薩莉亞意式餐廳 (悅來坊) (Closed)

前排周圍去搵好野食，食到荷包都開始縮水💸 ，係時候要去返間平價餐廳食晚餐「薩莉亞」👀 兩個人7點幾去到，要拎飛等位先，等左大約10個號碼，約20分鐘左右😗 由於食慣食熟入到去望一望餐牌，好快就簡到心水!地中海海鮮焗飯☺ 惹味得黎又好開胃，吾辣之餘仲有好多蕃茄鋪係面，海鮮方面有幾隻蜆，兩三隻蝦同青口都幾好味，我覺得份量岩岩好，女仔食完再加甜品就岩哂👍🏻飯底有飯焦，脆卜卜都幾有口感，岩哂平時鐘意係屋企搶食飯焦既我🙌野菌忌廉意大利粉，次次黎我的必點之選，本身已經有一堆芝士粉鋪係面，但如果覺得吾夠又好鐘意食芝士，就可以拎一樽樽免費的芝士粉倒落去😍 主要食忌廉汁配埋野菌同芝士粉撈埋食👍🏻恰到好處又吾會覺得好膩✌🏻 不過我覺得意粉既份量就有點少，如果多點就最好😀黑椒蜆肉鐵板煮，因為淨係叫兩個飯同意粉覺得有點單調，所以就嗌個小食😽 黑椒粉好多同好入味，蜆既數量都幾多， 一人可以食8，9粒，以$19哩個價錢黎講好抵😙最尾我地趁個優惠期，加咗兩杯$10杯dreyer's雪糕🍦 開心果味，用10蚊這個價錢好抵食👍 ! 但記得一黎到吾好即刻食，要攤一陣，因為係冰格拎出黎 , 雪糕好硬身😖 等10分鐘開始溶溶

任飲的權利留給小孩子，反倒未試過這店的葡萄酒，紅白餐酒細壺250ml才售$27，正如俗語說“當水飲都可以”。顏色清黃中泛了點緑色，我不懂酒的研究，但喝下去的味道新鮮，不會乾而且很有果味，聞下去的氣味是芬芳的，有點活潑。我們點的食物都是平和款式，當中以下面這碟較為突出……黑椒蜆肉鐵板煮 $19價格便宜，烹調容易衹不過是把新鮮蜆放在鐵板上煮熟，等待鮮蜆自己煮熟而蜆殼打開，再淋下橄欖油及撒上黑椒碎，吃是吃它們自己的鮮度與鹹味。

發現這個很優的優惠，氣溫直飆至34度，吃得過！優惠日期是由即日至九月十八日，當然要先惠顧才可以以極優價去換購雪糕。水牛芝士比薩 $29 （額外雙重芝士加$6）點了份薄餅，有脆邊，蕃茄醬㡳，在雙重熱溶芝士的打擊下，我投降了，並非因為太多油，若然是因為多油也不怕，水牛芝士的油是不會膩而且味道清，水牛芝士混合了蕃茄醬，我投降的原因是因為太美味了!Dreyer's D Collection 雪糕 有何美味，我相信愛吃雪糕的朋友們也會懂，更何況是 $10 一杯，樓下 Aeon Supermarket 也有這100ml杯裝發售，他們的售價是$17一杯。

一到晚餐時間就好多人排隊，係咁，要係香港揾到咁既價錢而又好味既，真係好難一碟意粉都只不過係3十幾蚊，仲要有魷魚有海鮮，盡情叫唔洗就住就住係爽既！最鐘意叫辣味雞翼！唔知d隻味點整，辣辣地，咸咸地，好好食，我會點埋tabosco辣椒仔一齊食，辣得來多浸酸味好開胃！！重要佢個肉係有肉汁架！唔係焗到乾哂個種！意粉細個鐘意叫墨魚汁意粉，因為鐘意玩到成個嘴都係黑蚊蚊，哈哈，魷魚份量好夠食，可惜蒜味唔太夠！現家鐘意食蜆肉意粉，蜆肉其實都幾多，蕃茄汁好有蕃茄味而且有一粒粒唔係得個醬，酸酸地好開胃，蜆肉唔好以為唔新鮮，其實幾好食！有浸鮮咸味，可惜有時會食到有砂！仲有小食mozrrella cheese and tomato！芝士咬落去好有口感，好好味！雖然唔係超級好味不過以d個價錢真係好好啦！！

早被朋友推介這間平民意大利餐廳，今天經過一試午餐叫了一個青忌廉蜆肉意大利粉 蜆好大隻，肉厚肥美，配青忌廉汁異常的配合味香汁濃，意大利粉真的做到Al Dente, 即係不淋不硬，質地有少少煙靭，又好有囗感，香草加在上面，真的有意大利風味

