拉麺食堂 蔵

Open Now

Now Closed

因為隔離間間舖都排長龍所以見到呢間就入去試吓，叫咗一個牛舌飯一個雜菜拉麵牛舌飯得四五塊薄牛舌薄到飛起圖文不符重要啲牛舌可以非常之少飯量有小舊橙比得嗰半舊我雜菜拉麵自己睇樣唔知點形容面好難食湯底同日清拉麵一樣

之前下晝有一次好肚餓經過歌賦街，見到幾間日式餐廳都冇乜人，然後我就入咗呢一間，叫咗碗拉麵，感覺已經非常滿足，因為我一向喜歡地道小店，而呢間居酒屋令我好似去咗日本咁，上次睇完餐牌已經同自己講，想夜晚再嚟多一次試其他食物。今晚星期五再去搵食，發現原來呢條街幾間日式餐廳都排哂隊，唯獨是呢一間冇人等位，咁我就入咗去啦⋯⋯今次同老公叫咗兩個定食，再加咗我最鍾意嘅燒明太子，枝豆。我不嬲都好怕排隊，同限用餐時間，幾好食都唔及食得舒服同輕鬆，所以我覺得呢間餐廳好啱我，再睇返好多食評都唔太好，所以想寫返客觀啲支持呢間小店。如果你喜歡真正嘅日本風味，呢間係會合適嘅

最初開嘅時候食物質素還可以，好好就真係講唔上。隔咗一段時間冇光顧，今日去食lunch，叫咗個親子丼set…. 雞蛋全熟，雞肉又乾又overcook ，問侍應點解雞蛋熟晒，我所認知嘅親子丼唔係咁樣，侍應話佢哋個style係咁，我答佢但係你哋餐牌張相都唔係咁，佢索性行咗去唔理我 😯🙄…..

今日出左中環洗牙差唔多lunch time就順便搵埋個friend食飯😆佢係中環OL一定比我更識搵食😋所以就叫佢帶路.行下行下上左擺花街之後仲行左去九記條街原來係食日式便當🍱我冇咩所謂啊 照跟🤣🤣🤣.Menu選擇都幾多仲有星期一至日既set連沙律、湯、前菜、水果算係豐富😍野食都唔算貴.我同朋友就每人叫左一個燒牛舌套餐$89有4塊牛舌 送到時仲有少少粉紅色 我係非常ok的😍如果接受唔到既朋友就要叫廚房留意吓牛舌調味主要係黑椒同鹽我覺得已經非常夠味👍🏻👍🏻👍🏻送飯一流🤤🤤🤤.埋單加一$98一位我覺得份量岩岩好 對於一位OL絕對足夠但如果比較食量大既朋友就可以再叫啲小食咁就會飽啲

好耐無係午餐時間黎到中環 見到平時既午餐之選悅藏已經執左😢 見到對面既開左呢間店 一問之下原來業主收返原舖 開左呢間姐妹店🤣 呢度比較貼近食堂既定位 食物比較大眾化💕 但係相對黎講 舊舖北海道特色同食物既心思都扣左D分🌝 只係一間比較好既午餐選擇🌤 以前定食既配菜同茶都比較有特色🍵⭐️ 壽喜燒定食 🍲甜甜地既醬油味 壽喜燒湯底幾正宗🇯🇵 牛肉算係淋 唔會太肥但份量偏少🥩 蔬菜加上湯底都幾入味⭐️ 六線鯛燒定食 🐟燒魚調味唔重 主要食佢既鮮味🌊 口感偏實肉 配上蘿蔔蓉既食法好家常🥕 如果檸檬汁吊起鮮味會更好🍋

經過見到好似幾特別，好似嗰啲日本家庭式居酒屋，老實講價錢唔算太貴，但係價錢亦都反映食物質素。個燒牛肉定食唔係好夠熱，如果醬油叉燒拉麵食到最後好鹹。唔可以話佢唔好食，但係真係無咩特別既food court日本野🤔啤酒都算幾抵，同埋佢個餐牌都幾有特色。但同時都留意到一樣嘢，好多人都會嚟買外賣，可能因為外賣自取有八五折。咁都相對公正咁樣講，如果八五折嘅價錢你到呢個質素，都真係算係咁。但係同一條街有其他選擇嘅情況之下，未必會揀佢🤔

閒日食晏，同同事一齊食呢間。大概1：30左右到，店鋪都淨係得兩枱客人，直入有位。店鋪細細間，走日式風格，細細間，店員都係日本人，服務都 ok 既。Lunch Sets 都幾多選擇，有拉麵，咖喱，炸物等第。我就試左南蠻炸雞定食，份量唔大，屬於女士既 size，OL 都食得晒。前菜係醃漬青瓜，味道正常，幾爽甜。麵豉湯就偏淡，可能就番香港人口味。炸雞炸得麻麻地，外皮唔夠脆，肉質有啲韌，而且醬汁偏甜，蛋香都唔夠。配菜有沙律菜，配麻醬，配炸雞有啲膩。白飯就偏硬同唔熱，呢樣就真係唔係幾好...

