拉麵台風 (Moved) New Location

去過咁多間拉麵店 個人最推介一定係呢一間🍜價錢好抵食 質素又高🤑呢到嘅沾麵係限量供應 份量真係好多！自家製麵條好有咬口 而且仲要好掛湯💕個魚介沾麵湯 真係非常之濃郁 仲好有鮮味！

第N次食台風，今次第一次食佢地既撈麵，食埋個撈麵真係佢成個menu我都食過曬了🙈可以總括，佢所有麵都好食😊  1⃣️骨膠原撈麵（$78） 因為個人鍾意飲拉麵既湯，所以次次黎都skip左撈麵呢個選擇，今次終於試下佢！撈麵面頭有一大球骨膠原，同個底既醬汁一齊撈埋落個麵到，好香好好味，仲有片檸檬可以擠啲汁落去，酸酸甜甜中和油膩感🥰食落夠夠曬味而且唔會好乾身，麵質彈牙。叉燒係切粒既，仲有啲蔥、紫菜、半熟蛋、魚介粉。另外揀50%麵量既話可以送多半款餸，揀左要蛋，所以最後有兩個半隻既半熟蛋😋  

.📍台風📍#饅頭去荃灣 #饅頭食日本菜呢間拉麵店舖仔細細，但人氣頗高，每次小編經過嘅時候都見到勁多人排隊，某日平日晏晝見人流冇咁多，一於走去試下。------------------------------1️⃣ 沾麵 ($83)其實小編原本唔係想食呢個，但我見店家講話自己嘅沾麵質係每日限量30份，心諗咁把炮就比我見識下佢有幾好食。Em...🥴老實講有啲失望，首先佢哋嘅湯底鰹魚味同豚骨香🐷係幾出嘅，唔會過鹹過油，但就唔會話飲到好多層次；呢度嘅麵雖然冇話食得出好香嘅麥味，但麵條溫度符合沾麵嗰種冷麵嘅效果，保留到彈牙有咬勁嘅麵質🙈，加上麵條掛湯能力同湯底濃稠度嘅平衡都做得唔錯，每一啖都唔會好淡味。好可惜佢哋嘅湯唔夠熱，膠碗嘅保溫能力亦一般，加上啲麵本身又係凍嘅，以至於食到後面感覺似食緊冷麵🥶，呢一點真係扣好多分。配料就有叉燒、荀、京蔥、半隻溏心蛋同紫菜。雖然係瘦叉燒，肉質自然唔係柔軟入口即溶嗰款，但由於係低溫慢煮嘅關係，所以食落都唔算乾嚡，肉味頗濃郁，不過感覺就唔係好新鮮，但小編更加鍾意旁邊嘅肉碎，肉質會更加軟腍唔黐牙；溏心蛋嘅生熟程度亦把握得恰到好處，不過就冇乜味道。整體好壞參半，不過食物份

拉麵份量係一般拉麵鋪嘅1.5倍，叉燒都比較大片！湯底濃郁但不油膩，拉麵有嚼勁爽滑，啲叉燒偏瘦，比較健康，但因為唔夠肥，入口就唔會有溶喺口入面嘅感覺😂唯一比較遜色係味蛋，冇咩味道我跟店家嘅建議，一開始先飲湯食麵，食左1/3後，先倒入魚介粉，再食多1/3後，先再自己加蒜泥、麻油、七味粉同胡椒，一碗麵三種風味😳😳職員都有禮積極熱情，值得加分，日本籍廚師和香港人徒弟會喺客人離開時講多謝，超級nice！

果次食個沾麵認真正！雖然排隊都排咗一陣, 但食時沾麵啲料又足, 又大碗, 真係值得！！！食嘅時候好神奇, 之前食普通拉麵浸埋湯時食到最後係飽到食唔曬, 但之後轉沾麵神奇嘅事係竟然食得曬,啱啱好分埋湯嘅好處就係可以原汁原味咁試個湯, 真係超正, 個湯又濃, 唔食沾麵真係會後悔

閉關咗咁耐終於都出嚟食吓飯，雖然有住家飯食係唔錯，但係偶然都會想偷懶一下，出嚟梗係食返我最鍾意嘅拉麵啦!! 雖然而家仲係疫情尾段，但依然都有唔少人排隊，為食佢哋嘅拉麵，就知道佢哋可以係荃灣咁多年嘅原因。台風拉麵今期再推出返「黃色暴雨拉麵」湯底用上豚骨湯加日本咖喱，食落咖喱味會比較突出，但口感依然濃厚，拉麵麵質唔錯相當有咬口，而且份量唔少，男士都會夠食。佢哋溏心蛋都唔錯，另外再加多左一隻溏心蛋，大滿足!!!

