玄米茶廳

Open Now

Now Closed

今日係尖沙嘴，食到一間不一般既茶記。 本來係諗住行得攰攰地，求其搵間茶記食，入到黎呢間玄米茶餐廳，睇落好新下。 一入門口阿姐就好好招呼。 佢呢度好似咩都有得食，門口大大個煮牛腩粉麵既廚間，而佢後面就係燒味部，然後再舖頭入面仲有個出飯餐既後廚同水吧。 真係舖頭細細一應俱全。 好肚餓就叫左個炸雞翼先。 係全翼，仲要炸得好香好脆，碟身都唔會見好多油，果然係即炸。 食落唔會好咸，好少茶記既雞翼咁好食。然後阿姐話仲有崩沙腩，所以就叫左個崩沙腩米粉。 黎到個賣相勁靚，崩沙腩好足料，而且仲要好大嚿，好厚身，咬落好夠稔又香，肥瘦均勻，真係好正。 而且佢仲有爽甜既菜芯跟埋。最後飲埋個好正既雜果賓治，勁多雜果，仲係細個飲既味道，真係好難得。 估唔到呢間茶記咁有驚喜，食得好開心。

去食個晚飯，遇着個店員西口西面。已經等佢行過舉手叫落單，連續叫咗兩次都完全唔俾反應我要等人大大聲問佢點樣落單，先至話「吓？冇俾QR code你咩？」 入座唔code人落單又唔幫人落單到底想點？ 定啲店員聾咗聽唔到人講嘢？ 出個餐飲兩杯都係凍嘢都唔知點解淨係俾一支飲管。 好啦，又叫個店員拎俾我。今次應咗啦，但等咗10幾分鐘都唔見佢拎出嚟。跟住原來係唔記得咗 = =都唔知係唔係開喺尖沙咀淨係做遊客生意，食食吓無啦啦走嚟同我講普通話。唔建議土生土長香港人幫襯，真係勁受侮辱！

今日下午茶時間同朋友一齊去左尖沙咀 廣東道嘅玄米茶廳食個飯。餐廳裝修光猛，4點幾嘅時候仲好多客人。 餐廳用QRcode落單，都有實體menu睇，經典茶餐廳嘅粉麵飯，焗飯，燒味都應有盡有，好多選擇。我地叫左一個牛三寶幼麵餐，配蠔油生菜。牛三寶炆得夠入味，但唔會過鹹，控制得唔錯牛腩 肉質嫰滑，咬落有肉汁，唔會覺得乾。牛筋 望落晶瑩，熟度平均，保持到口感帶少少煙韌。牛肚，炆到軟腍入味之餘，咬落唔會有渣，口感好嫰。湯幼麵好爽口，份量足。蠔油生菜清新飲品叫左凍薄荷朱古力，朱古力夠濃，飲落薄荷淡香，好清爽。另外叫左個茶餐 牛油果碎蛋沙律排包，好少見餐廳用排包做茶餐，大大份好足料，排包嘅甜香配上碎蛋同牛油果都幾夾，味道唔錯！餐加配 紅豆冰，紅豆極多，足料，係甜甜嘅港式味道。

去APPLED STORE整d野順便食埋飯, 但係廣東道想食平d都有d難度, 難得開左一間似樣既冰室, 入去食個快飯~MENU都幾多野揀, 普通粉麵到炒小菜, 小食都有。新開夠光猛, 乾淨企理有卡位, 一d都唔迫。  炸雲吞即炸熱辣辣脆卜卜好香口, 餡叫左個咖喱牛腩飯同埋魚蛋牛丸麵跟油菜, 所有野都有擺靚靚, 唔會求求其其, 碗麵都比想像中大份~ 牛腩有3-4件大大件既, 味道就不過不失。係廣東道食到合理價錢既野又飽肚又坐得舒服算係咁~

在尖沙咀的玄米餐廳，位於海港城對面，這裡的菜單以創新和傳統的結合而聞名。最近我有幸品嚐了他們的幾道招牌菜，包括忌廉濃芝士焗海皇、馳名崩沙腩麵，以及幾款特飲，讓我來分享一下我的用餐體驗。忌廉濃芝士焗海皇這道菜的呈現非常吸引，海鮮的色澤鮮艷，搭配上濃郁的芝士，讓人一見就垂涎欲滴。焗海皇的配料包括蝦、帶子和大塊炸魚柳，每一口都能感受到海鮮的鮮甜與芝士的濃郁。蝦肉鮮嫩，帶子彈牙，而炸魚柳則外脆內嫩，口感極佳。這道菜的調味恰到好處，芝士的濃郁並不會掩蓋海鮮的原味，反而提升了整體的風味，讓人回味無窮。超級大塊炸魚柳馳名崩沙腩麵接下來是他們的馳名崩沙腩麵，這道麵條的特色在於其獨特的沙腩醬汁，味道濃郁，十分開胃。麵條的口感彈牙，與沙腩的嫩滑形成了完美的搭配。配菜方面，餐廳提供了新鮮的蔬菜，增添了清爽的口感，讓整體的味道更加平衡。這道麵不僅份量十足，還能讓人感受到滿滿的幸福感。特飲推薦在飲品方面，我嘗試了薄荷朱古力特飲，這是一款非常特別的飲品，薄荷的清新與朱古力的濃郁相結合，讓人感受到一種獨特的清爽感。這款特飲非常適合在用餐後享用，既能消暑又能解膩。此外，港式奶茶也是必點的經典，奶香濃郁，茶味醇厚，無論

