麺処一家 (Closed)

唔知原來係人氣拉麵店 只係經過見到佢拉麵得三款…基本上冇選擇 只係肉嘅分別 豬肩肉或者豬腩肉或者both▶️妹妹推介- 慢煮豬肩肉 ($98)落單先知原來係唔包溏心蛋嘅 要另加$10咁照加啦 想試吓賣相唔錯 有紫菜碎 洋蔥粒 兩片豬肩肉 荀湯底係濃厚豚骨魚介醬油湯底 味道濃而唔過鹹 即使見到面有油 食落又唔油膩🍜麵係幼身嘅 份量正常 好似屋企煮一包麵嘅份量 啱啱好麵質唔會淋 浸湯耐咗都仲ok 但係覺得佢唔夠煙韌 唔係我鍾意嘅拉麵麵質🐷豬肩肉好薄身 肉質幾腍嘅 亦好有豬肉味 中間夾住少少肥膏 不過多數瘦肉唔錯嘅 落咗啲黑椒粒起面 幾夾另外 啲洋蔥粒非常惹味 食完成個口都仲有陣味 😂🥚呢隻溏心蛋就唔係咁好食 雖然係流心 但係食唔出蛋黃香味 又冇槳住嘅口感☹️蛋白又比較濕 食落變咗冇乜質感 唔值得加錢食-成碗拉麵唔差 但係不至於有特色 或者出眾 感覺好一般服務係好好嘅 食之前仲有象根俾女仔扎住頭髮 好細心☺️環境一般 算多位嘅拉麵店價錢就真係貴同唔值 咁就$108💸可以食到兩餐平啲嘅lunch所以食一次夠了

料理長之選擇$108.店舖唔多選擇只有三款，一種係只有慢煮豬肉另外一種就係只有燒嘅叉燒，我選擇嘅呢種當然係兩個都有晒啦😄.燒嘅叉燒就係食佢嘅焦香同油香，慢煮叉燒就係食佢嘅肉質，食佢嘅嫩，兩款都有各自嘅優點，同時都有一個共同之處就係兩個都咁好食😋.湯底係濃厚豚骨魚介醬油，絕對係偏濃味嘅湯底，我覺得餐廳做得好好嘅地方係有加到洋蔥佢中和咁濃厚嘅味道，自己食到一半更加係加咗白醋，覺得咁樣會更加啱自己口味😌.另外麵就係偏向幼身，掛湯能力都好高😃.CP值及夠飽其實價錢$100有少少貴，分量OK嘅😝.翻啅偶爾行過都會想食下😁

中午12點去到, 甘岩有位唔使等, 餐牌主要有3款麵, 係用唔同煮法o既叉燒去分, 我就揀左兩款唔同叉燒都有齊o既"料理長之選擇"講下碗麵, 麵質軟硬適中, 湯底濃而不鹹, 每次食完拉麵都會想飲大量水, 今次特登叫左罐cook zero解渴, 點知食原碗麵飲杯水就夠, 罐野飲完全冇想飲, 神奇! 叉燒方面, 兩款各有各好味,  一款好似有少少煙燻味, 香而不鹹; 另一款火炙, 好香燒烤味, 肉質淋滑醣心蛋入味, 質感同味度似豚x o個隻蛋配菜都幾特別, 有洋荵粒, 清甜; 有紫菜, 但唔係原塊上, 係類似整左做蓉再調左少少味, 好食~服務方面, 提供到日式水準服務質素, 服務態度良好, 見佢都開左3年依然保持到呢個質素, 香港飲食業來講實在少見, 管理做得好價錢方面, 呢款最貴, $118, 都係香港食拉麵o既"通病", 就係偏貴, 但o係冇得去日本o既情況下, 食到呢個level o既食物同埋服務質素, 都係值o既

