Press Enter (Closed)

成日經過,今次第一次食,喺大角咀黎講,呢間價錢叫中上。叫左蒜香大蝦意粉, 味道幾好食, 略為重味左少少。白酒紫蘇辣椒鮮蜆意粉, 唔會太辣, 味道幾好, 但有一兩隻蜆有沙,比較低級失誤, 但呢個失誤會影響整碟菜。2碟意粉軟硬度適中,好食意式辣茄汁雞翼: 呢度菜ok幾好, 但唔會有乜特別驚喜。最後芒果乳酪沙冰: 呢個好好飲。再黎機會:30%

味道不錯，服務也很好，可惜選擇少了一点。豬手做得很好外脆内軟，而意大利飯就做得幾正宗，食起來好像有点生，但這都是正宗的特色。而甜品方面也不錯，水果新鮮，窩夫也很好吃。

2017-04-16Press Enter******************又係偽文青既時間, Press Enter走悠閒路線, 餐廳裡面既陳設令人覺得好舒服, 特別係木製梳化位有麻布cushion, 有種家既感覺。Lunch set有7款, 可惜有一種已經賣完, 於是大胃聯盟就選擇左燒南瓜雜菜沙律配有機雞扒陳年黑醋汁+白汁雞柳意大利粉。******************是日餐湯係蒜蓉薯仔湯, 口感一般, 蒜蓉味唔算好大, 飲完去見客都仲得; 杯美式咖啡就真係一般般嘞, 帶D酸味, 加上枝鐵飲管, 硬係型住唔多衛生。講講主菜, 大胃首領發現佢D雞係好不錯, 雜菜沙律D雞個醃料好特別 (但係飲味寫呢篇野既時候已經過左好耐, 所以都唔多既得係咩味), 意大利粉個汁好濃厚。******************其實Press Enter環境真係幾舒服, 可惜當日有兩檯客人放聲高談闊論, 令全間餐廳氣氛受到嚴重破壞...最後一提, 如果趕時間就唔好考慮Press Enter嘞, 因為大胃首領估計佢地好精心製作每一盤食物 (等個湯都多過10分鐘), 所以如果要快, 呢度可以留番下次空閒D先

與好久不見既朋友相聚 揀左呢間cafe因為book左位 都被安排係較入既位置因為同行朋友都有選擇困難 所以先叫左一隻介紹話好食既燒春雞然後再慢慢討論叫左碟意粉 薯條 同野飲因為想飲手工啤 就問邊隻好飲易入口 就介紹左一隻叫mac's 既手工啤手工啤真係好易入口 唔苦 我就係鐘意呢d味道意粉都係同平時食開既卡邦尼意粉差唔多 share食會無甘漏然後黎左燒春雞（要等半個鐘倒）d肉好嫩 就連一直認為好鞋既胸肉 都係偏嫩 所以成隻雞無一部分話唔好食 但一定要熱食食哂檯上既野就要用第2個胃食甜品法式焦糖燉蛋同朱古力蛋糕 兩款都有配雪糕食左甘多野係夠飽既 個價每人$200都唔洗

話說朝早係呢頭出沒過，見到呢間都多人，晚上就應該要黎試下。 整體一般。 叫左套餐，根據加嘅價錢可以有正食，1杯半普通/特別飲品同湯上嘅湯係西色蕃茄蘿仔湯 係熱湯唔係凍湯 幾好飲唔會太酸蜆肉意粉 意粉彈牙 好香 蜆肉有沙 食到底好咸蒜香蝦意粉 食到底都係好咸蕃茄辣汁雞翼 好重蕃茄味 唔重要芒果沙冰 好味唔算好快溶 有d芒果粒 面係厚實cream

芒果特飲，比較standard。朱古力特飲，好特別，球狀朱古力再加上熱牛奶，有得玩有得睇又有得飲。燙+麵包 : 燙好濃，麵包好軟綿綿。鴨胸沙律，幾精緻。海鮮龍蝦汁意大利燴飯: 飯中亦有小帶子肉同蝦，幾豐富，龍蝦汁嘅飯好好味。澳洲霜降和牛(肉眼)：買相唔錯，7成熟生熟度剛好，肉味濃厚。窩夫幾大份又擺得幾靚，質感比較厚身，會飽肚D，可以同朋友一齊share。另一個，好似甜點併盤，另一個style都幾特別。

