紅茶冰室

Open Now

Now Closed

作為「金魚婆」嘅我😆經常性流連旺角魚街～除左邊檔買魚買蝦熟之外，都好鍾意到紅茶3點鐘tea一tea~❤️最愛就係佢嘅「招牌芝士流心西多士」&「吉列豬扒湯烏冬」～「🥞招牌芝士流心西多士」極邪惡首選🌟🌟西多食得多，但芝士餡我係佢呢間先食到～半溶又勁厚嘅芝士餡，睇見都吸引🤤🤤配上牛油同煉奶，甜蜜蜜當中又帶上鹹香～再加上西多外脆內軟嘅口感，絕對擔得起3:00下午茶王牌之美譽👑「🐽吉列豬扒湯烏冬」湯烏冬係正常茶記質素，濃濃雞湯底配上滑嘟嘟嘅烏冬～但重點係塊吉列豬扒！真係即叫即炸，🔥熱辣辣送上～肉眼係仲可以見到啲熱油係豬扒表面郁緊～雖然未到好厚身，但脆口唔乾，點埋沙律醬食perfect !😋😋「🍑葡萄柚蜜桃茶」下午茶餐加$9可以轉特飲，天氣熱辣辣梗係想飲啲消暑飲品～稍為略嫌個底甜咗少少🤏🏻，但入邊有咁多蜜桃比你食，絕對值比多$9～-值得一提，好多人彈佢哋嘅服務質素～但我次次都係一拖二去，啲姐姐個個都好好笑容好好禮貌😌對小朋友友好，真係會關心講有小朋友坐入啲好👍🏻

碟香噴噴嘅咖哩雞扒飯？嗰啲咖哩汁濃郁得嚟又唔會太辣，雞扒煎到金黃香脆，裏面仲係嫩滑juicy。啲飯吸曬啲咖哩汁，連每一啖都係滋味。加埋啲青菜，整體平衡到啱啱好，真係無得輸！一口飯一口雞扒，真係享受得無得頂！😋

一般 咖喱鸡扒饭。奶茶还可以。态度很一般。洗手间的门关不上的。。。。。问了工作人员坏了吗，工作人员说没坏啊。我说门关不上吗？她说那你把外面的门关了咯。啊无语，居然不修，这是不考虑修了吗。um..

今日好想食乾炒牛河就諗住去幫襯一下一入去就有位阿姐叫住我地出去門口等出面冇人排隊 我地已經入咗去我仲目測有好幾張台係冇人坐實在唔係好理解要出去等既理由算啦 我地跟規矩都知呢位帶位阿姐不嬲態度都差 出去門口等就唔係問題 態度可以好少少都黎咗就照坐低叫嘢食啦結果呢 我未曾食過咁難食既乾炒牛河啲牛肉又乾又柴 河粉就炒到獲燶好似用啲河粉洗完個獲咁以前食過呢間既沙嗲牛 諗住應該都唔會伏竟然可以咁難食服務差 食材差 煮得又差我唔會再幫襯 真係貼錢買難受！

啱啱去到嘅時候，明明仲有卡位，唔俾卡位我同我男朋友。跟住食食下叫我連埋啲食物搬檯，由啱啱入嚟我已經對啲阿姐嘅語氣好不滿，隔嚟嚟咗4個人，阿姐叫我向右移一個位，移完位又冇人坐，仲要係我食緊嘢個陣不停叫我調位，拎埋啲食物調位，你係我食嘢前調OK，叫你俾卡位我哋又唔俾，到最後叫我哋調卡位，又叫我向右移一格，淨係對我一個人係咁阻住我食嘢。事後我同男朋友講食紅茶初體驗 好 差 啲嘢食OK 但啲服務態度食到我黑嗮面，從未試過，唔會再去！

d阿姐態度極差，叫極都冇人黎寫單。唔理你想唔想搭檯，叫你同陌生人坐埋一齊面對面食飯🙂，叫佢攞塊隔板，一臉唔情願，好大力放個隔板落黎，得返勁少檯食飯，個人走左，我攞開塊隔板諗住多少少位食。個阿姐串我（原話）：「宜家又唔要塊隔板啦？」我話：「個人走左啦ma。」之後阿姐大嗌：「咁我仲有其他人（同你面對面食飯）啊ma！」我嬲到即刻走左，其實紅茶又唔係話特別平，你話38蚊一個餐我就算啦，一個餐你都賣68，d餐具又有污跡，野食又只係普通。仲要一張細檯劏開一半兩個人用，隔板都唔卑，對面個陌生人噴口水又避唔到，撩完牙d殘渣又睇到。飲食做到咁折墮，對d客好似對豬咁，都係第一次見，連街邊d茶餐廳都知道要擺隔板或者錯開坐。祝呢間🐷店早日倒閉❌大家要好好對待自己，唔好食豬食啊啊啊啊啊！

放工後隨意找左一間茶餐廳食睇menu指招牌牛柳鐵板餐lets try try以個價錢黎講。。算唔錯五成熟既牛柳，肉質岩岩好，唔會韌味道方面主要係黑椒味較突出，呢個價錢下既牛肉味都係預期內算係咁飲品嘛，百香果偏甜，越飲越甜，所以，下次都係唔揀喇，哈哈

