皇室盛宴 (Closed)

同男朋友慶祝升職加人工，佢話想食私房法國餐，於是花左唔少時間做下research，見到呢到既評語一係好好一係就超差，問過男友意見佢話冇問題就whatsapp問有冇位。 餐廳係中環區，近中環街市，唔算難搵。入內環境既第一印象唔錯，感覺舒適唔似一般餐廳，不奇然會有種自豪感覺。 食物唔錯，每碟份量真係唔算多，真係同食緊法國菜冇分別，每道菜慢慢煮，等你食完一道再出另一道，勝左菜式夠精緻，睇得出亦食得出廚師用心製作。7道菜入面最正係碟泡沫帶子，餐廳介紹話用左分子料理方式去處理，上菜時會有煙放出黎，味道偏酸配本身甜既帶子食好醒胃，不過個泡沫有點似益力多。 價錢就$600一個人，其實都係食心思食服務，同其他fine dining餐廳差唔多。不過下次就會等轉新menu先會再黎。

位於中環既royal feast.. 係一間專門玩fusion既私房菜.. 想法創新.. 周不時會帶點驚喜比食客.. 如今我已成為它的粉絲之一.. 今日有同事生日.. 打算食好少少.. 又唔想同人逼.. 見呢到普遍都話環境比較舒服.. 於是就同同事決定再光顧.. Menu有1款意粉2款飯2款海鮮1款肉類.. 我揀左個西日fusion 既北海道牡丹蝦意大利飯..意大利飯配刺身..我相信連日本人定係意大利人都無諗過呢個配搭會咁夾.. 牡丹蝦有兩隻..大大隻.. 味道鮮甜..擺碟亦都靚.. 飯既份量剛剛好..口感硬身..屬正宗意大利飯…同出面一般餐廳為配合港人口味而煮得比較軟身有分別..個飯仲帶有少許腐乳味…整體感覺有8分..

經朋友介紹話呢間餐廳幾好食，不過就話一般等侯時間較耐，之前試過兩次想walk-in但都冇檯，要等起碼半個鐘，今日十二點三到就好彩成功入座。入到去環境真係同其他食評講既一樣，尚算舒服，唯獨是十二點半開始有其他客人就比較嘈。 Lunch set有湯、主食、甜品同野飲，我order左牡丹蝦刺身飯。今日款湯係西瓜蕃茄湯，味道較甜易入口，以杯上有好有唔好吧。牡丹蝦刺身飯算okay，賣相都唔差，蝦刺身來自北海道，大隻新鮮，爽口。意大利飯都okay，會配兩塊瓜同菇。特別之處在於個汁，一般日式餐廳會比wasabi你點刺身，估唔到呢到會比唔同水果味既醬你點，一開頭見橙色以為係橙味醬，一試落係蜜桃味，試左少少係蝦刺身上面又幾特別喎，真心okay。最後會有朱古力味雪糕。 埋單$98，真心好抵食，兩隻呢個size既牡丹蝦刺身已經抵番灑。如果上菜時間能夠再快一點就完美了。 一定會再來！

Book左星期五晚7:30，計埋我地只有3檯客，估計是因為只做訂座，私隱度頗高。由於呢到係私房菜，所以一早點了餐，點了$800的royal feast套餐，共9道菜，送了兩杯白酒。煎西瓜口感特別，很有創意的一道前菜，按照食法兩粒西瓜會有唔同味道。白松露醬帶子刺身好香，帶子來自北海道，鮮味十足，與白松醬一齊食味道匹配。日式海膽威士忌(響21年)蒸蛋精緻有新意，用上海膽加響21年來做菜感覺很高檔，威士忌味會慢慢滲出來，但略為不太濃。黑松露野菌湯香濃，層次豐富，非常滿足。雪巴有得點檸檬或柚子味，兩款都點了，檸檬味比較好食。安格斯肉眼好食，幫你切埋，清楚見到肉質呈粉紅色，夠juicy。配菜用上紫薯，波菜仔等等，味道還可以。甜品全部都是廚師整場弄，當中最滿意是macaroon，味道唔太甜岩我食，士多啤梨雪米滋味道都唔錯。整體都好滿意，會再來。

