皇后飯店 (Closed)

今日和老婆,外父和外母往又一城皇后飯店食午餐,我點了新西蘭肉眼扒配黑淑汁,忌廉湯和凍奶茶。忌廉湯温度適中,飲落香滑;新西蘭肉眼扒我點了七成熟,肉眼大大塊,肉味香濃,配上黑椒汁食落惹味,拌上白飯口感豐富,白飯食落軟綿,配菜西蘭花和甘筍仔食落新鮮爽口,整份黑淑汁新西蘭肉眼扒口感十足,食落惹味;最後凍奶茶茶味香濃,奶味香滑。餐廳座位闊落舒適,食物美味高質,肉眼食落肉味香濃,我和家人食了一頓高質美味午餐。

食物味道一般！快餐店都做到！招呼差！尤其李經理態度極差！命令式對客人！似老買老態度栖差！以為哩間餐廳質素會吾咁差！分分鐘茶記服務都好過佢！極失望！吾會再黎！冇下次！

平日既三點幾想去食個tea, 就揀左又一城既Queen’s Café. 佢個lunch menu有八個選擇，扒又有意粉又有沙律又有，任君選擇，價錢$128起，包湯包茶，好抵食。Queen’s café 係老店，但係裝修一D都唔老，整潔新淨，坐得仲好舒服。佢仲有vegetarian menu, 睇相片都好吸引，亦都睇得出佢地想做多D適應社會既改變，而且選擇都唔少。我叫左個medium西冷跟薯菜，黎到比我相中左大碟好多。個羅宋湯好飲，西冷就正常。以環境同價錢黎講，真係一個可以一去再去既地方，舒舒服服，悠悠閒閒咁。疫情期間，餐廳都渡過左辛苦艱難既時刻，請大家多多支持老店。

我今次叫左👑皇后餐廳必食既焗豬扒飯！ 炒飯底夠乾身， 豬扒嫩滑多汁，份量超巨，性價比超高！ 一個女仔根本無可能清得哂🥺另一半叫左個雜扒餐配薯條，啲肉樣樣都有啲🐷🐮🐥， 岩哂有選擇困難症既人！好耐無食過薯條係咁新鮮熱辣炸出黎！ 另外仲叫左個🦐蝦多士！ ❤️極力推薦❤️！ 蝦多士同薯條都夠哂香脆，仲夠哂邪惡😈睇相都見到蝦多士漲卜卜，出面根本無可能食到咁香脆又咁足餡既蝦多士！ 午餐包餐湯同飲品。我叫左杯凍奶茶😽 仲以為會係其他西餐廳咁淡茶水加奶。估唔到有驚喜！！！ 茶底夠哂濃，飲落似足港式茶餐廳凍奶茶💕環境方面非常好👍🏻 可以靜靜地傾下偈， 侍應好有禮貌，服務好好。下次會帶埋屋企人一齊享受咁高質素既懷舊老牌餐廳！

最鐘意舊情懷，老香港嘅感覺特別響呢個動盪嘅時刻真係好需慰藉下心靈香港有老情懷嘅餐廳真係所剩無己通常如果我想食疏乎厘就會去太平館如果想食羅宋湯同焗豬扒飯就會去皇后飯店今日朋友想試吓我講咗好耐嘅牛油雞卷所以我哋放棄咗焗豬扒飯個牛油雞卷真係好香又唔漏不過真係好限量好考功夫所以好多餐廳都唔再做呢個雞卷成本高功夫多如果香港來講真係除咗呢度我冇食過出更好食嘅牛油雞卷

之前一家人去咗呢間店食，食過佢嘅乾炒牛河同fish and chips 覺得好好味，同埋服務態度好好，所以今次都繼續嚟下午茶。今次叫咗個蝦多士，同埋雪糕蘋果批，本身好期待個蝦多士，點知真係好一般，啲蝦肉好少，薯條都冇上次咁新鮮，但都諗住食過一次就算，下次唔會再食。點知個蘋果批真係嚇死我，當時真係比唔到反應，因為我從來都冇見過發霉嘅蘋果批會上枱，我亦都有懷疑自己睇錯，話晒餐廳都叫做高級茶餐廳。咁跟住個經理換過件俾我，但其實已經唔想食，一時諗唔到叫退單，講真都有少少後悔，好驚佢之後嗰件都係發霉。俾多次機會試吓換咗嗰件蘋果批，啲蘋果好酸，似係急凍買返嚟rebeat 果種，旁邊啲生果係罐頭車厘子🍒，真心失望，雪糕亦都唔好食，好多冰粒。 之後問返個經理，佢話發霉嗰啲位其實係個蘋果批焗得太乾，咁好明顯唔係啦，真心都覺得有啲離譜。下次應該唔會再去食啦。

