阿爺燒鵝餐室

Open Now

Now Closed

去踩單車之前係大圍覓食，見到阿爺燒鵝餐室門口人來人往，就去左食燒味飯。黎到唔一定食燒鵝，也有不同的特價飯餐。卡位都幾多，坐得ok。阿爺燒鵝乳豬飯($85)本來想揀燒腩仔，但見到乳豬更吸引，很少地方做得好吃，一般坊間食到都偏肥，但這裡的肥瘦適中，脂肪和肉的比例剛好，燒得有炭香，口感相當香脆，肉質嫩滑，很有水準，推薦!阿爺燒鵝鵝油撈麵($68)燒鵝皮脆肉嫩，粗麵爽口彈牙，有質感，但醬汁偏甜。青紅蘿蔔粟米豬骨湯(+$8)足料，稍咸。熱杏霜

今日約咗班朋友去咗踩單車🚴‍♀️踩到大概五點幾 去到大圍還車嗰陣見到阿爺燒鵝餐室❤️❤️之前一路都已經好想試見踩完咁攰所以嗌外賣返屋企食🤤🤤🤤咁我就叫咗二人份量 俾大家睇吓啲餐牌先1️⃣鵝油撈麵 HK$53 我就加咗$10要餓胸肉🤤🤤🤤啲燒鵝個皮好脆 咬落去啲肉好嫩🤤🤤而佢個麵 會配埋碗細細地嘅湯 外賣返到去只要你加返少少湯落去就唔會結👍🏻👍🏻👍🏻2️⃣玫瑰油雞飯 HK$38 佢哋嘅油雞同燒鵝一樣啲肉都係咁嫩 口感好好雖然係油雞但係我覺得一啲都唔肥 食落去唔會反感👍🏻👍🏻👍🏻 我呢個揀咗飯 開頭以為外賣拎到返去啲飯唔好食 點知出奇地啲飯又冇硬喎 配埋啲姜溶食簡直一流👍🏻👍🏻👍🏻3️⃣半斤叉燒 HK$65 呢度啲叉燒半肥瘦適中 切得大細均勻 色澤亦都做得好靚 望落去個樣已經好吸引 同埋佢半斤黎講都好多㗎喇 佢又唔會做得太甜 味道適中 👍🏻👍🏻👍🏻4️⃣凍檸茶少冰 由於我哋嗌左兩個下午茶餐 所以每杯凍檸茶加$3就可以 飲品最主要都係個茶底 而佢個茶底唔會做得好苦澀 所以佢嘅凍飲都係高品質👍🏻👍🏻👍🏻總括嚟講 我對你間餐廳評價都幾高 去到嘅環境已經比我覺得好乾淨 而且收銀姐姐態度都好好因為嗰陣我考慮食啲乜 佢都

2021年4月7日 星期三今日老婆屋企人叫我哋返大圍食飯，仲叫左少少親戚朋友一齊添，因為都真係太耐無見，想聚下舊，傾下近況於是我同老婆決定返屋企之前係大圍諗住買食物加餸，怕太多人唔夠食今次我哋又再幫襯阿爺燒鵝，因為貪佢夠多選擇，而且高質素，同埋其他親戚都未試過呢間餐廳嘅燒味最後我哋叫咗半隻燒鵝，因為呢個係最出名嘅，另外仲要左叉燒同燒肉各半斤，希望夠全部人食啦返到屋企打開燒鵝嘅時候仍然係暖暖地，而且半隻燒鵝嘅份量都唔少，斬得幾好，唔會兩舊痴埋一齊燒鵝嘅外皮好脆，食落去嘅時候有煙燻嘅味道，冇諗過燒鵝都可以有呢種味道，皮脆肉嫩，仲有肉汁流出嚟添，點埋黃梅醬味道更想一層樓至於叉燒都唔錯，有半肥瘦，亦都有全瘦肉，適合唔同嘅人食，食落去蜜汁味幾濃，不過唔算太過甜，上色幾均勻最後仲有半斤燒肉，一咬外皮已經脆卜卜，成舊食落去鹹香味幾重，配黃芥辣一齊食簡直一流食完之後大家都覺得味道唔錯，話下次可以叫全隻燒鵝都得

