S2 鐵板燒 (Closed)

首先由外觀講起, 本身間野已經細, 位同位中間好逼, 每張枱既距離好近, 隔離位講咩都好清楚, 唔夠人手, 但又要接咁附生意, BOOK左位都等左兩個鐘先有前菜食, 餓到暈, 一句唔好意思都無, 野食仲要唔熟, 牛油果硬既, 燒龍蝦透明, 炒飯無味, 個位樂師傅仲要脾氣差,燒燒下係你面前掉野, 發出巨大聲響, 食到極不安, 唔係比面朋友因為朋友生日,都唔會繼續留係度食, 食埋D下價野牛肉幾粒,豬肉幾粒, 蟶子有沙,夠膽收你$800一位, 最最最慘係完全唔飽! 貼錢買難受! 好懷疑間餐廳既好評係比錢買返黎, 如果呢個價位, 好過呢間餐廳既有大把選擇, 勸大家諗清楚食唔食。

超好食， 係我食過最正既鐵板燒， 今日去到， 個傑師傅都好健談，無所不談。每一樣嘢食都非常好食，而且好有驚喜，性價比超高； 之前睇到近排其他評論有啲都好負面，所以開頭我去之前都有啲驚，但係自己親身食過完全唔係負評嗰啲感想，可能佢哋嘅味覺同我唔同啦，但係我好誠意推薦大家。佢最出名嗰個18層海膽杯，真係好有誠意每一層都用啲優質嘅材料食落去好有口感，海膽亦都係好靚，然後嗰個龍蝦係非常之新鮮，係即場劏嘅， 佢燒緊嘅時候仲識得郁，所以真係好有驚喜，嗰碗湯又好特別， 係搵紙去包住喺度整熱，好好味啊

真心未試過甘伏，寫左過百篇食評，食過甘多間餐廳，都未試過有一間甘難食垃圾中既垃圾首先，依個十八層海膽杯，食左两層都唔對路，同餐紙上面既都唔同既，小左幾層，食到一半問侍應先話有啲時令食材飛機貨黎唔到，所以俾小左，你唔問距都唔唸住講，sell你食果陣又提都唔提下有啲咩時令食材無左果喎，同呃人完全無分別蕃茄沙律，成個蕃茄出哂煙，熱辣辣甘上依個蟹又係經典，完全無味，仲衰過三百蚊位自助餐任食果啲依個牛油果生到完全食唔到，鐵匙羹都畢唔到少少肉出黎食跟住就無跟住啦，畢唔到個牛油果我已經嗌埋單，啲野都唔係俾人食既，伏到七彩，有小小良知都唔会出到啲甘既食物俾客人，仲要收甘既價錢，點解可以開到甘多耐又甘多正評

餐廳環境殘舊同較細，燈光好暗，一入店面老實講有啲嚇一嚇，坐底幾秒已經有啲想走店員態度係 ok 嘅，但食物質素真係非常一般（甜蕃薯入面仲要係凍嘅上碟時），個蟹竟然係完全無味做到～唯一炒飯係幾好食，作為一個鐵板燒午餐埋單每人 $4xx 黎講，性價比真心低到唔知點形容，呢個價位響出面食環境食食物可以有更多高質素選擇，老實講唔明點解 openrice rating 會咁高，啲人嘅點讚其實係咪想令多啲人一齊中伏？絕對唔會再 encore 嘅一間鐵板燒

今日就同女朋友買咗外賣，一個好有誠意嘅抗疫二人餐。咁佢係有蟹啦，幾件壽司啦。全部嘢都好完美個蟹呢就好juicy，好好食好香咁。當然啦，淨係食蟹就唔夠飽嘅。雖然蟹的份量都比平時多。但係唔夠飽㗎嘛。咁佢就畀D沙律啦、壽司啦，畀你頂下肚。都唔錯嘅，包埋的Sake 好好飲呀，而且係得獎嘅酒，所以我都冇乜嘢我批評呀。好開心今日，希望疫情都可以快啲完啦。

第一次寫評價。實在忍無可忍。從未遇過如此性價比低餐廳。點了和牛花膠套餐。未食過A5和牛有咁多筋同埋有咁多渣。個獻令都花膠還可以。有咁多like證明老闆人緣好朋友多。