母親大人生日，我地一家共六人訂了中環一間樓上私房菜餐廳 Royal Feast The Private Kitchen，幫母親大人慶祝！餐廳位置不難找，面對中環街市，係露台望出去好開揚好舒服！室內環境燈光昏暗，滿有情調。頭盤煎西瓜賣相精緻，從來未試過煎左既西瓜，好香，食到西瓜上有紫洋蔥，甜甜地，經煎過既西瓜比平時食既更爽口！黑松露野菌湯都唔錯，好足料，味道幾好。主菜份安格斯牛都好食，肉汁鎖緊，時間掌握得恰到好處。另外服務都好好，每出一道菜會同你介紹番每道菜，個別菜式會有不同既步驟去食，好耐心講解。生日會有特別安排，甜品臨上之前一刻係會熄燈再播生日歌，單係呢份小驚喜值得再來！

作為一個係中環番工既我，食晏當然唔太想同其他人逼，一黎坐得唔舒服，二黎趕頭趕命咁食對身體消化又唔太健康。至於點樣搵到呢間餐廳，就係聽朋友介紹，話呢間環境都幾好，會播歌比你靜靜地聽下音樂，慢慢享受下你份lunch，唔會食完就叫你埋單走人既餐廳。不過同事話最好打電話問有冇開先，因為佢地試過摸門叮，可能唔係每日都開。煙三文魚蜆肉扁意粉呢份意粉望落細細碗，食落原來都幾多，完全低估左佢既份量，件煙三文魚質素有番咁上咁下，同平時食開既煙三文魚都有幾大既分別，油份比較重，帶少少松露味。意粉就相對比較香口，加左少許辣椒去炒，味道都還可以。Lunch set包餐湯 (一杯仔)，主菜，甜品同飲品，食物尚算可以，勝左環境比其他一般餐廳優勝，性價比亦頗高，值得一試。

還記得還在中學學時期，夜晚常常到蘭桂芳玩，不醉無歸。今年剛從澳洲讀完大學回港，約了一班舊同學去蘭桂芳飲野，於是就係附近book左間樓上餐廳——Royal Feast。聽聞private kitchen在香港越開越多，但有高級格調和浪漫情懷的，來來去去只有數間。今次訂Royal Feast 的主要因為是想try份煎西瓜，諗到呢道菜確實係幾creative。一入去比我既感覺係簡潔，裝潢尚算okay，白色的磚牆帶出一份浪漫，有點像家的感覺，如果將來結識到女朋友的話，一定會帶她來。充滿特色的頭盤——煎西瓜拼紅魚子醬多士。煎得半燶的西瓜配上獨特的醬汁夠special，為豐富的一餐打開序幕。蝦刺身——賣相幾靚，以士多啤梨做伴碟。湯——黑松露野菌湯。豐富的口感加上creamy的感覺，黑松露的香氣充滿口腔。自家制柚子味雪芭——清甜香口，清一清口腔，準備品嚐main course。慢煮三文魚——以slow cook method煮的三文魚肉質好嫩滑。紫薯雪糕配macaroon——為美好晚餐作結尾。對於非常著重餐廳環境和氣氛的我，這間private kitchen能滿足到我，期待不久將來帶女友來燭光晚餐。

喺open rice見到訂座有半價，就抱住一試心態。後來發現佢個網頁8道菜式，盛惠$390。但我地食就每人$300，6道菜，唔見得有平到。咁諗住如果真係好食都值得嘅，但對質素同份量都有啲保留。另外網頁冇更身，仲係寫餐廳喺銅鑼灣，咁見google map又係寫銅鑼灣，就白行左一趟。原來都係openrice 資料準啲哈哈。菜單如下：Menu A:-pan-fried watermelon-peony shrimp sashimi-mixed mushroom soup-sorbet-tiger prawn -macaroon & purple potates ice-cream $300Menu B:-peony shrimp sashimi-steamed egg with black caviar -mixed mushroom soup-sorbet-organic salmon -macaroon & purple potates ice-cream $300第一道煎西瓜，雖然份量好少，但都幾特別，食到有蒜、洋蔥等，個多士好硬同咸。第二道係蝦剌身，亦係最滿意嘅食物，好有鮮味。之後嘅

