拉麵台風 (Moved) New Location

每次收工架巴士都會直落荃灣！所以我會選擇係大河道落車，行大約一分鐘食拉麵！無論係湯拉麵，定係骨膠原撈麵，都絕對值得一試！牆上面店家貼有建議既食法，所以絕對唔使怕！有機會經過記住試吓！

店到晚餐時間經常出現人龍次次去到都因為要排好耐所以唔想食不過始終都要去試下嘅未入去之前職員預前畀定咗點餐紙我哋揀餐先所有嘅麵量、醫汁份量都可以自己選擇嘢食我哋就揀咗魚介豬骨湯同沾麵------------------------------1. 魚介豬骨湯拉麵份量真係好多好大碗 有成1.5倍多呀👀湯底好重豬骨味唔需要再落其他調味料已經好突出味道叉燒厚身大件令到食客口感大增但就唔係燒過嗰種就少少略為失色配料份量亦都比起出面都多呢個餐值得推介亦都可以試到餐廳嘅真功夫------------------------------2. 沾麵外觀上差少少美觀🤔加咗紫菜嘅份量原來會加更多塊 勁多勁多🎁湯底亦都係豬骨湯嘅濃少少不過啲叉燒散修修咁 唔係幾吸引味道上都還可以

特意去荃灣食拉麵台風，好可惜，我和身邊的那位食完後都一齊肚痾，好慘痛！我地叫左魚介叉燒拉麵，和番茄叉燒拉面。我都一致認為問題出現係湯厎和叉燒，碗面本身不是熱，是暖的，湯底好傑，比較肥膩，因為lunch time送額外的叉燒（原本加$25），個d叉燒切細粒，唔熱的，我地已經無食、點知都係肚痾，腸胃不好的人要慎去

有次來到荃灣，聽講有間「拉麵台風」好出名，好多人讚似地道日本拉麵，就決定去試下啦。一去到，發現都真係幾多人排，心諗: 咁熱都咁多人肯等，依間應該真係好嘢嚟！排咗一陣，侍應見外面條龍都唔短，就遞上點菜紙，叫大家一路排隊一路揀定食咩先，都幾好服務嘅。過咗陣之後，就坐咗入近門口嘅位置，望到牆上面有幾搶眼嘅日本風壁畫，又係開放式廚房，依個時候感覺都仲係唔錯。我同朋友叫咗碗最普通嘅「魚介拉麵」同聽落有點伏嘅「骨膠原撈麵」，諗住一齊share食，睇下呢間拉麵店係龍定鳳。點知，由侍應放低碗拉麵個剎那開始，我就覺得去錯咗地方喇。首先入眼簾嘅就係乾到柴一般的叉燒，係好大件，但即使塊肉係浸係「魚介拉麵」啲湯到，都可以睇得出佢好乾，無疑一定出事。一咬落去，果然無意外，真的乾得很呢。嚼下嚼下，點解無咩味嘅? 明明义燒沾到望落幾濃嘅湯汁，無可能無味架?呷一啖湯汁，又明白了，原來湯都無味。唔係淡味，係真正既無香無味。「骨膠原撈麵」相對地就有咸味，但都係唔香。配料有大量叉燒，但都係又乾又淡。總括而然，呢間係我地香港食過既日本拉麵店之中，屬於中下水準。而呢個價錢已經可以食到更好既拉麵。

After getting disappointed by many so called "Original Japanese Ramen", I thought there is no way for me to eat decent ramen in HK. Fortunately, this shop is the first one in HK that matches my desired taste.The price is $78 for a bowl of ramen, which is not expensive when comparing to other ramen shops in HK. The soup is tasty, sticky, and comes with nice fish and pork tastes. The noodles are chewy and the portion is satisfactory. The overall quality is brilliant! It is so nice that I emptied t

做左成日野有1個鐘break食晚飯。食完又開工。忽然好想食拉麵所以去左荃灣拉麵台風好多年前食過旺角店。已經無乜印象他們的拉麵味道只記得好卡通feel。荃灣店原來更細6點鐘落住大雨吾使等位。一坐低立即叫左魚介豬骨湯拉麵($78)飲啖湯先。湯底本身已經好濃味。加埋魚介粉更勁我其實好怕太濃味既野。不過今日消耗左太多energy. heavy 一次就算喇台風的拉麵係較粗身同硬。流心蛋好好味1個人食拉麵。10分鐘攪掂。原來外面又有人排隊拿拿趕埋單囉。

