Quattro's Kitchen (Closed)

午餐同朋友一齊食好少少見到個餐牌好抵，主菜之外，仲要有自助沙律吧。我哋幾個食12點，所以冇乜人好順利就有位啦，唔使等。一陣大概12:30其實全院滿座。我哋叫咗主菜就出去自助bar攞食物,你行到出去會覺得好衛生乾淨整齊，算係擺得幾靚同埋幾多嘢揀而午餐嚟講算係好好。佢分開咗兩邊一邊係擺沙律菜，沙律通粉加少少甜品，另一個corner放咗麵包，薯條，咖喱角同埋湯。醬燒西班牙肉眼配日式醬汁賣相非常之靚，兩塊有手掌咁大嘅西班牙肉眼扒搭着，底下配着一大堆紫薯蓉。西班牙肉眼好嫩滑彈牙好香。份量係好大。越式豬頸肉配法包伴脆薯條個份量係好驚人，睇得出啲髮包好新鮮發包入油鴨肝醬配咗幾大片豬頸肉仲有旁邊嗰堆脆薯條我個朋友係男士都食唔晒。蒜香蟹肉檸檬欖油意大利粉意粉嘅配菜都算係多睇得出有蟹肉同埋好多蒜。蒜香係蒜片嚟嘅。仲有啲菇仔一齊炒。粉炒得乾身仍然彈牙。味道都係好。見到呢間餐廳嘅食物枱枱出嚟嘅標準都係差不多，所以值得推介

知道當天係冬至，所以已經預早7日前訂位，去到原來要準時入及限時，有點……到準時入去，我哋7個人俾6人位我，都算因為節日明既，唯有大家親密D因為6個大人，所以必要叫6個餐，之前已經預訂咗4人餐入面有斧頭扒，即係要叫多2個餐整體叫咗一飯一意粉加多個羊扒同三文魚。食物沒特別，三文魚細嚿同熟過頭，都有加錢要咗自助沙律吧，佢個湯唔錯，菜都新鮮，值得加錢去食，但個斧頭扒就整得耐咗，由坐底上晒菜食埋甜品都仲等緊，個扒係唔差，但大家已經食到8成飽所以唔會覺得特別好食，如果大家係想試斧頭扒就要留口啦！

性价比很高的午餐！一如以往的好評！雖然自助區款式不是太多，但是重质不重量，已经非常满意。服务一如以往的好，主菜一直保持高的水準！咖啡也很有質素！十分值得推介一试的餐厅。

真係太差，叫左個豬銨，等左1個鐘都冇得食，先問個女待應，佢話幫我睇，佢話煮緊，態度又唔太好，之後等半個鐘，個女待應行過，佢問我仲未嚟呀！跟住走左，大佬，你又冇收碟，咁你話來左未呀！？你係咪玩我我之後問經理，佢又話睇下，之後又叫我等5分鐘，再過多15分鐘，最後來左，經理同我講話張單跌咗落地，我o左咀⋯⋯咁之前個女待應跟d乜嘢？到食物，我哋order左3様野（1）牛柳拼大蝦先唔討論嗰隻大蝦好似基圍蝦咁大，但個4成牛柳，可以入面乾到冇血水滲出呢個勁（2）羊架又係又乾又肥，失敗（3）豬銨呢個等左1個鐘⋯結果係冇味，不過佢係唔乾嘅真係冇下次，black list,之前都冇咁，質素太差

第一次幫襯，先唔講食物質素由訂台到賣單，每一位waiter 既招呼，服務態度，都係好有禮貌，食得好開心，係香港已經好少有😃👍剩係呢一點已經有意再去幫襯主食質素唔差，半自助buffet食物略嫌遜色。個人覺得特飲同甜品都值得order

