八八八拉麵 (Closed)

煎日式餃子，煎得香口熱辣辣，肉香而且帶有點肉汁，滿意。燒鯖魚，正常應該肉多骨少啖啖肉喎，何解依舊魚柳好多骨呢？魚味濃而魚脂豐富，洒少少鮮檸增添清爽味道，減少熱氣及油膩感，燒得香口好味。迷你叉燒飯，近年好流行輕食喎，就連快餐店、茶餐廳都推出呢，依家拉麵店都跟風。只係一碗拉麵仔點會夠我飽呢，先黎個叉燒飯作前菜先，跟 Bella 分甘同味。份量只係正常既一半，日式叉燒軟棉棉又夠肥美，不乾不鞋做得好 ﹗豬肉醃味清爽，食得到豬肉原味香甜濃郁美味。白飯一般，不太濕不太腍，又唔係特別香，普通無特別，沾點日式點豉油合格。叉燒拉麵，湯底程深啡黑色，賣相極似好咸既豉油湯，點知飲落十足洋蔥湯，散發出既甜味一模一樣呢 ﹗非常濃郁而偏甜。仲發現有大量洋蔥絲，已經煲到出晒味又軟腍腍。到底八八八拉麵邊度鄉下架？用洋蔥湯底好有趣？湯底除洋蔥湯甜味外，還有股非常濃烈既芽菜草青味，No ﹗我最憎芽菜架。拉麵質感有似日版出前一丁咁嚥嚥韌韌、彎彎曲曲，蛋味清淡未見香濃，而且彈牙感覺欠棒。日式叉燒肥美可口，跟叉燒飯既同出一徹，整體合格既，但吸引唔到我再黎第二次。難得跟 Bella 姐撐枱腳，剛剛返完舖頭貪近去試對面地牢間八八八

今日情人節，泊左車諗住係附近搵間日本野食，落樓梯之後見咁小人都知唔對路，算啦男朋友提議。坐低嗌左兩個拉麵，豬骨底同豉油底，加個吉列豬扒。男朋友話豉油底過鹹，豉油加水咁既味。我個豬骨湯底，不左淡湯聞左聞，一大陣豬臭味，麵就重係生既😡之後叫佢換個湯底，麵豉湯底，好dd ，無錯係dd最後都係食左幾淡，男朋友都係食左半碗。個豬扒都係曳。。轉頭去食壽司補返

過去要排隊的... 過了海開業後... 9PM多已有大量吉位...點了2個拉麵... 一個傳統醬油湯拉麵, 一個味噌湯的... 前者麵身硬了一點...其實不是不好食(真心講).... D野又夠熱...但可能競爭對手太多,又有好多十分有實力,所以先會好似悽涼左D咁...如果大家要懷勉一下GOOD OLD DAYS... 來吃吃吧.... 不會失望的.

31/12 都無乜人就估倒會中伏, 不過唸住北海道拉麵 OK 掛, 就試一下。叫左味噌叉燒拉麵, 都好難食下. 個湯唔知點解好 "杰" 似擔擔麵, 唔知乜味, 總之就係鹹架啦. 叉燒又無味, 難食.係個場夠靜, 合情侶談心, 因為無乜人幫趁, 唔好趕你走.

可一不可再的拉麵今日再次挑戰888拉麵，看看我的味蕾忍受程度有否改變。慶幸我的機能還未退化。今日叫了一碗盬味叉燒，一碗味噌粟米拉麵，與1年前一樣，除了大碗外，個湯比起雲貴X米線更鹹。啲叉燒硬度比'美'豬肉乾。啲麵有梘水味，最經典係啲筍似足新聞裏的「木筷子」製筍，硬到咬不開，碗麵一上枱更傳出陣陣臭「膠」味！點頂，食咗兩啖即走，去譚仔填補番個肚的空虛。

12.2.2013與老朋友已經有一年多沒有見面了, 幸好有whatsapp, 令我們再一次連繫起來. 得知他最近進入了人生中的低潮, 而適逢我又得到了希治閣的優先場戲票, 於是就在年初三的晚上約他吃飯和看戲, 順便給他一點正能量. 優先場的地點在海運, 一個當年我們時不時看戲的地方, 所以晚飯的地點也選在尖沙咀一帶. 行來行去也不知吃什麼好, 最後就簡簡單單地吃日本拉麵算了. 我吃的日本叉燒拉麵大大碗的, 份量也多, 但麵質不爽口. 叉燒有數塊, 軟身夠腍. 粟米粒也有很多, 也夠甜的. 不過湯底十分油膩, 也好似有些梘水的物體浮面似的. 而燒魷魚也算大條的. 燒得好夠香, 又惹味, 其肉質也彈牙爽口. 可是, 碟中的燒汁過份的咸. 所以我們也沒有點那些燒汁了.之後的日式凍豆腐令我們非常失望. 豆腐有兩大件, 上面鋪了木魚. 雖然豆腐是十分滑溜, 但是豆腐底下的豉油及木魚卻十分咸, 咸到我們也不想吃了. 蟹子雜果沙律算都很大碗哦. 蟹子的份量不是十分多, 但粒粒都爽口. 沙律有罐頭雜果, 蘋果粒, 粟米粒及幾片青瓜. 那幾片青瓜雖放在碗的一旁伴碟, 但也十分爽口的. 粟米粒細細粒也鮮甜