湯厚。但味唔特別濃或重。麵量多。唔鍾意麵質有種黏既感覺。但純個人口味，可能有人鍾意。叉燒有種豬手既重油脂味。特別。但鍾唔鍾意都係個人口味。荀辣。平時食既通常甜。辣呢點都特別。Overall，好飽，可一試一食，但唔係最合個人口味既拉麵。

是日放工都差唔多9點，路過見到一間門面都幾吸晴既拉面店，於是就揀左食呢間。座位係日本拉面店咁圍住吧枱咁坐，D menu畫風好可愛，有好多得意卡通！本身想食沾面的，但一日限售30碗，惟有下次再試，最終我係叫左魚介豬骨湯拉面。點餐要寫落餐紙度，但冇得揀面既硬度，少少扣分啦！碗拉面好大碗，落單果陣冇睇到寫住「拉面份量是一般拉面店的1.5倍」，食到超飽。佢個湯底係好濃，有魚介既鮮味，有兩塊大叉燒，唔太肥膩，肉質鮮嫩。溏心蛋值得一讚，但得半隻。另一扣分位係拉面有少少鹼水味，但都係值得一試既

荃灣冒出一間極好評嘅街坊拉麵，大碗抵食又好味，終於編到入行程走一趟！ 排隊排足半個鐘，足見我嘅誠意啦掛。 魚介豬骨湯拉麵 配料有叉燒、溏心蛋、紫菜盛住精製魚介粉。台風拉麵嘅湯底以豬骨同雞骨做基本，質地超杰身，勁厚重，入口係黏口忌廉咪嘅質感，足見真材實料，膠質極奇豐富。味道亦夠香甜濃郁，啖啖都係精華所在，實在美味。將小店精製嘅魚介粉混和，再多一種海鮮甜味，味道更具層次感，值得一飲而盡。拉麵選用粗身曲麵，選擇嘅偏硬程度亦做到，粗麵更有效掛湯。兩大片叉燒亦非常討好，睇見師傅小心將叉燒切開，特地分一片邊位加上一片中間位，讓食客食到兩種口感。的確，一片叉燒係肉感較重，一片係半肥瘦，個人較喜歡半肥瘦較為腍滑。至於溏心蛋亦係用心之作。價錢正常，不收加一。兩款拉麵份量其實頗多，比其他名店來得大方慷慨。小女子來說，份量真係有點over。但味道係絕對好評！不得不提此店嘅服務亦係超好，由拉麵師傅至樓面員工個個都態度一流，熱情細心有誠意，每一句歡迎光臨及多謝都係雄厚精神的，加上九十度鞠躬，絕對係日本式優質服務。幾位拉麵師傅都係日本人，睇住師傅煮麵，見證師傅嘅技術與細心，所以先做到一碗好拉麵。真心滿意呢碗拉

🌀台風🌀這家的拉麵真的很值得去食 人氣旺盛麵的份量是一般店的1.5倍 不用加錢都可以吃到飽沾麵每日限定30碗 所以今次冇機會試.骨膠原撈麵🐖$78好靚啊個賣相 肉同葱都超多蛋半熟又帶點杰身 呈啫喱狀 係我中意嘅口感麵質好彈牙 加上魚介粉同骨膠原👍🏻推薦.極限台風🍜今期係蝦 x 味噌 $88炒香的蝦乾同味噌好夾 呢個湯底不錯喔麵質比撈麵略淋 但中意佢索哂啲味道

平時呢間拉麵舖經常大排長龍，難得今日只需要等一張檯，就毫不猶豫去左排隊食！ 舖頭細細，但感覺都唔會好擠擁。今次係我地第二次食，能保持水準！ 上次都有食呢碗骨膠原bb撈拉麵，好少地方會有撈拉麵呢個選擇。拉麵味道濃郁，軟硬適中，佢有圖介紹先試曬咁多樣配料，再撈埋骨膠原食，最後可以加d胡椒同埋蒜蓉黎食。每樣配料都感覺新鮮好味，撈埋所有野一齊食又另有一番風味。值得一提係蒜蓉又真係出奇地同拉麵好夾，食落多左份香味，好好食！ 呢款第一次食，係蕃茄湯底。佢既叉燒上面有微微燒過既芝士，味道好特別，又唔會蓋過叉燒原有既味道！ 湯底好濃，感覺到係真材實料，雖然唔係好食得出蕃茄既味，但個湯底都係好味既！ d配菜例如荀、蕃茄都好食！ 碗拉麵好大碗！ 份量好足夠！ 呢度既拉麵選擇唔多，但好感覺到佢地既誠意，每一碗都食得出係足料用心製作既！ 值得去試！

