利是豐

Open Now

Now Closed

.🔖 利是豐 | 𝑾𝒂𝒏 𝑪𝒉𝒂𝒊之前見到灣仔有間行懷舊風嘅港式Cafe好似幾特別咁，所以bookmark左一排終於有機會黎試下🧧。餐廳外嘅裝修個種懷舊嘅綠色佈置得好靚，但一入到去啲位排得好迫坐得唔太舒服。雖然係港式Cafe，但感覺上仲迫過茶餐廳🙂。.Lunch Menu上嘅選擇唔算多，嗌咗個最大路嘅$96安格斯牛肉漢堡。漢堡唔算大份但味道正常，薯條都偏少得幾條。因為唔包飲品所以加錢半價叫咗杯好似幾特別嘅肉桂咖啡。咖啡味道比較淡，好似淨係灑左啲肉桂粉係上面整體唔太夾😂。.成個Lunch食左around $120但質素、份量同環境都唔成正比，呢個價錢有更多Cafe嘅選擇👌🏻。朋友嗌左佢個白咖喱豬扒飯望落去好頹好似話好難食希望大家唔好去試伏😀。

公司附近餐廳，食開早餐午餐，味道好，擺盤有心機，最鍾意杯咖啡返工中間relax 下好似放假咁！昨天大頭蝦食完lunch留咗銀包，好彩老闆幫手攞返警署，錢無唔見，又唔使補領一大咋證件！感激

今日同朋友晨咁早去食個早餐, 本身諗住茶記。去到公司附近條街, 揀啦! 有2間快餐店經過左唔O岩, 咁再行多少少, 見到美味天皇, 未埋去前我見到一間歐陸式餐廳靚靚地, 問下朋友睇下餐牌O 唔 OK, 不過佢話唔ok , 我問咩唔ok 佢又講唔出咩唔ok , 咁我話美味天皇啦, 過去對面馬路, 出面一望已經唔洗入去, 太多人。好食抵食, full set 早餐, 緊係多人。 咁算啦, 望住都知唔再搵了, 返轉頭果間, 有人有位貴少少。入到去個feel 真係幾o岩打卡, 佈置好多木呀布呀畫呀, 文青咖啡拉花打卡店是也。野食就單一左D, 叫個沙牛, 有1隻半熟圓蛋在上面, 整得真係幾靚又好食, 剛剛說的單一係冇D 周邊配套野, 有麵有多份多士火腿蛋茶記feel , 因為呢度真係唔係茶記。杯咖啡拉花雖然係典型又係果個花的感覺, 但都不失為一杯文青好啡。

朝早經過見佢門面幾靚，餐牌又難得地唔係茶餐廳早餐，所以就入去試下店員好殷勤，本來安排我哋坐喺張已坐咗一個人嘅四人枱，有另外一枱客埋單，即刻幫我哋轉枱，話等我哋坐得舒服啲，好細心嘢食就嗌咗吞拿魚沙律潛艇同腿蛋手抓餅，一杯奶茶同一杯咖啡個包好軟熟，沙律同芝士都好夠，大份少少就完美，杯奶茶都算香滑嘅蛋餅煎得好香，餡料好夠，好好味，杯咖啡都唔錯間餐廳成個環境好悠閑，用啲餐具都好靚，如果唔洗返工，可以喺度慢慢坐，會好寫意，有機會一定會再嚟幫襯

中午放飯時間，經過一間裝修幾精緻下嘅餐廳，嗰名叫利是豐😂，英文叫 red pocket cafe🤣 ，嗰名得意得嚟又見內部環境幾舒服🤗，當我地望緊menu時，店員姐姐好有禮貌地招呼我哋，咁好啦，見佢咁殷勤，就一於試下啦。日式咖哩焗吉列豬扒飯 $70賣相非常吸引，日式咖哩帶甜而且不太辣，正好適合唔食得辣嘅朋友😅。豬扒🐖炸至金黄香脆，有酥脆厚實嘅口感😍。最特別係佢哋嗰飯竟然唔係用白飯🍚而係用蛋炒飯，正😋。安格斯牛肉漢堡配薯條 $96安格斯牛肉🐂煎得剛剛好，中間呈粉紅色，牛肉口感嫩滑，而且非常juicy😋，一咬落去肉汁馬上流出來😍。麵包🍔表面非常脆口，但內裏就非常軟綿。總括而言，餐廳服務態度一流👍，而且食物有特色又好味😋，好大幾會成為我飯堂之一😊。

