似益力多味,開胃十足。 * * * happy hour 【原祖炸雞】選蜜糖醬 半份 包2杯特飲品 /生啤 $138 原祖炸雞配蜜糖醬 ~ 炸雞的炸粉外皮不厚, 食到外脆肉嫩,足啖啖肉,已沾上甜甜味蜜糖醬令味道更為豐富。* 飲品點了【蜜桃沙冰 及 Somersby Apple Cide】 蜜桃沙冰~好清甜沙冰,有滿滿的蜜桃味, 好消暑,好好飲添。Somersby Apple Cide~好有Refreshing感覺的有氣蘋果酒, 沒有啤酒苦苦澀澀味。* * * 【上牛烤】 288 愛食牛不能錯過依款上牛烤,一次試足幾款牛不同部份鮮味,有小牛排,肉眼,牛肩脊,腹胸肉及牛舌, 配有蔬菜呢!燒小牛排約6-7成,口感好軟嫩,具濃郁牛味;腹胸肉油花十足,燒至微焦時脂肪爽口肉又夠香;薄薄牛舌燒起來很有嚼勁彈性,多款牛能滋味越濃厚,在

韓國燒肉店的特色,坐下之後,餐牌的食物款式也挺多的,我們最後叫了:浦井沙律($88)前菜是本店的特色沙律,本來它是軟殼蟹+三文魚的，但當日店員告知當天這道菜改成了燒吞拿魚和蟹棒，上到來之后肥美的燒吞拿魚吸引眼球，食落有陣陣火脊味，不錯，而且沙律的醬汁是開胃可口的柚子醋，不錯的前菜。蜜糖醬炸雞(全份$168)真心說這個蜜糖炸雞，在香港現在標榜自己主打韓國炸雞的韓式餐廳中，這裡的炸雞可以秒殺很多間！！！無錯，系秒殺！試過你就知，距個炸雞炸得表面香脆之餘，不厚的炸粉之下，雞肉依然熱辣辣有肉汁，而且肉質嫩滑！而距個蜜糖汁非常香濃，但講真，一切好味其實最重要真的是個雞本來炸得好，所以真的滿分推薦！非常有興趣試埋其他口味！！芝士蛋醬鐵鍋飯($78)店員會貼心地幫我們撈勻成個鐵鍋飯，上面有特別的韓式醬汁和芝士，雞蛋撈埋之後，香氣撲鼻，幾吸引，我老爸就非常喜歡呢個飯啦，我自己都覺得幾唔錯，而且份量都幾多，唔錯，系一道老少咸宜的飯。八道水冷麵($75)食韓國野當然要叫水冷麵啦，個人好喜歡水冷麵果種面質，呢度ge水冷麵都做得幾好，面質keep到果種該有的彈牙，而且距呢個八道水冷麵用料都幾豐富，有厚厚的大大

想食韓燒好耐，見今日終於約得齊人就嚟呢間試吓，就嚟行近門口已經聞到好勁燒肉味入到去都幾大，有好多張韓燒枱，好彩我哋7點左右嚟到唔駛等位。我哋張枱就喺廚房窗口隔離，但係一d油煙味都冇由於朋友都係食肉獸嘅關係，我哋就點咗人參燉雞，蟹棒吞拿魚配沙律菜同兩盤都係肉多嘅燒肉。我哋嘅燒爐分別有泡菜蛋，淨蛋同埋粟米芝士(加$20)，泡菜蛋最快熟，辣辣哋有蛋中和吓唔錯佢哋嘅人參燉雞都幾大兜，人參味唔係超級濃啱我，個底仲有好多飯，煮耐d就變咗粥好暖胃吞拿魚沙律菜加埋d酸酸哋嘅dressing都幾開胃，d菜都好新鮮冇霉味呢度就係我哋嘅兩盤燒肉!! 超巨型，因為我哋成日食韓燒次次都食唔飽諗住今次叫兩盤。都幾抵食，每盤$300都唔駛肉嘅陣容都好豐富，有4款唔同部位嘅牛肉，牛舌，豬腩肉，豬仔脾同埋半隻雞! 店員都好細心同我哋講邊款肉大概燒幾耐整體來說 isquare 裏面 這間韓燒 真是 大件 夾抵食 而且 味道也是挺好的