依間次次都要排隊，勝在份量超多，男仔都夠食。果時嗌九級颱風極辣拉麵，賣相就似專門俾食得辣嘅人挑戰，海量式嘅辣粉加上本身已鮮紅色嘅豬肉湯，的確一般人千祈唔好試咁辣。先講配料，兩粒半份嘅糖心蛋已比其他地方多，而且味道不俗，都有流質感。兩大塊紫菜鋪上魚粉，自由選擇沾上幾多，令湯提升多一個層次，筍片亦大塊又厚，毫不吝嗇，洋蔥片襯湯會刺激到整體味道。唯獨叉燒方面雖然好多，但鬆散又偏乾，冇乜加工過感覺，依點就遜色少少。湯底出名夠濃夠柔綿綿，掛湯冇難度，而且每啖都感受到熬製十幾個鐘嘅香味。不過因為好濃，可能有人飲得多會覺得膩。至於粗麵多且質量好，值得讚，又彈牙又好味，今次加底竟然差啲食唔晒。

每次行過都見到好多人排隊。。終於呢次跟朋友去試了😀😀適逢撞正午餐時間。。。原來會有一個餸送/送飲 品(二選一）湯底都可以添～.伊台風辣蕃茄芝士拉麵🌶🍅🧀🍜🍜因為加底的原故。。所以好大碗‼️🤣🤣加上會愈食好快湯底都無，呢個時候可以問店員加湯底。。添加的湯底，蕃茄味更突出同好😲😲⚠️不過注意，有需要先加，因為添加的湯底份量都不少，所以不要浪費⚠️.魚介豬骨湯拉麵🐟🐖🍜🍜我揀的免費餸是叉燒，相片中一粒粒的就是了～通常先飲一啖本身湯底，之後有些魚粉再混合撈埋，再飲多次，感覺好似唔撈魚粉味道好d~而麵的口感有點像手工麵，都幾"煙un"不會太淋太硬。。所以食完唔會覺得好快飽。。.整體覺得不過不失，覺得試過就算，唔會話好想再去食的衝動😂😂

拉麵台風是位於荃灣一間人氣小店，冬甩仔女，每次去都會見到人流，認為除了食物好食外，佢地既店舖同員工亦非常細心，小編當天叫了兩款不同的拉麵，佢地會預先在排隊時，比點餐紙先點餐，入店坐底後5-6mins 拉麵就到。🍩冬甩女🍩食評👅🍜魚介豬骨湯拉麵 $78湯底濃郁，麵掛湯，唔會死鹹味，飲完好口渴。再配合放喺紫菜上嘅魚介粉，混合湯，又會有另一種風味，鮮味更加出。🍩冬甩仔🍩食評👅期間限定，極限台風☔️紅色暴雨拉麵 $83湯底同面都同魚介豬骨湯相同， 感覺係多左辣味，已試過普通辣同大辣，認為食普通辣已經足夠，因為覺得大辣會搶過湯的味道，但食得大辣或食得更辣更辣，可以選擇叫九號風球辣。 🍩冬甩小資訊🍩1️⃣拉麵屬於粗，拉麵份量的1.5倍，可選普通1.5倍，75%，50%，好按自己食量而選擇。2️⃣叉燒大塊，份量多，偏淋。3️⃣不設加一❗️❗️

今日去開荃灣，原本想吃的店不知是否已結業，完全找不到，行經這間拉麵店，看到有沾麵就決定這間了。入門前人多到要排隊，前面有3人，不到十分鐘便可入內。排隊期間有點餐紙供選定吃什麼，我選了沾麵（日限30份）和一份荀，入門前得知原來午市現在有半份小吃免費，沒選擇就是燒肉，所以我選的荀也就免費了。入座後已有水提供，只須等待食物到來。裡面的座位其實也不少，設計但跟日本一些拉麵店都很相似。沾麵我全部都選了普通，這樣滿滿的份量很充足，一個大男人正常食量應可吃得完，但細食的人最好選減半或75%，減的只會是拉麵量，其他不會有少，不用擔心。重要的是不要吃剩浪費食物，這對而店家和對食物而言都很沒禮貌。湯頭很美味，有飽滿的魚介味，喜歡海的旨味要試試。肉味濃，荀也相當美味，其他配菜也份量十足，是會讓人喜歡上的味道。沾麵吃後人餘下的濃湯，可以請店員加上清湯中和，再喝下去，有着不一樣的美味。不過有滿意也有可改善的地方，沾湯的碗相信並沒有預熱，所以沾湯來到時已不是滾湯，摸湯碗只感到是溫的，湯也只是一般熱度，能直接入口，每一次加入拉麵掛湯後，湯的溫度都流失得很快，到後半時已經快要變冷湯了。希望店家能夠改善一下，相信會更好