星期五ge Lunch Time..一行三人~~見到之前食過幾好味ge Press Entre冇咩人~就行入去啦~入到去就覺得伏伏地~d staff坐晒係到...好啦,,唔理~~照叫野食啦喂~叫完野~好快d湯就黎啦~~上完湯..又唔比餐具我地...個哥哥仲叫極冇反應.,,,唯有自己去拎啦...個湯..上次明明好好味....今日,,,,好似飲緊熱水咁...完全冇味,,,見隔離碗湯有d綠色一粒粒係上面..我地就得3碗黃色又冇味ge野....唯有期待下d食物啦~我叫左個忌廉汁雞肉煙三文魚長通粉醬汁好濃味~味道都算唔錯~好香蒜味~通粉唔係煮都林池池一pat野咁~食落去有d咬口...不過略嫌份量有d少....友人一個叫扒,,一合叫鯖魚...我就冇試呀,,,外表好似唔錯...但係份量好似又係好少....定係佢地應該換隻細碟...??仲有好好笑...唔知係米lunch time好忙...我地叫ge時候已經冇晒飯....呢個價錢,,可能下次未必會幫襯lu....

去襯大角咀必會經過埃華街，好多食肆都想試，今晚就約好一齊去一間CAFE, 叫　ＰＲＥＳＳ　ＥＮＴＥＲ。每每路過也見到門外食品介紹好吸引。有點特色的餐牌牆上掛住好多有意思又有正能量的字畫照片看得見店子每個角落也花了不少心思利用舊咖啡壺來作小花瓶，夠環保又啱用 !店內也擺放著很多有心思的擺設 !晚市有SET DINNER ，SOUP + SALAD + MAIN + DRINK ，另外還有不少小食/炸物/SALAD/燴飯/主食/PIZZA/ WAFFLE，飲品選擇也有很多!因為還會吃WAFFLE作甜品，所以三個人先叫了兩份SET DINNER，之後再點甜品 !這個熱珠.古力 真係好得 ! 透明杯子放著一個朱古力球，另外有一瓶熱騰騰的朱古力奶，趁熱將朱古力奶倒入透明玻璃杯中熱力慢慢將朱古力球溶化，原來朱古力球內有綿花糖 朱古力味濃郁，又唔會太甜內裡還有脆脆，這支攪棒匙羮好正，可作飲管，也可作羮！芒果乳酪沙冰　～　芒果味夠突出，賣相吸引SET : 香桃煙鴨胸沙律配意大利陳年黑醋汁，酸甜而濃縮的黑醋汁令整個沙律生色不少 !SET :　暖烘烘的南瓜湯，南瓜味香濃又鮮甜，好有住家湯FEEL, 想再喝

食咁多邪惡野之前當然要食返個沙律～ 冇咩汁醬 不過三文魚都比得幾多！Fries薯條 + Cheese芝士 + Truffle松露 = Superrrr Evil! 無敵邪惡😈Risotto都係略嫌菇味唔夠重，如果濃味d會比較好。牛扒當日好似做特價！論價錢黎講係真係幾抵食 因為份量都大架黑松露卡邦尼窩夫披薩 Carbonara Style with Truffle Waf-zza $118 真係第一次食厚厚既waffle用黎做pizza既底🙈 waffle既蛋香味唔算濃 個邊仲脆脆地 但面頭因為放左toppings其實已經令到waffle變得較為冧身🤔🤔 芝士俾得好多 選用既黑松露醬唔算最香最濃味 所以食落感覺唔係好夠，始終waffle較厚 要濃味少少先夠味～

午餐時間set lunch 卡邦尼意粉第一：咁誇張係呢樣野 未食過咁細份意粉 細蓉咁細 呆左食開心樂園餐都飽過佢第二：未見過卡邦尼有冬菇 孤漏寡聞的我 大開眼界第三：完全無蛋黃味 好可能純用忌廉整 煙肉又唔香又少第四：整落地透明玻璃 中午陽光曬哂入黎 又無窗簾 好心開返大d冷氣啦就算佢double份量 都唔會覺得好食 何況完全唔飽D侍應好似未訓醒 食左豬油咁 怕左佢地 埋單時已經唔yap佢過黎自己行去cashier 拎個銀包出黎 指住張台話要埋單 可以望住我5秒先有反應$80食個唔飽又唔好食既lunch 好食既話 百零蚊都ok 無下次

午餐都係想填肚，見無咩人又有好多位咪入去囉，貴d都試一次。點知中伏，叫咗個卡幫意粉80幾蚊送咖啡，都唔知有冇一碗(茶樓碗)既份量。食物上枱時，全枱人都你眼望我眼，無諗過中午求其食個午飯80幾蚊，連最基本食飽都唔得。(同枱有女仔，都覺得份量太少) 如果肚餓就唔好入去喇。公平d講，佢味道還可，不過如果你想飽肚，叫個意大利粉或飯，就唔好諗住要飽喇。要飽的話比百多元先可以有正常既portion。

Very cosy and quite place to go for when you look for somewhere relaxing.The drink and desert are well presented, freshly brewed green apple tea and attractive desert. Green tea ice cream is strong in macha flavour while the waffle is freshly baked. Highly recommend!

