Poseidon Restaurant & Bar (Closed)

今次同朋友食地中海海鮮，未夠6.30點鐘到達餐廳，已經差不多有七成滿座。 一直行入餐廳，見好多客人都會叫海鮮拼盤, 海鮮放在一隻很大的蚌形的碟，賣相攞足分。 由於兩個女仔， 要食得輕啲，所以點多幾款 appetizers，我哋點咗雞尾凍蝦，海神海鮮沙律，鱘魚黑魚子煙三文魚他他，主食有西西里蟹肉扁意粉。 我自己好喜歡食他他，這次配上鱘魚黑魚子， 非常鮮味，配上他他的微酸，這是一個很好的開胃菜。 海神海鮮沙律，有好多海鮮做配料，帶子仔，八爪魚， 蟹肉等等。 雞尾凍蝦的甜酸醬，幾好味道只是微微的酸，不會太強烈。 這間餐廳的裝修幾靚幾有特色，酒吧feel之外，由於坐位寬敞，所以唔會太嘈。座位非常闊落，一張凳可以坐到兩個我， 同朋友嚟傾計吹水真係好舒服。

朋友話好耐冇同我傾計，就約左我去最適合傾計既bar and restaurant🤣呢間Poseidon環境幾舒適，仲有好多私隱度高嘅卡位，認真啱曬傾計🙈首先就當然要啤一啤先啦，咁大杯係爽既🌟芝士肉醬牛油果薯條$88好欣賞呢個薯條，就算上面有醬都可以保持脆口既質感😋肉醬同牛油果醬令薯條風味更突出，送酒一流👍🏻🌟脆皮焗蟹肉盒$128蟹肉好鮮甜，而且見到一絲絲既大塊蟹肉，出手好闊綽！酥皮既酥脆同軟綿綿既蟹肉形成一種對比，正呀！😍🌟德國豬手配酸椰菜$238估唔到咁大隻！侍應仲好貼心咁等我地影完相先幫我地切開☺️豬手外脆內軟，唔會死鹹，唔錯窩！

跟朋友約，當然要吃吃人家推薦的店，這次是表妹推的，難得見她曬社交平台 所以特地約朋友到此店。是一間樓上西餐，店的氣氛很好，又不會很吵，適合愛聊天又不愛受環境打擾的人來～Poseidon’s treasure $108, 擺血很漂亮！打卡一流～似寶物一樣。酒很清但又烈，又多水果配著吃，很不錯。Grilled lobster & seafood platter$468。這個燒龍蝦海鮮盤真心好吃，裡邊配料很多，燒海鮮配上醬汁再加蒜蓉包絕對飽肚又滋味。裡邊燒三文魚的肉很嫩，龍蝦肉也彈口，配上帶子青口，推！Crispy pork knuckle$248,豬手燒得很不錯，皮脆肉嫩。又入味，相當有水準。Brownie overboard$108,甜品水準也高。brownie 的味很香濃～吃完覺得值再回來食～畢竟份量夠，而且又不錯吃！

朋友見我就黎生日，所以帶我黎食好西，真係好有愛啊🥰🥰 餐廳望落幾有feel同幾闊落☺️前菜我哋叫咗✨鱘魚黑魚子煙三文魚他他✨望落非常精緻，面層滿滿既鱘魚黑魚子鋪上金箔，再加上煙三文魚同紅菜頭，比想像中好味既配搭。唯一美中不足既就係，有埋麵包配搭會更好。主菜揀咗我最愛既海鮮盤，賣相夠晒吸引。有生蠔、雞尾凍蝦、翡翠螺、青口同蜆，幾新鮮。最驚喜係生蠔，好肥美同鮮甜，一人多一隻真係唔夠。之後我哋仲叫咗烤脆豬手配薯蓉，呢個既份量都幾驚人😂，同埋值得讚既一點係會幫手切好晒再上，岩晒我呢啲懶人。表皮烤到好脆，個入面既肉又唔會話烤得太熟搞到好實，個人幾滿意呢個豬手。不過薯蓉既奶味相對比較重，少返少少會更好。