真係好開心識左多年既朋友黎香港探我咁梗係要約食飯啦 我地早兩日係isquare 睇完戲後直接係依個商場度食埋飯想食韓菜又唔想食燒肉好彩有熟食叫浦井沙律 $88 有沙律菜、黃椒之餘還有外有芝麻輕輕煎過的吞拿魚及蟹棒用甜甜酸酸的醬拌勻，好開胃芝士蛋醬鐵鍋飯 $78用了可拉絲果種芝士芝士味道唔算太膩與蛋醬、椒粒、飯等拌勻後啖啖都有陣芝士味，好惹味雙拼原祖炸雞 $148兩個女生密密傾梗係要食番個炸雞啦我地點左雙拼可以試唔同味點左蜜糖醬炸雞和芥末味炸雞蜜糖醬甜甜的，芥末就有少少嗆鼻，不過可接受既兩者都好好味，總之叫多少少份量紅莓雪糕牛角酥 $68最後都係唔夠喉，食埋甜品本來想食雪花冰，岩岩好無貨點左依個牛角酥牛角包配雪糕一齊食味道好夾上面有果仁碎及紅莓醬，增加口感整體都不錯，下次食佢既燒肉先

其實我有時都幾鍾意約朋友去isquare 食飯，貪佢痴住地鐵站嘛除咗方便外，就算落雨都唔怕淋濕，呢吓最正！見呢排成日落雨，所以我最後又約咗朋友去isquare 食飯由於朋友係食肉獸，見呢間韓燒個樣幾靚仔，所以我地就衝咗入去！點完嘢食，店員就開始幫我地整爐邊蛋啦！一共兩款味，原味同泡菜味，我比較鍾意食泡菜味，食落除咗特別有咬口外，仲辣辣地咁，唔錯。除咗爐邊蛋，我地仲加錢要埋個芝士粟米！拉絲效果超強單食或者配燒肉食都可以！之後就到主角牛上烤$288啦！食咗咁耐燒肉，都真係第一次見到有人可以將牛肉，砌到藝術品咁靚睇吓中間朵玫瑰，真係超有心機！呢盤牛上烤包含咗幾款唔同肉類，有牛小排、肉眼、牛肩胛脊、腹胸肉同牛舌。由於我地平時比較少入廚房，店員見我地雞手鴨腳咁，所以主動幫手成功打救咗我地！哈哈！呢粒牛肉粒超巨型，如果比我自己燒真係唔係好識燒由於太大粒，所以燒到一半嘅時候，店員會再將佢切片，再按我地要求燒到指定成熟度。油花豐腴，食落肉質軟嫩，而且好重牛味，唔錯！如果覺得單食單調，仲可以配埋生菜一齊食，食落無咁油膩外，口感都更加豐富。燒完肉，就可以燒蔬菜啦！呢啲都係份牛上烤包埋嘅，款式都幾多。食咗咁

今天和朋友到了一間尖沙咀吃韓燒的餐廳吃晚飯, 但由於我們兩個也突然感到不太舒服, 所以最後沒有吃韓燒。我們點了一些比較清淡的食物, 但即使是清淡, 它們也很好吃。首先, 我們點了高麗人蔘燉全雞, 這個價錢已經可以吃到一整隻雞, 蠻抵吃的。人參雞湯不算太濃, 味道清香, 原隻雞的肉質很鮮嫩, 裏面亦有紅棗和杞子等以增添味道。韓式炒粉絲的味道不算太濃, 它應該沒有用太多油來炒, 所以吃下去完全不感到滯或油膩。它用了青椒 、黃椒、蘑菇等的食材來炒粉絲。燒菠蘿很好吃, 可以當作小食, 燒菠蘿咬下去很多汁。甜品方面, 我們點了紅莓雪糕牛角酥。牛角酥入面夾住雜苺醬和綠茶雪糕, 牛角酥頗鬆脆的。

