Relaxing tea house + Fragrant Kitchen (Moved) New Location

同一間食肆寫左第4次食評,希望大家唔好介意!今次同baby吃晚餐,佢一直好想試relaxing tea house,而我又鐘意呢間比較少人既分店,一拍即合。2個人分別叫左: 蜆肉蕃茄扁意粉、南瓜蟹肉意粉set dinner。頭盤係田螺沙律;幾粒田螺肉+一堆沙律菜;田螺肉顏色黑mung mung,睇起黎都幾嚇人,不過黎到點都試下...原來幾好味又唔腥;沙律菜應該用橄欖油撈過,不過唔太油,清清地。忌廉粟米湯跟蒜茸多士: 幾驚又係牛肉湯呀!好在唔係! =p 粟米湯好濃,朋友話好似糊仔,夠杰身!!味道尚可,唔係罐頭湯味道。蒜茸多士好香口,不過蒜味唔重,食完唔會有陣味。蜆肉蕃茄扁意粉: 好多連殼既蜆!!我仲以為係得蜆肉添!d蜆唔係平時炒蜆個種啡色蜆,個殼白色同紫色,好靚架!!蜆肉唔腥都無沙,唔算肥美,但都ok!!只不過有d唔開口既都比埋客人,廚師都無發覺,呢樣要扣分!!扁意粉算彈牙,唔淋pat pat,good!不過呢個意粉原來係辣辣地既,又幾得意bor。南瓜蟹肉意粉: 南瓜粒好甜,蟹肉份量足,應該係新鮮貨啦,呢個係圓意粉,口感都係一貫彈牙;可能南瓜味道關係,呢個意粉味道偏向甜多d,一甜一辣剛好

估不到最出名的花茶, 是最難飲的.食物ok啦, 價錢較貴.

特別日子，同男朋友渡過；因為我遲放工，揀o係依度食飯~ 我o地食左：　三文魚沙律(頭盤)–一般水準~餐湯／餐飽–湯好普通，香脆o既蒜茸飽則唔錯~意大利海鮮飯–幾足料，d risotto又有海鮮香味，好食!!莧菜雞卷–莧菜好味，但雞卷太鞋lu~餐飲–加錢改花茶(internal care)，味道仍然都係咁麻麻啦，都係貪得意ja~甜品–我o地extra order左gelato x3，分別試左rose strawberry, espresso & rum raisin~ 除左第一隻d花味太勁，另外兩隻都好食!　總括關於花o既食物麻麻~ 環境同餐具就幾好~

星期六放工搵野食,新都會周圍都多人,諗起呢度應該會比較清靜,果然!!本來想試一人high tea set,不過食high tea都係有朋友一齊share至有feel,改食tea set;揀左焗海鮮天使麵+茉莉朱古力。海鮮天使麵外表好靚,都幾香! d汁係沙律醬,所以香香甜甜,味道幾特別。天使麵份量都唔少,唔太彈牙,ok啦。海鮮有蝦仔、小魷魚、墨魚仔,我鐘意墨魚仔多d,好味!!茉莉朱古力唔覺有茉莉味,基本係朱古力味最重....都係薰衣草比較特別。會繼續試其他....

今日同事同事叫我諗地方一齊吃lunch,一諗就諗到呢度,因為都想試左好耐。自己叫左牛油果鮮菇忌廉汁意粉+凍薰衣草朱古力;同事叫牛脷飯+即磨咖啡。牛脷飯先上,睇落都好大碟,牛脷都唔少,佢比左一件我試,味道唔錯,好香番茄味。意粉都好對眼,忌廉汁好creamy好香,就算無肉都好好味,第一次食有牛油果既菜,幾特別!! 意粉煮得剛好,有咬口唔淋,正!!薰衣草朱古力好濃朱古力,個人口味薰衣草味可以更多,但一般人應該足夠,加埋cream,睇見都覺得好飲=)下次試下茉莉朱古力。係呢度飲下午茶應該都好正,只可惜午餐時間唔多,唔可以好好咁慢慢享受多年芝士餅。

A. Executive set lunch:1. Mushroom cream soup: 雖然很浠，但味道又OK。內有mushroom片。2. Pan-fried seabass: 鱸魚肉texture OK，但帶腥，麻麻地。反而配菜幾好，多菜，而且炸薯粒唔會太乾，中等size，內裡軟熟。3. 即磨Coffee: 濃郁，唔錯。B. 羊肉Pita-bread: 羊肉粒份量很多，"so"味不太重，又唔"un"，不錯。

由尖沙咀第一分店，到銅鑼灣店，奧海城店，而家葵芳都開左新店，Relaxing Tea House似乎越戰越勇！仲一間靚過一間添~ 正如snoopy 話齋，依度分店外/ 內兩部份，我同男友今日就o係比較華麗，以紅玫瑰色為主題o既店內食；感覺都幾似以前o既法國餐廳Bistro M~　我o地要左一個三文魚凱撤沙律天使麵，一個法蘭克福腸；餐湯係紅白蘿白忌廉湯，好在蘿白味唔重，抗拒蘿白味o既我接受到~ 陪湯o既garlic toast好食，但有少少火農~ 主菜portion好大，法蘭克福腸約有8吋長ｘ２，天使麵都好大碟~ 味道比賣相差少少，最後餐飲o既咖啡唔夠香囉~ 　總評：以新開計都算唔錯，環境服務比同區都優勝，味道就有改善空間喇~

夜晚行新都會時發現呢間葵芳分店已經開左,果然如廣告所講6月中開幕;呢個位置以前係bristo M。呢度分店外/店內兩個部份,店內裝修比較華麗,應該係以紅色為主色,格局有D似台灣既"古典玫瑰園"; 反而店外位置比較清雅,有座白色涼亭,座位都以白色為主,旁邊有薰衣草裝飾,我自己鐘意呢度多D。可能新開張關係,唔係太多人食野,而且地方大,真係工作人員多過客人!!同尖沙嘴剛剛相反。今次主要係買餅,蛋糕款式只有4-5款--薰衣草芒果、玫瑰、茉莉朱古力、接骨木朱古力;我就買左前三款。味道同上次尖沙嘴買既無分別,保持水準。只不過成七點每款都仲有成個cake係度,如果唔留過夜的話,都幾浪費!買餅期間店員叫我試雪糕,終於有機會試下花味雪糕,第一選擇當然係我至愛既薰衣草!!顏色唔算好靚,望落去顏色偏藍,而味道真係....唔得!!竟然少少薰衣草味都無?! 但我真係食唔出係什麼味囉。暫時黎講呢間應該算係一間好HEA既relaxing tea house,我會再黎試下既,起碼坐得一定舒服!!而且有位小妹妹waitress好熱情有禮,讚!!