RBTea (Under Renovation)

這餐廳所收的價錢與能提供到的服務有一段相差.如收到六十至八十元一碟菜,卻要客人自己出去排隊點菜,又要排長龍,而負責點菜的職員卻只得一個,一些客人點菜時才慢慢看餐牌,點完又修改,用上很長的時間,排在其後的客人卻只有無豈的白等,而餐廳的其他職員,卻未能提供到協助,我覺得實在有很大的改善之處可以做.另外,餐枱上的餐具嚴重不足,職員又少,最後唯有自己去其他枱上取餐具.我覺得三人食飯要付上近二百元的價錢,卻是這樣的需要客人自助,實在不太值得了.另外, 有職員不止一次地搬椅在客人頭上經過,而沒有預先叮囑客人要小心,是不太負責任的行為.

第一篇食評⋯食完個下午茶真係忍唔住打😂其實呢間野以前都幾紅可惜香港人善忘 講真我耐唔耐都有幫襯⋯睇住餐單愈來愈豐富野食野飲好有誠意架喎⋯⋯又多款佢只係少宣傳姐 同埋執左好多😳😂要提一提某間聲稱台灣黎既teaxxxx,,又貴又唔算好食⋯最討厭係排隊排太耐RBtea款式同佢不相伯仲🤔下午茶時間黎到叫左杯正價特飲原來可以半價加小食 抵到爛😱😱2個人最後叫太多食唔曬 估唔到半價pizza($2x)有好多塊但真係熱辣辣好值得食👍🏼雞翼仲有沙律醬同埋清爽西芹配我係覺得要一讚 好貼心好矛盾⋯究竟想多d人幫襯定少d人知好呢？😂

服務差到爆、唔跟單、追極都冇、漏單唔認，食物難食到爆，服務態度差到不得了，因要先付款買飛，局住要等落去，下次不會再幫襯。煮足一粒鐘嘅意粉仲要唔熱的，d鴨肉冰凍，完全係剛雪櫃羅出黎。

上兩個星期有事要去太子去到午餐時間胡亂搵間餐廳坐低食飯仲以為係太子食lunch會平過係其他地方估唔到食個午餐都要差唔多70蚊一去到要先搵位後落單落單時要話比店員知你既枱號然後佢會將餐送到焗蕃茄豬扒飯🍅由落單到個飯送到都需時一段時間可能因為即叫即焗飯黎到熱辣辣有好多芝士可惜豬扒炸完再拎去焗焗完個炸皮淋哂而且啲飯偏硬跟餐飲品叫左熱檸水但佢用青檸代替檸檬同平時飲個啲檸水好唔同可想而知味道有幾咁特別呢個午餐價位略高質素一般不過餐廳環境就幾舒服值唔值就見仁見智

見到環境不錯就入左去食Lunch, 兩柸奶茶都十分難飲，沒有奶茶味，好淡，好似花奶加水咁。飲左兩啖就放棄左，另外個香草意粉都十分難食，只有個辣香腸縲絲粉正常食得到，以後都唔會再光顧了。

最近天氣不大穩定，和男朋友因避雨而到了這兒休息。這兒的環境真的很好，裝修很girly，坐得很舒服。由於有點餓，所以點了這個比較飽肚的。煙鴨胸不會太鹹，但配上甜甜的三文治皮感覺有點怪怪的，建議三文治皮可以少加點糖。除了三文治外還有一小碟薯角，但有點太稔。整體而言，食物質素一般，但價錢尚算合理，而且環境舒適，若想找地方hea這兒仍是個不錯的選擇。

剛到始創睇機，想同女兒坐下飲個下午茶，一坐低就話要自己去買飛落order, 無問題照做。去到counter，話俾服務員聽想叫既飲品，等左15分鐘，第一杯野飲至到，再等，唔對路。20分鐘追單，話好快黎，結果到30分鐘都未到。於是拎張單出counter問，竟然話叫我等多5分鐘。一杯mango smoothy 足足要38分鐘至送到！價錢已不算平，counter服務態度差。話過永不再幫襯！😡😡

今日同朋友約左係旺角諗好咗食咩，不過去間始創經過RBtea，我朋友話未食過，我就話不如改去食依間，因為食過覺得好好味。而每次尼都係為左食個鬆餅，因為依到既鬆餅個面好脆，入面又林，熱洪洪咁點埋蜜糖食好正。今次都有嗌平時嗌開既三文魚凱撒沙律鬆餅，朋友食完都話好味，沙律菜又新鮮，三文魚又好味，炒蛋又唔錯，今日嗌多左個螺絲粉，味道都幾好！同嗌左杯玫瑰咖啡，d玫瑰味唔怕唔夾，而係咖啡入面有d玫瑰味幾好飲依間餐廳坐係到傾下計，食下野，幾舒服，個人就幾喜歡依到

野食唔錯，但等左差唔多半粒鐘先到，問啲店員，佢地又好唔耐煩答整緊，而且份量好少，啲薯條得幾條，同張相好大出入嗌左杯玫瑰荔枝紅茶，諗住同媽咪一齊share，一樣等左半粒鐘🙄 ， 問店員可唔可以比多隻杯，佢叫我地自己出去拎，飲完之後諗住去refill，立即有人衝出來要檢查我地有無share飲，如果有，就唔可以refill， 我地覺得係合理既，但比錢/拎杯個陣都可以提下掛！而且佢衝過黎檢查個下真心好似審犯緊😌p.s. 啲杯好污糟，好多漬好彩啲野都幾好食，但服務態度咁樣，幾好食都無用啦