大少去姨姨屋企溫習完，加上老公又OT，咁就緊係同佢出街去食餐好嘅休息一下嘅。係太古AEON搵食嘅時候，醒起上次係Quattro's Kitchen食過LUNCH都覺得唔錯，所以今次就同大少嚟好味再ENCORE啦！依度嘅既SET DINNER都有好多選擇，不過最令大少開心嘅係….加$38就可以嚟一個半自助餐，90分鐘進餐時間任食自助吧嘅食物。自助吧嘅食都好好多，沙律前菜、蘑菇湯、餐包、炸物、….等等，樣樣都好味，尤其係個蘑菇湯勁CREAMY，幾款炸物都好脆卜卜，最開心就一定係區，有幾款蛋糕之餘仲有啫喱同和菓子。值得一讚就係佢地係會不斷REFILL，所以真係可以話想食幾多都冇問題呀！我地跟餐升級左兩杯特飲，凍白桃梳打同埋凍鳳梨梳打，夠解渴得嚟入面仲有唔好多椰果同鳳梨粒粒，好飲之餘又有咬口。我嘅主菜係 低溫慢煮黑毛豬鞍配蘋果蓉，經過，所以可以保持肉質柔嫩，食落軟腍多汁而又帶濃郁油香。而幾款烤焗嘅配菜都同樣出色，絕對係有驚喜。大少嘅 帶子鮮蝦忌廉汁闊條麵，佢話個闊條麵好彈牙，配埋個CREAMY忌廉汁十，加埋爽口蝦仁同埋鮮甜嘅帶子，整體上好好味哦。

見佢有最新推廣，set lunch 或者set dinner 加$38就可以升級做半自助餐，可以任食沙律吧、自助甜品、湯品及小食等等，幾抵食🤩；半自助餐食物唔錯，選擇都唔少，性價比幾高的👍🏻沙律菜新鮮，醬汁都有3種可以自己調配，我最鐘意蜜糖檸檬橄欖油；有吞拿魚通粉、薯仔沙律、蛋餅沙律杯、扎肉沙律炸物、蕃茄湯等等，整體質素真係唔錯，$38好抵🫰🏻；甜品方面有啫喱杯、蛋糕仔、菓子等等，質素過得去扒紐西蘭肉眼配茴香白菌汁($178)塊扒係靚嘅，無論係賣相定係味道都係唔錯，食落有肉香油脂香，一啲都唔嚡👍🏻就連啲配菜蔬菜都整得好味😋阿根廷紅蝦(刺身級)配墨魚汁意大利飯($148)紅蝦冇煮到全熟，咁先可以保留到肉身質感，而且食落彈牙有鮮味～Risotto 整得creamy，當中加埋啲菇類亦都可以豐富到層次✨百香果梳打($12)凍抹茶鮮奶紅豆($12)味道正常可以，推介抹茶鮮奶，唔會過甜，紅豆大粒又綿

系太古城Aeon 買完野3.3 順便食埋個遲來的午餐才離開, Quattro's Kitchen在Aeon 的3樓, 夠晒方便, 餐廳環境簡潔優雅。下午茶餐時段除左小食, 還有主食意粉及pizza 提供, 價錢大聚化, 最吸引的反而係佢地個 SEMI-LUNCH BUFFET, 可惜晏左黎, 過時。Cappuccino (+$12/升级)啡味濃香, 奶沫打得棉厚幼滑, 口感很smooth, tea time 醒神良飲。辣肉腸雜菌燈籠椒芝士薄餅 ($88跟飲品)薄餅即叫即制, 焗好直上枱, 包保新鮮熱辣, 9吋薄餅面層鋪滿芝士、洋蔥、彩椒絲、菇菌及辣肉腸, 香氣四溢, 趁熱食, 芝士厚厚的, 配上洋蔥及辣腸, 鹹香惹味, 多餡批薄, 薄批底夠脆口, 放少許辣椒仔更能刺激味蕾, 越食越醒胃。