今日親戚嚟屋企作客，斬料就係最簡單嘅加餸～親戚一直都聽聞阿爺嘅燒鵝好好食，今日就專登斬咗半隻返去，仲有叉燒同埋燒腩仔！的而且確阿爺嘅燒鵝望落已經覺得好吸引，燒鵝外皮非常之薄，咬落好脆，吱岀一淡淡的燒鵝汁，而且食落仲有煙燻嘅味道，同一般食的燒鵝有不一樣的風味！非常特別！燒鵝肉質不會太乾或者太實，有口感得來好易食，而且非常入汁！堅高質！叉燒和燒腩仔更加不用多說，叉燒好香，肉質燒得好夠鬆而帶點焦香，蜜汁調教得鹹甜適中，口感亦不會乾，幾舊叉燒可以送一碗飯！燒腩仔真的非常脆皮，絕對不是硬皮，今次的燒腩仔肥肉不會太多，食落有燒肉的肉汁，食整體口感有足夠濕潤，而且亦不會太鹹，因為非常搶手！價錢來說不算太貴，正常偏上少少，但有這質素就值回了！

大圍阿爺燒鵝， 店舖內裡雖然 唔係好大 ，但係堂食定外賣都 做到停唔到手， 傍晚時分黎晚餐外賣 ， 無論係堂食定係外賣都 好多人幫襯 。 因為材料足， 街坊價錢， 套餐/燒味飯都cp值高。超值套餐 包飯包小食包菜包埋飲品或者例湯， 58蚊真係超豐富。主食揀左燒腩仔， 層皮燒到卜卜脆，而且肥瘦相間, 唔會剩係得瘦肉硬柴柴。小食可以係紅腸/燻蹄/排骨各選一款， 燒排骨有叉燒醬甜甜的味道，肉質腍滑，無多餘脂肪。還有菜疏涼拌雲耳爽口， 加入少少芥末味更覺開胃 。而老火例湯料多十足， 隔油功夫也做得好， 飲完唔覺有味精。阿爺燒鵝飯53阿爺燒鵝飯 係必點的吧 。 看見窗口一隻隻燒得通紅的燒鵝， 睇見就已經口水直流 。燒鵝外皮深紅富光澤， 而且皮外看得出 一格格的紋理，燒鵝肉味濃，咬落多皮脆卜卜又夠肉汁。鵝油香味滲進飯裡，超下飯。瑤柱清遠雞瑤柱清遠雞一上手就知勁重， 買返屋企斬料加餸都只係78元，回家打開蓋見到隻雞大隻又實肉，滿滿一大盒，咬落去就知肉質爽口唔會霉，雞脾雞胸啖啖肉，雞味又夠濃，抵過自己整啊。

成日經過阿爺都見到佢d燒鵝好誘人！今日就決定左黎斬料試試佢！!叫咗半隻燒鵝，同埋一份抗疫餐！抗疫餐揀咗要燒肉加$10升級鵝油撈麵！另外仲可以揀一個前菜同埋另一份肉，我揀咗要手拍青瓜同埋蜜汁排骨！抗疫餐都只係買$58真係超級超級超級超級抵！份量仲一啲都唔小，雖然我加咗鵝油撈麵變咗$68 ，但真係超值！撈麵超油，勁有鵝味！真係加得冇錯！另外燒肉份量都有好多，一啲都唔會將貨就價～手拍青瓜同埋蜜汁一字骨份量都唔少，燒肉夠晒脆，點上芥辣真係一絕！另外青瓜配上芫荽，真係好夾，仲有啲辣辣地咁好開胃！蜜汁一字骨，夠晒多肉仲可以論骨，真係唔錯！黎到重頭戲燒鵝，啲皮真係好脆連埋啲肉食真係好好食～全家人都話正！