第一次打食評，真係要讚下一行四人咁耐無見，至在有個唔趕我地走，又好食既餐廳傾下計，信心保證既友人力薦：「我食過2次，你地都應該鍾意架」 咁緊係試下啦！由太子慢慢行過去10分鐘，中途仲可以去大角咀街市嘟八達通坐港鐵減2蚊，傾下傾下轉個彎就到。門面沒有很誇張，就係大玻璃加黑色窗框，木枱木櫈，工業風原素唔係好重，但以餐廳黎講，已經好用心。4個人（3女1男）決定叫4份餐再加薯條！炸薯條食得多，多個醬就幣家火！因為實在太想追住食，停唔到手，食晒4個主菜，大家都諗緊叫薯條定叫甜品！考慮好耐先決定叫的main course，有意外驚喜，質感岩岩好，又入味有朋友唔食牛，最後先決定叫燒春雞，佢放左10分鐘都夠熱同脆口4人必點的煙三文魚沙律，茄子、南瓜做沙律，咁大碟都係$108，抵食夾大件沒有汁但好有鮮味的蜆肉意粉，仲有少少辣，好開胃咁凍既天氣緊係要叫返杯熱野飲下珠。古力 - 必飲之選是關佢好飲得黎仲好好玩熱辣辣既朱古力奶撞落珠古力度睇住粒朱古力溶化啲綿花糖同朱古力脆脆慢慢流出黎成為一個香濃可口的製成品7點入坐，坐到10點先埋單，臨走同老闆傾左幾句，係香港做生意好難，尤其係食肆。從裝修、餐牌、餐具都感受到

在旺區覓食，總會遇到人多難找位的困境，識得搵好野食既，其實香港真係可以搵到好多好野食。因為以前在大角咀／奧運站附近工作過的緣故，對這區總有一種莫名其妙的情意結，這晚，又再次重臨舊地，進行我尋找新餐廳，尋找好西的旅程了。大全街，熟悉這區的，也都會來這裡覓食，即使是平日，在街道也經常泊滿車，已經可見這條街有幾旺。在門外看見這餐廳的裝潢不錯，名字又特別 － 叫做Press Enter，好，今日我就Enter你啦。餐廳不算大，整間餐廳，一眼睇哂，西式餐廳佈置，人流也算多。牆上一幅畫，寫著Dream Don't Work Unless You Do，很有意思。記得之前有朋友叫我一起夾錢攪生意，但做銀行，數口精既我，總愛千算萬算，又要計成本，又要計風險，算著算著，便打消了那念頭。現在回想，可能很多事，也需要那一份衝動，需要那一份不計較，才能成就一番事業。關鍵真的在於，你有否去Press 那 Button （Enter)？餐廳的米飯，是授用日本米的，這很特別，意式餐廳，用日本米，可能會有另一番風味？餐廳免收加一，變相即係全單打佐9折。看一下餐牌，最平既餐＄88，最貴既可以用＄288食到頂級韓牛，連湯

以前不甚會到大角咀的，要去的都與工作有關，無論是在奧海城閒逛抑或是用餐，這幾年中間中都會來的。大全街的 Press Enter 是近日發現的，於是入內食番餐晚飯。甫進內堂，有感到是一間咖啡室似的，也較為簡潔，且有一蛋糕櫃擺放了蛋糕。餐牌以電腦鍵盤作造型，把食物放在鍵盤裡，按下 enter就可看看內容。看過後，就選了幾項食物作為今晚晚餐。小食中選擇了芝士焗青口，一客共有六隻，每一隻青口都鋪滿了芝士。把青口和芝一併的舀起，放進口腔，那青口的鮮味一湧而出，加上芝士香濃味道，兩者混合後，出現了不同的層次感。主食為黑松露什茹日本帶子意大利飯，三隻帶子並排而列加上香草和黑松露，就覺更加芳香樸鼻。當中帶子鮮甜柔糯，加上什茹自有香味，吃起來更為芳香。米飯固然被忌廉包圍，入口黐黏，亦是較軟腍。甜品為玫瑰園，是一份窩夫，當中包括了忌廉、抹茶雪糕、士多啤梨及玫瑰醬。其中玫瑰醬則由玫瑰花打成醬蓉，當窩夫蘸上後，質感豐富濃稠，完全吃到玫瑰的原來味道，而抹茶味道較輕，沒有想像中的濃味，不過整個窩夫味道不錯，每個食材味道配合得宜。今餐非常滿足，份量足夠。