Poseidon 尖沙咀阿士里道一向有好多隱世餐廳，今次試吓呢間西餐，要上三樓。因為無book位所以坐室外，但原來室外位置都好唔錯好舒服！.前菜磨菇蟹肉盒子Size 比我想像中大，同友人share都絕對足夠，盒子係指外層嘅春卷皮，內裏則填滿了炒香嘅磨菇同蟹肉，蘑菇同蟹肉呢個配搭都幾新鮮，蘑菇有彈牙的質感，中間有絲絲蟹肉嘅鮮甜，配上脆口嘅春卷皮盒子，配搭得好好😋Grilled Seafood Platter 呢碟seafood platter一嚟到我哋都覺得好驚喜， 因為真係比想像中大份好多，本身係寫二至四人分享用，但我哋覺得兩個人share嘅話會太飽，四人share啱啱好。.而且材料一啲都唔吝嗇，有兩隻大扇貝，兩隻大蝦， 半隻波士頓大龍蝦，大量魷魚圈，大量三文魚，青口，蜆，亦配有粟米，腸仔&西蘭花。🐚🐟🦞🦐🥦🍖🌽 龍蝦同大蝦都幾新鮮，肉質爽口彈牙😗大扇貝亦唔錯，蒸煮時間火喉控制得宜😋三文魚腩最有驚喜，因為煮得剛剛好熟但又唔會乾柴，有外脆內軟嘅感覺🥰.Seafood Platter 用了紅色嘅醬汁餚煮，有少少似紅酒，蕃茄+海鮮精華，粟米同西蘭花吸收晒啲精華，好飽滿！.Signature

今日同朋友慶祝生日，book咗一間尖沙咀樓上西餐廳，位置雖然有少少僻，但未夠7點已經差唔多滿座🤪好彩一早book咗位。待應安排我哋二人座窗邊梳化位，非常寬敞又舒適☺️。我哋total嗌咗一個starter，兩個main，一個snack，兩個女仔好夠食🤰🏻。黑魚子煙三文魚他他作為starter非常開胃，而且食落好有層次感，有爆汁嘅黑魚子、油脂豐富嘅三文魚、紅菜頭沙律，口感好豐富！食完好期待主菜😋美國安格斯牛肉漢堡🐮🍔Burger皮夠晒香脆，配撘肥美又香的牛肉漢堡、濃香的cheddar cheese🧀，非常juicy又惹味！麵包蟹海膽risotto🦀 冇諗過海膽配risotto會咁match，非常surprise，好creamy又好有海鮮鹹香味嘅口感，值得一試！而且薯蓉都好好食，口感好綿密。脆炸甘蔗蝦🍤外層脆卜卜但內裡蝦肉好爽口彈牙，一條又一條咁食上癮，配酒一流👍🏻Overall嚟講，係非常滿意嘅一餐！而且環境好chill，同朋友過咗一個愜意的晚上🍷

今晚唔洗煮飯，約左個好朋友出尖沙咀行街食飯！中菜平時係夜晚煮得多，出街食就食下西餐先😻叫杯Chardonnay relax下😼2019年，入口唔會太酸，食生蠔🦪就最happy。望下個餐牌，都係二人份嘅海鮮拼盤 $298 最抵食，有多款海鮮，連生蠔都有😼蜆雖然細細隻，但係好鮮甜好fresh蝦都幾彈牙爽口，樣樣都好正😻侍應妹妹仲介紹左個招牌酥皮焗蟹肉盒，個酥皮盒仲係廚師新鮮整嘅，望見都已經好鬆脆，同平時食開嘅酥皮唔一樣。餡料充滿蟹肉、芝士、蘑菇，仲有好香嘅忌廉混合而成😼最後叫咗個main course，本來想叫炭燒加拿大豬鞍，不過賣晒啦。望見隔離枱order係最後一份，流晒口水呀😻好彩個麵包蟹海膽意大利飯都有驚喜😽海膽都甘甜，配意大利飯多左一種咸香同軟滑。意大利飯我覺得可以煮耐多少少，但味道夠濃郁夠creamy😽整體座位都好舒服，卡位四至六人坐都冇問題，下次再同多啲朋友嚟先😸