職員態度差，同佢地講話冷氣太凍，叫左幾次，佢地先話熄左冷氣，但跟住就開返。嘢食唔值咁貴，百幾蚊一個Set，但份量好少，碗湯得一半。同隔離檯相隔好近，餐廳仲要冇隔板，好唔衛生。隔離食客講嘢又好大聲，又要坐正隔離，成個experience好差

一间在上环日本拉麵嘅餐廳。保证你有一试难忘嘅感觉(係难食)。叉烧竟然有阵胶味。鸡蛋唔知摆咗几耐。面又煮唔淋。日本拉麵嚟講，佢都算係吾平夹好難食。各位有机会到上环。千万不要试。善哉善哉。

放假去上環, 本身食周月點知佢無開下午場, 隔離有呢間就試下伏, 點知中左. 鋪面好日式, 包括播放緊既電視, 都係講緊日文去到叫左醬油叉燒拉面, 拉面正常發揮, 但叉燒無味太鞋, 湯底味精太勁, 飲左啖就想飲水, 人生第一次食日本拉面係附送"熟蛋一隻", 味道一般, 無醬煮味, 蛋味又唔夠出, 可能糖心蛋太難整, 另外再叫左小食五隻餃子, 餃子睇落係煎(金黃色底), 點知夾落去淋到好似淥出黎一樣, 如果唔expect 係煎餃, 其實味道係正常 埋單2百幾, 真係不可一不可再😂, (點解周月無開門, 救命)

中環區親民抵食日式定食餐廳前幾日嚟到中環歌賦街食晏嚟到呢間日式定食餐廳我哋都食過好幾次中午食過晚市亦都嚟過餐廳好有日本風味廚師係講日文係日本人佢嘅打扮仲似日本卡通見到嘅食店老闆餐廳電視機播日本節目令你覺得去咗日本咁中午有多款定食今次食咗牛舌定食同炸豬扒定食牛舌頗入味，薄切都好容易咬。炸豬扒係正宗日式炸豬扒，鬆脆可口。配埋椰菜沙律味道非常搭。食物質素不錯晚市仲可以嚟食日式火鍋😊拉麺食堂 蔵 (中環)中環歌賦街13號地舖

係中上環, LUNCH 時間, 又得一小時, 確實難搵位! 😮‍💨今日用OPEN RICE apps 試左呢間日式餐廳, 有驚喜!🤩🤩外賣定食有8折, 再加埋open rice 自己本身優惠, $65都唔使就食到好好食又性價比高的日本午膳定食😍🤤🤤大家係中上環返工的朋友, 一試無訪！我今日食呢個😍😍T1 鐵板牛肉蛋定食 $74.4(外賣8折後)減去open rice 優惠卷, 盛為 $64.4🎉🎉CP值：⭐️⭐️⭐️⭐️⭐️價錢:⭐️⭐️⭐️⭐️味道:⭐️⭐️⭐️⭐️位置:⭐️⭐️⭐️推薦: ⭐️⭐️⭐️⭐️拉麵食堂藏 中環歌賦街13號電話: 2322 2150#拉麵食堂藏 #yummy

拉麵就麻麻地好食，要食拉麵的話不如去隔離個間座銀或周月，不過定食就真系唔錯幾好味，我去過好多次（十次都有）都系叫定食，有次想轉下口味點左次拉麵，食完覺得有小小伏，以後都系叫番定食

中環呢一帶都有好多拉麵店，呢間拉麵位位置於中上環。見門口都多人等，宜家天氣太熱，唔想企係條街到等位，所以決定變做外賣。雖然係外賣，但服務員都有分湯，而且啲湯係熱到辣手。不過食落啲麵質就偏乾同偏硬，啲湯非常咸，食完要飲返好多水先得。份量方面就偏少，肉就得一塊，不過蛋就成粒都幾入味。

🙌🏻自己覺得日本料理嘅精髓就係簡而精嘅調味，盡量凸顯食材嘅味道☠️呢度反而以調味料主導，究竟係食材質素唔好，定係廚師無水準去處理優質食材？🌕🌗🌑🌑🌑🍽厚燒牛舌定食 ($80)🙁厚切牛舌4片，實質似薄切，又韌，完全算不上厚切🙁牛舌嘅調味過重，鹽同胡椒粉都好重手🙁都食到有牛味，但嚼得好辛苦好攰，明顯煎得過左火🙁白飯係珍珠飯，份量約半碗，但面頭嘅黑芝麻完全唔香🙂沙律菜都算新鮮，上面有少少麻醬，正常發揮🙁定食有碗湯，湯底有少少碎肉，但味道單薄，得鹹味👎🏻$80得呢個份量同埋質素，完全唔值🌕🌕🌑🌑🌑🍽醬油拉麵 ($78)🙁湯底一向係拉麵嘅重點，但呢碗完全似food court質素🙁同定食碗湯一樣都係好單薄嘅醬油味，甚麼魚介豬骨味都無🙁叉燒好腍，但都係薄切，份量頗少🙁溏心蛋又係唔合格，外層蛋黃已經全熟，淨翻2成溏心👍🏻Staff都好有禮貌，服務係幾唔錯🙌🏻坐低就俾咗杯暖水，但只係杯filter咗嘅水喉水🙌🏻見到星期六嘅定食：炸白身魚、炸蝦、炸蠔，好似好過以上餐點‼️食物質素對唔住完全接受唔到，仲要收加一，可能真係俾錢買餐廳地段