今日同老公囡囡黎到呢間餐廳食生日飯，門口非常細，入嚟要側身入，已冇咩好感。一坐低冷氣非常大，叫咗佢較細，轉頭又話會滴冷氣機水要較返大。叫咗個兩人餐，但係食物質素真係一般，海膽蟹膏唔係特別鮮，最好食應該係蝦，其他真係冇特別，性價比亦比較低，不太推薦

食物新鮮，有6、7個餐可選，款式算多👍🏻值得一提是可自畫甜品碟，幾好玩不過好難控制😅幸好我地當日坐bar枱，望住師傅表演👨🏻‍🍳 額外加分（全場只有6個...）

今日葉師傅叫左我去佐敦偉晴街開餐，原來係食鐵板燒超有名由樂師傅親自下廚的 S2 鐵板燒。品嚐豐富的鐵板晚餐，當然少不了主打的18層海膽杯。先來前菜，雞泡魚干，跟住就上了18層海膽杯，必吃，多種刺身，加上海膽，口感豐富，打卡一流。鵝肝多士，超厚，熟度剛剛好，入口即溶，其中一様我最愛的美食。火焰海膽甲羅燒，多種配料加上蟹肉，蟹膏超多。帶子，大大只，鮑魚汁很美味。櫻花虾海膽焗花膠扒辣辣地，超野味。炒海螺，爽脆可口。脆皮燒鰻魚，鰻魚肉厚嫩滑。A5厚燒和牛，5成熟剛剛，厚燒口感豐富，入口即溶。主菜有，鐵板海膽醬芝士焗原隻龍蝦，龍蝦在鐵板煎得香香的，大大只龍蝦啖啖肉，滿滿的芝士，豐富了感，非常美味的一道菜。炒飯今次就叫了白松露炒飯，超香，格離枱客人，讚不絶口。最後甜品就吃了 海膽雪糕，大滿足的一餐。

睇Openrice話訂位中午去食有5折，點知去到之後想食既餐得8折。唔系全部有5折距又唔系個Openrice度講明。去到之後餐廳個環境好差，好逼坐得好唔舒服。個侍應咩都唔識，問乜都唔熟唔知。然之後到D野食，實在好麻麻，我地食左人均500幾，D食物系200蚊左右既水平。而且中午去食好多option都無得撿。一個set七八個course，得一兩個算得上好食，兩三個course叫一般般，其餘既就系難食。卑得5，6百蚊去食野，得甘既水平真系超級失望！！我實在好難想象點解依個餐廳甘多like，我覺得應該系買翻黎既。食完真系好嬲嬲谷氣，以後都唔會翻黎食！

難得今日放假，即刻約朋友 補祝生日飯， 朋友話想食鐵板燒，已經即刻上網搵哂資料，見到呢間鐵板燒做緊午市五折 晚市八折，心諗 五折？ 有冇咁大隻蛤乸隨街跳，不過朋友就唔到時間 唯有食晚市。朋友初次食鐵板燒，但入到店舖烏煙瘴氣，地方很細又狹窄，坐得好唔舒服轉身 都冇位，明明book卡位 想同朋友傾下計，點知侍應話無哂位，安排咗我地坐鐵板位，朋友同侍應話我地係book咗卡位，但侍應好似聽唔到咁 走咗去，仲要面黑黑，咩態度？咁算啦 諗住睇住師傅煮都好嘅。叫咗個兩個餐加個海膽杯，都唔知邊個餐打邊個餐了，第一道就有 刺身 蕃茄，不過不失 正常，係個蝦有少少霉 見到已經變黑曬，之後再來個海膽杯，賣相 唔錯，點知一入口，第一啖 d海膽 腥臭無比， 同平時食嗰d係兩回事， 諗住第一層 算啦食埋之後嗰d，點知又係有陣臭味， 唔知係唔新鮮定處理得唔好嘅關係點解可以 腥臭成咁， 朋友食咗幾啖都皺曬眉頭， 即刻擺低唔想食，咁嘅下欄魚生 塞哂係個杯到 收幾百蚊，真係完全唔值。算啦， 諗住呢度係鐵板燒，都係食番鐵板嘢最穩陣，點知又係令人失望， 鵝肝本身係好濃味 口感好豐富 外層焦脆內層內暖，點知我食嘅係外層焦黑 內

