利是豐

Open Now

Now Closed

曾經係附近的茶餐室食lunch，見到這間車仔麵舖門面幾靚，所以今天特意來試試！看完車仔麵的menu，發覺不是太經濟實惠，所以改看另外一張lunch menu ，大家一致決定吃葡汁燴鷄飯（$58），感覺價格較為reasonable ，兼且應該會飽一些。葡汁燴鷄飯賣相可以，味道也ok ，但沒啥特別，份量對女士們是可以，但男士們可能不太足夠。有同事叫了熱奶茶（+$5），覺得茶味濃但缺乏「滑」，不像一般茶餐室的奶茶，有點兒失望。而叫了凍奶茶（+$8）的同事，就覺得好像飲緊「凍鴛鴦」，味道較特別。幸好我那杯是一般正常的凍檸茶。但值得一提是這裡的店員服務態度真的很好！

高樓林立的灣仔，繁華喧囂處隱藏著一間特色的小店- 利是豐，一個充滿地道文化的名字！餐廳裝潢用上了湖水藍色主調，行簡約純樸文青的風格，給人一種悠閒寧靜的舒適感。食物主要提供早餐、精品咖啡和車仔麵！ 早餐時段，我哋點了日式叉燒、扎肉 公仔麵和芝士肉鬆蛋餅，鮮奶咖啡和熱奶茶！日式叉燒 自家製日式叉燒半肥瘦 不油不膩嫩滑甘香；芝士蛋餅 擺設精緻，芝味濃郁！鮮奶咖啡和熱奶茶咖啡香醇濃郁 帶微苦從口中釋放。奶茶有茶餐廳水準！在這裏除了享受食物，更重要是環境氣氛的體驗！ 店員態度友善親切，不時跟客人寒暄介紹出品！ 值得一讚！

係附近返工, 日日都會係呢條街食早餐,月中其實都見到有新店開張,裝修都幾靚,係成條都係茶記既街上特別顯眼,早餐選擇有8款可以選擇,不過真係遍貴呢, 熱飲正常唔會加錢架啦, 但係呢度竟然加$5, 凍飲仲要加成$8,個日食左個麵加凍飲, 埋單成為$46,完全無CP值可言, 對面間冰室都冇佢地咁誇張,雖然碗麵係出前一丁但其他餐廳飲凍飲轉埋丁麵最多咪40大元,不過員工服務態度係值得一讚既又有笑容,但係試過一次就算了, 雖然而家乜都貴, 但有選擇既情況下會選擇價錢親切D既黎食

有一天搭巴士，早一個站落車，在灣仔警署行去金鐘揾嘢食，路過見到一間裝修很特別的小店。 店內裝修簡樸而有心思， 牆身沒有再批盪油油，但係搵幾塊大嘅日本掛畫。 店員很熱情和很有禮貌。呢間餐廳主打車仔麵，但係我嗰日好肚餓所以叫了飯，日式咖哩吉列豬扒焗飯。炒飯底，吉列豬扒可以，咖哩配芝士焗怪怪哋，建議用番茄更好。下次可以嚟試佢主打嘅車仔麵。

可愛老婆 Cherry 推介，難得悠閒周末，特地到灣仔一試。店名特別，裝修簡約，服務態度99分，店內有幾個位可以自拍靚相。餐具有咖啡店感覺，即磨咖啡有水準，還送自家製餅餅。安格斯牛肉漢堡，漢堡厚身有份量，麵包脆身微暖，肉與包之間有開胃甜酸青瓜及楊沖。要特別講下跟餐的薯條，看來是用蕃薯而不是薯仔，蕃薯味濃、香口。最後，其實真係有車仔麵食的，無論想食西餐定麵，都可以入去試。灣仔。又多了一間高水準Cafe。

lunch time搵嘢食，平時經過依間餐廳都覺得佢門面幾靚，但又叫車仔麵好得意。今日就走去諗住買個外賣試試。大門口係堂食入口，旁邊有個牌指入去外賣窗口，都幾搞笑。不過係度等既時候，咁啱有人入嚟食煙，先知原來係「打邊爐」既地方外賣部既服務員都好nice，問我想食咩。我一眼望埋去就見到個set lunch餐牌，見到有個蕃茄焗魚柳飯，就落咗單，完全忘記咗想試車仔麵依件事XDDD等俾錢既時間先又發現set lunch menu隔離張車仔麶menu，哈哈，唯有下次再試。個焗飯其實都幾好食，魚柳唔錯，蕃茄味都幾足，不過以依個價錢嚟講，份量係少咗啲，又唔包飲品。女仔食應該OK，男仔我諗應該唔係好夠飽。