與久違朋友相約聚舊，位於尖沙咀的此餐廳供應西餐，環境幽靜舒服自成一閣。menu有各類海鮮冷盤、扒類、漢堡、意粉等，另外仲有一本drink menu，酒類、果汁，環境幽靜啱曬飲嘢傾偈。海鮮拼盤$298二人份量，擺盤幾靚，各類海鮮放在冰上保持新鮮，除了生蠔外，還有蝦及各類貝殼類。伴著幾片檸檬和海鮮醬，對於愛吃生蠔的自己，只有兩隻生蠔感覺到喉唔到肺，不過有其他海鮮類補上，滿足了自己海鮮控。原隻麵包蟹意大利飯$188用麵包蟹嘅殼盛了煮好的意大利飯再攞去焗，面上舖上了一層芝士其實係普遍嘅煮法，唔香就怪，反而重點係入面的蟹肉混和米飯有口感。

朋友今晚有開心事請食飯，係尖沙咀搵左間有seafood platter既bar & restaurant 一邊飲酒一邊慶祝🧞‍♂️一開始嚟到6:30pm左右，見個場都唔係好full，仲擔心海鮮去留會唔夠快。點知到7pm左右，開始好旺場，見到seafood platter超豐富又新鮮🧞‍♂️Platter賣相超igable，大珍珠蚌型的碟承載着多種海鮮 eg. 生蠔、雞尾凍蝦、翡翠螺、青口、蜆🧛生蠔好新鮮，海水味都幾濃，platter來説size都算適中🧛‍♂️蜆沾上紅酒醋，鮮味好突出，酸酸地好開胃。食完咁好味既海鮮頭盤，就叫番啲肉🧞‍♂️德國腸拼盤 $128份量好多，絕對抵食！有啲有煙燻smoke過嘅香味，有啲帶啲胡椒香，配芥茉醬/茄汁就層次感更加重。🧚‍♂️原隻麵包蟹海膽意大利飯賣相非常漂亮，好豐富好吸引！估唔到廚師將海膽意大利飯釀入原隻麵包蟹內，將蟹肉、芝士、海膽拌均，令到意大利飯嘅味道提昇咗唔少🧚‍♂️

聽聞𝗣𝗼𝘀𝗲𝗶𝗱𝗼𝗻 𝗥𝗲𝘀𝘁𝗮𝘂𝗿𝗮𝗻𝘁 & 𝗕𝗮𝗿既海鮮都做得頗為出色 某個𝗵𝗮𝗽𝗽𝘆 𝗳𝗿𝗶𝗱𝗮𝘆就去試試💓 喺尖沙咀A1出口 穿過寶豐大廈會快好多🥲 𝗼𝗽𝗲𝗻 𝗿𝗶𝗰𝗲個地圖係伏黎 同一日食左幾份散水餅🥲飽到傻 叫一份前菜同一份主食淺嘗一下🧆🥕白酒煮青口配蒜蓉包 $208散發住法國氣息既前菜😚 雖然做法簡單 但絕對唔會令人失望 蒜蓉包非常香脆可口 沾滿晒蒜蓉醬😋 青口又大又新鮮 最緊要係冇臭味！😍 白酒味唔嗆 易入口～ 仲有切粒嘅洋蔥 增添風味😗 🥕龍蝦扁意粉配香草龍蝦汁 $238有半隻龍蝦🦞 的確新鮮又彈牙😛 醬汁方面 個人覺得龍蝦汁嘅味道冇咁突出 偏向番茄味😋 岩曬我 配扁意粉食一流

今日同閏蜜book左尖沙咀一間西餐食飯加談心～呢間餐廳主打食海鮮！餐廳裝修燈光比較暗，有一大排卡位，牆身掛左梵高既畫作，好artistic~餐廳都幾靜～環境氣氛好好！兩個女仔唔食得多，所以我地叫左兩個apperizers 同一個海鮮拼盤🐟鱘魚黑魚子煙三文魚他他他他擺盤好靚~表層有金萡，下面係鮮甜黑魚子，再下一層就係煙三文魚他他，個底就係紅菜頭；佢地加埋有不同既好感，層次豐富🥗Caeser salad我地加左 炸雞條去caesar salad，醬汁調味岩岩好~麵包亦好鬆化，炸雞條外脆肉質唔乾!🥘烤龍蝦海鮮拼盤好戲在後頭~期待已久既熱辣辣海鮮拼盤終於送到~侍應好貼心同我地講個盤好熱，叫我地唔好掂到烤龍蝦海鮮拼盤有大大隻龍蝦，仲有蝦、扇貝、青口、三文魚、魷魚、蜆，加埋西蘭花、腸仔、栗米同蒜蓉包，配上特製香辣cajun sauce，好豐富！大盤到我地覺得夠3-4人食!我地埋單大概$350位，食左咁多海鮮，抵食！下次帶埋男友來encore先~