中環有咁多餐廳咁多好野食，每日lunch諗食乜真係諗到頭都大埋。呢間餐應位置係皇后大道中118號3樓，上樓鋪，唔聽朋友介紹都唔會知到呢到有間私房菜食。見到個餐牌上面有芝士通心粉，諗都唔需要再諗就order左。芝士的確人見人愛，至少我自己勁鐘意食芝士。芝士通心粉雖然係一樣好簡單既食物，係歐洲美國等地非常流行，要整得好食就比較困難。呢到出既芝士通心粉絕對係稱得上超班，表面金黃酥脆既芝士真係好吸引，每啖通心粉都吸收左大量香濃既自家製芝士，惹味之餘完全唔會覺得膩，又確實幾好味，加上煙肉就增添左咬感，而最特別既地方係面頭加上少許黑松露，令看來簡單既芝士通多粉增添一份貴氣。整體來就味道還是不錯的，一試難忘。賣單$88免收加一，抵食！

大學畢業已經4年，每年都會同班舊同學一年一聚食飯，交代下近況。搞手Mayling 今次訂左呢間係中環既樓上私房菜試下新野，我地去之前都有上openrice 做下research，呢間私房菜既菜式都幾精緻，大家都滿懷期待食餐好既。入到去餐廳環境較暗，檯數唔多，只有一檯情侶同我地六位。叫左Supreme set有7道菜，course by course咁上菜，每個course等候既時間適中，唔會等得太耐又唔會太急，serve客位靚仔哥哥好細心咁簡介每道菜，不過有點怕羞。整份supreme set份量方面ok，但對大食的人黎講可能未必夠飽。每道菜都有咁下下質素，屬於中上級別，鵝肝沙律唔錯，煎得幾好，沙律菜好食。魚子醬蒸蛋夠別緻，sell賣相。Main Course 我揀左豬扒，厚厚既豬扒，煎到外脆內軟，剛好能鎖住肉汁。最後甜品個chocolate brownie好好食，暖暖地入口即溶，馬卡龍有得比你選味道 (檸檬、焦糖、綠菜、raseberry、朱古力等)。值得一提係餐廳既細心，會問你係咪慶祝特別日子，所以係甜品上寫字之餘仲點埋煙花蠟燭，蠻滿足的。

今日成班同事包左間私房菜請我食送行飯，同事之前試過呢過話唔錯，睇得出有心機去煮每道菜，味道都還好，於是就提早一星期查詢包場事宜，晏就包場冇min charge非常好。生蠔 + 麥精湯 + 香煎三文魚。威士忌意粉 + 甜品成個場留灑比我同成班同事，可以自由自在飲下紅酒，傾下計大聲講大聲笑。同事坐低個陣已經覺得怪怪地，唔比我睇menu話已經幫我諗左食咩，懶係神秘咁樣。坐低一陣就先上頭盤，大大隻生蠔，班同事真係有我心！接著就上餐湯，細細杯，聞落好大陣奶味，問侍應係咩湯，佢竟然答係麥精湯，我心諗呢班同事唔係玩d咁既野下嘛。點知呢個真心正到不得了，頭幾啖會甜甜地，慢慢飲下飲下會變左鹹鹹地，從未存試過飲湯既味道會有變化，真係幾特別。主菜就係特別為鐘意飲whisky既我而整既香煎三文魚配威士忌意粉，果然名不虛傳。呢份意粉非常出色，賣相很好，三文魚煎得恰到好處，半生熟，調味得宜，以威士忌意粉中的少許酒精味能夠襯托出魚既鮮味。第一次食用威士忌煮既意粉，聞落已經有大陣威士忌味，入口陣whisky味會慢慢滲出黎，好美味，如果加多點配菜會更好。對於呢餐送行飯非常滿意，多謝咁多位同事！