今晚約左個“食肉獸”去尖沙咀食晚餐，佢話佢公司附近有間新開無耐既韓國菜應該可以滿足到佢既“肉”望反正我對韓國菜都唔抗拒，咁就一於放肆下兼陪佢滿足下佢既“肉”望啦7點去到，仲未過happy hour 時段有優惠價HKd$138+10%既原祖炸雞set（半份雞、薯條+Drinks × 2）啵，咁就緊係要返個先啦啦啦啦！跟住“食肉獸”仲點左個“上牛烤”HKd$288+10%，另加白飯×2 HKd12×2+10%炸雞我地點左芥末味（醬另上）雖然炸粉厚左小小，但雞肉嫩滑！個芥末醬仲好好味呀，用黎點雞定薯條都飲品要左“覆盆子沙冰”同“Asashi”沙冰飲落酸酸甜甜~So fresh “上牛烤”一上黎真係“哇”咗一聲呀，估唔到佢份量有咁多！！！仲有生菜盤可以用黎夾肉食無咁漏當然唔少得有爐邊蛋啦~仲可以免費追加添呢個“牛立方”大大粒，烤好表面再切片！自己中意烤到幾成熟都得好重肉味呀，配上白飯食真係好滿足呀最後朋友仲話要點多杯生啤，啤多杯黎配燒肉先夠盡興今晚又燒肉又炸雞，真係食左好多肉呀！！！所以“食肉獸”朋友都表示“肉”望得以滿足

今天和朋友相約這裡吃晚餐，有朋友來過介紹這裡的燒肉很大盤味道也不錯，我們訂了晚上七點四個人，這時餐廳還沒坐滿呢。餐牌上有韓式燒肉烤海鮮，湯品和一些沙律。前菜kimchi味道不錯，辣道和酸味適中這是我們的烤爐，最遠處的是kimchi加蛋汁，右邊的是純蛋汁，而那個粟米芝士加$20就可以了，本人最喜歡kimchi 蛋，熟透後很惹味人參雞湯幾乎是到每間韓式餐廳必點之一 很喜歡這家放很多米飯在裡面，吃完第一碗後過了一會再吃第二碗就像人參雞粥一樣這原本是軟殼蟹沙灘，不過我們改了吞拿魚和蟹柳，很清甜呢主菜非常豐富! 我們點了兩盤肉，上牛烤和牧場烤，兩款的肉分別有肉眼，小牛排，牛舌，牛肩胛脊，腹胸肉，豬腩肉，豬仔脾和半隻雞 很強大! 還有一些蔬菜，醬料方面我挺喜歡那個紅紅的醬汁，有些像豆瓣醬不過鹹度適中還有一點甜不錯。這已經是燒了一半的時候，感覺肉好像怎麼燒也燒不完一樣。牛肉基本上都是咬幾口就融化，豬肉雖然沒有怎樣醃過但都是不騷的，雞就要燒久一點，但雞胸肉燒完後也不會很乾。不過挺喜歡他們的肉都沒有用很多很濃的韓式燒汁去調味，我們都能品嚐到食材最新鮮的味道 最後燒完已經是兩個小時以後了

我同朋友都愛韓燒，奈何我地燒野技巧有限，次次都覺得燒得麻麻好食。今次呢間新開，人少少就試下。叫左個牛肉拼盤。賣相相當不錯，價錢也合理。拼盤內有牛舌，牛肩肉，牛小排等牛肉，兩個人食份量啱啱好。雖然店員已解釋燒肉程序，可惜我地燒得太論盡，靚女waitress 過黎幫我地燒。專業的果然係唔同，燒得好快又好食！(我偷偷地望個佢個名，好似叫Miu)唔知係靚女waitress燒得好定呢度啲肉真係好食，牛舌燒到好似薯片咁脆口，牛小排嫩滑多汁，大部分都牛味十足。最後係燒正方最大的牛肉，由於靚女waitress 因為人多而俾返我地燒，我地果然燒得冇咁好食。而鐵板三邊的蛋醬，我地加左20蚊既芝士粟米，都唔錯，蛋就都係冇乜味。食完就勁飽。最後食埋個甜品雪糕窩夫完結晚餐！估唔到窩夫都做得唔錯，外脆內軟，十分香口！多謝是夜靚女waitress 的招呼，下次再幫襯！

一行四人去食early dinner, 6:30就入座啦, 當天是星期日, 竟然無乜人, 我地4個人坐8人枱, 感覺鬆動D如果坐圓枱就會較迫啦, 放碗放餐具都無乜位放食物今次點了一個牛的燒肉, 有牛柳, 牛肩, 牛舌同埋唔知邊部份的我厚切五花肉都好好味 - 燒到焦香, 油香出晒黎, 食左又唔肥這燒肉配備了可refill的生菜, 包住肉食, 感覺會無咁腻仲額外點了一碟青口作燒烤, 我自己對青口麻麻地, 所以無食到仲點了牛肉炒粉絲 - 味道是偏甜左少少, 但加埋韓式辣醬我又覺得剛剛好還有京葱冬菇串 - 我實在太喜歡食葱, 好香, 雖然係燒的, 但唔會覺得乾身; 及煙肉蘆筍串 - 眾所周知, 煎煙肉係好香, 再配上蘆荀, 一點都唔乾及唔油夏天就梗係食返個凍盤, 點了芝麻醬凍豆腐, 做法超簡單, 但價錢真係好吸引竟然漏左影相呀~~我要搵日再encore 先得

