紅城

Open Now

Now Closed

我會用茶餐廳天花板嚟形容呢一間嘢😆因為佢出品嘅每一樣午餐都好好食長期都好多人排隊不過佢哋安排都唔錯所以即使條隊機長好快就可以入去食✨焗吉列豬扒飯$62✨佢嘅焗飯勁出色！芝士又多汁又正炸豬扒好脆但好熱氣$62但唔包湯同嘢飲重點係由落單到上餐10分鐘內一定有不過黎得呢度食就要接受佢d服務態度🤣✨烤牛肉眼扒配焗薯蓉$67✨牛扒通常都係佢嘅午餐set入邊必定有嘅$67價錢包湯包嘢飲超級抵😍而且佢塊牛扒係幾好食最欣賞佢嘅焗薯蓉配埋沙律醬簡直一流🤤個人喜歡食佢嘅海南雞飯不過冇影到🥲啲海南好幾滑海南雞汁惹味 配埋油飯都幾正整體嚟講呢間茶餐廳嘅質素有保證可惜坐得好迫 同埋一食完就會即刻收快食快去 唔係好適合坐低慢慢傾偈

早餐諗住點沙嗲牛肉出前一丁，應該不會中伏。點餐是已列明丁麵要「淋啲」，怎知道上枱時，麵餅形狀仍然清晰可見；沙嗲汁只有死鹹；牛肉不新鮮，份量又少。基本上食完沒有飽肚，只有難食的感覺。凍奶茶極淡，就像是用沖了五十次以上的茶膽沖出來一樣。四個字：淡而無味。服務差，價錢唔平，食物又渣，建議各位食客，切勿幫襯。

今日喺呢一邊上跳舞堂，就喺附近搵間茶餐廳之後食嘢，見到呢一間去到8:30咁晏都未收，就入咗去試吓，見到夜晚嚟講呢一間茶餐廳都算好多人，而且都非常大間🙈 個餐牌都非常多種類選擇，佢淨係晚餐套餐都有10款！真係好多嘢揀！我係安排咗卡位，一個人都幾舒服，就叫咗個咖喱魚柳飯，餐廳有兩蚊優惠，可以加個菜心，有少少蠔油，我覺得都可以加，呢一個優惠非常平🙈 咖喱魚柳飯就有兩大件魚，再加埋少少芝士咖喱汁，成個飯非常好食，而且份量十足，啱晒鍾意食嘅朋友，佢係炒飯底，非常有誠意！下次會返嚟再試吓！

夜晚開完OT, 仲趕得切嚟食晚餐（21:30截單）烤雞扒好大塊，全塊皮肉都醃製得夠味，有肉汁，不會乾，配薯菜已經好夠飽和美味。晚餐$88，白湯（也有紅湯可以選擇）、士丹利烤雞扒薯菜、紅豆豆腐花甜品、凍奶茶侍應的服務態度十分好。

作為街坊，幫襯呢間餐廳都已經好長時間，成日買新鮮出爐嘅麵包（菠蘿包，奶油包（而家冇lu），芝士包都係最愛）set lunch價格都親民兼好味。lunch time日日都排曬長龍，可見受歡迎之程度。但係最近幾位服務人員（特別係收銀女士）態度極串，成日扮見唔到客人，黑口黑面動作又慢，即使唔係忙碌時段，客人問多幾句就會俾佢哋串，真心唔知去消費點解要受氣。用餐體驗好差。灣仔有其他好多類似茶餐廳可以選擇，唔推薦大家再黎呢間。

去灣仔住，去到修頓嗰頭，如果諗唔到食乜嘢自自然然都會係紅城，紅城喺我眼中就係諗唔到想食乜嘢就會去嗰度食個常餐，因為佢哋係用自助點餐服務，同一般茶餐廳類似相近，不過佢哋可以自由地加插其他配菜，例如想食葡撻可以加，想食菜心，又可以加，不用成個餐咁叫.今日嚟到咗個乾炒牛河加兩個葡撻，同埋一杯凍檸茶乾炒牛河不過不失，食落都係唔油膩，牛肉份量OK，而且價錢合理所以如果諗唔到食乜嘢都會再來喺個餐牌度有超過七80種食物可以選擇，小炒常餐碟頭飯東南亞咖喱焗飯，想食乜嘢都可以有走之後仲可以喺外面麵包檔，叫咗兩個布甸返屋企俾啲小朋友食所以話各方面都好滿意