RB tea 喺太子地鐵站隔離，地點10分方便！！！ 比起其他食下午茶嘅地方，RB tea都算有特色，係商場頂樓，一個角落頭，都幾有私人度， 可以慢慢睇書，慢慢聽歌，而且餐廳提供沙發同鄧，同starxxx 環境適應度有得比⋯⋯睇返B T tea嘅食物質素，整體都幾好，啲嘢食都幾特別，好似我食嘅煙三文魚撻，都幾好味！！！！ 新鮮炸薯條熱辣辣真係好正，加埋杯野飲⋯真係絕配！！！ 不過餐廳啲枱擺位比較迫，隔離枱傾計好容易聽到

中午與友人在旺角逛街後,隨便找了間餐廳, RBTEA是一間開放式餐廳, 鄰近STARBUCKS, 因為想試餐牌上的PANCAKE,不管要等20分鐘, 仍想試.  被安排坐在冷氣風口位, 我與友人要求換座位, 但被無禮地拒絕了, 他以反問句問我們是否有足夠人數坐4人桌, 我們只好一臉無奈.....繼續吹風這職員的態度需改善, 這種服務態度使人很反感, 很不友善, 他大可以以另一種回答方式來拒絕我們要求換座位, 而不是用企硬的反問句來回應我們.我們二人點了香蕉抺搽班戟, 三層班戟等了20分鐘才上桌, 也可以理解與接受.上面有數顆藍莓, 口感似冰鮮冷藏的, 有雪藏味, 且表面有露水, 上面的奶茶醬不足, 沒有奶茶味, 且甜度太高, 不合我們的口味. 

是日晚市套餐，難食到不得了！係dinner set ,叫左香辣日式蜆意粉，意粉好多味精，飲珍珠奶茶正常，加左個芒果奶凍千層蛋糕，但個蛋糕最上層個皮好厚，有點硬，打算用叉慢慢食，點知一拮，成個蛋糕散左，不得了。

收工打算同朋友找個地方吃飯，便來到RBTea。可惜之後的事令我整晚的心情變得很差。和朋友叫了set dinner，先講個湯，我估應該佢係一碗忌廉粟米湯，但質感似粟米水，冇忌廉湯個一種creamy嘅感覺。我諗連cream都唔知有冇落。個沙律，把鬼，4粒番茄撈d汁就叫沙律。個煙三文魚燒汁意粉中規中矩，入到口但唔係好食囉。之後，杯凍檸茶，冇檸味。然而糖水應該太貴，成杯係走糖。桌上冇餐具，因第一次黎食我地唔知呢度係要self service，就麻煩侍應拎d餐具俾我地，點知那位小女孩個樣係好唔願意咁去拎，其實你可以同我講係要自己去拎，你唔想拎都可以岀聲同我講，等我了解下你嘅難處點解唔拎俾我地。但你唔好西面囉。最後，有一位應該係疑似老闆，著便服嘅中年男士，見我地食完d碟收晒，行埋黎同我地講，小姐order野食係岀面。我知你地d員工唔包落單要個客自己去叫，冇問題。但我只係岩岩食完，想坐多一陣先走，搞到我好似霸住佢張枱而另佢做少左生意咁。呢下好趕客囉！咁點解你唔同我講有限時？你咪可以翻多幾轉枱，做多幾轉生意囉！在此，祝RBTea

只要係閒日去邊都咁方便，唔使同人逼交通，搵嘢食更加無須排隊，早前老友極力推薦呢間話係任hea，當然一同前住去吹水啦^^叫返杯嘢飲仲有送一份半價嘢食，今次出乎意料地啲腸仔幾淡口，正中下懷不過啲格仔餅落左糖醬就太甜了，唔敢再試第二啖整體感覺似台式feel多啲，如冇記錯的話，印象中個中文名好似係叫做「仙踪岩」，三個女子坐住傾下食下，不知不覺地時間好快就過左了，開心時間真係過得特别快，如果住得近真係一個好好嘅選擇，好期待下次聚舊！

始創好多餐廳, 今次試食RB TEA.餐點好多選擇, 令人花多眼亂.落單要先自行填寫表格, 再出去收銀處俾咗錢先.10分鐘後, 食物送到, 我同fd都對鬆餅有興趣, 分別叫咗 [炸雞翼脆香鬆餅] & .除咗主角唔一樣, 其餘配料都相同.雞翼&炸魚味道正常, 如果要揀, 前者比較好食, 但後者份量較多.雞蛋睇落去好軟滑, 但食落比較硬, 可能放耐咗?鬆餅外脆內軟, 食到蛋香, 唔錯. 但食得耐有dd乾身, 要飲野濕濕個口.薯角超級唔掂, 好硬, 十級乾身, 食唔晒, 放棄咗.飲品揀咗 , 味道唔錯, 份量適中.少少酸, 唔太甜, 微微的茶澀, 配合恰當,