同朋友去isquare玩咗陣手機，夜晚見有啲肚餓就落咗去7樓呢間舖正食嘢，原來呢層有好多日式韓燒等等嘅食物，見呢間價錢唔錯，而且賣相吸引，就入左去試下啦。隔離都有一間係燒肉嘅，但係呢間主要係定食，而唔係任食， 對於唔算太肚餓嘅我哋嚟講係無負擔！ 我哋兩個人一場黎到一定要食燒肉啦，首先嗌咗一個拼盤。店員話一個拼盤岩岩好係兩個人嘅份量，上牛烤$288(小牛牌，肉眼，牛肩胛脊，腹胸肉，牛舌) 每款肉嘅質地都非常之juicy，有幾款牛係經過醃製，有啲就冇，反而嗰啲比較重牛味，即係唔使點上佢秘製嘅辣醬都已經好好食，食得好滋味。 咁嘅價錢嚟講有咁大分，實在係非常之抵食！！！ 八道水冷麵＄75 麵的質地並唔係想像中咁爽口，而係林身，有啲似日式拉麵，味道淡淡的。配上牛展就最佳喇，隔離有啲爽口質地軟身嘅牛展，牛味非常之重。 還點了甜品，女生總有第二個胃，這就是可可控(窩夫，雪糕，可可米，果仁碎) ＄68，口感非常之豐富，特別係嗰啲可可米非常之香脆，食完仲有d痴牙添。而雪糕亦都唔普通，質地非常之香滑，帶有淡淡嘅雲呢拿香味，有兩球，一人一球。 喺眾多嘅韓式居酒窩入面，佢呢間算係

本人之前也試過不同的韓國燒烤店，每次體驗也不相同，因本人是某個飲食集團的會員，當中包括日牛涮涮鍋和韓國燒烤，而今次食的這間韓國燒烤原本也是他們的分店，但是去到才發覺原來店鋪名稱改變了，但是老闆是同一個人，但是會員咭不可以使用，這樣便有欺騙顧客。其次，原本我們是到來食韓國燒烤，結果變成了一個完全不需要經自己落手落腳燒的巨井，就是五花腩，炸雞 ，一大堆炸物當中包括炸魷魚鬚，炸軟殼蟹，炸腸仔，和其他一些不知名的東西，結果兩人連飲品共食了$410.3元，真失望

Because of this dish, I start liking this restaurant... not only because of it great taste... but how I get this ordered.  As we arrived at the shop at around 7:25pm, and we still have 5 mins before this Korean Beer Chicken set cannot be ordered.  The floor team was so nice and recommended us to go for this great offer.  Wonderful service is always the key to the success of a restaurant, and I will surely be back for this reason...  Thank you !! Because of the good service, we followed it up by

剛好趕得及在7：30前點一份Happy hour set A 炸雞(半份) 蜜糖醬 $138大大隻雞，好抵吃。很甜很易入口，皮脆肉嫩，雖然有骨，但勝在骨都好大隻，方便吃。Happy hour set 配兩杯特飲，因為朋友不喝凍飲，於是她要了一杯熱柚子蜜，我則要了一杯青檸特飲。好清爽！細細的沙冰加上清新的青檸，真的十分清涼，裡面還有很多青檸果肉。烤鮮菇京蔥串 $28一個蔥一個香菇一個蔥一個香菇。第一次吃這個組合，感覺很特別。香菇幾 juicy。烤玉子 $28好大舊好厚，比厚多士仲大件。送上來時還冒著熱氣 ^^ 裡面微甜，加上外面上的茄汁，味道幾夾。吃完一舊之後已經半飽。^^"浦井炸薯堡 $48十分豐富，有薯條，薯餅，薯角和哈哈笑薯，愛薯物的人會超滿足。雖然是炸物，卻沒有炸到很油。薯條很乾爽，沒有落鹽因此不會過咸。薯餅也十分好吃，裡面的薯仔粒粒分明，好多薯仔。梨大炸醬面 $68 和上面的菜相比就較為普通。^^"服務很好，大家也很有禮貌，而且很 helpful 。讚!