皇后飯店 (Closed)

一直好期待去皇后飯店試吓，因為好出名，屋企人上一次食過話好好味。於是今次係週末食set lunch， 2:30去到，等位人數比平時少，(平時時刻刻都見到一堆人等位)今日排第二，心諗少人等位👍🏻但2:50先執好張枱安排入座。叫咗個牛扒餐要5成熟同行嘅要俄國牛肉飯。大家都飲羅宋湯，飲完碗湯waiter 收餐具連匙羹🥄主菜上枱，要食飯冇匙羹用，叫咗 waiter 3次比隻匙羹嚟都未有，體驗到佢哋嘅Service👍🏻塊牛扒有筋完全食唔到落肚（好彩有兩塊，只係1塊有筋，我咁好彩中咗）

去親又一城都會食皇后餐廳，好有古老港式西餐廳嘅味道😆細細個跟爸媽去食西餐就係食呢啲星期六12點零黎到都要等位，有lunch set都幾好，餐湯、主菜、飲品主菜叫咗大蝦肉醬意粉，蝦好新鮮彈牙，我鐘意佢個肉醬唔會好酸或好多番茄味，肉醬份量都好多，唯一不足係意粉偏淋，可能焗完又淋啲

第一次黎食，專程黎試下佢個焗豬扒飯，另外叫咗個羅宋湯，蝦多士。羅宋湯幾足料，當中啲肉夠淋，好食，微辣，份量亦足，但稍為杰左少少。餐包有烘熱，外皮有少少脆，如果再熱啲會更佳。蝦多士好大件，夠熱，不過個邊有部份稍為硬左少少，薯條一般，應該唔係即炸，部份變左有啲硬同唔夠熱。焗豬扒飯個飯底我覺得一般，多啲蛋同乾身啲會更佳，豬排唔夠厚同個邊唔脆，但味道係好食的，屬中上。環境乾淨，舒適，待應服務都良好。整體都幾好，不過如果想食焗豬排飯的話我都係會去我鍾意的另外一間較好。

平時在皇后用餐一定會叫紅酒牛尾，是我的favourite 。今晚特登叫個外賣回家諗住煲個白飯 好好享用。點知打開外賣盒一看 已經心知不妙！盒內完整三件中段加一件極細尾段牛尾和一小塊紅蘿蔔。$148-一個order淨牛尾唔會期望很大份。但至少有充份醬汁！但係乾爭爭見到盒底，完全同以往不同。賣相已覺不對 牛尾周邊肥膏佔咗1/3 明顯未清理過。咬落感覺未炆得淋 同以往入口即溶的感覺原全不同 味道唔咸唔淡 怪怪地。唔知係咪換咗廚師 直覺和以前的紅酒牛尾不一樣。如果唔係我親身去買 還以為是另一間餐廳的出品。太失望 配不上是皇后經典 希望餐廳主持留意吓 ，唔好掉咗個金漆招牌菜啊！

今日去了一間很有歷史的俄羅斯餐廳，這間餐廳屹立幾十年在九龍塘商場內，仍然是會排長龍的這真是的確有實力。內裡裝修很傳統，木系色調配水晶燈，長長梳化卡位，所以這裡有很多情侶前來。午市套餐有A-H 每款$150包羅宋湯 或是日餐湯，咖啡 或茶而A-洋葱牛柳 和 B-蒜茸新西蘭西冷牛扒就要加多+$25 餐湯俄羅斯羅宋湯🍅和忌廉蘑菇湯🍄這裡的羅宋湯做法很傳統，湯底非常之濃郁香甜配料很豐富。焗田螺🐚配黑松露薯蓉🥔去高級餐廳都會點這個菜式，焗田螺很鮮甜入味不會過火喉，而薯蓉焗得外脆內軟有焦香口感，兩者之間取得平衡真的絕配。洋葱牛柳🥩配薯菜🍟牛柳份量足，五成熟剛剛好，外層煎封鎖住肉汁，所以吃的時候肉質好嫩，薯條炸得鬆脆，店員很貼心知道我們點了薯菜會先遞上茄汁。蒜茸新西蘭西冷牛扒🥩配意大利粉🍝牛扒大塊很厚身，肉味香濃有嚼勁切下肉質帶粉嫩色，意大利粉很乾身有咬口。餐飲點了凍咖啡和凍檸茶🍹今次再來很舒服感覺，店員貼心而新經理很有禮貌又貼心，服務態度很好👍🏻