呢日放工黎到太古呢間QUATTRO~ 唔係朋友講都唔知AEON 入面有呢間咁好食既西餐廳! 呢間QUATTRO係太古康怡AEON 既3樓, 食飯前我仲慢慢行左陣等朋友~ 呢度既set dinner 都有好多選擇, 仲可以加$38 食埋出面自助吧既野食, 自助吧都有好多野食, 例如係煙鴨胸, 沙律, 蘑菇湯,餐包, 薯條, 咖哩角同甜品等等! 自助吧既食物都幾高質, 蘑菇湯勁CREAMY, 一D都唔會因為佢係任飲而HEA~ 薯條同咖哩角呢兩款炸物都係脆同熱既! 隔離仲有茄汁同沙律醬提供添! 另外仲想讚下佢既煙鴨胸, 好夠味同埋不斷都有REFILL! 甜品有幾款CAKE之餘仲有啫喱, 食得出係羅拔臣個隻! 好耐冇食過好懷念! 呢個自助吧既野食都好岩小朋友食, 湯、炸物、餐包、甜品! 講番主菜先, 我地揀左兩款, 一款係菠菜雞肉忌廉水管粉, 一款係香煎牛柳拼大虎蝦, 野飲方面我地就加錢叫左特飲, 一杯係抹茶鮮奶紅豆, 一杯係污糟咖啡, 個菠菜雞肉忌廉水管粉真係好令我驚艷, 水管粉配呢個汁好夾, 水管粉沾滿哂醬汁, 真係好好食! 醬汁又夠哂creamy, 份量又多~ 香煎牛柳拼大虎蝦既牛柳好有

日本菜絕對係港人至愛，魚生壽司、和牛鐵板燒、豚骨拉麵等，真係諗起都即時患上選擇困難症。但相對嚟講，和風洋食真係比較少接觸。平時睇卡通片，見到啲日本人行完百貨公司之後，都會搵間和風洋食嘆吓，我哋照板煮碗，嚟到太古嘅Quattro's Kitchen。自助沙律吧 + 餐湯午餐只需要加$28就可以upgrade變成半自助餐，無限添加沙律、餐湯、多款小食同甜品。喺主菜未嚟之前，最啱飲碗餐湯。今日嘅menu係周打魚湯，配上牛油餐包。至於小食就有新鮮炸起嘅薯條、春卷、炸雞粒等。如果想清新少少，當然唔可以錯過自助沙律吧，有多款已調味沙律、沙律菜、青瓜、粟米、橄欖等，全部配料都非常新鮮！扒紐西蘭西冷配羊肚菌紅酒燒汁牛扒揀五成熟就啱啱好，肉質嫩滑多汁，牛味香濃，旁邊嘅薯菜用過蒜蓉略炒，非常細心。值得一讚嘅係羊肚菌紅酒燒汁，味道數會太濃而蓋骨西冷牛扒嘅肉香味。扒虎蝦青醬海鮮野菌意大利麵虎蝦大大隻，非常厚肉，結實鮮甜。意大利麵煮得啱啱好，軟硬適中，每條都掛上creamy嘅香草醬，口感同層次大大提升。甜品最後當然要食埋自助甜品吧，今日提供啫喱杯、芝士蛋糕、泡芙、糯米糍等甜品，選擇十足，讓人非常滿足！

Quattro's Kitchen的主菜由百多元起，加多$38即可任食沙律吧、自助甜品、湯類及小食等，價錢合理、環境舒適、食物質素不俗。自助沙律中有已經混合好的南瓜沙律、紅菜頭柑桔及通粉沙律，亦可自行配搭。是日餐湯為羅宋湯，可以配上餐包或炸物小食。黑蒜醬油野菌牛柳絲意大利粉 此意粉炒得火喉十足，入口熱辣，濃濃的醬汁包裹每一條意粉，牛柳絲軟腍中帶嚼勁，牛味非常濃郁。焗保雲酥三文魚配水瓜柳奶油汁 保雲酥多用於肉類上，餐廳將此煮法用在三文魚上。麵包糠加上香草同焗，外脆內嫩，增加食物層次感。配菜亦不馬虎，有大啡菇、薯仔、烤紅蘿蔔、烤椰菜花等。熱污糟咖啡熱濃縮咖啡加入凍牛奶，碰撞出分層，咖啡入口味道香濃。凍抹茶鮮奶紅豆抹茶鮮奶紅豆分層更明顯，甜紅豆配質感幼滑溫醇明抹茶鮮奶，味道不會太濃，甜度適中。 

