Video
7-min walk from Exit A1, Olympic MTR Station
continue reading
Opening Hours
Mon - Sun
07:00 - 23:00
Above information is for reference only. Please check details with the restaurant.
話說兩年前入過嚟食，唔記得食咗乜，只記得係「唔好食」，「落錯單」，同「服務差」。當時已經將呢間嘢blacklist咗。琴晚見到佢隔離開咗間「恆河咖哩屋」（試業中），又想食咖哩，就入咗去試吓啦。點知入到去，先知兩間嘢係一齊的，已感中伏。不過，即管試試啦。裝修ok 嘅。同兩年前一樣。有溫暖家庭feel，又幾細心有掛鉤响牆上俾客人掛褸掛袋咁。不過張布sofa啲布好污糟，有好多漬。唉，心諗：食完即走，算啦。叫咗個晚餐set: 羊肉咖哩（叫咗大辣），跟印度餅。包餐湯（叫咗白湯）嘢飮（叫咗凍鴛鴦）。再另外叫咗一客samosa (印度咖哩角）。**我張抬隔離就係印度哥哥整餅的地方。這個容後再談。**眼鏡高瘦男侍應哥哥先來俾碗白湯我。首先，碗西湯竟然用大排擋白色膠飯碗嚟裝，已覺非常之唔professional。試諗吓如果你食spaghetti 但係用雲吞麵膠碗.... 算罷。飲啦。噢，凍的。唔好味唔緊要。但係「唔好味」加「唔熱」就真係唔得。舉手叫侍應，冇人嘅。只見到洗碗姐姐坐响度玩手機。唯有起身自己搵侍應。「唔該，可唔可以幫我熱番個湯呀？」「你等等啦。」坐番低。好快嚟咗個samosa, 連薄荷醬。呢個幾好味, 不過個皮好厚。如果咖哩味重啲，個餡多啲就好啦。杯凍鴛鴦都上枱啦。冇鴛鴦味的。似凍奶茶多啲。之後個咖哩羊都嚟埋啦。呢個時候，我碗湯都未翻熱番。個印度哥亦未有出現整餅俾我。我已經feel到唔對路。就快食完個samosa，碗湯返嚟啦！噢no, 點解係加咗水嘅？又唔熱，根本冇幫我加熱返！此時心中有點火，唔飲啦！我已經冇心機叫佢地跟跟個印度餅，我齋食個咖哩。真心好味喎！係啲羊肉有啲嚡。我本人喜歡辣，佢又真係夠辣的！這個可以一讚。我食咗九成咖哩，個印度哥哥先慢慢响後台行出嚟整餅。我繼續食埋啲咖哩。之後行去收銀處。「你可以叫師傅唔洗整個餅啦。」「噢！唔好意思呀！幫你做返外賣吖。」（此刻我feel到佢有「唔好意思」之意，即係佢都知衰啦）。「唔洗啦。」「咁我俾個折你啦。」我冇答佢。張單由$115 變成$105。對有冇折我完全「零感覺」。但係呢餐晚飯我食完覺得好嬲。打咗成個禮拜工，想食餐飯啫⋯ 我唔會再去呢間嘢。《完》
continue reading
午飯時又黎到大角咀搵野食,今日一行6人搵間餐廳坐下先～未到午飯時間就有同事急急腳落左去搵位,點解?一黎大角咀午飯時間其實都幾多人,尤其是近澳運果邊,咁有同事拎左枱,我地都隨後跟上啦～去左呢間red rice儲印仔,呢間餐廳中西合璧,應有盡有,有人叫鐵板餐,有all day breakfast,而我今日叫左蛋包飯,呢個蛋包飯正就正在,佢入面係西炒飯底黎,一開頭食落去仲驚,西炒飯咁紅會唔會好酸,不過又唔會喎,西炒飯都算炒得乾身,一餐滿足左2個食法,正👍🏻
continue reading
在這裡和同事吃個午飯, 餐牌的食物款式有很多, 他們也有午市套餐供應, 而且價錢親民, 食物分量又多。這裡的點餐速度快，食物很快便送到上枱。日式甜薯溫泉蛋沙律份量多, 沙律可以配上胡麻醬或千島醬。裡面的迷你日式甜薯很軟熟和鮮甜。上面的溫泉蛋是流心的，蛋黃汁可以撈沙律菜吃。功夫海南雞飯套餐會跟上海南雞三式醬、昆布清雞湯、小唐菜、海南雞一客、秘製雞油飯。套餐還會跟上迷你沙律、餐湯、蒜蓉包。我沒想到一間小型餐廳也能提供好味的海南雞。海南雞肉質也挺嫩滑, 配雞油飯一起吃，不錯。另外，我們亦點了上湯杞子浸娃娃菜, 它的湯底帶杞子味，裡面亦有杞子粒，娃娃菜很甜。
continue reading
好耐無嚟紅米, 今日同同事去幫襯下, 點知... 都幾失望 ... ...半年無嚟, 餐廳格局變左, menu 轉左 (多左嘢食但貴左)待應轉晒人, 態度都幾令人卻步.Study 完個新 menu, 我叫左個 set lunch "香草白汁燴雞扒拼雙腿意大利粉"跟個菜湯+熱檸茶 $39點解失望 :個意粉上得快過個湯 ...意粉汁無味 ...雞扒我估佢煎到黏底, 因為個面無左一撻撻 ...可取 :意粉夠林, ok火腿烚嘅, 正常個菜湯最好, 味道夠 (我果碗熱, 但同事個忌簾湯吾熱...)熱檸茶正常.
continue reading
又到咗打工仔lunch時間，今次去咗Red Rice，諗住求其叫個set lunch，入到去揭餐牌先知原來有好多嘢揀！見到隔離枱叫咗個蛋包飯幾靚，我又叫返個雞扒蛋包飯，估唔到連汁都有得揀，我就揀咗茄醬汁。等咗5分鐘就有，一見到真係忍唔住嘩咗一聲！估唔到大角咀一間外表普通嘅餐廳都可以整到個咁靚嘅蛋包飯！個蛋面竟然有蛋汁，賣相成朵玫瑰咁，廚師真係功架十足！雞扒大大件，厚肉到我要用力先切到，咬落去好juicy，好味！蛋包飯係西炒飯底，西炒飯炒得夠乾身，飯亦唔係一舊舊嘅爛飯，配有蛋汁嘅蛋食落簡直完美！仲配有少少沙律菜，感覺健康d！不過飯份量唔算多，男士可能會覺得唔夠，但對OL嚟講就好飽喇！推介！
continue reading