每次lunch hour行過九龍塘Queen's Cafe都見到超多人排隊😵咁我緊係都唔執輸即刻排埋一份啦😎入到去啲裝修真係好舊式扒館／飯店真係番左去以前咁🤩個人都幾中意🤪叫左個西冷扒lunch set，會先上餐湯同餐包先🍞想講呢到既餐包真係好！出！色！😍呢啲扒館既餐包唔係咁易好食㗎！佢呢隻做到口感鬆軟唔會太實又唔會中空，沾湯食真心一流🤤🥩蒜蓉新西蘭西冷牛扒 $128+15西冷可以😬 >>> 牛柳不了😵西冷厚薄適中而且牛味出啲，咬落去係有口感但唔會係靭，但牛柳佢地用既肉比較厚，啲肉靭好多中間甚至唔太咬到😣配菜不過不失，粟米甜👍🏾不過有時啲薯條擺耐咗好似會翻炸咁就會好大油億味🥲💬其實$160一個食扒既lunch set都ok但唔好expect佢會好好食係好高級既扒，我覺得只係可以滿足下你想食肉既心🤣如果lunch time經過附近又想食肉都可以既但就唔洗特登去了～Bello！希望大家中意我嘅食評啦(⁎⁍̴̛ᴗ⁍̴̛⁎) 如果可以follow埋我就更好啦！@phoebesohungry

昨天中午光顧長期捧場的餐廳 水準唔會令人失望，但今日卻徹底改觀！叫咗個set lunch係白色雞皇飯。這個飯差唔多係餐廳的signature. （除咗焗豬扒飯）但今次卻非常失望。啲雞肉望落同以前差唔多 但食落口卻嚡和硬。唔知係咪昨日賣剩？ 即時冇曬胃口。求其用白汁食咗啲飯 😤 清理餐桌時 待應見到碟雞完封不動都當睇唔到，問都唔問立即收碟！唉😮‍💨點解會咁嘅？ 希望餐廳檢討下 唔好水準下降！另外待應姐姐更幽默，我要求美極豉油時 佢竟然答我係咪還有要求 ，一次過啦！語氣好似叫我唔好玩嘢，多多要求😱😱 咁嘅服務態度好趕客呀！

已去了又一城的 Queen’s Café 差不多二十年。但最近發現餐廳的食物味道比前差了及又加了價。計出來價錢和一些較高級餐廳已很接近了。但食材質素則未必是其強項。另外有些驚訝是新調來的 shop manager Issac 像是factory production line 般地 proccess 客人而不是在 serve 客人。竟在語言上暗 “寸” 客人及和客人爭吵。若 Queen’s Café 是間平價茶餐廳, 這樣的服務態度可以理解。但現在餐廳的價錢已另客人會考慮其它選擇了。

個人覺得係帶有俄國風味的港式餐廳，食物份量足，地方又適合一家大細。一塊多士有兩隻蝦，唔太油，可惜蝦太細，冇味，再食埋薯條，有啲膩！普普通通，似快餐店味度，豬扒冇雪味，勝在夠熱。兒時食的田螺連啲汁都好香。今日的焗田螺，除咗賣相相似外，其他冇得比。田螺本身冇味，又食唔出薯蓉加咗黑松露今餐最好食係呢個大大塊雞扒煎得香脆，肉質滑冇雪味，可配飯、意粉或薯菜，真正港式西餐。懷舊飲品：鮮檸雜飲、雜果梳打…等。我叫咗黑牛（朱古力雪糕+可樂），但唔記得影相😅

🐱🐷皇后飯店🐷🐱呢間由1952年開業至今 充滿港式風味嘅俄式西餐廳 一直又唔少捧場客😌次次喺又一城經過都見到人龍 但一直未有機會食到 學完車12點見條龍少啲人 一於試下～比個reference 大家 呢張係星期日中午12點左右嘅隊～佢嘅lunch 有lunch set 150蚊一set，8款套餐 都會包埋餐飲同湯我地嗌咗個D餐同F餐湯方面叫咗羅宋湯同忌廉湯（是日餐湯）會連埋餐包一齊上😆好鍾意佢個包熱辣辣 個外圍仲有少少脆🫶🏻第一個嚟嘅係F餐 - 紅酒燴牛尾🍷可以揀跟飯/意粉/薯菜～我就揀咗飯 佢飯同餸就分開上嘅，飯嗰碟仲會有埋啲紅蘿蔔 西蘭花 粟米😌個牛尾！好軟好諗！！🥰份量仲要唔少！勁滿足！除咗牛尾 亦有啲紅蘿蔔🥕西芹同洋蔥一齊煮～啲汁好好餸飯🤪第二個嘅係D餐 - 英皇雞飯 佢都係飯同餸分開上～啲雞勁大舊亦好夠味👍🏻👍🏻入面仲有啲洋蔥 紅椒 青椒等🥰（飯嘅話就同上面個燴牛尾一樣咁上嘅～）另外個餐都包杯野飲 都係普通檸水檸茶咖啡奶茶☕️就冇特別影喇～🐱🐷總結：好開心可以搵番啲兒時港式西餐嘅味道～❗️注意：呢間餐廳都幾受歡迎㗎，walkin就要預早排隊喇