係The One睇完戲搵地方醫肚, 行下行下就經過佢, 入黎一試啦叫左個豬骨叉燒拉麵, 10蚊追加餃子, 六十蚊包一杯野飲都平平地ge!個餃子都ok ge, 10蚊都幾抵呀! 但個拉麵就感覺好喊個味又唔好, 叉燒普通啦, 麵質就唔錯, 食碗麵有種分開晒ge感覺, 唔覺得每一碗有配搭過先先比客的一個product

假期已經結束，新一年的工作天今天開始，在下亦要上班去。首個工作天要到的地點是尖沙咀，因此在下亦因利乘便在區內用餐。到了尖沙咀已經是接近下午一時，在下亦感到肚餓，於是尋找落腳地方。來到八八八拉麵店，二話不說的走了入去，經過一趟樓梯便入了進餐地方。環顧四周，顧客是多了，卡座和方枱都坐滿了顧客，反而廚房前仍有坐位，侍者便帶領入座。入座後就翻閱餐牌，這裡以拉麵為主，所以拉麵有很多款式，但是在下還是想吃飯，所以目光就轉移到日式飯餐。再細看下，亦不乏有日式小食。於是在下於餐牌中點選了一客豬扒蛋，及一客烤雞肉串，而客飯中亦包括了一罐可樂。先來的是豬扒蛋飯。從表面看來是對辦的，金黃色的蛋剛剛好包圍著豬扒，而豬扒亦蘸上了炸粉，而且還有幾條紫菜舖在豬扒上，這也看來加重了賣相。當在下呷一口豬扒，似乎是放涼了一點，表面已經有點硬了，但是內裡仍感到有咬口，而且仍有肉汁在內。至於蛋方面，做得不錯。飯丼中附帶的味噌湯，內有豐富的洋蔥，而味道也不會太鹹。另外烤雞肉串，外表未見烤過痕跡，亦沒有帶點燒焦的味道。烤雞串看來金黃色，且呈現長條形狀，而且還有一塊檸檬伴碟。吃下時雞肉帶有軟骨且有咬口，而雞肉未見烤得過火，也不見得

為慶祝紀念日，之前網上團購買左黎試下，一早已經打去BOOK位喇，亦都DOUBLE CONFIRM BOOK左位，直到當日唔記得BOOK幾點所以打去問多次，點知佢話冇我RECORD喎，嚇死呀，好彩佢話可以即時BOOK番，所以總算去得成啦，因為肚餓所以早少少去到，未夠7點到門口，已經見坐滿左8成喇，得2個侍應喎，一個處理緊外賣自取0既客人，另一個忙緊執枱及落ORDER，所以我地企嚮到1分鐘先安排到入座，由於事前睇左團購MENU知道食咩所以好快落ORDER，但食物等左4個字先黎第一碟小食，再等10MINS就黎個飯，食哂又要等10MINS先再上碟，人手十分不足，全餐飯食左1個鐘都仲未上齊哂，認真餓呀，除左人手不足上菜慢外，其他味道、服務都OK 0既，過左7點多番2個侍應上班，效率快好多喇，但場地有限，所以有時門口會有人需要等位，如果呢個問題可以改善到，都可以再去食0既泡菜﹕唔算太辣，不過過凍，味道都OK咖哩吉列豬扒飯﹕味道夠濃珍珠米夠香豬扒炸得唔燶幾好味，美中不足係D飯凍左，只係微暖，扣左分炸雞﹕夠熱上碟，都有6件左右，好味(個沙律醬好咸，不沾也罷)燒豬肉飯﹕味道都OK，如果多D汁會更好，跟餐