今次黎到呢間係大圍既阿爺燒鵝，睇個名就知出名燒鵝喇，不過除左燒鵝，原來其他燒味都幾唔錯，仲有好多唔同嘅優惠餐，係依家疫情下真係令到唔少人受惠呀。一黎就梗係叫左半隻燒鵝黎食喇，先講講個色水先，色水夠曬均勻，唔會燒到一忽一忽咁，外皮夠曬脆，又有油香，食落好有口感，果種鵝油既油脂感真係非常正，簡直係鵝既精華黎。再講講個肉質，食落幾香口，好有鵝味，入口幾嫩，有口感，點埋汁黎食更加好味。半隻鵝夠曬足兩夠均真。個燒腩仔都好正，用五花腩燒出黎，一層肥一層瘦好均勻，個皮又夠脆，送飯食真係好一流。青瓜食落爽脆，調味岩岩好，唔會太咸or太淡，用黎介下利就岩岩好。雞腳老火湯，勁好飲，仲配左唔少雞腳，岩曬鐘意健康既人叫喇，配埋燒味食就岩曬口味。

疫情之下 一家五六口 出街一齊食唔到餐飯唯有外賣斬料加餸啦 屋企人都係鍾意食燒味既人所以經常都會斬下叉燒 食下燒鵝 香港既燒味真係世界首屈一指 食過都搵唔到第二個地方既燒味會令我有深刻印象所以我對燒味都有要求 大圍阿爺燒味都係我會翻轉頭幫襯既舖頭黎疫情下 好多時都係搵佢斬料加餸 人山人海 好多fans套餐既話 我覺得係超抵 而且真係有份量足料外賣 樣樣有 各種各樣都齊備淨係見到樣都已經好想食肥大色澤金黃 新鮮即燒既就係唔同燒腩仔 加上 叉燒燒腩仔肥瘦均勻 皮脆肉嫩 而且我屋企人最鍾意就係佢切既大小 岩岩好適合一口一粒 好稱心滿意 叉燒方面我自己偏好於瘦叉 健康啲又入味啲 肉質仍然係嫩好入口會有種溶開既感覺

同朋友仔去大圍食晚飯，無意間發現左而間大件夾抵食嘅燒味舖🤩🤩🤩佢地嘅超價套餐真心抵食，58蚊有燒味飯/粉加一份菜同一份小食，仲包埋野飲，份量好足夠一定飽。今次同朋友叫左五香牛展同豉油雞加配秋葵、雲耳、燻蹄同燒骨。五香牛展好淋身同好入味，而且份量好多。雖然豉油雞都好嫩滑，但係牛展比我嘅驚喜大好多，推介大家一定要試。👍🏻👍🏻👍🏻小食方面，個人覺得雲耳同芥末唔係好夾，麻醬配秋葵反而幾唔錯。燻蹄同燒骨都幾好食。而個價錢有咁嘅水準同味道，大家不妨一試。😉😉😉

阿爺燒鵝餐室（大圍）呢間餐廳座落喺大圍站附近，平時條街人流都好密，餐廳門口有外賣餐牌，周不時都有人喺門口排隊。聽朋友講餐廳嘅燒鵝同叉燒唔錯，今次嚟試下👾🍚阿爺燒鵝脾飯 $120 + 凍奶茶$3燒鵝脾皮脆肉嫩，肉質好滑，啖啖都係肉，不愧係餐廳招牌推介。啲肉汁有埋鵝肉嘅甘香，食落又唔會太膩。咁靚嘅招牌鵝脾，價錢貴啲都值得一試！🍚邪惡金蛋叉燒飯（配秘制豉油汁）$68 + 凍奶茶$3平時牛乳炒蛋就見得多，而呢度嘅「邪惡金蛋」竟然係加鹹蛋炒，啲蛋好夠味，又炒得啱啱好唔會太老，再加上秘制醬汁，適合撈飯食👍🏻真係好好創意叉燒嘅味道調得啱啱好，唔會太甜又keep到本身嘅肉香味。特登揀咗肥叉，仲有啲驚會油膩得濟，但夾埋個炒蛋竟然啱啱好，呢個搭配真係冇得輸🤩整體嚟講，作為一間茶餐廳風格嘅餐室，食物質量都算上佳，下次有機會再帶朋友一齊食🙌🏻

今日晏就去咗大圍個頭，咁啱打算返屋企嘅時候，收到家母來電。叫我斬料加餸。本來諗住返到屋企附近先買。行去火車站嘅途中見到有十幾人係到等外賣。門面嘅燒味又好似好吸引，咁就決定係到斬料。由於我本人唔太好鵝嘅關係。所以最後我叫咗半隻貴妃雞同半斤叉燒。好快就已經拎得。一拎上手雖然隔左個口罩。但都聞到好香。雖然隔左程火車，但返到屋企嘅時候斬仲係微暖。貴妃雞，雞肉非常之嫩滑，而我自己食燒味好怕啲雞肉會斬到啲骨碎濕濕。呢隻雞絕對無呢個問題。至於叉燒。肥瘦適中。而且每塊嘅厚薄都切到差唔多。絕對啱晒食肉獸。