又黎到灣仔lunch系列，今日朋友約左去哩一間靚靚餐廳（或者你可以話佢似一間cafe）食飯，因為佢之前喺隔離餐廳食野既時候，見到佢好多人排隊，所以就想試好耐。12點7去到餐廳已經要等緊幾枱，令到我對間餐廳嘅期望值都提升左好多，睇一睇個餐牌，價錢由60蚊到百幾蚊不等，算係正常。餐廳盡量都係等齊人先入座，入座前侍應已經會叫定你柯打野食，所以一入去就即刻上菜啦。芥末籽忌廉汁焗雞扒飯我自己就叫左哩個芥末籽忌廉汁焗雞扒飯，個飯嘅size比我想像中細，但上面有厚厚既汁同埋鋪哂芝士，食完都飽飽滯滯。但個飯賣相一般，而且雞扒比較軟，可能係冇特別炸過就放落去一齊焗，口感差D。味道方面，其實我食唔到芥末籽味，反而個忌廉汁有少少酸，雖然佢只係70蚊..但質素就真係只係一般..蒲燒鰻魚丼朋友就叫左個蒲燒鰻魚丼，哩個就更加冇咩特別，普通嘅調味，燒汁味唔夠濃，而且落左多蔥，平時比較少見，但個味道就唔係太夾。再加上賣相真係好一般，如果佢用返正方形既盒仔去裝住，都應該ok 啲。熱奶茶杯野飲反而係有D驚喜，一拎起以為係咖啡，因為好少可奶茶有泡。飲落都幾滑，但由於枱上面冇放糖，要糖就要問侍應拎..哩樣就未係好接受到。而且

以前喺灣仔呢頭返工，第1次食俾呢度既大自然色tone既裝修吸引咗入黎。坐低睇menu時，見到 咦...有蛋餅喎，就揀咗配肉鬆。一食真係不得了，佢個餅好脆口，加埋芝士，蛋同肉鬆，個味好夾好有層次～唔會好油，佢仲要配沙津菜，等你食落冇咁漏！之後我翻兜再黎過3, 4 次食早餐，都係忍唔住再叫返蛋餅佢餐唔包飲品，奶茶要加5蚊，但你會覺得5蚊係超值的!佢係打泡有layer既奶茶黎架！好驚喜，呢度啲細節位睇得出好有心思有個女職員不得不讚，boyish打扮但把聲好溫柔，每次黎佢都好有禮貌好有親切感，呢個都係吸引我再黎既原因

本身諗住去第二間餐廳不過睇完餐牌覺得食物有啲熱氣喺同一條街見到一間餐廳就快坐滿就決定入去試吓估唔到食物質素又幾好餐廳有用心佈置過，環境令人感到舒服午餐套餐價錢有$70至$130不等選擇都幾多、有漢堡扒飯、照燒雞扒漢堡配番薯條、吉列魚柳飯、班尼迪蛋、雞胸配薯蓉、蒲燒鰻魚飯、全日早餐、卡邦尼意粉等等。咖啡、特飲跟餐就半價我哋點咗安格斯牛肉漢堡跟番薯條和蘆筍蟹肉茄蓉汁扁意粉安格斯牛肉煎得恰到好處、牛肉肉質保持嫩滑、而且好Juicy, 咬落去啲肉汁就流入口蘆筍蟹肉茄蓉意粉🍝蟹肉都算幾多，味道和份量都好啱我哋利是豐 (灣仔)灣仔謝斐道151-161號金聲大廈地下F號舖

無意路過，見裝修都幾精緻就試下。cafe黎講午餐價錢唔貴，一般都係幾十至百零蚊，咖啡同特飲跟餐就半價。.煙三文魚班尼迪蛋 - 比想像中大份，蛋都流心，但蛋白位就偏硬。蛋黃汁ok, 但可以酸多少少。欣賞佢包同蛋之間放咗菠菜，令到成個口感豐富咗。包底都鬆軟嘅，沙律菜亦新鮮.安格斯牛肉漢堡 - 包皮香軟，漢堡牛都juicy，有肉味。薯條熱辣辣唔錯。.鰻魚石鍋飯 - 賣相幾驚喜，溫泉蛋加分，味道幾好唔會太咸。.海鹽焦糖咖啡 - 甜度都ok，海鹽焦糖味都好香。拉花係玫瑰花幾靚

呢間小店，位於橫街窄巷，我們一行四人入去try try , 蘆筍軟殼蟹意粉，鮮蝦意粉，份量也不差，但就是欠細心，蝦腸完全沒有處理，飲品由特色抹茶latte, 至簡單凍檸茶也未能達標，四人同行，$533 埋單