之前有去過呢間食，覺得唔錯，所以就再去食多一次懷念下。小店餐牌只有三種選擇，完全啱晒我呢啲選擇困難症嘅人。————————————————🍜料理長の選択 , $118（4/5）拉麵用左偏厚同油身嘅豬骨魚介做湯底，而麵底就係幼麵，再配合兩種“叉燒”、糖心蛋、洋蔥、蔥花、筍同紫菜而成。拉麵食落彈牙同十分掛湯，而湯就有好濃嘅魚味。兩種叉燒分別係慢煮豬肩肉同火炙豬腩肉。前者爽滑，有好重嘅黑胡椒味，感覺有啲似火腿，未係好鐘意。後者喺上菜之前先燒一燒，食落香口同有入口即溶嘅感覺，再配合少少辣醬，可以中和油膩感。不過個人唔鐘意生洋蔥，下次食嘅時候應該唔會order。另外糖心蛋腌料偏甜，未算同個麵好夾。P.S 之前試過辣湯，覺得原味好食啲。————————————————🛎 如果鐘意我個post，希望你可以follow我個IG @whattoeat.hk。你嘅支持係我寫Post嘅動力💪🏻。🏷️ #whattoeat_尖沙咀 #whattoeat_日本菜 #whattoeat_推介

厚福街不嬲都多野食，今日黎試下拉麵先呢間餐廳好有日本小店感覺，裝潢主要用木材為主座位同座位之間間距細，要屈就一下拉麵選擇有三款，妹の選択 / 弟の選択 / 料理長の選択，分別在於叉燒🐷今日揀左妹の選択豚骨魚介湯味道濃郁，食得出鮮魚味道🐟湯質厚身，有一層厚既油脂停留係湯面拉麵面加左生洋蔥粒同海苔碎係面，增加口感拉麵麵質幼身，煮既熟度適中，不過份量偏少，結果要加底先得慢煮豬肩肉，肉味濃郁，整體唔錯👍🏻

😋味道：9/10📸打卡：7/10🗣服務：8/10 🏡環境：7.5/10💵人均：$88-110💰性價比：7.5/10👍🏻推薦度：8/10.🐼唔知點解黑色排版咁多拉麵🤣呢間係位於尖沙咀嘅拉麵良心小店 位置方便~之前都聽過質素唔錯所以想試下😌不過選擇唔多 主打只有一款湯底：豚骨魚介醬油🐷🐟而餸就有三款~妹妹推介其實就係慢煮豬肩肉 弟弟就係火炙豬腩肉 今次我同朋友都揀咗店長推介 即係雙拼兩款豬肉🤪個人覺得質素的確唔錯 而且好難得可以喺一碗麵到試兩種煮法嘅叉燒😙不過相對細碗同埋好少款式 所以推薦大家試但回頭率就相對低🙈.（👍🏻為推薦） 👍🏻🍜料理長の選択 $98 (糖心蛋+$10) (9/10)湯底叫濃厚豚骨魚介醬油拉麵~真心不錯 平時呢度係三種唔同嘅味 但咁樣一齊食又幾夾而且濃郁得嚟又唔會好油膩😋配上幼身彈牙嘅拉麵 令人食唔停🥰想額外一提係湯底加左紫菜、荀、蔥同洋蔥粒 真係會令湯底更加提升 味道更鮮明🤤餸就上面都講左係兩款豬肉雙拼~慢煮豬肩肉比較瘦 好嫩同淋身 火炙豬腩肉就半肥瘦 層次更多 個人更喜歡後者 因為火炙完更香口😆糖心蛋一樣好高質~夠晒流心 而且微甜同濃郁嘅拉麵湯好夾！ 不過加$10

