利是豐

Open Now

Now Closed

“利是豐早餐”($108)“黑糖咖啡”(+$19)早排喺灣仔返咗一陣工每日最期待就係放lunch發掘吓啲小店😆有次就嚟咗呢間用綠色做主色嘅cafe💚呢道lunch menu會keep住轉唯一就係招牌嘅利是豐早餐會每日常駐🧧個all day breadfast好得意係用個木盒裝住😆入面有煙三文魚,煙火腿,燒烤菇,茄汁豆酥盒,炒蛋/水波蛋,薯餅,巴馬火腿,豬肉腸,車厘茄,巴馬臣芝士另外仲跟咗塊香草多士,真係超級豐富🥰跟餐叫咖啡/特飲都有半價優惠~因為去嗰陣仲係冬天😂所以要咗杯熱嘅黑糖咖啡飲落幾香黑糖甜味,又唔會蓋過咖啡香☺喺灣仔返工嘅朋友又多個食lunch好去處🤣

最近才發現公司附近有這間港式café，不是一間茶記因為沒有頹飯食，也沒有不耐煩嘅大叔，相反有友善嘅店員，午餐有多款選擇。店內環境，其實地方都幾大，有好多位，不過食客也好多，坐滿晒人。店舖內嘅枱墊和cushion嘅顏色好有墨西哥feel~，但牆上掛有大大個招財貓攞住個車仔麵碗嘅logo畫，好攪笑係餐牌上係沒有車仔麵㗎😂牛油果煙雞胸漢堡配蕃薯條 (HK$57)．牛油果煙雞胸漢堡，可以食得健康．脆炸蕃薯條，香口，清甜，是比較邪惡．不過這樣配搭，減少邪惡感😂黑糖咖啡 (單點HK$37，跟餐HK$19)．香濃黑糖甜味，咖啡也香滑易入口，只係拉花歪咗😅

星期六早餐食好D🍳🍽️鐘意去公司附近的飲食街謝斐道利是豐， 小巷單邊靚舖, 裝修有特色的Cafe， 有靚音樂聽，原來仲可點歌聽呢度泡沫奶茶好有特色，有賣相易入口。黑松露炒蛋可以轉荷包蛋/太陽蛋🍳，服務好👍😋火雞牛油果潛艇堡，加埋個荷包蛋（同事給的）食,很好味呢度指定餐飲：奶茶、檸茶、檸水, 熱飲加兩蚊，凍飲加三蚊。其他咖啡或其他飲品跟餐就半價。叫餐食叫奶茶/檸茶飲性價比最高#MagicCherry攻美食🍽️#Cherry攻商鋪

今次介紹呢間灣仔cafe嘅店內設計好特別，好多招財貓，整體感覺好治癒。門外嘅植物都可以變身成為打卡位📸，可惜我哋叫咗takeaway，有興趣就睇吓下面更多店內環境嘅相啦！🍛葡汁焗雞皇飯 $69焗飯一打開就飄入芝士🧀同葡汁嘅香味，第一啖食到雞塊加汁，非常嫩滑同入味，好似啖啖都係雞髀肉🍗咁，仲要超級大舊。成個飯份量好夠，基本上每啖飯都配到雞同汁。個葡汁好似同出面食開嘅有少少分別，有種特別嘅香味但又講唔出，不過絕對唔突兀，反而幾有馬拉風味，值得一試。👅評分：8.5/10🍔 安格斯牛肉漢堡配番薯條 $88Burger入面配料好多，蕃茄生菜青瓜等，都係男朋友👾平時唔點食嘅配菜。但係佢覺得呢個醬同啲肉汁好濃味，所以其他配料都食晒，仲話啲配料令整體口感清爽咗添。肉扒夠厚身又多汁，屬水準之作。不過我覺得最最最好食係個蕃薯條🍟，份量足夠之餘，蕃薯又甜又香🍠。每一條都炸得外脆內軟，入面嘅蕃薯就好似街邊攤檔啲燴蕃薯咁，真係超級加分🤤，我會為咗個蕃薯條而回頭！👅評分：8.5/10

