Puzzle Dining & Cafe (Closed)

街坊式餐廳聽聞呢度係馬鞍山泳池搬過嚟，帶個仔去試吓lunch ,叫左芝士雞肉飯+炸薯條🍟+L grey ice cream ,你問我好唔好味，真心麻麻地，薯條正常，但個飯我覺得好淡，成個飯就係d雞+汁+芝士+飯撈埋一齊。好屋企feel ~唔知係咪我未食到佢拿手野，我會再去多次，因為佢係黃店🤪

星期六去咗馬鞍山試新餐廳 🍽️ 餐廳裝修算係光猛，簡單 🤗 餐廳唔算多人，可能佢唔係走快餐路線，lunch / tea 都係 around 6x - 7x ，唔算親民。點了一個叫「香港人」嘅tea set.，飲品係要加錢。菠蘿包加咗豬扒、厚蕃茄加 salad,係特色香港組合，好食，但組合一齊唔算好驚起🤔 Americano , 咖啡杯同匙好靚，好有特色❤️ 咖啡好香唔錯。👍

第一次去馬鞍山，啲人成日話馬鞍山係食物沙漠，但係都幾多嘢食啊？🤣 Puzzle dining呢間黃金小店已經係一個好好嘅選擇！估唔到兩點幾差唔多三點去到，都有成六七個人排隊😅特色鴛鴦，奶味好重，好好飲。唔會有苦澀嘅咖啡同埋茶味😚 不過$55一杯有啲貴🙈朋友嘅虹吸凍咖啡！朋友盛讚呢杯咖啡，話啲咖啡豆選得好好，酸味適中，又唔會搶咗咖啡本身嘅味😙餐湯南瓜湯，好creamy照燒雞扒飯，雞扒都幾嫩，皮脆脆地，汁係泰式酸甜醬😋意大利飯，配菜充足，但係意大利返晏咗少少，不過味道好味😙

新店光猛小巧精緻， 長期店外都有人龍的，今日星期六早DD 12PM左右來到，都要等一陣。人齊就可以先入，大家都好理解，職員亦非常之有禮貌，又好FRIENDLY~所以等都令人好舒服。Pizza味道如一，依然咁好味。芝士味好香，而且有大大件的肉，餅底厚薄O岩O岩好，唔會太硬~!新鮮出爐好好食~!泰式柚子蝦沙律，好大隻蝦，又好爽口，真係好FRESH既菜~好味。個泰式汁非常開胃，係一個人人都喜歡，而且幾時都咁O岩食既STARTER呢~~熱飲加$5，有港式奶茶or 檸茶

好耐無更新之前打左一大篇野，一下錯手del左，一隻字都無留低，勁灰，都無再打返，不竟我每次打親其實站在自己角度好用心打，本身欠缺文彩所以也十分需時，今日終於提起勁，食完立即打，免得又比左藉口自己！重點係佢搬離游泳池，無乜食評，實在可惜。其實今日我已經係1330食完午餐，因有事到新港城才會1630路經此地，對上一次經過已知佢搬黎此位置，不過仲未開門，今次見佢開返，唔係唔入去呀，雖然仲係未肚餓，但卻不想只係路過！第一次食呢間餐廳係仲係游泳池旁的時候，那次已是數年前，印象深刻，因為佢個扒真係好掂，本身心已準備唔會好食，因為大部分呢d附屬係游泳池旁的感覺都只係方便取勝，沒什麼質素可言，所以個刻好驚喜！現在再次出現我眼前的，係另一種驚喜:另外係童年回憶(暴露年齡)返黎講佢食物，雖然話未肚餓，但我還是被晚餐吸引，好幾款我都想瘋狂食，不過時間未到係無得叫，仲有成個鐘先到1730，無辦法等到，最後叫左下午茶。叫左個香港人(餐個名)係黑豚豬扒夾菠蘿的菠蘿包配沙律(應該無記錯)，另加左8蚊要凍奶茶，奶茶茶味香濃，奶和甜度沒有遮蓋茶香，係一杯好飲的奶茶！鐘意飲奶茶的朋友睇個顏色都大概知道吧！沙律新鮮無苦味，

我叫咗佢哋嘅招牌—鹹蛋黃單邊雞翼、天婦羅炸蝦配蟹肉意大利飯、雞肉芝士薄餅鹹蛋黃單邊雞翼揸得好脆，好乾身，唔會膩，鍾意食鹹香嘢嘅你一定要一試，純粹係略嫌雞翼未夠多肉，如果再大隻啲嘅話就完美。天婦羅炸蝦配蟹肉意大利飯十分足料，每一啖飯入面都充斥着蟹肉嘅香味，蟹肉味濃到好似食緊最近經常大家一齊食嘅大閘蟹咁🥰天婦羅炸蝦嘅炸功都好紮實👍雞肉芝士薄餅即叫即焗，出到嚟十分脆，味道亦調校得啱啱好。唯一要挑剔嘅係雞肉分佈得唔係好平均，如果可以多少少雞肉，確保每一slice pizza都有嘅話咁就正啦。講完食物就講下服務，我同友人傍晚六點就去到，一去到嘅時候經理及員工都十分殷勤，俾人一種被照料到的感覺，樓面員工十分充足，亦好細心，抵讚環境有好多同路人會明嘅裝飾，睇嚟仲會愈嚟愈多添，好期待！最後，性價比好高！兩個人食飽哂都係人均二百幾👍

先講講，哩間餐廳係實而不華，以味道、態度嚟打動食客嘅心。而我哋夜晚食完覺得好好味，第二日起身再去食午餐同early happy hour呀！.位於馬鞍山泳池旁邊嘅puzzle dining 是一間好受歡迎嘅餐廳，我哋晚上六點幾到埗，餐廳已坐了半滿食客。.Ordered:💜慢煮加拿大豬斧頭扒 $238好厚嘅豬扒，肉質鬆軟唔痴牙，唔會死實實，充滿燒烤香味，個蘑菇汁好正，內有好多菇，配埋扒食好好味！旁邊嘅伴菜一啲都唔hea！有芝士焗番茄、烤薯仔片、雜菜，全碟都好好食！💛黑松露野菌忌廉汁意大麵 $98樣子普通，但意粉好彈牙，好香黑松露，野菌份量好多，啖啖都有滿滿嘅醬汁同菇。💜+加購脆炸薯條（細）$15外脆內軟，攤到凍咗依然好食！似以前哈迪斯嘅脆炸脆圈咁！好味到我哋之後再order多一份！💛沖繩啤酒🍻 $250/tower好抵飲！食飯聽歌嘅良伴💜脆炸薯條 $35都唔多講，就是好吃！.食飯其間有歌手唱歌🎤，每枱客人都可以點歌，真心好好聽！氣氛亦好好！哩度有好味道嘅食物，有酒飲，有好歌聽，旁邊仲有💛精品賣。十級推介！！！

相信大家對呢間餐廳都唔陌生以前食過午餐同埋晚餐今次就試吓下午茶佢哋嘅T set都幾抵食不定期live show 鹹蛋黃雞翼正同埋我哋懶健康就叫咗好多菜😂😂🤣🤣呢個應該係fusion菜，有鰻魚同蝦😂😂🤣🤣不過不失，價錢唔貴，係馬鞍山呢個美食沙漠嘅綠洲