尖沙咀嘅厚福街都算係一條出名嘅食街，狹窄嘅小巷入面開滿左各式各樣嘅餐廳。今次我就隨意入左呢間拉麵店，結果味道都唔錯。✨料理長の選（$108）鋪頭有三款拉麵可以選擇，三款嘅湯底都係豚骨魚介湯，分別在於用左唔同嘅叉燒。我今次就試左料理長の選，價錢最貴但就可以一次過試晒慢煮豬肩肉同火炙豬腩肉😋湯底飲落味道濃郁，有非常濃郁嘅魚鮮味。麵條方面餐廳就選用左較為幼身嘅細麵，口感都唔錯。叉燒方面我自己就偏向鍾意火炙豬腩肉，食落肥美嫩滑油香十足。

Came because of the food reviews. Average ramen. The soup base is very average. Too mild and can’t really taste the stock. It’s pork bone base + soy. Which is suppose to be relatively less oil. But why’s there so much oil ?? Noodles is The normal thin ones that’s machine made. The most shocking thing is, the meat and the condiments are ridiculously small. There r only seaweed shreds ( yes not even the whole seaweed sheet ), five small bamboo shoot pieces. Meat is decent … average. All for around

尖沙咀厚福街出名多野食既一條街，想搵野食都非常容易，而有一間唔洗太等位就入去試一試😳。呢間拉麵店只提供一款湯底🍲，但有三個選擇，配料上都係相近。價錢方面亦差得唔太多，都係10蚊之間，但有一款可以食到多款肉，所以小編就揀店長推介，但唔包蛋，要另外再加錢🤔。✦✦✦✦✦✦✦✦✦✦✦✦✦✦🎈店長推介 $108 🎈加糖心蛋 $10(火炙豬腩肉加慢煮豬肩肉)小編認為麵既份量應該係夠女士胃口食，而男士應該有六-七成飽😗，男士們有機會要再添麵。食拉麵最重要當然係個湯底，餐廳既湯底較為結身，非常濃郁既豚肉魚介醬油，但結身程度有啲接近沾麵湯底既濃度，越食越要飲下水先得，有時太結身唔代表越香濃架👀。雖然掛麵嚟食係非常好食，但食拉麵就唔係呢種滋味。 拉麵中仲加左洋蔥粒同筍😆，增加食麵既口感，加左令人食欲大增，仲有少量紫菜，湯底就更有少量甜味👏。豚肉方面各有兩塊唔算大件亦不太厚，無乜視覺享受，味道可以無太大特別😗。✦✦✦✦✦✦✦✦✦✦✦✦✦✦總結：整體嚟講，呢間拉麵店未必太大吸引到小編再返兜，原因可能係太普通或者搵唔到特別之處。而餐廳既裝潢都無令小編有太大印象深刻既地方。另外提提大家，記得要帶定現，因為餐廳只收

今日行過尖沙咀 悶悶地想搵間餐廳試下，諗起之前有間叫「麵處一家」，夜晚好多人排隊，都未試到。 決定膽粗粗午飯時間撞下運氣。去到果然沒咩人，中午12點仲有位，坐低有杯冰水同menu, 見到有分 妹妹，弟弟同料理長推介，人一世物一世，緊係試料理長推介，唔差果十幾蚊😍😍😍因此我坐bar枱，見到廚房係到燒緊塊肉😜心諗 塊肉仲唔係我既😋😋😋拉麵賣相好好，湯底睇得出有心機煮，麵既硬度，唔算粗唔算幼，可以話真係啱啱好非常合適啦見到塊肉望落去燒到有少少濃，但話明叫火炙，沒濃點好食你話係咪先😉玉子蛋 都有2層效果，係沒中間果層半凝狀態，呢度扣少少分😅但整體好食既最後，我連湯成碗都飲哂，整體黎講係尖沙咀真係數一數二，始終係尖沙咀拉麵店 沒廿間都有十幾間，可以有咁多人排隊食都唔係好多，值得大家去食👍👍👍👍