尖沙咀有好多西餐廳🍽，而這呢間以希臘🇬🇷神話海神波塞冬🔱命名嘅Poseidon Restaurant & Bar 我同我朋友一直都想去👬🏻，咁岩夾到時間當然去拜訪一下🤩 我極度推薦佢嘅🌟 『原隻麵包蟹海膽義大利飯』 💁🏻‍♂️ 成隻蟹都被充滿cheese 🧀味嘅燉飯填滿！充滿蟹🦀同海膽嘅鮮甜😋，每一啖都好似俾海味衝擊 🌊，真係好幸福💕 另外，用珍珠貝殼盛裝💫嘅『新鮮即開生蠔🦪』，每隻都好肥美，飽滿多汁，新鮮而且無腥味！盛裝嘅容器好適合打卡影相📸️，相機食先嘅焦點🤳🏻✨最後令我一試難忘嘅係『香烤半隻波士頓龍蝦🦞配上龍蝦汁義大利🇮🇹飯』龍蝦超大隻！而且用蒜蓉燒好惹味😋！蝦肉好爽好鮮甜👍🏻！食得出隻龍蝦🦞係好新鮮💦！

終於可以獨享，好好享受一下寧靜⋯嚟到依度，地方寬敞，😍真舒適！👇🏻坐低就有店員介紹酒，一睇就知我會飲酒🤩凱撒沙律🥗必點好味食飽 出Outdoor坐下先，天然風👍🏻叫左杯好清爽嘅Cocktail讚👍🏻環境真舒適，店員都好有禮貌，讚！

幾個月冇見朋友，趁佢就嚟生日即刻約佢出嚟食飯，揀左尖沙咀Poseidon Restaurant & Bar，位置雖然隱蔽啲但個場環境夠大，而且座位闊落坐得舒服，燈光氣氛都好好。我哋點左一個Grilled Lobster & Seafood Platter同一個Brown-buttered Crab Risotto。朋友仲話叫兩個怕唔夠食個海鮮拼盤（2人份）入邊有青口，蜆，扇貝，三文魚，魷魚，兩隻蝦同埋半隻隻龍蝦，仲有腸仔，粟米同蒜蓉包，雖然佢個汁有啲辣（朋友唔太食得辣）但我自己平時都唔食得大辣野既覺得幾好，加上燒完幾惹味同醒胃。而個意大利飯都好味，唯一有少少失望係冇咗海膽，因為上網見本身個麵包蟹意大利飯係有海膽，但侍應話供應問題所以轉左餐牌。但本身啖啖蟹肉都令個飯口感豐富。雖然只係叫左兩碟菜但我哋都食唔晒，見到有啲卡位可以座4-6人下次要叫多幾個朋友一齊再嚟。

疫情期間我好少外出食飯，直到朋友同我講有一間隱蔽嘅餐廳嘅海鮮拼盤好出名，我決定出嚟聚下舊，食返餐好😋黎到Poseidon Restaurant & Bar，發現餐廳風格係走型格暗黑路線，由於係假期前夕，用餐時間限時90分鐘。我哋把握時間點左一份原隻麵包蟹意大利飯同埋一份烤龍蝦海鮮拼盤。原隻麵包蟹意大利飯：意大利飯煮到粒粒分明，我鍾意飯粒比較硬身，食落好有口感，飯上面鋪滿蟹肉，仲有炒香既雜菌菇粒，食到我想encore👍🏻烤龍蝦海鮮拼盤：內含新鮮龍蝦半隻、虎蝦、魷魚、三文魚、扇貝、青口、蜆，龍蝦啖啖肉，不過蟹鉗有啲難開，其他海鮮都好新鮮，卡真醬有啲似黑椒汁，唔食辣既人都接受到。其他配菜仲有粟米、香脆嘅烤麵包、薯仔等等，索哂醬汁好入味，唔比海鮮失色👍🏻整體來講，餐廳空間闊落，職員細心，埋單後亦會問我地有咩可以改進，絕對吸引到我再次幫襯。