紅螞蟻 (Closed)

由於有HSBC CREDIT CARD COUPON，食滿$250(不包加一)，即減$50，我哋叫咗好多嘢食！哈哈！好大食呀......Set dinner for 2 ($188)1) 至尊小食拼盤(生煎蘿蔔糕, 雞翼, 酥炸雞肉丸, 魷魚鬚, 涼伴茄子)嘩！樣樣都好食，因為我好鍾意食香口嘢！2) 蜜汁蟹子滑蛋花枝海蝦火燜飯喱個嘛嘛哋！不過好大份，我哋試咗少少後，就決定打包。3) 蛋白焗鮮茄湯雞肉丸伴蒜茸法包幾得意，雞肉丸幾爽口。喱個餐 + $20可要甜品，我哋揀咗即焗軟心朱古力布甸，好好味！做得好出色，軟心真係漏出嚟，唔會實叮叮，正！另外，套餐餐飲可 + $12轉特飲，我哋轉咗1杯做曲奇涼粉冰。馬來巴拉醬炒菜心 ($30)啲菜心好鮮甜，個醬真係好嘢味，好得！

17.4.2008 星期四是夜同娘子食飯~~~yeah~~佢未黎到我自己晌西田行左一陣。我哩個港島人，一年都唔知有冇一次黎沙田，新城市裝修左之外好多野行咁喎，要搵一日同肥豬黎行下先得!^^娘子話去紅螞蟻，初初都不太想，d野好食咩？食過銅鑼灣的紅螞蟻幾次都無咩話"好好食呀"的印象。不過佢話好食，又唔知吃咩好，就入去啦。哩一間裝修同其他的紅螞蟻不同，幾靚，比較光猛。唔...都係叫個二人套餐，哈哈!套餐有:1.我地揀左小食拼盤，有蝦(定豬肉??)春卷兩條、麻醬矮瓜、軟殼蟹、蝦(?唔記得係咪)丸、燒排骨兩條--燒排骨比較好食，麻醬矮瓜淡左d，其他個d都比較普通。2.主菜揀左海鮮忌廉汁天使麵同埋豬頸肉焗飯(好似係...)--由於娘子好怕好"奶"的汁，所以就叫佢地落少ｄ汁，結果真係好少，直情無咁滯，所以都ok乾...味道亦很普通。個焗飯ｄ飯好硬同乾...都係麻麻。3.餐茶兩杯4.我地加左$20要左個心太軟--個"心"唔軟喎大佬，一切開個蛋糕係無野流出黎囉，咁叫咩"心太軟"唧?!-_-食左大約$200度~味道真係無甚突出，服務亦係普通過普通。p.s.食完飯同娘子吹下水，好懷念讀大學時的時光，那麼純真

估唔到紅螞蟻會有間咁靚歐陸黑白裝修0既餐廳, 不過一打開餐牌見到有越南粉麵食, 感覺怪怪的...不過我就叫了一個焗豬扖飯$52, 餐到時買相很好, 熱騰騰的, 味道很好, 不過材料不多, 只有數件豬扖(豬扖好肥), 飯只有少量的旦碎, 開始還以為只是白飯噢!比起阿活豬扖飯, 就覺得阿活低好多, 論買相, 論價錢, 論份量, 都係阿活的好...甜品叫了梳乎里ginger食, 點知與我想像的差很遠, 賣相不好看, over break~ 不是入口溶的感覺, 好差...

星期二晚，和朋友在這裏吃飯。我們都點了湯麵（$36），湯底要了酸辣湯。怎料那些麵有粗有幼，湯一點都不酸不辣，只有鹹味。確實一般。

之前去apm的紅螞蟻食Lunch, 當時都覺得ok, 因都有午餐和有飯和漡麵等選擇, 諗住夜晚都唔會太差, 3月11日夜晚同老公去沙田這間分店, 見餐牌只得二人套餐$178, 這個餐內可叫兩款小食和兩個飯, 兩杯飲品, 沒有其他選擇, 問個waiter, 他亦說沒有其他晚餐, 我當時已想走, 但老公話試試無妨, 我叫了個蛋花花枝燜飯, 老公叫了個焗豬扒飯, 蛋花花枝燜飯係好多蛋, d飯仲係豉油撈飯, 很難食, 我食剩大半煲, 係以煲上, 似煲仔飯, 但d餸又不似煲仔飯大家樂, 美心可能好過佢, 焗豬扒飯好多橄欖, 變左橄欖味太濃, 小食點了酥炸魷魚鬚, 太琳了, 不鬆脆, 另一個係炸大腸, 叫做係套餐裏面較為好食的一個, 總括來說是不值得再去, 以這個價錢食晚餐亦有很多選擇! 我覺得個老闆和個廚師可能不是做開飲食業, 自己煮可能仲好食!

很多特色小食,甜品種類多!!三文魚湯飯, 飯好味,因湯底好, 但魚肉鞋口....小食拼盤,軟腳蟹好味,但個D矮瓜..好難食!!食物一般, 但有很多特色食物!最欣賞係甜品,多種類,亦很好味!!!侍應態度比較差,以為自己去了茶餐廳!!