一直想試Queen’s Cafe, 但次次午餐嚟到條人龍都超長食唔到，唯有趁疫情稍為嚴重嘅日子嚟食，咁就唔洗排隊啦🤗餐廳裝潢有懷舊嘅港式西餐廳嘅感覺，侍應有禮，令我對佢食物充滿期待，可惜都係失望而回。飲食記錄：蕃茄焗豬扒飯好咸好咸，好多汁，好少飯，豬扒腍咗少少餐湯餐包正正常常，欣賞餐包微暖餐飲揀咗凍檸茶，正正常常

每次嚟皇后餐廳，其中一個原因都係為咗個Borscht 俄羅斯羅宋湯，勁濃味，每次一齊上枱嘅麵包都係熱嘅，有誠意👍🏻個午餐Menu 耐唔耐都轉嘅，今次叫咗洋蔥牛柳午餐 $130，個牛好淋，水準永遠都保持到，另一原因我like呢度個午餐係通常伴碟嘅菜都唔少，感覺幾健康😋午餐包咗湯，主菜同餐飲，好抵。另外叫咗個蘋果撻配雪糕 $50，個pie只係少甜，再配埋雲尼拿雪糕，真係超正呢一間有d歷史嘅俄國菜餐廳，又好坐，服務態度又好，仲要幾抵食，已經好少同類餐廳啦😅

.九龍塘又一城大商場黎講有得揀好食既食店真係得好少選擇😮‍💨今次就豪氣啲食個貴少少又好多人排隊既西餐😋.🥢 銀雪魚扒配蕃茄汁 $270套餐價錢包埋餐湯餐飲🫕🥤個魚扒食落好好味😋超重魚味仲要唔腥好正🐠加埋蕃茄汁係超開胃🍅連埋薯菜食都好夠飽🍟.🥢肉眼扒 $348套餐價錢包一個小食 餐湯 餐飲🥙🫕🥤肉眼扒超級值得推介🐮大大塊但超淋身入口係超正仲要煎到五成熟岩岩好🤩加埋最愛既洋蔥汁簡直係絕配🧅.🥢白酒煮青口 （跟餐小食）青口本身好鮮味加埋白酒更加帶出青口味🍶加埋白汁好夾又唔會好溜 勁推介🥳.🥢鵝肝 $80鵝肝呢個價錢都唔好預好大舊🦢煎得好香口份量少少又唔會話好滯但就比較覺得油左少少🤏🏻

基本上 行左10幾年festival walk 有咩未食過個啲台灣食店、意大利餐廳、望住溜冰場個幾間餐廳，真係食到有點悶之後無啦啦 search 下search 下就見到”俄國 菜” ，心諗都係”椰x閣”朋友啦⋯⋯又見到大家寫到大不如前、服務又差、見到啲餐牌，我都懷疑值唔值得㗎！同朋友商量過後，好啦，試一次啦！如題，帶住懷疑心情去試，但真係喜出望外，尤其係服務超級好，當然基本上都唔係小鮮肉，但gentlemen，有禮貌、手腳快，原先我選左個dinner set “春雞”，好彩個uncle waiter remind ，呢個係雞件上，唔係原隻，要選chef dinner 個一個先係原隻，個一個chef set 仲有前菜tim ! 咁sure 即改chef menu la~ 總括來講，服務態度非常好👍🏻食物，原隻雞係有啲咸(味重左少少🤏)所以都不用點燒汁來吃個前菜，俄國大蝦沙津好好味！個湯係無咩火腿但超濃，無稀釋！個甜品，+$40，係好似貴左啲，但真係好足料，都值既！所以全部都值5粒星！

對我來說, 皇后飯店就是一般的港式西餐廳, 雖然裝修希望有五六十年代的英殖古典風, 但自從最典雅的灣仔及銅鑼灣分店店結業後, 餘下的又一城及北角分店也是在商場之內, 與英殖典雅四個字不太沾到上邊. 當然, 一家差不多有七十年歷史的老店, 還能”同聲同氣”, 老店不藍的風骨值, 當然值得欣賞.餐廳晚市定價和太平館差不多, 約二百多至三百元, 餐湯選擇的當然是羅宋湯, 畢竟這餐廳是以俄國菜作為其港式西餐的根源, 同時也點了白湯, 兩款湯的味道和其他同類的沒有太大分別, 就是羅宋湯多了些牛柳粒, 都是平淡而可預計到的味道. 頭盤是白酒忌廉青口, 青口尚算新鮮, 內裡沒有沙, 白酒忌廉汁口感順滑, 甜味柔和帶忌廉奶香, 說說酒香不濃, 但比湯品而言已算出色.主菜是牛柳配芝士焗蟹蓋, 一般港式西餐的問題就是處理牛扒類, 火喉偏猛, 這裏同樣, 說Medium做出來就是Medium Well, 結果是肉質偏韌, 肉汁不太豐富, 而且因為用上平底鐵板烤的關係, 就缺少了一些炭焦香味和外表的焦脆口感, 幸好牛柳還算新鮮, 肉香還算不錯. 至於芝士焗蟹蓋比牛柳表現要好些, 蟹肉絲份量可說澎湃來形容, 鮮

