帝豪中菜廳

Open Now

Now Closed

帝豪中菜廳 (新蒲崗） 平安夜與家人7個人到新浦崗帝豪中菜廳飯宴，在2樓方便亦接待有禮，預約下安排大枱作晚飯，好整齊清潔，有套餐有小茶適隨尊便，點了乳鴿餐($588)加羊腩煲($368)同臘味糯米飯($168)，乳鸽香口，蒸頭腩我喜愛，羊腩煲好足料驚喜地跟荳苗，送紅綠豆沙，整體好大碟好味，一路在電視看維港水上煙火滙演，好精彩，呢個中菜場唔多人，真係不錯的地方👍😋

我其實好少寫食評，今次係第一次，因為我從來未去過一間咁無禮貌既餐廳食嘢。我搵唔到投訴渠道，所以係度寫。話說今日帶爺爺奶奶黎呢度飲茶，等拎位。個帶有大陸口音既阿姐同我講「@$*%下午茶」，因為佢大陸口音好重，加上茶樓好吵，我真係聽唔明佢講咩，叫佢講多次，但我依然聽唔明。然後佢又極度唔耐煩咁講多次，但我淨係聽得明「下午茶」呢三個字，然後我話「係啊，黎飲下午茶」。然後佢直情反曬白眼係度話「係咩係啫，我問你係午市定等下午茶啊」嘩，咩態度啊，我未話你廣東話唔正，你係度反我白眼？！仲話中秋全家係度食，馬上轉場。真係影響曬我心情，啲嘢幾好食都無用啦

星期六 9 點來到 唔使等位 ，坐四人細枱環境都Ok,坐得舒適唔會太迫 其間都要加水，但每次都要舉手主動叫阿姐，就無主動向客人添水粉果/點心透明餃皮比較厚，味道比較淡口好食只有鮮竹卷及燒賣😜 其他就真係好普通 三個孖寶+ 一個點心拼盤 四個人都夠飽，埋單 $240

朋友推介到這家酒樓，據說是早上的點心很抵吃，原來沿着地鐵站往舊工廠大廈方向，酒樓就處於眾工廠大廈之中，大廈是新建的，酒樓不是很大，相信足以應付附近社區的需求。早上來飲茶的大部分是退休人士，酒樓相對應提供了很多「孖寶」，即是買兩碟點心或小吃便實惠些。由於這个優惠價当中亦包括很多飯面，所以很受歡迎。點心和食物味道都可以。兩个人吃过飽可以不用每人100元，確實以香港的消費水平可以評為便宜了。當然酒樓位置就不算是非常旺，有時間到鑽石山，可以考慮一下。

帝豪中菜廳，位於新蒲崗爵祿街33號Port33 2樓。 以中菜為主， 價錢經濟， 店員服務親切有禮。晚餐🥢～ 龍蝦伊麵、 蒜蓉粉絲蒸扇貝、 海鮮雜菜煲、 炸子雞、 士多啤梨一字排、 是日糖水。 🔸龍蝦伊麵 ～ 龍蝦爽口鮮甜， 伊麵有咬口，唔會好腍。 🔸蒜蓉粉絲蒸扇貝 ～ 扇貝大大粒又彈牙，粉絲的蒜蓉味好濃郁。 🔸海鮮雜菜煲 ～ 有蝦球、帶子、珊瑚蚌、魷魚、北寄貝和蟹柳，豐富又好味。 🔸炸子雞 ～ 金黃脆皮的炸子雞賣相已經吸引， 皮脆肉滑。 🔸士多啤梨一字排 ～ 酸酸甜甜開胃，但一字排做得比較硬身，呢個位扣一扣分。 🔸是日糖水 ～ 紅豆沙和綠豆沙都不錯。 整體質素唔錯， 一定會再嚟👍🏻。🏷️溫馨提示～ 整個用餐體驗均屬個人分享意見， 只作參考😊。

訂了檯中午上班時間飲茶, 因用餐時間唔多, 就打電話要求FAX張點心紙先揀點心, 點知聽電話的姓劉的女接待員拒絕, 並聲稱當日到酒樓先睇, 通多兩句仲直接 CUT線, 服務態度惡劣!第二日直接上茶樓問佢拎點心紙, 都等了5-10分鐘先拎到! 聲稱唔記得! 帝豪價錢唔算平, 中價茶樓, 服務態度竟還比低價酒樓差那麼多, 有得揀都唔會再去! 寧願行遠D!!唔怪得OPENRICE咁多關於服務的劣評!