本以為有4百幾個讚，點都唔會差得去邊，結果失望到極點。鐵板燒晚市套餐平均每人HK$700左右，老實講，以晚市鐵板燒餐來講，价錢係好實惠，生意難做要將貨就價都理解，但我認為由前菜到最後甜品加起來可以話＄300都唔值。首先前菜嘅凍蕃茄和刺身，入口已知是從雪櫃雪咗好耐攞出嚟嘅口感，食一啖已經唔想再食，螺肉伴青瓜，一D鲜味都冇，只有黑胡椒味，肉質堅靱，咬到牙都軟。羊扒好似羊肉乾，我先生食嘅牛肉粒，D渣吐出嚟差不多有一半，墊底嘅方包係完全冇整熱，好似就咁係袋度攞出嚟。惟一要讚嘅係件鵝肝，好厚好大件，其餘都不值一提。

我遇過最差的安排!! 網上預約8點, 打來跟我說要8點半, 我說ok!! 那天下大雨, 餐廳不近車站, 我坐的士準時8點半到達, 侍應跟我說上一個客人遲了半小時到, 所以我要多等半小時!! 這實在太離譜了, 你明知之後有客人, 應該是由遲到的客人負責, 你應該跟他說, 由於你遲了半小時, 你的用餐時間也要減半小時, 怎麼可能他遲到要我來承受? 真的令我很生氣, 本來很期待, 現在以後也不會去!!

同細路慶祝生日，真係中晒伏。晚餐我地第一台，坐吧台可以睇人煮，係好好既，塊鐵板則邊個油坑好似耐無洗咁， 一開舖入面一浸二手煙味，一路煮一路睇手機， 我哋第一台當然唔使等喇啲餸仲好快。D擺盤靚既，屋企人都係咁影相，食落口有就出事la。炒波龍， 沙律醬多到完全食唔到任何味道。炒螺肉， 有一pat 好似味精咁樣黑松露醬。果隻毛蟹，得果啲啲肉， 同個價錢完全吻合嘅。薄燒和牛卷好清新，因為唔記得落調味。 其實你唔落重好。每次炒親嘢我都見佢喺個八寶盒度勞過幾樣预先開好嘅調味醬， 乜餸都係嗰幾招，每度餸都好似食緊沙律醬咁。炒飯又係加果Pat味精黑松露醬。炒烏冬我個女食曬，好好味呀!因為成碗都係芝麻醬。已經食到成口沙律醬味，嗰杯怪怪青檸茶想點呀？ 見到咁已經冇心機再影相落去， 最後膠袋煮湯真係創意爆燈， 以為個味道會好特別， 咪又係普通鮮菇加雜菜湯一個。最後甜品仲勁，竟然係我成日食開喺街市雪房 買嘅雪藏泡芙，一模一樣，真好野。好彩冇叫嗰個咩18層海膽刺身杯， 仲話要訂咁矜貴， 見到隔離枱， 有條友係咁同老細吹水好似好熟，係咁講邊樣好味，嗰樣好味， 佢另一個朋友食左入面嘅刺身一啖之後個樣都歪埋就知出事，

叫咗兩個和牛套餐 一個豬肉套餐 一個龍蝦套餐 簡單直接一句嘅食評 好L難吃 見到間餐廳下午有折扣 就想同屋企人去食餐好 我地total洗咗2000幾 用呢個價錢 我寧願比多少少錢去食自助餐 前菜 魚生唔新鮮 又咬唔爛 ，螺肉 好鹹 ，和牛 咬唔爛 有渣 ，所謂嘅「和牛」炒飯係用和牛嘅邊邊位黎炒 又乾又油 好難食 ，龍蝦得一兩舊有肉，豬肉好油，甜品係 超市求其買嘅泡芙。最重要係個冷氣機係咁滴水 同佢地反映咗 又唔抹 係咁滴中我個頭真心唔明點解咁多好評 比錢買難受 呢個價錢 吃呢啲野 真心成肚氣