今日去開大圍探朋友，夜晚肚餓就要搵野食。行行下見到呢間好光猛嘅燒鵝餐室，搞到我好想食，就入左去啦。坐低睇左餐牌，佢有燒味飯餐，常餐特餐，仲有一二四人餐咁，主打就係唔同款嘅燒味。我哋揀左一個常餐同一個一人餐。常餐有叉燒湯意粉，厚多士同火腿配炒蛋。成個餐都好大份，多士有兩大厚片，整到好脆，好食。火腿同炒蛋就係一貫茶餐廳水準，而叉燒份量好多，加埋意粉食到好飽。而個一人餐我哋揀左燒鵝同貴妃雞，兩樣都好大份，水準好高，唔會太肥得嚟又好好食。另外我就將個飯轉左做瀨粉，仲有一碟油菜。瀨粉配燒味真係一流，油菜都大碟，唔係求求其上枱架。最後餐飲要左兩杯凍檸茶，好耐無係餐廳見到咁大杯嘅凍飲，要小甜小冰都有做到，要俾個Good佢！埋單一人唔駛90蚊，有機會可以試下！

本來去食上米芝蓮一星的麵館、見到排長龍、果斷轉場，去咗對面阿爺燒鵝餐室。見到門口明檔排哂靚燒味、令本少爺立即來食欲。其實我亦唔係話食幾貴的食材，入去食了一碗叉燒拼油雞瀨粉。但就是這麼簡單的一碗粉令我毫不猶豫的寫下食評。叉燒肥瘦相間、表面焦脆，肉質嫩、調味剛好；油雞表皮Q彈、肉質嫩.亦都無可挑剔！瀨粉煮得剛好，不會一夾就散、湯頭亦下過心機！雖然不是食什麼名菜亦沒有什麼貴食材、但值得本少讚賞！下次定會再來！

此阿爺唔知同唔同彼阿爺?  High完tea行過又真係畀阿爺燒鵝餐室呢個招牌吸引咗, 行埋去昅吓咩料子及價錢貴唔貴。價錢非常OK, 燒鵝下莊$148, 合理。外賣瑤柱清遠雞 $78一隻, 抵到冇朋友。阿爺個名系主打燒鵝, 今次一於來個燒鵝下莊加料.燒鵝下莊 ($148)我個人好中肯, 公平起見....出動我嘅私家餐具搵個地方食兩舊先, 燒味始終外賣返屋企凍咗再返熱, 口感同食味都會有所不同, 即場食係最能食出真味的方法。獸色可餐, 港式燒味誘人之處就係佢嘅香味燒鵝皮薄薄一片, 皮下肥膏不多, 燒鵝髀皮微脆, 非常香口。燒鵝肉以瘦肉為主, 中間夾雜少許肥肉, 燒鵝帶煙薰嘅味道, 有啲似系增成食荔枝柴煙燻燒鵝嘅香氣, 肉汁豐富所致, 鵝肉軟滑完全唔嚡口, 最鍾意係佢哋嘅燒鵝冇坊間偏鹹嘅弊病

今日係大圍做完野好想食燒味，之後揾到呢間幾高人氣既燒味店幫襯。由於揸車嘅關係，所以就叫外賣拎走，怕食食下加餸食多張牛肉乾。外賣餐單啲款式都幾多，而且仲有啲套餐可以叫，最後叫咗極尚脆乳豬五寶飯。極尚脆乳豬五寶飯 ($93) : 盒飯既 Size 係最大 Size 既外賣盒，啲餸就有乳豬、貴妃雞、叉燒、紅腸、鹹蛋同菜，每款肉類大概都有五至六件 ; 乳豬入口香脆鬆化，好似食薯片咁，阿媽夾咗二件食都話唔錯 😝 叉燒肥瘦適中，而且幾有光澤，肉味香濃之剩重有陣陣豬油的甘香。