前排大食妹同同事去左附近嘅利是豐車仔麵食晏雖然係叫車仔麵, 但餐牌裏面竟然冇車仔麵<蕃茄咖哩汁燴肥牛飯>大食妹嗌咗份蕃茄咖喱汁燴肥牛飯蕃茄咖喱汁夠酸, 非常開胃而且加入左洋蔥, 食落酸酸甜甜, 配搭肥牛, 好下飯隔離仲有新鮮生菜, 均衡營養<利是豐早餐>同事就食咗份肥仔早餐-招牌利是豐早餐, 雖然烹調時間比較長, 嘢食都唔係好熱, 但款式都幾多而且用木盒上, 超有儀式感<蜜桃煙鴨胸焗飯>仲有一位同事就嗌咗份蜜桃煙鴨胸焗飯個樣睇落去就麻麻啦, 同事都話一般<海鹽焦糖咖啡>因為見到好得意, 大食妹就嗌咗呢杯海鹽焦糖咖啡海鹽焦糖咖啡味道偏甜, 而且冇乜咖啡味, 大食妹覺得可以唔使嗌

照燒鰻魚泡菜石鍋飯 $73鰻魚飯嘅賣相真係好吸引😍，用竹籤吉住啲鰻魚燒左，用醬燒完嘅鰻魚夠哂未，不過入面真係好多細骨，要慢慢食。個飯係炒飯底，撈勻泡菜同埋鰻魚醬一流。燒牛肉漢堡配蕃薯條 $54本身以為燒牛肉真係燒烤過嘅牛肉，原來係加工肉😂，個包有啲平平無奇，有少少失望，但個番薯條脆得來有少少甜，唔點茄汁都好食。可惜午餐唔包嘢飲，另外加左熱奶茶都要$5，咖啡加配要半價，食物種類叫比較特別，但價錢唔算便宜。

第一次見呢間餐廳覺得裝修幾靚，坐位幾舒適，而且餐廳名好搞笑，叫做車仔麵但並唔係得麵食，似係cafe食物多啲。平日午餐會不時轉餐牌，價錢唔算太貴，所以經常黎食都唔會悶。/麥兜蕃茄兜飯兜蕃茄兜兜飯（焗蕃茄豬扒飯）🌟煮得幾用心，佢既醬主要係用蕃茄煮出嚟，唔係一般餐廳剩係用茄膏茄醬，而塊豬扒係炸過再淋蕃茄汁，所以更香口更好食。/月光寶盒&波爺波蘿me🌟（all day breakfast ）朋友叫的all day breakfast，好似野餐盒咁搬出黎，擺盤好比心機。

星期日悠閒點午餐雞肉薯蓉沙律 配白桃沙冰 雞肉煎得很有質素，柚子醋沙律菜不錯的樣子，些些薯蓉係用粉沖成，但沒有影響整體三文魚意大利飯 配可樂 有些酒，不太鹹，好足料，很多三文魚，上面都滿多魚子 肉骨茶豬軟骨米粉 配熱檸水不像馬拉的肉骨茶，但整體也是不錯小清新裝修 輕鬆音樂

下午茶時間嚟幫襯天氣開始轉涼，下午茶想食啲熱野，所以叫咗個米粉嚟食。材料方面可以自由配搭，我就選擇了日式叉燒及沙嗲牛肉，由於感覺沙嗲比較肥，所以特別要求走沙嗲。店員非常友善細心，問我要否加椒鹽。由於營養師建議不要吸取太多鹽分，所以只加配胡椒！味道唔錯日式叉燒味道正常，牛肉份量比較多，適合要求速成的我。通常配上熱檸茶或熱奶茶一杯，令這個下午茶恰到好處餐桌上擺放紙巾及酒精消毒搓手液，可以比顧客使用，細心的餐廳！