上星期天，到新城市廣場ＳＨＯＰＰＩＮＧ，午飯時間選了這家裝潢氣氛很特別的餐廳。當時並沒有太多客人在用餐，於是服務員的態度不錯，服務的數度也很快速。我們點了＂煙鴨胸火燜飯＂和＂三文魚寬條麵＂，還有飲品：木瓜牛奶。木瓜牛奶：奶味和木瓜味都不濃稠，但甜度剛好！煙鴨胸火燜飯：烹調時間太久，而且沒有先告知客人會等待大約２０分鐘以上，料理的味道雖然不錯，但是上菜時間實在太久了，友人的餐都吃完了！真是應該提前告知點此料理需等待的時間！！！（心情因此變得非常的不好）三文魚寬條麵：三文魚肉味道不錯，但是有點太鹹，寬條粉和醬汁味道不搭配，醬汁少的似吃乾麵，而且整盤麵上桌後，感覺是冷盤。價格方面算普通，不過真的壞了我對這家餐館的映象，光有門面和服務是不夠的！畢竟它是家餐館！！！

某個週日早上，哥哥跑到老遠宿營，就襯這個落得清閑的早上陪伴大小女朋友到新城市逛逛之餘拍板買部新的DC，見中午時份來到，就來這裡先要客午餐吧；這裡環境清靜之餘還有免費陽光贈送，在乍暖還寒的十二月份這點陽光來得矜貴。點了三文魚椰香海鮮湯飯及叉燒米線，配了果汁及軟飲；海鮮湯飯的椰香四溢，配處剛熟的三文魚，加上份量不小，這份海鮮湯飯可是超值；而叉燒米線是因應小女朋的胃口而定，預算了無驚喜，但嚐一口，湯頭清甜米線煙韌，都是不落俗套！埋單一百大元有續，算上這裡招呼食味環境，值得再來幫襯！

左穿右插終於搵到紅螞蟻(因為實在太難搵).黎到唔洗點等位, 一黎就入得.環境算唔錯, 裝修得幾靚.叫左:煙鴨胸髮線麵- 好味, 分量ok, 煙鴨胸唔太油, 適中. 髮線麵, 幾滑.焗香茅豬扒飯- 都ok, 分量小d, 夠熱, 不過豬扒乾左d.侍應服務和態度熱誠.

Boxing Day 11 點幾就起身，好懶，一直都唔肯落街食野. 終於到左2點半忍唔住，走落街食個TEA. 點知紅瑪蟻TEA由3點先開始，但因為我太想食椰香湯底，所以老婆批淮入去食LUNCH咖哩牛筋腩髮絲麵(椰香湯底) - 湯底比之前的更濃，香奶味，牛筋腩依然腍和入味. 炸芝蔴湯圓(朱古力汁) - FUSION得幾好，誠意可嘉. 熱HORLICK - 夠奶味，唔會太甜. 如果唔想坐西田FOOD COURT，這裡是個好的選擇.

收工到了新城市搵野食，西田上的food court排哂隊，又唔想食個mos burger就算，所以走左黎呢度﹗第一次在新城市食紅螞蟻，通常去親都係太子0個間，環境不錯呀﹗坐得舒服唔迫。點左個奶油菠菜、小食拼盤及海鮮喇沙辣芋絲奶油菠菜好香，好香奶味而且好滑，個汁真係好味﹗不消一陣已經食鬼哂﹗小食拼盤有椒鹽魷魚鬚、茄子、雞翼同埋豬排，除了茄子凍食配花生醬怪怪的不好味外，其他都幾入味，當然我最鍾意食既都係椒鹽魷魚啦，yeah!!!海鮮喇沙辣芋絲椰味重，不過一0的都唔辣，味似不辣的冬蔭公，芋絲得幾粒，反而好多送如魚旦、青口、蝦、雜菇等，都幾香既，不過因為一0的都唔辣要扣少少分﹗員工服務都有禮，值得一讚﹗

今日中午去西田搶購,血拚前先到這裡吃午餐. 叫了:煙鴨胸火燜飯- 用瓦煲上, 沒有飯焦, 飯的份量較少, 飯的材料還有冬菇,鴨胸粒, 菜粒等, 味道ok煙蠔忌廉汁焗牛脷飯- 沒有煙蠔, 只是忌廉汁帶有煙蠔的味道, 牛脷很"淋"葡汁焗鮮雜菌雞球飯- 葡汁很香滑, 但雞球是雪藏貨.餐飲是西瓜汁,應該是鮮揸的....上菜時間很耐是一大敗筆!

去到睇menu, 好朋友立即話:【咩美國有炸大腸架??】我話:【唔係丫嘛?】...跟住fd比左個menu我睇, 果然寫住【酥炸美國豬大腸面】...立即忍唔住笑我叫左鴨胸飯, 用瓦煲上, 上菜時間較耐, 可能要煲, 但一d飯焦都冇...較為失望, 有5片大既鴨胸排係飯面,飯裡都有足夠既材料, 如冬菇, 少量細鴨胸粒...由於感冒, 叫左杯<蘋果茶> , 都算大杯...由於我地冇share d野黎食, 所以都唔知其他送菜味道....食完出門口, 仲有好多人等位

20/10因為有匯豐信用卡的$50優惠卷, 所以晚上就同家人去食飯.阿爸要個羊架飯, 阿媽要個原條燒鰻魚飯, 我要個啖咖哩焗田螺飯, 阿妹要個日本啖咖哩雞扒飯(名唔係好記得係咪咁叫).亦叫了兩個小食, 一個是炸軟殼蟹, 另一個是美國炸大腸.四個飯都幾好食, 不過個兩個小食就只是一般而已. 炸軟殼蟹好油, 而大排檔的炸大腸比佢重好食.不過今次無食到甜品, 下次一定要試.

睇食評就多, 寫就係第一次.尋日下午同老婆及幾個月大女兒黎呢度食下午茶, 服務好好喎, 尤其係門口既姐姐, 一見到阿B就幫我地諗坐邊度好, 咁細心, 值得一讚!食物方面, 味道唔錯, 我同老婆兩個人食左三個餐, 炒烏冬, 焗牛肉飯, 焗薯皮, 夜晚飽到食唔落飯.至於價錢就唔算特別平, 但坐得開心, 阿女玩得開心, 比多少少又何妨呢?