QUE (東薈城名店倉)

Open Now

Now Closed

我地去既呢間餐廳位於東薈城2樓，原來佢係圓方都有分店我地有大人同小朋友，所以提前起OpenRice預約定呢一日同朋友去大澳玩搭緊車返去東涌既時候（仲有15分鐘先到預約時間）餐廳同事已經打俾我問幾點到？我哋會唔會黎？（我諗佢有客人想入但冇位）我話已經搭緊車，可能遲少少佢話只會留位10分鐘如果有客等緊會俾佢地咁我都明既，始終打開門做生意幸運地我地趕得切係留位時間內到我有係request 度寫明有小朋友不過黎到佢話冇BB櫈提供咁都冇辦法好在唔知點解轉頭又搵到1張俾我地到落order唔係落錯單就落漏單😅呢個係落錯咗嘅雞翼我哋照要左，好在味道都ok脆脆的，小朋友都鍾意食呢個簡直係伏！！！魚子蟹肉海膽飯完全食唔到有海膽嘅味道成個飯偏甜食落唔知咩味（唔好食….)我俾佢張相呃左….可能食牛肉飯仲好…😢草莓蜜桃沙冰飲唔到有蜜桃味不過唔會太甜都ok既.總括嚟講：體驗十分之差，服務差，食物質素差，超級失望😔我地幾個各自有帶小朋友，所以食物分開叫，冇影到佢地個啲，對其他冇食到既食物俾唔到意見，但大家千祈唔好叫呢個蟹肉海膽飯，堅唔好食！我朋友都有叫到都話好難食！完！

出帖前我已經係呢間餐廳幫襯第四定第五次啦！(╯✧∇✧)╯差唔多成個正餐 𝐦𝐞𝐧𝐮 都嗌均…食物真係好啱我口味，從 𝐚𝐩𝐩𝐞𝐭𝐢𝐳𝐞𝐫 到 𝐝𝐞𝐬𝐬𝐞𝐫𝐭近乎所有我都啱心水！聽聞 @que_h.k 主打係創新甜品、日式丼飯同蘋果批但我自己就覺得皇牌係 𝐬𝐮𝐬𝐡𝐢 𝐭𝐚𝐜𝐨!其實就係天婦羅紫菜壽司，呢個必點 ⁽⁽٩(๑˃̶͈̀ ᗨ ˂̶͈́)۶⁾⁾紫菜沾粉炸香，啖啖肉加上新鮮配菜食落無論係口感、層次定係用料都好豐富款款試均嘅我表示最鍾意 芝士炸蠔 同 海膽汁蟹肉蟹籽！其他 𝐦𝐚𝐢𝐧 或者係基本都係好食無伏環境好坐舒服唔會太嘈，好開心東涌呢個美食沙漠多咗間咁高質餐廳 ✧◝(⁰▿⁰)◜✧

📍𝗤𝗨𝗘 (東涌) 行完東涌outlet緊係要喺附近搵啲好嘢食！𝗤𝗨𝗘係一間西日fusion菜餐廳，經過已經比佢嘅裝修佈置吸引到，🤎以木系為主，整體感覺清新簡約，更有不少綠植作點綴🌿。𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:◾️𝐃𝐢𝐧𝐧𝐞𝐫 𝐒𝐞𝐭 𝐟𝐨𝐫 𝐓𝐰𝐨 ($488)▫️北海道蟹肉薯仔球 配 芥末蛋黃醬一共有4粒，面頭滿佈沙律醬、紫菜碎、蔥絲、木魚碎，😆感覺就好似食緊章魚小丸子嘅frd咁~ 🥔薯仔球外層酥脆，入面有好多薯蓉，不過蟹肉就唔太食到。▫️燒肉眼扒 10oz 配 獨子蒜片及芥末籽燒肉汁(+$68)點咗五成熟，😍一切開就見到肉眼扒色澤粉嫩，相當吸引，食落牛味香濃，鮮嫩多汁，❤️好高質！底下仲有好多薯蓉，口感軟滑，帶有少少芥末味，幾特別~ ▫️黑松露野菌貓耳朵粉 配 木魚絲及帕爾瑪芝士黑松露味好濃郁，而貓耳朵粉煙韌彈牙，掛汁力好強，啖啖都掛住好creamy嘅醬汁🥰，仲帶有淡淡芝士香味，加上有好多野菌同木魚絲，口感豐富！▫️朱古力甜筒食嘅時候要先將甜筒敲碎🍦，再倒上杏仁朱古力醬🍫，另外會有焦糖脆片同珍珠朱古力，但食落又唔會太過甜膩，幾鐘意！▫️香桃富士梳打 (+$38)賣相好靚好精緻🤩！蘋果薄脆，飲

