Poke Lulu

Open Now

Now Closed

平時都有食開嘅poke餐廳，估唔到觀塘都有，天氣凍咗想食熱嘢 試咗新出嘅soup poke呢間海鮮選擇少啲，不過有慢煮雞胸同牛柳 揀咗慢煮雞胸配蕎麥麵同櫻花蝦昆布湯 $58 湯底清清地有啲櫻花蝦乾調味質素唔錯可以encore，慢煮雞胸肉幾淋幾嫩😝完全唔似食緊雞胸！雞肉份量都多，聽到前面大隻仔問有幾多g雞肉，員工話60g左右多個大快活🤣覺得呢個價錢合理下次試埋個慢煮牛柳poke先😀覺得比魚生更吸引轉菜底或者半飯底半沙律菜都唔使加錢 值得一讚👍以後觀塘食個快飯又多個選擇

朋友帶路試呢間喺東廣場嘅Poke Bowl，朋友係熟客食過好多次了😌推薦要食佢哋個牛同老闆傾偈 得知餐廳轉咗手 menu及出品上亦有改動老闆邀請比個openrice review幾年無打過食評🫢見到舊底食評咁慘不忍睹 決定要比返個正評支持呢間人情味小店！自選poke $68起呢個配搭食完自我感覺良好，營養目標達成✨1️⃣蛋白質 - 慢煮牛柳 2️⃣蓋底 - 半飯🍚半沙律菜🥗3️⃣配菜 - 玉子+ 火龍果 + 紫洋蔥 + 腰果（原本包3款） 第4款+$84️⃣加配牛油果 +$16 5️⃣裝飾 - 紫菜 （本身剔漏咗🤣店員姐姐提我可加）6️⃣醬汁 - 柚子醬油醋賣相🙌🏻好吸引完全係多巴胺食物，各款蔬菜嘅顏色配搭起嚟，真係睇見都心情好味道🙌🏻有水準今次揀嘅慢煮牛柳，出乎意料好食！食得出係品質好嘅牛肉，肉質嫩、無筋、完全唔會柴、欣賞係用慢煮方式👍保留肉嘅鮮味、質地、營養，份量亦算ok，有8-10小塊醬汁有好多款想揀🫢最後揀柚子醬油醋，希望令成件事更開胃，即使加咗牛油果😋都唔會好膩沙律菜好新鮮，仲有我最愛嘅火箭菜😆老闆仲話比多啲🤤半飯半菜啱晒外食都想健康啲嘅人座位餐廳主要做外賣，門口返兩個坐位，當日坐滿，老闆話樓上fo

觀塘返工，成日嚟東廣場買飯但從來都無試過呢間 因為望落好似好健康唔知好唔好食試過先知原來幾好食 本身唔知咩係poke睇到舖頭出面介紹先知係夏威夷菜式好似車仔麵咁可以自選 又幾過癮份量好足原來牛油果撈三文魚咁好食！

蕎麥麵同柚子醬油醋好夾想食清爽嘢可以揀呢間啲雞胸好好食 好滑大推調味唔會太重 啱啱好價錢合理 $58幾大碗 食得飽 唔係味精飯 食完都唔覺口渴見啲餐配搭都幾豐富係一碗好滿足嘅午餐

係東廣場 今次係熊貓叫外賣用佢個6折好抵 成個餐勁豐富Poke魚生碗 ($65 after discount)主菜揀左三文魚 主食係蕎麥麵配菜揀3樣 揀左櫻桃蕃茄，蟹柳，熟蛋On top揀左紫菜絲，腰果，木魚花Sauce揀左柚子醬油 另外叫多左份烤牛肉😎成個餐勁大碗 好豐富 份量十足三文魚冇筋 都算新鮮烤牛肉少少dry 不過有牛味蕎麥麵配埋個柚子醬油幾清新開胃其他配料都幾fresh 係健康嘅感覺😂腰果帶多d唔同口感 幾match呢個價錢份量又健康 抵食！

平日有食開呢間poke,見佢食材正常。食完冇特別口渴嘅感覺，份量還可以。雖然價錢唔係平。到今日叫左兩個沙律，特別加多兩份雞肉（每份都差唔多要比多$20 ）打開個沙律盒，食兩塊沙律菜已經見底。沙律菜完全「浪」起左所有食材。廚師冇好好咁樣放好啲沙律菜。定一話懶得洗菜？成90幾蚊一盒感覺好搵笨好心理唔平衡。腰果亦只有七粒..（如果額外加錢要腰果要成$5-6蚊，即係差唔多一蚊一粒）如果情況再係咁落去，以後都唔會再幫襯。