上次黎食巳覺得僅僅合格, 今次再食午巿套餐, 一碗拉麵加一個小食, 選了豬骨湯叉燒拉麵及烤豬肉飯, 湯底很多油, 食落好咸, 麵很少,那些荀郤多得很,小量叉燒,那個飯的豬肉更咸, 係鹽不使錢都唔駛落咁多嘛,想飲水但原來侍應無俾水我哋, 跟餐飲也再要叫才送, 很差的服務,為健康著想唔會再黎

買了八八八拉麵團購，$50買$100的coupon，在尖沙咀分店使用。豬骨湯牛油拉麵，有兩塊好鞋的叉燒，麵質似茶餐廳式日本拉麵，而不是像豚王／一風堂那種拉麵，粟米像罐頭貨色，湯底不知是否有牛油關係，較咸，而像公仔麵味粉開出的味精湯。 另一個叫炸豬扒拉麵，但炸完的豬扒竟然放在湯內浸，錯晒，不過個豬扒肉質幾淋，好過叉燒啦。烤魷魚，一口咬下去，幾軟身，本來想讚，但再咬幾下，吃到有烤焦味，就是面頭那一層，焦味很重，很臭，而且吃烤焦東西容易生癌，很危險，如果我是正價買它，一定會叫人換，不過今次團購，就算了。數樣食物中，這個比較正路，煙肉露筍串燒，露筍好juicy，煙肉烤得剛好。埋單是兩個coupon加$20，即每人$60，現場所見，都不少人來吃，因今天是第一天出coupon，那些人多是walk in 客，難道他們不覺得難食嗎？

經常聽朋友推介，說八八八好好食。今天約了朋友在尖咀，一SEARCH下，發現尖咀有分店，當然要來試試啦!!!朋友點了一個撈麵，而我就點了一客麵豉湯叉燒拉麵。拉麵一放在跟前，第一反應是︰D叉燒咁大咁厚既...叉燒共有5大片，佔據了碗的2/3位置，驟眼看上去，也真划算。湯面浮著點點的油，舀上一匙先試味，發覺湯底沒有麵豉味。不不不，應該說沒有什麼味道才真!!!由於叉燒實在太「AR-地」，一家要食左兩片先有位夾麵，所以就唯有先食肉啦。肉質來說算不錯，不太老，但同時又沒有什麼味道。到主角拉麵出場!!!夾起的時候，麵，還是一「餅餅」，就像是煮公仔麵時沒有用筷子將公仔麵揚散一樣沒辦法，唯有自己動手......終於可以夾起一條條的麵條，一咬下去，那濃濃的梘水味就湧進口內，實在太可怕了!!!!!無奈我是一個不浪費食物的人，唯有勁落七味粉，企圖用辣遮蓋梘水味，同時為湯底加味......但更無奈的事發生了!!!!!!這碗麵出奇的多麵，怎樣吃也好，碗裡仍是有那麼多......如果不計較味道，相信這裡也算是一家「抵」食的店子吧.........

下欄貨色!! 拉只!! 落去見個環境格局好似茶餐廳...心知不妙...因太累關係唔想再行就試下...誰知服務態度差劣... 冇人帶位冇主動送茶!!叫了個鹽味拉麵...未食已經聞到簡水味好重...個湯又淡到好似水咁... 麵質太硬...難吃程度跟那間X千拉麵一樣咁難食!!返屋企煮個公仔麵仲好食過佢!!$70買難受!!

尖沙咀八八八拉麵，已列入我的黑名單，同味千拉麵有得輝，麵有鹼水味，太多湯，鹽拉麵湯超淡，味憎湯上的油似過多，d 叉燒好似廣東燒味叉燒有紅色，侍應服務差，入到去都唔帶位，結果我同老婆自己揾位坐，仲要無人拿水過來。然而，銅鑼灣的八八八就好得多了。仲有十蚊四隻餃子，都唔知自己食緊乜，埋單hkd123，坦白講，寧願回家煮公仔麵。

放學，帶著幾分醉意去會友人，開展我的拉麵之旅第五站。這一站，我們來到尖沙咀的八八八拉麵。點了一個鹽味拉麵和一個懷舊拉麵，兩個都是細版。麵身屬粗身，富彈性，有蛋味。鹽味湯底略帶豬骨味，不夠清澈，且比較咸了點。叉燒鬆化，不過不失。我我最愛的配菜 --筍，卻像筍乾…懷舊拉麵是一個筍味的湯底，正中我下懷。筍味濃郁，醉意頓消。雖然湯底味道還是略咸，但比鹽味拉麵好多了。友人點了溏心蛋，分了我一邊。上來樣子算溏心，有一邊的蛋黃還流走了一部份…蛋也吃得到鹵味，但略嬚甜一點。八八八的味道普遍較濃，可能較適合香吃濃味的朋友了。