都幫襯過好多次, 野食還可以, 但系抹檯, 衛生就麻麻。繁忙時間搭檯我就預左, 但系張檯細個座位又細, 個主餐個碟系chopping board 懶系靚但系好大舊, 張檯擺到幾多野？今日 送湯上來倒瀉左D 湯落我朋友隻皮鞋度, 扮睇唔到走左去, 聲又唔出紙又唔攞俾人。埋單時前面果個客話要返張單, 個cashier 好悔氣話”print 緊“, 其實你話”等等“都得遮。服務我預左冇 , 但系唔好整到客人系基本野。對面搭檯食完走左, 我未食完就特登放左幾個人入來, 迫你快D走啦! 我食左30分鐘都冇呀！平時冇咩野我都唔會留評價, 真忍無可忍先出聲。不過你放心, 佢地咪一樣甘好生意！

紅城冰室，餐廳門口有賣新鮮出爐包點，以為食物質素ok,點知中伏。之前只吃午餐，中午12點了，中間沒吃其他東西，空腹6小時，晚餐就去紅城食。夜晚行過灣仔，落單韓式牛柳飯+凍奶茶吃完韓式牛柳飯，回家就肚痛，吃完2小時就腹瀉了，食物衛生出現問題。來是吃的東西已經不太熱，但無諗過會腹瀉。已經用水洗過餐具了，所以應該是食物衛生出事。下次唔會再去🙃🙃🙃🙃🙃🙃🙃🙃🙃🙃🙃🙃🙃

我住一條街外、佢開張時每星期都去幫襯，剛開時真係好好食，厚切牛扒有成一吋厚，薯菜會跟西蘭花+椰菜花，都係$108！另外佢咖喱都好正，好有以前翠華咖喱感覺，以前班年紀大一點的姐姐們好有禮貌….但自從去年中開始（通關後）無論食物質素同員工態度都好明顯下降，轉咗新嗰班後生仔員工個個態度都好差，食物厚切牛扒變咗超薄牛薄，昨晚去食時目測牛扒得5mm，配菜變咗娃娃菜（大佬鐵板跟娃娃菜係咩玩法？）最激氣係個着紅色衫頭髮染咗棕色男員工佢掉張收據及掉杯水俾我。大佬我係嚟俾錢食嘢點解要受你氣？佢哋收碗碟時又會好大力咁掉落個筒度搞到成個場好嘈。我覺得佢哋老闆應該冇加佢哋人工個個都好大怨氣。唯一好嘅係麵包舖外賣個姐姐佢態度真係好有禮貌，好努力推銷我買佢哋出品嗰啲年糕券。希望佢哋好好反省，附近有好多好食嘅餐廳價錢同佢一樣，再咁落去佢遲早執笠。

幾次經過都見唔少人，都想試，今次黎到灣仔專登黎試下水準如何。初時以為佢無下午茶，不過唸住都入去試下，座位都好迫，但見長期都人多，搭左張細枱，好在唔係叫茶餐，唔係都無乜位放嘢。唸住食完即走，唔緊要啦！一用手機嘟QRcode，估唔到咁多選擇，下午茶都已經好多款式。本來見人食公司三文治都幾吸引，不過就無餐嘅，跟住見到呢個酸辣蝦炆烏冬，都想試下炒嘢或炆嘢類，就叫左。一黎到，見到D蝦，心唸，童叟無欺喎，幾大隻，仲要有成4，5隻。個酸辣我可以接受， 太辣我都真係唔掂。烏冬可以再爽D，但唔林，算唔錯，份旺無異係下午茶，細細碟，ok啦！店家好貼心，因為我又唔想飲凍嘢，又趕住走，佢一點餐已經可以外賣杯上，good呀，叫左杯特濃朱古力take away。五十零蚊個下午茶，本來唔抵，但質素頂返條數。後註，杯特濃朱真係好濃，以茶記嘅朱古力呢個有7.5分。