不經不覺同老婆認識已經十年了 知道她很無論情人節和周年紀念日等都非常重視 作為男士又怎麼能夠不製造些少驚喜所以我特意預先在這間餐廳訂了座慶祝法式私房菜是我跟老婆第一次試而皇室盛宴也剛好是朋友介紹餐單在訂座日前一兩天便需要confirm據說是為了保持食物新鮮先吃生蠔作為前菜是法國的fine de claire有一隻手掌那般大，味道鮮甜煎西瓜拼煙燻海鮮一道非常精緻既頭盤分別有煙燻蠔、黑魚子醬多士、吞拿魚及兩粒經輕煎既西瓜奇怪經輕煎後既西瓜為什麼沒有出水，味道還很特別按照建議食法兩粒西瓜是有不同的味道白松露醬帶子刺身西式 x 日式的fusion菜帶子大粒甜甜，白松露醬吸引味蕾，好味香煎法國鵝肝沙律鵝肝煎得好香 份量都大塊 鵝肝香脆煎至金黃色 旁邊有士多啤梨 減低鵝肝油膩感沙律菜以黑醋調味 好味法式魚子蒸蛋又一sell賣相之作 蛋殼天衣無縫地開了3份1實考廚師功力蒸蛋分為全熟或半生熟 我所order的是全熟黑魚子醬令全熟雞蛋增添了鮮味黑松露野菌湯用上接近30款菇類300隻菇去煲味道豐富有層次 用料十足加上意大利黑松露片更顯矜貴檸檬雪芭吃完各樣前菜，吃個檸檬味雪芭清一清味蕾美國安格斯肉眼5成熟，

已經來過royal feast食lunch幾次，每一次都食得好開心，每份lunch都總給予我一種delightful既感覺，今日個湯絕對係一個新賣點，竟然係用平時飲既麥精去整左個麥精湯，同事聽到都呆一呆，究竟麥精既湯會係什麼味道？答案係香滑之餘又帶少少甜，麥味比較濃，唔太似飲緊麥精，口感非常好，很好飲，同事都讚不絕口，亦體現出廚師的心思同非凡創意！主菜食海虎蝦，是我很喜歡既主菜，每次來呢到都係點蝦食既原因係廚師燒蝦時會加入自家制既紅椒粉，不會太辣而且帶點甜味，亦會為隻蝦帶來少許煙燻味，香口之餘亦令賣相更加吸引，美味無窮！甜品就轉左做馬卡龍，又係自家制，味道okay易入口，有酒店既水準。

因為之前公司係到包場搞聖誕EVENT，所以識左呢個地方。琴日媽咪生日就帶埋屋企人黎呢到食私房菜！呢到晚市淨係做訂位唔接walk-in，所有食物要預先order係冇a la carte menu。- 頭盤係煎西瓜同黑魚子醬多士，呢道菜係最出名，特登帶媽咪黎試下有新意既野，口感特別之餘係唔會諗到會咁出奇地夾。西瓜暖暖地同爽爽地，配埋個多士食一流。- 到我最鍾意食既鵝肝沙律，起初以會好細舊，但出黎見到都大件，煎得好香唔會羶，連唔食鵝肝既媽咪都話好味！- 白松露醬帶子刺身係我既賣飛佛！帶子係北海道直送，鮮甜肥美，配埋白松露就錦上添花！- 黑松露野菌湯都係招牌既野，個湯好濃，飲得出落左好多款菇類搞碎左係入面好正! 飲完飽左少少，但今次冇左個牛角包，仲記得個牛角包都好鬆軟，有少少牛油同甜甜地好好食。- 雪芭係柚子flavour，都幾重柚子味，唔錯！- 主菜食羊定三文魚，份羊比左3款汁，分別係芥末、藍莓同士多啤梨，每舊羊點唔同既汁又唔同既效果出左黎，會食得出每舊羊既分別，食得出係呢D細節花左心思去令食客有與別不同既體驗。- 甜品有馬卡龍、蛋糕同紫薯雪糕，馬卡龍好味唔太甜，其他不過不失。總括而言：食物

上次朋友帶我黎中環royal feast食lunch，食物唔差之餘地方又坐得舒服，今日就到我帶同事黎食，早一個鐘打電話去訂位，預先叫埋野食唔駛等咁耐，埋單計起上黎每人都係$80一位唔收加一服務費，中環區黎講算不錯啦~~今日食番上次食既北海道帶子飯，同上次唔同，個飯底就由意大利飯轉左做楊洲炒飯，又係一道fusion既lunch，估唔到呢到外表似間西餐廳，炒個中式飯又幾好味，落足料去炒，乾身唔油膩，帶子就一固煎至半生熟，大大粒。最特別既地方竟然係主菜上面用左士多啤梨做伴碟，睇落又幾靚，賣相加灑分！甜品今期做檸檬sorbet，味道fresh過柚子味。