薩莉亞意式餐廳 (悅來坊) (Closed)

欣賞呢間餐廳一直都收平民價錢，提供高質素食物！荃灣中染大廈呢間店，一到午餐同晚餐時段，必定爆滿，門口有好多人等位。原因除咗平同好食，員工服務態度都好好。午市叫一個扒餐都只係三十幾蚊（大快x 早餐都唔止啦！）再加$16就有沙律🥗+湯+飯）呢個係沙律🥗個忌廉湯都不錯！兩條腸+厚切雞扒+薯塊粟米😃😃，雞扒雖然厚，但一d都唔「鞋」，好嫩滑，味道都正👍🏻👍🏻加$9就有個中華沙律，超抵呀！總括黎講，非常抵食啊！👍🏻👍🏻🎉🎉

薩利亞餐廳越開越多，簡直就係我哋平民嘅佳音💞💞💞又平又多選擇， 圍起條數仲平過自己煮😆 我一懶唔想煮飯， 就會去幫襯，哈哈! 一般嚟講到晚膳時間就會好多人等位，我哋多數趁大約六點呢個時間就去食! 卡邦拿溫泉蛋意粉出面食任何嘢加隻溫泉蛋起碼都要八至十蚊， 而家啲一碟先至大約32蚊 (我唔知有冇記錯)， 又多煙肉 ，個醬汁又夠味明太子海鮮意粉明太子呢款意粉今次第一次食，佢都幾重手，成碟都充滿一粒粒，啖啖都有明太子🤩平均都係30至34蚊一碟， 味道又唔係差😆小朋友又食得開心🤗 我一定會繼續幫襯🥰🥰🥰

幫襯左n咁多次都覺得好好味，好多年前香港未有就係台灣食第1次，之後好開心香港有，宜家仲要咁多間，但間間都要等位😅星期日午餐2點幾都要等15分鐘呢…價錢平份量吾大可以食多幾款，又係可以叫到一枱都係，好鬼開心，任飲可以自己搞杯特飲，我係用芒果同檸檬茶包先焗3分1杯，再加3分1tonic water, 3分1檸檬雪碧，就算一杯都好抵啦 ，13蚊🤣🤣🤣， 我多數再飲杯意式咖啡。食物方面雞亦就必點，蒜蓉包好正。肉醬飯，甜蝦粗管通粉好鬼正，d芝士好香但吾會太膩。其實樣樣都吾錯，以咁嘅價錢真心抵，雖然係加左價，但都仍然係抵

係仁濟醫院落車，行左去對面熊貓酒店搵野食醫肚。無黎一排，多左好多野食，不過人流偏少。行過幾間都無乜心水，睇番水牌，見到薩莉亞，記得上次有同事講過講好抵食，就決定去試下。見到餐牌，呆左😯廿幾三十蚊個意粉😲唔知幾耐無見過呢啲價位。兩個人嗌左四樣野，baby本身想再嗌，我話不如食住先。啲野食極速黎到，留意番，係極速！呢個雜菜湯賣相不錯，我覺得偏鹹，baby就覺得幾好飲，有屋企既感覺。再黎baby最愛黑松露意粉，唔錯喎。我嗌既水牛芝士薄餅，無乜芝士味，唔推介。雞翼，general野。Overall黎講，咁既價錢，有呢個質素都唔錯。好彩無再嗌，我地兩個雞仔肚已經夠飽。

位於大窩口悅來酒店內的薩莉亞餐廳我經常都有光顧，因為店內很大， 座位很多， 經常都非常幸運不用排隊便可以進內用餐今次有全新的 餐牌書，新推出了不少全新的食物，當然價錢也高了一點點，所以也見到有人評價說不再抵食了，哈哈。其實很想食飯，但 薩莉亞的飯份量都很少，怕食不飽，便叫了番茄煙肉意粉， 酸酸的甚是開胃， 份量也足夠。另外叫的 炸蝦，上菜 只得數隻， 但是炸得挺脆口的， 就是份量略嫌太少。飲品 選擇很多， 應有盡有， 不同味道的 汽水， 茶包，咖啡，奶茶， 熱朱古力 任君選擇。 最欣賞的是最近新添加的一部汽水機， 簡單容易用，而且 汽水出來的口感比一般的汽水機更 足夠氣，讚

Lunch set 供應由11am-5pm，$27-34就有，非常抵食，飲品再配沙律另加$13😋飲品可以任飲#肉醬多利亞 係必叫，每次推薦朋友試完都話好食😍另外叫左 #水牛芝士簿餅 ，我最愛水牛芝士清淡的味道，如果想濃味啲，可以加芝士粉，但好趁一上台就落，咁樣芝士粉會岩岩好溶埋，好正😋