最近我去咗尖沙咀嘅「玄米茶廳」，呢間港式茶餐廳真係好有特色！餐廳環境舒服，適合朋友聚餐或者輕鬆一個人享用美食。我首先試咗 **崩沙牛腩雲吞幼麵**，牛腩煮得幾嫩滑，味道濃郁，湯底清甜，搭配啲雲吞，皮薄餡多，實在係一絕！幼麵嘅口感亦相當好，吸收咗湯汁之後，更加美味。接住我點咗 **四寶飯**，呢碗飯真係唔少得！有叉燒、咸蛋、燒肉、紅腸同埋菜，色香味俱全，份量十足。叉燒燒得正好，肉質鮮嫩，燒肉味道醇厚，而咸蛋更添風味，整個四寶飯食落去，好滿足！最後，我一定要提下佢哋嘅 **紅豆冰**，清爽可口，紅豆煮得剛剛好，唔會太甜，搭配住冰沙，係夏天嘅最佳消暑選擇。而且，我仲試咗 **什果賓治**，水果新鮮，味道自然，飲落去十分解渴，加咗啲冰，真係好舒服！總結來講，「玄米茶廳」真係一個好嘅選擇，無論係食物質素定係環境，都令人感到驚喜。如果你喺尖沙咀，記得來試下！

玄米茶廳餐廳位置喺廣東道，行完街想食個簡單又好味嘅便飲絕對推介可以試試！佢係新裝修，整潔乾淨，仲要好多位，坐得舒服，價錢嚟講唔算太貴～崩沙腩幼麵，彈牙爽口，而且崩沙腩肥瘦相間，好軟嫩。牛腩部位嘅肉質都軟嫩，有少少入口即熔。套餐仲會配一碟菜～即叫即煎土魷肉餅煎蛋飯 份量好驚人，超多飯，而且肉餅賣相好似成件豬排咁😆好吸引。佢地煎肉餅整到十分脆口，外皮係可以有少少金黃色。而肉餅仲mix左土魷係入面，足料彈牙小食方面仲有大大隻4隻雞翼，超炸勁邪惡

餐廳位置都算方便，而且喺廣東道，今日同同事喺附近做嘢就決定試吓呢一間茶餐廳，之前都經過，見到入邊都幾多人，所以就決定過嚟試吓！x0醬海蝦球滑蛋飯, 飯嘅份量都算幾多，而且嚟到嘅時候睇得出係即刻叫我即刻做，熱辣辣，價錢嚟講唔算太貴，蝦球嘅味道，我覺得可以，每一隻都非常大隻，而且爽口彈牙！再加埋蛋，佢又唔會做得太熟，成個口感配搭送飯，我覺得都唔錯，蝦嘅份量起碼有五至六隻，呢一個價錢嚟講，我覺得都比幾多，所以我哋都覺得佢嘅唔錯！再加埋少少XO醬喺個面度令到成個飯嘅味道更加突出，側邊度有少少沙律菜，都好fresh! 整體上都覺得呢個飯幾好食！我哋另外叫咗一個四寶飯，燒腩仔嘅味道非常好，唔會話好肥，而且我哋都覺得佢個皮燒到好脆，再加埋少少黃色嘅芥辣，真係唔錯！叉燒亦都好香，肥瘦平均，送飯簡直就係一流，再加埋紅腸同埋一隻鹹蛋！整體嚟講都覺得唔錯，而且份理我哋都覺得理想！見到佢仲有好多唔同嘅套餐，下次會再返嚟幫襯！

Fafafoodblog為食花太郎 🍴經典法蘭西多士35 蚊🍞大件西多 厚度剛好 外皮香脆有蛋味 加埋糖漿 牛油正🍴即叫即煎土魷肉餅煎蛋飯 82 蚊 肉餅外皮煎過夠香脆 入面土魷足料夠彈牙 🍴燒味雙拼飯80蚊 轉燒鵝 10 蚊🐖燒鵝皮夠香脆肉夠juicy ,.燒肉有幾層 d肥膏同肉比例剛好 唔錯#茶餐廳 #土魷肉餅 #燒腩 #燒鵝 #西多士Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#玄米餐廳尖沙咀廣東道68 至80 號恒利大廈地下3a鋪~~~~~~~~~#fafafoodblog #為食花太郎 #fafafoodblog尖沙咀====================

行開尖沙咀，到晚黑餓餓地，就係入邊見到尼間餐廳，一於試下。叫左土魷鹹蛋煎蛋飯，首先吸引我嘅係色香味。煎蛋煮得剛好，蛋黃流心，搭配上鹹蛋嘅香濃味道，令整個飯碗充滿咗鮮香。土魷新鮮，炸得金黃酥脆，咬落去有一種脆口嘅口感，與煎蛋完美結合。飯粒鬆軟，吸收咗鹹蛋的鮮味，味道非常夠，食落去令人感到開心，絕對係一個無法抗拒嘅美味。再叫左個西多士，外脆內軟，香甜可口，抹上牛油後更加美味。每一口都帶有淡淡嘅奶香。