平日2点幾見呢間野無乜人，心諗未試過咪望下門口餐牌，見午餐A有牛柳諗住入去試下掃完安心針卡入座，叫人落單啦，点知侍應姐姐話A,B餐都賣晒，唉～可能自己遲黎啦，因為好肚餓咁我就揀個飽d嘅焗豬扒飯，羅宋湯，熱奶茶，同行朋友叫左個Tiramisù🤣🤣。。。首先個湯正常嘅，麵包都夠熱，無問題。個焗飯就同我期望就差好遠了，首先份量好細，d汁同飯都無乜味道😮‍💨😮‍💨，認真講大家樂嘅一哥焗飯好食好多。另外奶茶真係無乜茶味，好淡😑😑Tiramisù.......我估佢地可能係叫貨返來嘅，用叉拮落去實實地嘅，再食個芯係冰嘅🤣🤣未解晒凍呀師傅。總之價錢同食品質素不成正比。Floor員工態度ok嘅，感覺仲好有心做，不過食品質素咁樣，服務再好都頂唔住，浪費左一班忠臣。。呢間應該唔會再來，太伏了，環境ok，員工ok，係差食物，唔信嘅自己試下😉😉。。謝謝觀賞

整完頭髮 搵位食個lunch ，見到呢間焗豬扒飯咁多好評，就行過黎試一試。今日因為假期，餐廳都要排隊先有得食是左個肉眼牛扒同焗豬扒飯肉眼7成都住得岩岩好，好淋焗豬扒飯都香， 加上服務好，成個環境做配套。難得人來人種 都有舒適感

砌餅費要$100一位，非常唔合理，唔砌餅，叫佢幫忙放蛋糕到雪櫃，佢話不提供這個服務，都明白的，但語氣很差！服務態度極差，問拿暖水，對答如下：我唔知你暖水嘅定義係咩㗎喎，個個人暖嘅程度唔同，我攞杯全熱水俾你啦！結果係俾咗兩杯全熱嘅滾水！我想找洗手間，問行過嘅送餐員洗手間係邊，對方竟然擋聽唔到冇反應直行直過！以上三個經驗感覺不良，十分趕客！食物極之overpriced，分量雖然不少，但比這個價錢有咁嘅服務同埋食物質素，一定唔會再去幫襯!

由於終於擺脫左個奸人今日食牛扒做下午茶慶功入番正題 ，一般港式西餐叫5成永遠都係7成。今次好驚喜，叫5成真係5成呢個價錢真係無得批評$150 有招牌羅送湯，同飲品。

💛皇后飯店·因為我哋嗰日諗住去又一城睇戲 所以就決定喺嗰度食埋嘢 點知佢都真係冇乜選擇🙊所以最後就決定試下呢間好出名既港式西餐😌·鮮茄芝士焗豬扒飯 l 英皇雞飯 $150佢呢度最出名嘅就係佢個焗豬扒飯同埋羅宋湯 果然兩個都好正🤤佢個焗豬扒飯個豬扒勁厚切 肉質好好 而且佢上面個汁都調得好好 酸酸甜甜咁加埋啲芝士好好味 而且佢個炒飯底都係粒粒分明既🐷😎😎 之後佢個羅宋湯超濃 而且飲落勁甜 係好似將所有蔬菜溶晒落去咁 飲落超有層次🍅佢另外個英皇雞飯其實就係白汁雞皇飯 呢個個汁都好好味既 不過我自己就覺得佢個雞無咩味咁🫢😂另外個白湯我自己就覺得一般般啦 因為佢飲落有啲粉 所以都係建議大家嗌羅宋湯🤣🤣🤣·#rbyeat#rby西餐#rby💛#rby九龍塘 #rby北角·📍九龍塘達之路80號又一城L1層18號舖📍北角丹拿道51-61號港運城地下G22號舖