🌟可能係假期嘅前夕，所以我哋入去之前都排咗起碼15分鐘，呢一間餐廳係指出名大大份同埋熱辣辣嘅茶餐，佢仲有新鮮出爐嘅麵包，大家都可以選購，今日就叫咗乾炒牛河，同朋友食個下午茶，乾炒牛河都幾好食，而且份量十足，我覺得都幾有鑊氣，而且牛肉嘅份量都幾好，整體調味同埋賣相都合格，只係姐姐有少少唔耐煩，一坐低就係咁吹我哋，問我哋叫咩，希望可以改善一下。西多士同埋菠蘿油都幾好食，菠蘿油非常邪惡，熱辣辣加埋新鮮嘅牛油！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟衞生程度 （5粒🌟）🌟🌟🌟🌟

黎到太子就搵下野食，行下見到紅茶唔駛點排就入黎食等左10分鐘就有位。好耐無食就諗住試下結果失望。午餐50幾60蚊不過係呢個質素就好一般了，味道正常但完全無吸引之處，份量比較少。羅宋湯正常沒有特別。比較失望係杯凍檸檬茶，朋友另外2杯已經黎左10幾分鐘飲哂啦，我杯仲未黎就唔該女侍應追下杯凍檸檬茶，野又已經食到8899，個女侍應話有杯機壞左已經整緊架啦。好啦我繼續等，我知你有人排想飲完快d走唔阻你，你咁講我就等，過左56分鐘仲未黎，我再追第2個算啦，同佢講情況，杯凍檸檬茶終於黎啦，第3個女侍應唔夠10秒就話外邊有人等緊位，我心諗等左杯凍檸檬茶差唔多20分鐘，黎左10秒就催，如果係咁急，當初就應該快d追杯茶比我，飲完就走。知你有客排點知等杯飲品都要10幾20分鐘，追又唔理，即刻答得咁快，再追先有。價錢唔值服務又差，唔駛你唔該前多謝後不過服務要合理點，唔好追完唔理，等20分鐘野飲一上就催人走。唔會再食

心郁郁想据扒經過見唔使等位平時又多人黎食就諗住試下叫左個西冷牛扒餐有餐包，湯同野飲等左差唔多十幾分鐘終於上主菜點知塊扒冇牛味，又乾唔知食緊咩肉咁就算係厚身加大塊都冇用食左三份二已經唔想再食埋單都百幾蚊真係唔值呢個價之後唔會再黎

如題，無諗過京都豬扒都會整得難食難食到要寫食評午餐時段叫 上菜即食 豬扒已經係溫食到一半竟然有幾塊係一邊溫一邊凍似係整定之後翻熱 仲要翻得唔熱味道極度一般 豬扒肉質難以下嚥又凍又硬 唔知食梗咩平時其他茶記外賣好食過佢多多聲特飲少甜 但甜到確喉。。。反而菠蘿油幾出色 要求已經唔高 奇怪點解咁多人排隊

黎到太子就搵下野食，行下見到紅茶唔駛點排就入黎食等左10分鐘就有位。好耐無食就諗住試下結果失望。午餐50幾60蚊不過係呢個質素就好一般了，味道正常但完全無吸引之處，份量比較少。羅宋湯正常沒有特別。比較失望係杯凍檸檬茶，朋友另外2杯已經黎左10幾分鐘飲哂啦，我杯仲未黎就唔該女侍應追下杯凍檸檬茶，野又已經食到8899，個女侍應話有杯機壞左已經整緊架啦。 好啦我繼續等，我知你有人排想飲完快d走唔阻你，你咁講我就等，過左5 6分鐘仲未黎，我再追第2個算啦，同佢講情況，杯凍檸檬茶終於黎啦，第3個女侍應唔夠10秒就話外邊有人等緊位，我心諗等左杯凍檸檬茶差唔多20分鐘，黎左10秒就催，如果係咁急，當初就應該快d追杯茶比我，飲完就走。知你有客排點知等杯飲品都要10幾20分鐘，追又唔理，即刻答得咁快，再追先有。價錢唔值服務又差，唔駛你唔該前多謝後不過服務要合理點，唔好追完唔理，等20分鐘野飲一上就催人走。唔會再食了

話完以前仲住附近時有一次中伏經驗，有時都盡量避開唔食佢。但見當時正值疫情時間，距離而家已經3年幾，諗住俾多次機會佢～見佢門口都要排隊，心諗應該OK啩，最後等左幾分鐘就入得去～Menu嘅話都唔使點睇，梗係叫沙嗲牛啦。早餐而家要$41，都咪話唔乸脷，加埋杯凍啡就已經$44～2-3分鐘就上菜喇。個沙嗲牛嘅賣相好過上次好多喇，份量夠，個麵算係彈牙～炒蛋太過濕，可能叫太陽蛋好過，丹麥多士夠入味～咖啡味道幾夠，朝早飲完可以提一提神！

又貴又細碟，味精好重🤮嗰日食咗個牛柳仲晒伏，得嗰4片牛柳(唔夠3安士）配飯，收百三蚊！極之極之低性價比🙅🏻‍♂️直頭搵苯！洗濕咗個頭，叫多碟炒牛河，咸到爆🙅🏻直頭攞命！

主要都係態度唔好，排隊時仲有个阿叔邊閙邊行出黎。要拼臺噶話，建議臺號分成例如12A 12B，咁樣會可以分得清邊邊點噶單，我點咗奶茶，阿姐送過黎，我又冇留意系唔系拼臺噶哥哥仔點嘎，搞到阿姐唔耐煩