放工搵朋友傾嘢，到咗佢公司樓下嘅玄米茶廳食個便飯，坐下傾下偈。七點幾嚟到，餐廳唔少遊客，講國語同講英文嘅都有。自己揀左張卡位坐，店員好快送上qr code，落完單乖乖等食啦。⭐咖哩牛腩飯朋友點左咖哩牛腩飯，賣相唔錯，牛腩炆得軟淋，咖哩香口，撈汁送飯一流。⭐黑蒜油叉燒滑蛋飯自己點咗滑蛋叉燒飯，淋上黑蒜油好香口，蛋好滑，叉燒半肥瘦，有水準喎😋⭐炸雲吞仲叫咗個小食炸雲吞，外皮炸到脆卜卜，餡料係鮮蝦豬肉，食落爽口甘香，唔錯吖。⭐紅豆冰 & ⭐薄荷朱古力跟餐有優惠價加特飲，叫咗一杯紅豆冰同一杯薄荷朱古力，紅豆煮得軟腍甜度適中，朱古力粉下得多好濃味，仲有淡淡薄荷香，正👍餐廳環境唔錯，座位闊落好坐立，又無限時，可以慢慢食傾下偈。

喺尖沙咀廣東道新開嘅港式茶餐廳，食物種類多又地道，下午茶餐都係$30起以尖沙咀嚟講，都算合理。加上新裝修，整潔乾淨，坐得舒服我由門窗望入去啲牛雜同牛腩放得好靚仔，加上差唔多枱枱都點，我都試咗碗崩沙腩幼麵。 崩沙腩肥瘦相間，係最矜貴嘅牛腩部位，肉質超軟嫩，當然都會比較貴，但有時都想對自己好啲。 另外再點兩份下午茶餐，牛魔王朋友超愛牛扒配薯仔沙律，而我就試咗店長推介雞脾漢堡配薯角牛扒厚身大件，外層煎得幾香，軟硬適中，茶餐有呢個水準都算唔該。 至於雞脾漢堡係幾得意，雞髀超大件，烤得好脆口，麵包亦烤過，有創意有誠意。

係廣東道附近shopping 完 咁啱見到有間靚靚裝修的餐廳 於是同閨蜜入去食個tea.d 同事服務態度超Nice ～又坐得好舒服嗌左個牛油果包try try. 發現有驚喜. 平時甚少食包類. 今次竟然成個食曬 再配返杯香滑奶茶 哇 咩都gur晒真心推薦！ 💓💓💓

尖沙咀新開餐廳，係中港城附近最方便地舖，人流都多，環境舒適，氣氛親切有各式招牌港式名菜，每樣都大大份🥢馳名崩沙腩幼麵餐崩沙腩係佢哋嘅招牌之一，崩沙腩肉煮得啱啱好軟爛，入口即化，幼麵彈牙有勁，配合濃郁嘅湯頭，套餐仲配一碟菜同小食，好抵食🥢招牌XO醬海鮮球滑蛋飯滑蛋飯係絕對嘅必試之選！XO醬海鮮球香辣鮮美，配合滑蛋嘅蓬鬆口感，味道絕佳，蝦球新鮮彈牙，超大隻，每啖都有蝦既鮮味同XO醬嘅香辣味🥢炸鮮蝦雲吞炸鮮蝦雲吞外脆內嫩，鮮蝦嘅鮮甜味道濃厚。外面炸得金黃酥脆，內裡鮮美多汁，配上醬汁更加惹味🥢香滑功夫凍奶茶功夫奶茶香氣撲鼻，濃郁而滑順，口感滑溜，回味無窮。茶香與奶香交融，香濃調和🥢紅豆冰紅豆冰清涼解渴，紅豆煮得軟綿細膩，甜度適中，奶味香濃，紅豆份量多，有大半杯

週末同朋友行尖沙咀，夜晚附近食茶餐廳。叫左碗牛腩牛柏葉牛筋湯河粉，湯底清甜，牛腩煮得軟爛入味，牛筋彈牙，帶有濃厚的牛肉香氣。河粉滑順，吸收咗湯汁，食落去非常正。接住嚟，煎蛋煎肉餅飯就係另一個亮點！煎肉餅外脆內嫩，肉質鮮美，搭配上香滑嘅煎蛋，兩者結合成為完美搭檔。飯粒鬆軟，配上肉餅同埋蛋，真係一口接一口，十分滿足。再講到西多士，外脆內軟，香甜可口，抹上牛油後更加美味。每一口都帶有淡淡嘅香味，搭配中間濃厚花生醬，超級正。再叫左杯雜果賓治係一個清新嘅選擇，味道清爽，食完唔會太膩。最後，熱檸檬水非常解渴，酸酸甜甜，飲落去清新舒爽，對於消化亦有幫助，特別適合用餐後飲用。