係東涌行過見到呢間餐廳 樓底好高環境又靚 好似好舒服咁就走左入去食返個lunch 揀左個月見燒牛肉意大利飯丼同埋追加左日式咖喱雞軟骨配紫蘇香蒜蛋黃醬一黎到食左牛肉先 個生熟程度啱啱好 食個lunch 黎講 個牛肉都整得算好食 食埋落去個意大利飯 仲有個蛋黃係面撈埋一齊食 好creamy 配埋上面有紫菜 一齊食埋有啲口感 黎到個咖喱雞軟骨唔係好食到咖喱味 個蛋黃醬就好好食😂😂😂仲食到啲紫蘇葉味見到佢地個雪櫃有啲正方形既蛋糕仲買左兩個外賣返去食 不過個味道就麻麻 好甜 係死甜果隻 就變左減左分😅😅

喺東涌Staycation, 又唔想去酒店餐廳食，去Citygate搵食都好多選擇又方便。餐廳行木系feel, 望落幾舒服，餐廳有晚市二人套餐，包五道菜，再散叫咗其他菜式。套餐前菜（2選1）日式咖喱味炸魷魚配紫蘇香蒜蛋黃醬：咬開炸魷魚脆槳後，食到有咖喱味，同個蛋黃醬好夾。沙律（2選1）黃金凱撒沙律，純粹見隻流心炸蛋幾唔錯而叫。主食（5選1）燒春雞配自家燒汁伴芥末薯蓉：燒春雞有點嚡，不過芥末薯蓉就幾好味嘅。丼飯（4選1）月見燒牛肉意大利飯丼：燒牛肉撈埋生雞蛋後，蛋汁令到肉味更突出，不過意大利飯個汁太多。甜品（2選1）：靜岡縣紅茶芭菲（日本甜蕃薯、紅茶醬）賣相氹味道都唔錯。二人餐以外嘅散叫菜式1. 松葉蟹肉甲羅燒飯配蟹籽及海膽忌廉汁:必試菜式，飯很creamy, 個海膽忌廉幾好味，最開心有松葉蟹肉甲羅燒，成件事好豐富！2. 軟殼蟹意粉配蟹肉蕃茄忌廉汁：個汁幾開胃，整體唔算太有驚喜。3. 黑松露野菌貓耳朵粉配木魚絲及帕爾瑪芝士：貓耳朵煙韌有口感，配料出奇地夾。4. 草莓雲呢拿蛋糕（草莓啫喱、白朱古力慕絲）：一粒cube嘅造型，嘅可愛又好味！整體環境舒適，食物質素中規中矩，但服務有待改善！

日式fusion西餐廳🍴QUE (東薈城) (東涌)📍東涌達東路20號東薈城名店倉2樓284號舖@que_h.k ——————————簡約日系西餐廳用木色做主調 仲有植物做背景～好舒服～——————————北海道蟹肉薯仔球 $88係無章魚版本嘅小丸子 ！薯仔球上面有沙律醬 木魚碎 紫菜碎 同大蔥絲 同食章魚燒嘅醬汁同配搭都差唔多 轉咗薯仔球變得好脆好有口感 不過蟹肉就唔多覺😞軟殼蟹意粉 🦀 $148番茄忌廉醬汁好creamy同時有蕃茄酸酸令到意粉唔會膩 軟殼蟹好脆多肉～月見燒牛肉丼配意大利飯 🐮 $168意大利飯用咗忌廉汁煮 好creamy好濃味配埋燒汁同紫菜碎好夾 但燒牛肉味道正正常常 厚切牛肉有啲韌 靜岡縣紅茶甜筒 🫖☕️ ＄88店員會講解點食個甜品 要敲碎甜筒再倒上紅茶醬汁 加埋雪糕 變咗奶茶味 值得一試～——————————總括嚟講 餐廳嘅食物味道不錯 價錢都可以～服務方面 店員都會主動提供協助 有禮貌🩵——————————#hkfoodie #hkfoodblogger #hkfood #hkfoodshare #hkfoodblog #hkfoodlover #foodsta