近年追求健康，所以係香港都食過唔少賣Poke bowl嘅餐廳。去開觀塘，見呢間未試過，就去試下。不過呢間就真係我係香港食過最頹個間。食材處理上比較普通，見唔到有咩心思放左係食材上，poke bowl份量亦比較少。 以佢外賣店黎講，定價偏高，CP值低。如果下次係觀塘想食健康啲，都唔會再揀呢間。Poke bowl選擇:1. 主食：三文魚2. 飯底：沙律菜3. 配料：櫻桃蕃茄、青瓜、火龍果4. 醬汁：巴薩米可醋5. 配料：腰果、木魚絲、紫菜絲

試左佢哋嘅lulu三文魚紙米卷，比想像中大份。同朋友口痕share食都冇罪惡感🤣可以自選醬汁，揀左柚子豉油🍶🥢🥢唔算好夾，如果黎食可以試吓揀其他醬。老闆娘見到我哋坐咗喺度，送咗個吞拿魚米紙卷俾我哋食🥹🥹🫶🏻好有人情味！喺觀塘想食健康食品/減肥人士可以考慮黎試下～🙌🏻🙌🏻

同平時食開旺區出名嗰幾間比較價錢係平少少，但整體嘅份量偏少嗌咗飯底，連白飯都唔太多，食完都唔太飽然後啲餸都相對比較普通料，選擇都唔多雖然觀塘無乜同類型餐廳，有啲星期六日都無開，但應該唔會再嚟食了🫠明白係新開嘅餐廳，都可能想平民少少個價，但都希望可以有心機多少少咁做。。。始終食得Bowl都預咗咁上下budget，同埋對食材都有少少expectation另外OpenRice上面有啲舊menu嘅相，價錢update咗，所以收到個bowl再睇埋價錢就更加覺得有啲唔太抵食

點咗個慢煮雞胸配壽司飯,壽司飯底唔係好食到醋味..慢煮雞胸不錯,小小嘅調味已經好足夠,食落好濕潤時間控制得啱啱好👍🏻飯上面嘅木魚絲加咗分另外三文魚紙米卷幾好食!外皮超薄超透👍🏻份量都幾大條👍🏻價錢好平

不好吃啊 價錢不是特別便宜 但是三文魚又少 小塊 而且我吃到的時候還很冰 是真的好像在冰櫃拿出來的那種 嗌咗紫洋蔥但是不甜 蟹柳是那些很便宜的蟹柳 也是完全沒有鮮甜 醬汁也不夠味 米飯是熱的三文魚是冰的，伴菜也沒有特別有味道，整個感覺就是不好吃。

值得一試👍🏻觀塘真係好少性價比高而地點又方便嘅健康餐唔鍾意食沙律嘅我 平時想減肥都係食開附近嘅鹽水雞 食得多都悶第一次試呢間 真心唔錯👍🏻👍🏻👍🏻份量足👍🏻紫菜下面仲有啲三文魚仲要蟹籽 打開有驚喜👍🏻三文魚質素都ok 係值呢個價惟一醬汁較少整體十分收貨希望鋪頭做得住 keep住呢個價錢同質素俾觀塘友多個健康選擇🙌🏻🙌🏻🙌🏻

觀塘飲食日誌day 8想食得清淡又想食得飽poke bowl是一個不錯的選擇奈何價錢偏貴尤其是自選配料的則更貴上加貴難得這一間的自選配料與set價錢相同所以點了蕎麥麵底配雞肉3個配菜：粟米，熟蛋，蕃茄仔3個配料：紫菜絲，杏仁片，炸蒜粉選擇多非常適合想試試不同味道的我賣相不佳是我沒有刻意配色但總體來說份量不少唯醬汁（柚子汁）就只是僅僅足夠整個poke bowl都是靠材料本身的味道支撐由於醬汁是另外以小杯盛載想點多汁也有點困難

喺做運動後叫咗個Poke碗食⭕️主菜有✅鮑魚✅魷魚⭕️配菜揀咗✅蛋 ✅車厘茄⭕️配料揀咗✅合桃肉✅莞茜用料新鮮一配滿足晒我所有想食仲好多配料揀補充到蛋白質之餘仲好好味勁飽抵食又有營養下次運動前會試下佢個沙律🥗底

觀塘lunch time 搵食，見新開主打健康夏威夷蓋飯，就試下。好多野揀，今次試左牛蒡，八瓜魚，支豆，合桃腰果有驚喜，分量多，食材新鮮，味道唔錯，CP值高（平過日式超市賣既一截）。店員又熱心又好服務，讚👍