光顧了好多次，起初二百幾元，就可以吃到一餐。現在要大约三百五十元才可吃一餐。貴了好多，份量又少。衛生不太潔淨，服務一般，星期六或日，要等一個鐘才有位。間餐廳似沙爹王的賣點，份量少少，價錢十幾至三十幾元。叫多幾樣，已幾百元，無際drink bar方面，d汽水好淡，唔夠未，加了水，不似超级市場買的汽水，coffee無咖啡味，好差，又係加了水，成人要13元一個drink bar。

其實呢間應該冇咩人未食過 未食過嘅就真係要去試下啦🤤趁佢出新野 等🐰小編介紹下先~新出嘅甜粟脆薯煙肉焗蛋($22) 小編覺得有驚喜 一上枱已經好香 蛋甜甜地 外面香脆 配上軟淋淋嘅薯角 愛蛋小編秒速清哂一碟！個肉醬多利亞($27) 係小編最愛 亦成功令到佢成為🐰爸爸最愛 我地仲encore左🤪 蕃茄芝士味道香濃 配上白飯 好似risotto 個黑松露野菌忌廉意粉($34) 松露味唔突出 但勝在價錢平 個洋蔥蒜蓉焗青口 ($24) 蒜香味十足 醬汁好特別好惹味 但面頭有少少lone😋係小編覺得勝價比最高嘅意大利餐 真係唔洗睇價錢order都得！-Saizeriya is a well-known Italian restaurant in HK. Let’s me introduce its latest dish to you! The baked eggs with corn, beacon and potato wedges ($22) surprise me. It has both crispy texture from baked eggs and soft texture

最開心就係食到平靚正嘅餐廳，所以我好推介薩莉亞👍因為食過都好多次😂一樣都係咁好食😁每次黎都會叫雞肉多利亞，份量剛好又好食，我會再加芝士粉落去會比較濃郁😝辣味雞翼都一樣推介辣辣地好開胃😁記得加錢飲埋任飲汽水咖啡😂

無論一班人定係一支公去食野都適合去薩利亞，正如我標題所講，快靚正！講真佢一定比唔到5星級酒店西餐嘅味道，但係如果係想快快手簡單食個意粉就真係無得輸，加上款式多又夠經濟，平民食堂稱譽實至名歸！

永遠都食唔厭既餐廳，又平又好食，最好食既係明太子意粉同雞翼，明太子意粉好正，唔會太硬唔會太淋，雞翼辣得黎好好食，另外叫咗好多野食，香腸都好好食，好大條又多汁，價錢好親民。係1間可以成日食既餐廳，好啱學生！

今日特意從公司過來食殺你阿媽，原因不外乎價錢平，荷包乾硬化。點了最愛的辣味雞翼，雖然我唔太食得辣，但真係好好味，一試再試。亦點了甜蝦沙律，殺你阿媽的沙律醬真是王道，食極唔悶。午餐則點了肉醬多利亞，雖然食完好有罪惡感，不過都係食完先算，實在太好味。

論抵食嘅西餐，就一定要數薩利亞，一個意粉或者pizza都係30幾蚊，性價比好高。最鍾意嘅意粉係卡邦尼，個汁好好味，加埋芝士粉就更重芝士味，推薦推薦。仲有雞翼都係必食。

去到荃湾悦來坊，看似好多食店，但最终去呢間。雖然人多，但職員態度都好好。至於食物，全部上枱都仲熱，唯一碗湯就暖。埋單食左咁多野(雞翼再encore)都係160元，超抵食。

薩莉亞可以話係我嘅童年回憶基本上由窮L學生時期就開始食佢冇計啦，當年做學生嘅時候冇乜錢，但係又想同啲朋友放學食下野其實嗰陣好彩有薩利亞，如果唔係唯有餐餐都食同佢價錢差唔多嘅麥記，今日我哋成班人肯肯定定會變晒肥仔平時呢間薩莉亞通常都喺食飯時間好多人等位今日我就醒呢，瞓醒就去食，避開lunch Time所以成間餐廳大部份都係空嘅，真係第一次喺薩莉亞聽到啲員工話你隨便坐啦朝早起身唔算太好肚餓，兩個人嗌左四樣嘢食包括有我最鍾意嘅辣味雞翼，多利亞粗管粉，菠菜三文魚意粉，同為咗健康叫咗個菜全部食物都新鮮熱辣上枱，而且可以keep到一貫水準，薩利啊真係唔話得喇！多利亞同辣味雞翼永遠都係我飛佛，雞翼小小辣又入味，好惹味，兩個人一人食兩隻啱啱好多利亞細細碟雖然份量唔多，但勝在新鮮焗出嚟，芝士同白汁嘅份量啱啱好，所以我次次都一定會叫一個多莉亞下次想食薩利亞嘅時候都係早啲嚟啦，咁就唔使排隊啦！😛😛😛