咁啱行過諗住試下佢d 甜品，見門口侍應好nice, 就入咗去試下，見到個menu 淨係甜品都好多選擇，飲品都好特別，咗我點咗個蕃薯加雪糕嗰個甜品試下la~ 一嚟到見到個甜品賣相已經擺得好靚，側邊有d 熱嘅奶茶係用嚟倒喺個白朱古力度，等個朱古力溶就會慢慢流入個雪糕度，呢個絕對係好玩、好睇、同好食，集合晒3大元素～～期間我見其他枱上面d 熟食賣相都唔錯，而且d 侍應幾有禮貌（喺而家呢個世代嚟講已經好好），所以我下次一定會嚟幫襯！！👍👍👍

東薈城Outlet上年年尾先新開嘅日式和風木系Cafe，餐廳佈置加入大量綠色植物同和風擺設，無論打卡影相都好有日系感覺🎋，同朋友血拼完休息食個tea都唔錯～食物賣點由日籍甜品師主理一系列精緻甜品外，特別有日式融合西式嘅Fusion菜，晚餐時間仲有二人套餐由前菜到主食、意粉、甜品同飲品，可以一次過品嚐晒🫶🏻✨🔸晚市二人套餐 $488•北海道蟹肉薯仔球 配 芥末蛋黃醬(4件）外層炸皮非常香脆內裏喺綿密嘅蟹肉薯蓉，加上大量沙律醬&木魚碎&紫菜碎&蔥絲，感覺似食緊一粒巨大化章魚小丸子，只喺無咗章魚咁解😂～•汁燒鰻魚丼 配 意大利飯鰻魚肥美多汁，看似平平無奇嘅日式鰻魚飯底內其實喺意大利飯🍱入口似奶油燉飯飯粒軟綿煙韌✨•軟殼蟹意粉 配 蟹肉蕃茄忌廉汁主菜有丼飯更有一款意粉選擇絕對飽肚🍝，呢款意粉用上原隻軟殼蟹鋪面非常吸引🦀，意粉都沾上香濃蟹肉蕃茄忌廉汁甜酸味恰當，開胃又夠Creamy大人細路都喜歡！•京都宇治抹茶甜筒最後甜品三選一之下揀咗宇治抹茶甜筒🍵，抹茶雪糕底部有抹茶脆片&白朱古力&柚子朱古力粉，最後敲碎脆筒再倒上濃郁抹茶醬香甜吸引，抹茶味道更濃厚😍～•咖啡或茶 跟餐有普通咖啡/奶茶☕️，+$3

餐廳環境非常舒適，若置身日本，衞生亦寬敞，舒適之餘亦見心思。每一位員工都細心、有禮、欣勤。一坐下，他們就主動遞上椅子給我們放隨身行李。用餐時，又適時遞上濕紙巾及牙簽 😌 食物都好有心思，下午茶時間 我們點了鰻魚旦Tacos，又似飯團、又似tacos，外面用紫菜天婦羅包起，爽脆。這個菜式非常獨特🤩😋 另外，必點薯條！ 很期待再去試試其他菜式😍😍😍

#chowweisik鹹#chowweisik甜成間裝修走舒適，日系庭園木系風格，燈光同埋座位都幾柔和✨☺️ 整體價錢比較進取，甜品比預期中冇咁出色，星期日Walk in都唔使等位如果平日來講好似有下午茶，咁價錢相對或者比較合理～～一🐾 特濃朱古力芭菲｜$98成個外貌都好精緻連埋一個熱濃朱古力醬等你淋上白朱古力球體芭菲有唔同嘅配料兩球雪糕、mouuse、棉花糖增添層次感～但係性價比有啲進取🫣一🐾 炸薯條｜$ 68上面嘅配料，同章魚小丸子一樣有木魚沙律醬紫菜扣分位薯條比較燶🙈一🐾 QUE絲滑黑咖啡｜$48好似平時嘅 creamy black有層綿密滑滑嘅奶泡👍🏽☺️一 🚏QUE (東薈城) (東涌)東涌達東路20號東薈城名店倉2樓284號舖