今日第一次到皇后飯店，我哋叫左兩個周打蜆湯，味道可以但湯唔熱，再叫左個洋蔥豬扒，豬扒好淋夠大件，另外一個紅酒煮牛尾，比較咸，牛尾份量唔多，成百几二百蚊，比較貴，另外店員人手不足，叫人加水埋單要等好耐

從來都覺得呢間餐廳好有特色，好高級，由細到大，啱啱出黎搵錢個陣都唔敢去食，而家做左咁多年野，終於試得到，但其實又唔算好很貴，係值得一試再試🤣menu黎講，唔算多野揀，但足以令有選擇困難症嘅我猶豫左好耐，（有限時架）最後試左個我喺俄羅斯未見過嘅炸肉卷。我覺得好值得試一次。第一，切出黎爆（牛？）油個下好正，第二，其實味道係唔錯架，不過我本人唔食得太多油，胃口又唔大，食到一半已經覺得飽，可能全舊都係肉。鍾意啖啖肉嘅朋友認真要叫。第三，應該係俄羅斯名物，叫黎打卡，當去左旅行都好呀！第四，擺明係功夫菜，除非唔係？！另外，食西餐，都必定叫嘅牛扒，煮得剛好，肉味又啱啱好，唔會蘇，肉質都好嫩好正，最驚喜係個粟米，超甜，必清！！圍觀四周，有3枱都係單人（男子）自己黎食，叫杯紅酒，勁chill! 唔知幾時先到我可以咁chill.話說食完之後嘅一個月，我就同左其他人再食，可惜冇影相。最印象深刻嘅係叫左我上次食唔到嘅蟹蓋，仲有青口，兩樣都係十分推介！

又一城確實有好多食肆，今日我就選擇左一間懷舊西餐廳 - 皇后飯店。我好怕人多，所以5:15pm就選擇入座，喜歡附近少啲人，安安靜靜食一個晚餐。我選擇左10安士美國肉眼扒餐，牛扒要五成熟。另外侍應推薦皇后飯店嘅羅宋湯，咁當然要試試。餐飲方便，我選擇左凍朱古力。餐包暖笠笠，令人食得好舒服。羅宋湯確實好高質素，好多菜，味道好溫和，為呢個晚餐嚟咗個好好嘅開始。肉眼扒我想比100分。塊肉眼扒烤得好靚，做到五成熟，肉質好軟熟，配備洋蔥汁和粗鹽調味。薯條好大條好脆，又有好多蔬菜，紅蘿蔔煮得好鮮甜。真係眼闊肚窄，原來呢個肉眼扒已經令人食到好飽好飽。香港好少餐飲可以免費選擇朱古力，皇后飯店就可以，朱古力味好濃，好開心為這個晚餐畫上句號。一

早幾日好晏先起身 得返下午茶😣所以豬豬搵吓搵就決定試呢間餐廳 結果不負眾望 好好食！🤩整體來講下午茶種類都好多 算大碟 有飯有意粉有多士可以揀🥸 好似lunch咁😋另外亦都會有甜品可以嗌 食物質素亦相當唔錯 🐽香煎豬扒喇沙米粉/烏冬 $83今次豬豬試咗米粉 喇沙湯底好香 唔係特別辣🌶️適合一啲唔係特別食到辣嘅朋友🌟米粉亦都煮得好爽口 豬扒嘅肉質鮮嫩 唔難咬開 豆卜一食落去亦會有啖啖喇沙湯擁出嚟 食得出材料係比起普通喇沙面高級啲🥰🐽忌廉汁白菌大蝦拼帶子意大利粉 $83一望落去嗰陣時真係哇出聲 好大碟！相當足料🥺忌廉汁好濃好多 食每一啖意粉都會搞到成個咀都係汁🤣不過帶子同大蝦就唔係特別多😵‍💫意粉入邊亦都有啲菇🤤 聞落去亦好重白汁味 十分滿意😚