多次都見人龍，疫情關係星期日禁晚市前可直入有位，叫了魚介豬骨拉麵。等候時欣賞牆上的畫。麵到滿滿的一碗，附有魚粉。喝一口湯，濃而不死咸，麵條粗身吸到湯汁，麵和叉燒份量不算小，但比之前見食評的相份量少咗，而店員好早收了蒜醬和辣油唔夠好。落左魚粉之後麵太咸，久久未消口渴感覺。整體okay, 但不覺特別出色。

🍜最近吃了味道一般的拉麵，格外懷念台風大碗豪邁的好吃拉麵，每次都把湯喝光光。因此雖然已經吃過晚飯，居然也受不了引誘，把熱量和碳水限制丟開，結伴去吃一碗魂牽夢繫的拉麵。🍅🧀🐷閒日八時也不跟你客氣，絕對要排隊等候。位置不多，但有置物籃提供，不會很狼狽。由於實在很飽，叫了減量麵底和開胃的蕃茄芝士湯底，多要了些叉燒。蕃茄新鮮，拉麵也入味，只是芝士載浮載沉，化進湯裡，不太嚐到芝士和蕃茄如何合作無間。不過叉燒非常足料，旁邊的豬骨拉麵是一貫無敵的香濃鮮甜。💪💪這次沒有想像中的絕佳風味，我會歸咎於脹滿的肚子，下次絕對要抓緊排隊餓死和太飽沒胃口的平衡。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍拉麵台風荃灣大河道81號寶成樓地下7號舖🥰湯底好喝😍超大碗 勁足料🤔芝士沒有和蕃茄很搭伊台風拉麵💲8️⃣8️⃣@itoyuta@ramentaifu.tsuenwan#叉燒拉麵 #拉麵 #荃灣 #溏心蛋#荃灣美食  #半熟蛋  #日本拉麵 #ramen #台風 #拉麵台風#蕃茄 #芝士 #sloweatfoodie #hkfoodlover #hkfoodie #foodiehk #foodie #hkblogger #hk #h

拉麵台風地址:荃灣大河道81號寶成樓地下7號舖如果你係荃灣人，一定會知 @ramentaifu.tsuenwan  拉麵真係長期排長龍，就算非凡忙時段都起碼要排兩三枱，所以今日就去試試睇下佢有幾巴閉先🤣。伊台風 🍅 🍜$88 蕃茄芝士拉麵，酸酸甜甜嘅蕃茄味配埋豬骨香味，而且面頭仲有少少芝士粒添，真係好香好濃，好開胃呀。叉燒好大塊，肥瘦適中，口感不錯。魚介豬骨湯拉麵 🐟 🍜$78 魚介湯底鮮甜，有豬骨香濃味。麵條粗幼適中，掛湯能力高，仲要夠爽滑彈牙，不錯。#nicefoodie荃灣 

次次去台風食都要排隊架啦，呢點相信個個荃灣人都知，開左咁多年依然係咁真係因為台風太正！除左環境本身就好似日本居酒屋，餐牌都係手繪超Q之外，食物當然最緊要，重點要讚個湯，濃味得黎又飲得出絕對唔係味精，真材實料到一個點，正！

好耐無食拉麵，無他，因為香港食拉麵好貴。近來小小癮起，又到處找。附近最便利又頗有名氣的是麵屋台風。小店大概10枱位，跟日本當地的很像樣。師傅不知是否日本人？店員會日語和師傅溝通，亦會廣東話，聽落頗有感覺。有介紹各款拉麵。自助點餐，價錢算相宜。第一次來點了魚介豚骨拉麵。午餐送飲品或半份小食，要了叉燒。湯底係濃嘅，掛匙嘅，但豬骨味就無質感咁濃。另上魚粉，溝埋之後係多一種層次，彌補本味不足嘅問題。魚粉係木魚刨成。拉麵煮嘅時間都好，爽彈，但麵又無乜麥味，勝在份量多。叉燒兩片，送的半份為叉燒粒，份量多嘅，質感軟滑，但就係無咩味，豬肉又無味，醬油又唔夠味。味荀，味道稍淡。溏心蛋，溏心情況非常好，個味道稍 淡，淡淡的醬油味，蛋味又薄弱。第二次食沾麵。湯底更濃。配沾麵就好。但麵身太光滑，跟本掛唔到湯，勝在真係夠多，男人食都飽。整體而言，量大實惠算係咁，隔離沙嗲x食個午餐拉麵都60幾時，呢度食碗稍正常的拉麵都係七八十，其實算係咁，如果多啲味就好。