呢間《QUE》是西日fusion菜，甜品係日籍師傅主理，喺東涌已新開了一段時間，假日經過好多人等位，感覺是食輕食為主，份量都比較少，價錢亦都進取～餐廳都幾大間，座位頗多，但係枱與枱之間都幾逼夾，同隔籬枱都好近，有壓迫感😔✤ 海膽汁蟹肉蟹籽壽司塔可 $78用香脆的紫菜夾著蟹肉壽司飯，唔覺有咩驚喜，普普通通冇咩特別～✤ 京都宇治抹茶芭菲 $98芭菲賣相非常美觀，熱的綠茶醬液慢慢傾倒在碗中，待白朱古力碗溶化後再混和綠茶雪糕、麻糬、蜜餞豆等一起食，滿滿的儀式感～✤ 特濃朱古力蛋糕 $78點咗焙茶味，點完單就話賣晒🤦🏻‍♀️所以俾咗呢隻味。有埋cone雪糕跟，蛋糕係好食但冇乜特別～✤ 兒童餐 吉列豚肉飯 $98有薯條、炸雞、沙律，吉列豚肉外脆內煙韌，豬肉肉質鮮嫰～

放工想去嘆下，係東薈城一直想試吓呢一間餐廳，今晚拉大隊一齊去試Dinner set for two✌🏻QUE鮮雜果沙律 配 芒果汁月見燒牛肉意大利飯丼燒肉眼扒 配 獨子蒜片及芥末籽燒肉汁軟殼蟹意粉 配 蟹肉蕃茄忌廉汁香桃富士梳打宇治抹茶甜筒

本想去春水堂，要等，所以行過幾間，見到Que, 入去試吓，係西日fusion. 店員親切引路入座，令人感覺舒服。 雖已是下午茶時段，但我點左午餐set 角切魚生飯。足料魚生，連一杯熱咖啡。 附隨嘅牛奶係熱嘅，很好！ 整個 dining experience 好pleasant ！ good !

適逢假期，屋企人話去outlet血拼，一到步趁唔太多人，即刻飊去餐廳食飽飽至逛街。餐廳裝修簡約日系得嚟有少少details，感覺舒服。北海道蟹肉薯仔球唔覺得有蟹肉在內，薯仔係一粒粒有口感的，味道似章魚小丸子。脆炸單骨雞翼配明太子醬，雞翼好香脆，配明太子醬有少微辣好好味。沙律滿滿的，雖然價錢少高，份量拉平，有合桃同脆麵包粒，增加口感。黑松露野菌貓耳朵粉，好香，味道亦適中，但跟燒牛肉嘅意大利飯一樣有點膩，燒牛肉生熟程度剛好，但有點貴，整體整餐都好好味。

計劃同女朋友慶祝生日，夜晚將會喺酒店食自助餐，所以我決定晏晝搵一間輕食嘅餐廳，最後就搵咗呢一間Que啦！喺呢一間餐廳嘅體驗唔錯環境好舒適，簡約日本風格裝修，再有植物元素點綴。我哋叫咗鰻魚玉子壽司塔河，紫菜炸得好脆，加上鰻魚肉軟林林感覺好有層次，好味！另外一個我哋叫咗軟殼蟹壽司塔可，軟殼蟹好香口，而且有啲蟹籽係上面，係另一種脆脆嘅口感！最後我好想令女朋友嘅生日有多點儀式感，覺得生日應該要有蛋糕食！​叫左呢到嘅Signature cake — Q-ube蛋糕，揀左焙茶味。其實我Book枱嘅時候一早Order左寫生日字句，睇得出店員好細心幫我哋寫，啲字寫得好工整好靚！蛋糕好簡單一個四方形，好有特色！食完都唔覺得膩