Video
Telephone
26607094
Opening Hours
Today
08:00 - 20:30
Mon - Sun
08:00 - 20:30
Public Holiday
08:00 - 20:30
Above information is for reference only. Please check details with the restaurant.
肉鬆麻糬包$9.5 (而家加價到$10) ✨：8/10 係新品肉鬆分量唔算好多 但係都夠麻糬係拉絲嗰隻(見圖3) 平時我鍾意實淨啲嗰種 不過呢到加埋又ok😋鹹鹹甜甜 好食包體都鬆軟 香甜 少少空氣 不過算正常可一試 大滿足海苔雞肉鬆卷$13.8 (而家加價到$14.5) ✨：8.5/10 真係大滿足😂因為好多肉鬆好多沙律醬鹹鹹甜甜 好濃味 食完即刻想飲水🤣不過間唔中都想食😈 另外有個香蔥雞肉鬆卷(?) 都係差唔多 多少少辣味 一樣好好食
continue reading
母親節訂左個皇后蛋糕俾媽咪佢好喜歡，仲有個皇冠會送返比我們有得食，又有禮物收😁😁士多啤梨 粉紅色 好合適媽媽的喜愛評分：4/5（5分滿分）抵食度：4/5（5分最高）
continue reading
今次食咗聖安娜黑白阿華田珍寶卷：大大件嘅瑞士卷單係外面就用咗朱古力忌廉、阿華田牛奶麥精慕絲、阿華田慕絲同埋牛油忌廉做裝飾，仲有兩塊阿華田夾心餅，都叫有誠意。啲牛油忌廉同朱古力忌廉食落比較硬身帶點油膩感，口感有少少奇怪，好彩慕絲部分水準都唔錯，真係食得出阿華田同麥精嘅味道，可以搭救一下。至於阿華田夾心餅可能係放得太耐嘅關係，食落已經淋左😵。朱古力味嘅瑞士卷再加上朱古力脆珠、阿華田朱奶麥精慕絲、阿華田慕絲、朱古力忌廉同阿華田軟心。朱古力脆珠混係慕絲入面增加口感👍🏻😍。聖安娜嘅蛋糕本身比較結實，食落太大塊都會有少少膩。整體嚟講，都仲係有好多進步空間，但睇得出今個珍寶卷用料落咗唔小心機，比起以前的確進步咗嘅。美味指數：3⃣/5抵食指數：3⃣/5再食機率：40%
continue reading
講到最好食既菠蘿包，一定要去茶餐廳食菠蘿油，新鮮出爐熱辣辣菠蘿包配上一塊冰鎮牛油，真心正！不過講到快，當然係麵包店買個菠蘿包啦。今次屋企人買左聖安娜菠蘿包。菠蘿包發得幾靚，外型呈拱形。黃金酥皮只是初階版，薄薄一層，咬落已經唔脆，脆有脆好，唔脆無咁熱氣嘛！掰開麵包密度不算最低，麵包鬆軟。甜度適中，好快就食完。雖然牛油味唔出，但我欣賞麵包夠鬆軟，而且最怕菠蘿包的酥皮太死甜，呢個包唔算太甜，岩岩好，比我想像中出色。
continue reading
抹茶控注意，提早一大班親戚食飯，預備甜品一次過買哂三隻抹茶蛋糕食唔駛諗，有成一百五十年歷史既東茶園，用上靚靚抹茶茶味超甘香。最大既波波係《宇治抹茶巨蛋》($218)，外層超脆朱古力加杏仁碎，入面好多層，抹茶寒天超濃抹茶味，加上抹茶慕絲忌廉同黑糖啫喱好多層口感。好精緻既一款《抹茶竹炭蛋糕》($138)，中間夾住一層黑黑既竹炭蛋糕，加上忌廉同好甜既小倉紅豆，底層就係抹茶蛋糕。成個漩渦咁既《抹茶金薯蛋糕》($148)，面層超香既沖繩金薯，内層都有紅豆同清香既抹茶蛋糕同慕絲，食落唔會太甜。店名：聖安娜餅屋
continue reading