呢條街有好多嘢食，見到有間cafe樣但唔係食Cafe野，就入咗去試🙂環境係幾舒服嘅 其實灣仔地段lunch set黎講都有啲貴，平均$80白咖喱吉列豬扒飯 $65 相信好多人都食過沙嗲王嘅白咖喱 有對比就有傷害🥲白咖喱唔夠濃味，吉列豬扒唔掂…炸粉好厚，加咗啲汁之後個皮好韌。強烈建議佢個汁同豬扒分開上😂照燒雞扒泡菜石鍋飯 $75誠意欠奉…同想像中嘅韓式石鍋飯好唔同，照燒雞扒幾好味，但係食落好似現成買嘅超市照燒雞肉串燒😂如果個飯可以配少少韓式辣醬會更加好🙈仲有隻蛋係八成熟😂佢suppose係流心蛋…基本飲品全部都要加錢 想飲咖啡就半價加購

📍利是豐 - 灣仔基本上每星期都會幫襯佢地，因為環境夠舒服，而且食物製作用心又好味道👍🏻menu又會定期轉下有啲新意，加上餐廳播放嘅音樂都係現時流行嘅廣東歌😊特別有熟悉嘅感覺！免治雞肉串泡菜石鍋飯 $75免治雞肉係打碎左嘅雞軟骨棒😆一共有3條咁多🍡味道唔錯👍🏻有雞軟骨嘅口感又啖啖肉😋石鍋飯熱辣上 有啲飯焦非常可口！夾埋泡菜一齊食好好味道🥰海鹽焦糖咖啡 $19(lunch半價優惠)我每次都必點哩個coffee，因為咖啡師嘅拉花都好特別👍🏻海鹽咸咸地令咖啡嘅甜味昇華左一個level😆我覺得唔洗落糖都已經夠甜味啦😋👍🏻最親切嘅係每次結帳埋單時，店員都會根據我食左咩 問我今次lunch覺得點😆例如：雞胸夠唔夠嫩滑呀？個海鹽咖啡味道如何呀？等等問題🥰令我有感到朋友嘅親切感，好似賓至如歸嘅感覺😄所以哩到都漸漸變成我嘅飯堂啦👍🏻T-able指數：4/5

是日去灣仔試下d cafe 仔先，舖仔細細，但門口都好有style, 幾有特色，放假既日子，一於都比自己放鬆下🤗點左2個set lunch , 一個係「喇沙海鮮焗飯」同埋一個「韓式豬扒石鍋飯」，個喇沙汁好夠味，芝士都香，不過如果可再多d 芝士就更加prefect, 而個豬扒都炸得好香脆，個石窩仲有「之之」聲，好夠熱🤤🤤今次我冇叫coffee , 因為唔想日日飲，是但叫左杯奶茶，不過強烈建議大家試下佢地既coffee 🤠🤠因為我對面既朋友極力推介☕️☕️

.當我有留意杯上面一串串英文下意識望下發現原來有詩句再細心睇係手寫.友人再睇佢個杯發現原來杯杯吾同仲要手寫呢份心意值得加分杯咖啡都格外好飲當然本身真心好飲係我喜歡的味道=====================有時候就係呢一種細微既窩心事情傳達一種人與人之間的純粹Love the life you live Live the life you love ❤️請代為傳達給Barista 你手字好靚而且仲好有heart❤️特別呢個時勢更莫名的有一份感動大家一齊Stay healthy and stay safe ====================Cafe 帶有一分vintage 得黎又有一種繽紛橙綠色格調令人心情愉快=====================後記1: 話說今日買外賣🥡太肚餓掛住食無影相叫左個日式豚角煮泡菜飯$73份量好大好食泡菜吾辣豚角好入味如果多小小汁送飯就perfect =====================後記2: Fusion 菜單日韓意泰都有仲保持新鮮感不時轉menu 值得再食=========================🔖“There is no sa

Lunch time係灣仔要揾到平價又高質嘅午餐唔係易事，但呢間真係可以兩者兼得。👍👍👍焗吉列豬扒飯非常濃郁夠味，主要歸功於店家肯落本係芝士到，材料夠足！👏🏻👏🏻吉列豬扒非常大塊，而且外脆內嫩，肉汁緊鎖其中！！一口咬落去，香濃芝士，厚身肉汁，吉列脆皮，全部在口中並發！豬肉粒飯係淮山醬汁，非常健康不膩！另外仲叫左炸薯條，即叫即炸，非常新鮮，香口脆皮！但搭配的茄汁偏偏酸，好似係店家特製嘅味道🤣