叫咗魚介豬骨湯拉面， 拉面嘅其中一個賣點就係份量大， 拉面比一般店鋪多50% ， 所以女士應該叫少面比較適合。 魚介湯底十分濃味， 亦比較杰身，個人非常喜歡這個湯底。唯一要挑剔既係因為面條份量多， 變相湯汁略嫌有d唔夠。另外紫菜面有少量魚粉， 撈埋落湯就更好味拉面係比較粗、黃黃地色嗰隻， 比較有咬口， 個人好鍾意呢隻面條。配料方面， 竹筍、紫菜、溏心蛋均是正常質素， 但叉燒就有點失望， 叉燒本身食落口感覺凍冰冰， 個人比較喜歡用火槍燒過既叉燒，呢款叉燒就比較普通， 應該係冇燒過嗰隻，味道亦唔太香口， 加上我嗰兩舊太肥， 所以覺得麻麻。 之前試過另一款叫伊台風既拉面， 嗰隻叉燒就有落芝士喺面同有用火燒過下， 我prefer 嗰款叉燒多d總結：湯底面條都非常好， 但叉燒有點失望， 但仍會再食！

今日難得同朋友黎到荃灣, 更係要黎食人氣十足既台風! 同平時一樣, 黎到台風都係要排隊 之前黎台風都係食拉面多, 今次襯時間尚早, 就試下佢地每日限定30碗既沾面入到去坐底就見到拉面既介紹同食法, 十分貼心 如果你係女仔, 店員仲會主動送上髮圈, 方便你食面 ps店入面d畫真係勁得意, 成日都好好奇究竟係出自邊個手筆🤣沾面 $83同拉面一樣, 沾面既份量都係大大份 如果平時係細食既話,可以揀細d份量 沾面既湯汁十分濃郁~ 有濃厚既魚介味 面條夠粗夠彈牙 掛湯能力佳 配料方面, 塊原片叉燒勁大塊勁厚, 仲有d切角叉燒 鐘意食叉燒既我表示幸福 溏心蛋夠入味, 夠溏心 仲有紫菜, 沙律菜同荀~ 食完覺得今餐好似健康左(誤) 唔鐘意食荀既話, 都可以落單個時寫低"荀轉蛋" 之後就可以多隻蛋食 唯一可以改善既地方係個沾汁唔夠熱, 食到尾段就凍左, 如果上菜個時個沾汁再熱d就完美啦 但總括黎講, 都係性價比高既好食沾面

一間係荃灣好多年既拉麵店 餐廳以紅黃色為主好吸晴👀餐牌好簡單 只有5款拉麵 我地今次就試左魚介豬骨湯拉麵同埋沾麵啦😛先講講個魚介豬骨湯拉麵 拉麵本身已經有半隻温泉蛋 2大片肉 紫菜 荀 同魚粉 跟著座前方既instruction 泥食 先試左啖湯 係好濃既魚介湯丫😱拉麵都算彈牙 食左1/3先撈埋魚粉 湯底變得更濃魚味👍🏻不過有少少膩 女仔應該會食唔哂 同埋如果塊肉燒一燒個面應該會更加好食😛另外試既沾麵聲稱每日只賣30碗 我地lunch去就食到啦 湯底同係豬骨湯 肉味更濃 配上傳統既冷麵同樣好味道 食到咁上下仲可以叫店員幫你加d熱湯落沾湯到去品嚐下呢碗熱辣辣既濃湯添😋

突然好掛住拉麵嘅味道，於是我倆就黎左「台風」。雖然呢度冇福岡一双、大砲拉麵咁有陣「臭腳味」，湯底冇咁濃郁，不過向荃灣區黎講，呢間真係算係一流仲好抵食雖然80幾蚊碗拉麵，但麵條較粗、有咬口，仲要大大碗，夠飽5.極限台風由日式咖哩轉左做蝦，蝦味濃郁外就好似冇咩特別了4.沾麵就一如既往冷麵彈牙，配上熱湯，浸一浸就啜晒湯汁同條麵，好食係好食，好易彈到周圍麵係，sorrysorry配料可以走荀轉叉燒，又係抵讚兼抵食