新蒲崗區有唔少酒樓但多數都係比較簡陋嘅傳統酒樓。Port33呢就有依間比較大間服務比較好，燒味唔錯嘅酒樓，缺點就係價錢貴。中午飲茶一行八人，叫咗個六人餐，點心可以揀六款，一款小菜，一款炒麵飯，一款燒味同一碟菜，價錢$688，其實係比同區貴。酒樓嘅皇牌叉燒，跟餐嘅半肥瘦好入味好好食，但一人只可以分到一舊半😂份量約半斤左右。同相有春卷不過不失。單點嘅燒腩仔，明顯比叉燒多，一人都有三舊，價錢都唔平過百蚊架。但好脆皮唔太咸肥瘦適中。同相嘅雞扎點心就欠佳，蒸得略嫌老咗少少。跟餐嘅咕嚕大蝦球，好好食蝦好大隻好新鮮，入味，一共有八隻。其餘嘅炒麵飯就一般般就唔介紹了。七個人落樓要950蚊。久唔久一餐ok啦。

第一次來，四人枱坐两人必须要搭枱，你迫客搭枱係咪要整塊板隔一下呢？成个场咁多吉枱你仲迫人搭枱你係咪發神經？个知客串个馬头姑尼。你要擺架子，你望下自己个场有几多客先得架！

叫了蝦餃，味道唔錯。鮮蝦春卷味道亦可以。芋角只有芋蓉，沒有其他餡料。腸粉唔夠滑。基本上所有點心都唔夠熱。另外叫了燒腩仔飯，$33好抵食，脆皮但肉太咸。酒樓環境還可以，不算太逼夾。服務OK。新蒲崗區內飲早茶，價錢屬於偏貴。

百花蒸釀魚肚簡直就係完美，蝦膠肉粒粒分明非常有口感；可以叫多兩籠！黑松露雜菌水晶餃皮嫩又薄，菌氣滿溢；時菜鯪魚球都幾正；脆皮燒腩仔皮厚硬身，一塊都咬唔爛，驚喜🤣

態度超差，book左1230時食lunch, 叫我地1330時離開，我地叫野食，主任話唔好叫，真係好勁，咁樣趕人走都得，以後唔會來。超級黑人憎囉。竟然叫野食都唔比

星期日都要工作，中午兩點幾收工，與一大班同事朋友打算坐低飲茶，見到呢間酒樓，高級寫字樓樓上，應該不錯，一於就上去飲茶，坐低後，就以下這樣：服務差：問他們有冇較剪，發悔氣放下；上點心一句唔講就放下，仲要倒瀉豉油，差些少倒在朋友上。食物一般：點心製作一般，趕時間製作，沒有甚麼驚喜。衛生一般：男廁清潔，唯有去殘廁，用完沖不到廁，門口冇貼字條，出來清潔姐姐講才知。星期日中午飲茶，希望變為失望，竟然這樣，下次不來了！

晚餐叫左一隻片皮鴨，剛剛坐左係上菜位旁，睇住兩個侍應一齊起隻鴨，男既明顯有板有眼，但個女既明顯人手唔夠頂上，唔好彩地個女起既鴨係我哋嗰檯，睇住隻鴨只起咗大半，好多位都仲有皮，只係問佢點解唔係起哂，對方就答隻隻都係咁，同時間個男侍應就起完隻鴨，對比之下差好遠，我哋再問男侍應，佢竟然答，你哋係半隻緊係少啲，大佬，我哋都係叫一隻，連自己同事睇到都以為半隻😡😡我哋緊係唔收貨，叫經理換，佢答剛剛賣晒，叫我哋一係取消一係照食，我哋最後決定走！🤬🤬🤬無見過一間酒樓可以叫人走囉。相中就係兩隻同時起既鴨，真係一睇都見到差別😭

今日下午茶去咗此酒樓食，由於太太取位！知客唔記得冇給下午茶單心紙，她照去用普通單心紙下單。我行去廁所經門口見到有下午茶紙，見到價錢有分別。即時找一客金頭髮的仕應問吓，她態度十分之差，佢話入單冇得改！我即時話因為你哋問題；請取下了單的點心，她才死死地氣改咗部分點心價錢。食到一肚氣！

昨天跟媽媽去食晏，選了3個點心，點心拼盤唔錯，奶皇煎堆仔都可以，但春風得意腸十分唔掂，內裡的春卷，韌到呢，所以食物只可以說中規中矩，沒有甚麼好談。但服務態度真係非常之差，整餐茶只係食飽想添熱水要求這簡單服務，第一次個阿姐話等陣，結果當然係無影，第二次個阿姐連其他客人都提佢，我這邊叫佢，懶理繼續只向熟客推銷蘿蔔糕卷，當睇唔到，聽唔到。結果費事再叫，唯有自己攞壺去沖熱水。服務員見到仍然唔覺有問題，沒有任何行動也沒有唔好意思，如此服務態度，實屬一絕，唔會幫襯第二次，最重要價錢又唔係平。