📍Quattro's Kitchen (太古)太古康山道1-2號康怡廣場南座AEON 3樓L301號舖今次專程同朋友去食依間西餐，上次食完覺得平！靚！正！今次轉了食法，提供自助吧給客人自己選擇。有🥗沙律，🍞餐包，🧁甜點，選擇都較多。🦬香煎加拿大牛仔骨配黑椒汁 $178足足足足有3大塊，啖啖肉，爽口新鮮，煎得岩岩好，不太油膩。🐟 鹽燒鯖魚配日本秘製豉油 $148小編就好鐘意食， 提供左成條比我同朋友Share, 原來佢地平都係咁大份。叫左2杯🍹飲品凍會百香果梳打$42凍鳳梨梳打$42正正常常飲品，不過不失。🔔總結：平！靚！正！環境靚！地點⭐️⭐️⭐️⭐️⭐️味道⭐️⭐️⭐️⭐️ ⭐️環境⭐️⭐️⭐️⭐️⭐️服務態度⭐️⭐️⭐️⭐️⭐️（5星為最高分）

星期六去太古城行街，去咗食半自助餐，味道唔錯，間半自助餐位於AEON商場入面地方環境幾靚坐得好舒服，主菜亦都有好多嘢揀我哋揀咗一個牛一個豬。🐮🐷西冷牛扒肉味好濃郁，而且煮嘅時間唔會過長生熟程度啱啱好濃肉味唔使點汁都已經好夠味。😍😍黑毛豬亦都好好食，配上蕃茄醬幾開胃。黑毛豬嘅肥瘦程度亦都好均勻，唔會太油膩 😋😋佢嘅半自助餐包沙律吧麵包甜品同埋羅宋湯羅宋湯材料好豐富飲落去亦都好濃郁沙律吧嘅沙律菜亦都好新鮮仲有鴨胸！😆😆總括嚟講，呢個價錢可以享受一個好好嘅下午，係假日嘅唔錯嘅選擇🥰🥰

佢哋嘅自助律吧每人加$38就食到，佢地新鮮嘅沙律菜，配有幾款唔同嘅醬汁，仲有幾款芝士、甜品、炸物等等，淨係食出面嘅野都已經飽哂！香煎牛柳拼巴黎牛油大虎蝦牛柳煎得啱啱好，肉質軟嫩多汁。大虎蝦嘅蝦肉飽滿，配上牛油，真係無得頂，而且虎蝦本身都好大隻，同朋友兩個人share都得！再嚟就係帶子鮮蝦忌廉闊條麵啦，呢個絕對係絕配，鮮蝦同帶子都好大隻好新鮮，闊條麵煮得啱啱好，唔好太淋太硬身，呢個真係值得嗌黎食！飲品方面，我哋叫咗意大利凍鮮奶咖啡同凍白桃梳打。凍鮮奶咖啡嘅咖啡味香濃，配上鮮奶，甜而不膩。白桃梳打唔好太甜，都幾解膩。

Aeon店裡原來有間裝修高檔，格調舒適的西餐廳。中庭位置位置設自助沙律吧。半日lunch set +$28就可享用沙律吧。有多款特色自家製沙律例如紅菜頭蘋果沙律、鰻魚沙律等。另設炸物熱食和甜品～非常豐富。蘑菇湯濃稠有粒粒磨菇、唔覺唔覺飲左兩碗。紐西蘭西冷牛扒有翠肉瓜，紅蘿蔔，蕃茄仔，椰菜花及薯蓉伴碟。牛扒煎得剛好，玫紅色肉質保持鮮嫩、配上羊肚菌紅酒燒汁，令人回味無窮。虎蝦意粉香煎巨型虎蝦、鮮味又夠爽口、仲有好多海鮮 — 蜆肉、魷魚仔等，用料豐富、香草醬汁調味剛好。凍白桃梳打有甜甜的蜜梳香氣、涼浸浸好解暑。Dirty 有濃郁的咖啡香、加上冰凍的牛奶增添香甜感～