去灣仔唔知食乜好所以求其去咗紅城食個午餐。由於午餐時間所以紅城需要排隊，條龍都好長。入到餐廳雖然有好多午餐可以選擇，但係好似唔係好啱口味，所以都係叫咗個乾炒牛河加杯凍檸水乾炒牛河一入口味道唔算好鹹有啲偏淡口但河粉勝在夠爽身食落都唔錯，可惜牛肉份量好少同埋牛肉食落冇乜味道好似未醃咁，整碟牛河都偏油食一半就食唔落。午餐時間個個侍應都好忙，所以冇乜服務可言不過叫做價錢合理，當諗唔到食咩嘅時候可以簡簡單單咁樣解決一餐。

已經唔係第一次食，覺得灣仔紅城d食飯都唔差，今晚又再去幫襯，一樣係要QR Code落單，太多選擇都唔知叫咩食好，就試下佢個咖哩啦。咖哩都有好多選擇，有咖哩牛，咖哩雞，咖哩吉列豬扒，最後揀咗咖哩吉列魚柳。魚柳即叫即炸，炸到黃金色，炸粉唔厚非常香脆。可以跟意粉或飯，咖哩汁唔辣，好香椰奶味，撈落去意粉度食真係一流，仲有幾舊薯仔，真心唔錯。地址灣仔莊士敦道22號York Place地下2號舖灣仔港鐵站B2出口，步行約5分鐘

位於灣仔既紅城 好大個招牌好容易可以見到 偶爾經過過嚟食個下午茶 竟然見到餐牌上面$12.一隻花雕鮑魚 好似唔使賺錢一樣 係唔係都嗌咗一個先 上菜嚟到竟然花雕味十足 後來看到餐牌原來有好多花雕類的產品 應該這個汁是他們師傅的招牌 另外下午茶餐有一個炸饅頭 竟然可以選擇配煉奶或者咖喱汁 雖然我有啲冒險嘅心態，但係覺得佢寫得咖喱汁應該都OK 姑且叫咗一個試吓 竟然原來好夾 極力推介嘗試至於芙蓉蛋飯不過不失 就係一個普通嘅芙蓉蛋飯加咗啲泰式肉碎 少少辣咁樣 店裏面整體乾淨 比較差的，就是因為沒有洗手間

經過見到呢間餐廳燈光通明，覺得幾幾好就入去試吓，坐位夠多夠闊，坐得好舒服。坐低咗係卡位，店員亦馬上遞上餐牌。餐廳好多選擇，除咗晚市中式小菜，仲有西式晚餐，亦都有好多東南亞美食。掃碼下單，版面清晰方便易用。叫咗個菠蘿海鮮炒飯，可惜無跟餐湯同飲品，但呢個炒飯真係不一般，用料十足，唔係其他餐廳用埋d蟹柳，有一隻鮑魚，一隻帶子，一塊魚餅。飯都炒得好香，加埋少少菠蘿酸酸甜甜，非常開胃。灣仔莊士敦道22號York Place地下2號舖港鐵灣仔站B2出口，步行約5分鐘

本來想12點前進去，較輕鬆鬆去食午飯，結果給安排了卡座，加中間隔板，再故意放多兩個食客一起。我看看周邊沒有一座坐得像我咁逼。我想想是否之前得罪了他們嗎？ ….. 原來是我問了伙記為什麼沒有紙巾？！ 他回應 ’紙巾要1蚊….（再回頭看著我說）得唔得呀？‘ 我全程只笑住望他，真的唔知道怎麼回應。結果我食欲全無，馬上走人能讓我又對餐廳裝修、餐牌選擇到人流排隊吸引我過去，到最終坐了不夠2-3分鐘要把我逼走，我覺得在金鐘、灣仔區這算是第一次。什麼新品牌、打造年輕顧客和遊客生意，看到這種水平比其他沒落了的茶餐廳都要差