佢賣相幾好，第一啖都覺得個湯底唔錯，但係食到一半就己經好膩，但佢又唔係行重口味路線，食落有少少老尷。 隻蛋好重酒味，重到搶曬味。不過個叉燒係幾好食，有心做，但可惜只有細細兩塊。慢煮豬肉係口感幾好，仲有少少黑椒調下味，有新鮮感。燒肉好重燒烤味，重口味人士可以一試。成個麵食曬之後會好口渴，應該落唔少調味，同時因為有生洋蔥會好口臭，約會真係唔好食呢間😂mvp係個綠茶可樂，意外地好飲。 最後杯水勁臭，提提佢地係時候要換濾芯😂總體好失望，以為佢地只有三個選擇好有信心，但其實真係還好。

成日都經過呢間拉麵店，今次終於嚟拜訪吓🤣比起其他拉麵店，呢間小店算係位置闊落少少～拉麵嚟講，佢嘅選擇唔多，只得三款，全部都係濃厚豚骨魚介醬油湯底～我就叫咗個兩樣肉都有嘅料理長之選擇 ($108)🍜另外仲加咗$10要溏心蛋～第一時間飲啖湯，我覺得係我鍾意嘅嗰款味道～唔會太鹹，同時都對得住佢所講嘅濃厚，濃厚但唔油唔漏，非常好味😆雖然佢冇得揀麵嘅軟硬度，但我覺得係啱啱好😉而嗰兩款肉，我會鍾意食火炙豬腩肉多啲，油香比較濃，而且火炙過好香🤣另一款肉就普普通通～反而溏心蛋好好食，出面都幾甜，入面係非常流心😍拉麵呢啲都好睇個人口味，呢間都算係幾啱我口味😉👍🏻

麵處一家係其中一間社交平台 拉麵群組被放上神枱嘅拉麵店位於尖沙咀呢啲咁就腳嘅地方，當然要去試一試試咗一個妹妹推介&店長推介湯底係豬骨湯，係幾濃郁嘅不過食完有啲口渴，同埋唔係太有深刻印象拉麵麵質唔錯，硬度適中慢煮豬肩肉就普通啦，反而火炙豬腩肉幾好食，有淡淡的火炙味真係食完最難忘嘅，應該係個糖心蛋，咬落去有流心嘅，同埋都好重蛋香不過始終拉麵嘅靈魂係個湯底，佢比唔到一個好深刻嘅印象我，反而隻蛋就有如果行過咁啱會想食拉麵仲可能會再食多次，否則都唔會特登再去食

魚🐟湯熬製而成嘅湯底全店只有三款拉麵🍜供選擇，我叫了料理長之選擇（店長推介），一碗麵大慨要100幾蚊，火炙豬腩肉加慢煮豬肩肉拉麵+糖心蛋，糖心蛋好食，一咬啲汁爆曬出嚟，湯底非常濃郁的魚味，但啲湯底有啲咸…每人口味不同，我自己不太喜歡太鹹。

星期六嘅晚上七點鐘去到，難得一個人食拉麵通常唔使等位，試一試呢間厚福街嘅拉麵。對佢嘅湯底充滿好奇，竟然夠膽將豬骨&魚介&醬油溝埋一齊，仲要濃厚。佢只有三款選擇，分別在於配肉嗰度，最後我叫左個「妹之選擇」，即係慢煮豬肩肉。五分鐘左右就上菜，非常快湯底：濃厚呢兩個字當之無愧，好比沾麵，唯一可惜係佢將三款嘢溝埋一齊令到個湯底缺乏焦點，欠缺特色。豬肩肉：普通、厚、唔好食；建議如果去食，試豬腩肉，應該會好D糖心蛋：正常發揮麵質：本身跟湯上嚟嗰個麵係普普通通，但之後加咗個$15嘅替玉，叫佢再煮軟身啲，立即更加好食同入味，而且替玉夠大份同有少少肉碎，值得加！*唔知點解入到店裏面有少少煙味，環境分！扣！扣！扣！優點：真•濃厚、替玉、服務幾好缺點：豬肩肉失敗、是次體驗的環境不好