之前路過呢間，員工派傳單，於是約同事下次lunch來試下。.🌼班尼迪 煙三文魚 $66同事點左呢個，佢話食落唔錯，合佢口味。.🌼洋蔥紅酒汁焗牛俐飯 $69其實牛俐係好好好味😋 但飯有d鹹。應該係d醬汁擺得有d多，導致鹹的滯。如果鹹淡適中，我下次應該會再食呢個餐。.🌼熱奶茶 + $5 奶茶係茶多過奶，覺得有d澀，即便放了糖。.個餐牌好得意，睇的出好比心機整。.可能下次會再過來識其他餐，希望會比今次好食😋.

2020.7.20(一) 別人在家工作我要返工, 路上人少及車少。走進這家cafe是被門口的15蚊熱狗+5蚊咖啡==>吸引, 但又好似賣車仔麵(無時間深究)。 進店很舒適~人少, 服務員有禮貌的探熱, 上餐牌.... 我點了日式义燒+炒蛋(但佢話炒蛋加5蚊, 因為要2隻蛋)好!! 就點越南扎肉<<飲咩咖啡!?服務員show左咖啡list=我點了cappuccino>> 餐牌係=2餸麵$39+$5咖啡。 我問服務員: 門口show熱狗+飲品有無架?佢話: 只限外賣。 我唔會改因為我有大把時間, 只想坐住食早餐並且人少。<<立刻有位女士進門~問:熱狗+咖啡。 服務員話: 唔好意思, 賣哂>> []上左麵同咖啡+影哂相+啟動入口了= 找數單才出現 = 咖啡+$18。講返麵食先, 日式义燒2片(有肥有瘦夠味既)越南扎肉2片(現成物質味道及格)咖啡可喝到5啖(不錯)。各位領略到d咩？

今次第一次嘗試這新開的一間食店！員工非常的親切及有禮貌，而且好細心地介紹它們的食物！結果試了它的龍蝦雞扒牛九喇沙湯底的車仔面麵及芝士蛋餅。先説賣相-很有心思，再説味道-也不錯看。它們的環境也舒服！但我覺得係杯美式凍咖啡有少少淡了！但此餐廳真的很不錯啊！可以再去！

今日lunch time 路過走入去試吓，有驚喜喎杯咖啡有拉花😊食lunch set 加十零蚊就可以叫咖啡，杯咖啡一上枱，即刻令我心情愉快，餐廳環境一般，有啲迫夾，但侍應服務態度好好，笑容可掬。今日試左🐔皇焗飯，水準正常，下次會試其他嘢。其實呢間餐廳個名叫車仔面，但中午時間大部份人都係食西式lunch set，我估佢哋嘅車仔面嘅唔多專業🤣

好耐冇嚟衣條街吃飯，同同事行行吓見到衣間餐廳唔多人等便試吓。入到餐廳見到都係食西餐，所以穩陣計都係食返西餐，冇叫車仔麵食。因為牛肉飯沽清，所以大家都叫咗焗雞飯食，我另用半價叫了杯肉桂拿鐵。飯好快有，份量夠，味道正常。咖啡有好香肉桂味，唔錯。叧外，每位服務員都好友善。我哋今日發掘到一間唔貴嘅餐廳食午飯。

中午黎到這一家小店，不用等位，外觀不錯，幾吸引，所以決定一試。環境//由於是小店，枱與枱之間都近近地，，但尚可接受。食物// 車仔麵湯底選擇幾多，有特別口味，例如肉骨茶，喇沙。 食物選擇算幾多，叫左肉骨茶札肉，魚蛋，溏心蛋烏冬。味道普通，湯底有點淡，食材制作簡單，沒甚麼特別。服務// 店員都友善有禮，價錢// 徧貴，因食材基本，好似普通車仔麵。總結//性價比不高，味道普通，但支持小點亦可一試。 希望會有進步！