小妹第一次寫食評，哈哈哈！多多指教，有咩意見係下面留言啦～星期日早上約左朋友飯聚，但又唔想食咁貴，最緊要係響自己屋企，換衫踢拖就行得。最好既選擇莫過於食平民化價錢既薩利亞意式餐廳，緊有一間係你屋企附近。佢地既分店已經遍佈各區。以下既食物屬二人分量，埋單都係平均各人＄１００。又飽又抵食呀！加埋自助飲品吧都係＄１２一位，所有飲品飲任，有熱朱古力，咖啡，美祿，奶荼；凍有各式汽水，美連達，雀巢檸檬茶等等。前菜：先點選兩款熱湯，分別係粟火湯及周打蜆湯。兩款味道都好濃，絕對無水狀果種，好味呀！加上蒜蓉包，係最好既配搭。又香又脆又熱，＄１０係邊度搵？（最重要係可以係餐廳慢慢嘆，唔係面包舖買到果Ｄ）三文魚芝士炸餅，係熱氣不過係好食！四件一份，各一兩件。清酒煮蜆，味道一般，而且有Ｄ乾身。辣味雞翼，要俾十個讚！好味到差Ｄ再嗌多碟！飯及意粉各一款，兩款都有芝士成份，下次可以揀一款無芝士！總括用餐經驗幾好，服務都好有禮，可能用餐時尚早，岩岩開門，無爆場所以都食得好輕鬆，都傾到計！Ｐ。Ｓ　有咩意見或曾食過既朋友，可以下面留言大家討論下。

超值好味的意大利西, 除了在薩莉亞我暫時也想不出要到那裏去!今期又有新食品推出 ...羅勒墨魚仔屬於冷盤的一種, 墨魚仔似是即食味付的那種質素, 配羅勒醬的味道是有多少奇特。本格燜牛肉燜牛肉夠腍夠入味, 肉汁裏帶紅酒香, 配菜有粟米粒及菠菜, 一份夠營養。

大家請千萬小心此間餐廳的地板水漬小編的慘痛經歷 今天下午大概14點10分在斟了野飲之後位置：水吧。地板勁滑無比導致我閃避不及，成個人跌到地板上，條褲都濕咗少少有無搞錯啊！居然有咁癡線的事情！原來地上有一大灘水漬地上有水都唔放“小心地滑”的牌！ 超級離譜餐廳在有水漬的情況下，無擺牌提醒顧客小心地滑沒有任何提醒，極度不負責任跣親之後服務員才慢吞吞擺上“小心地滑”牌導致我宜家“八月十五”都隱隱作痛總之我無奈加歎氣，只能下次自己左閃右避，當避地雷。至此我對呢間餐廳服務環境印象極度差。

在講食之前 我想講 個位置離荃灣地鐵站係好好好遠因為你要在綠楊坊行去一定有15MINS 要穿越幾個商場如果想去 大窩口地鐵站落覺得好想慳錢 又唔想食放題,韓燒 又唔想食太飽 又想坐耐少少所以就決定食薩利亞啦可能因為平日去啦 所以等位唔算耐 7:00 就坐低呢個地中海批....好似一塊好硬既野 放左塊煙三文魚.....完因為薩利亞多人食都可以食唔同既野 所以都叫左好多最後埋單 都三個人食每人$61 係$61 咋!!!!!!!!!好抵 好味道！！

周打海鮮湯： 只售$10的周打海鮮湯，裡面有蜆肉，薯仔微粒，洋蔥粒，蘑菇粒，和胡蘿蔔粒，足料，味道濃淡適中，亦不杰蹋蹋辣味雞翼：$17細份的雞翼有4隻，微辣，雞皮都有點脆，雞肉都不會霉。香辣腸比薩：急凍比薩餅上鋪了薄薄的一層番茄醬和水牛芝士，普通香腸上加了點辣油，這就是香辣腸比薩。以$29售價，雖然味道只屬一般，但絕對無投訴。

薩莉亞都係我時不時會去食嘅餐廳，因為佢無Pizza Hut咁貴，可以用一個平啲價錢去滿足食西餐的願意，哈哈。今次叫咗個黑椒雞肉Pizza，仲有個蕃茄海鮮意粉。黑椒雞肉Pizza可以睇得出個叮出嚟嘅，不過三十幾蚊有Pizza都唔可以要求咁高。雞肉係意料之外嘅滑，芝士都幾多，個Pizza唔會太乾。如果個Pizza多返啲蕃茄就會仲好味。蕃茄海鮮意粉整體叫OK。味道又係淡啲，都係果一句，多返啲蕃茄就會仲好味，哈哈。意粉亦可以煮耐一啲，今次食比較硬...埋單$66，其實叫得多食物又唔會特別抵，不過會比其他意式餐廳平嘅！

聽朋友講呢間店非常多人排隊，黎到真係等左60分鐘，但為左平價美食，值得的，因為等太耐太餓完全無影食物，反而係門口等就有空影相。五個人點了二個意粉、一個飯、一個pizza、二份雞翼、salad、仲有意大利咖啡蛋糕一齊share，意粉和飯真係好一般，只能說一個字「平」，未到難食，但好明顯是用水煮完意粉，隨便一匙意粉醬就出餐，pizza和雞翼都很好味，新鮮熱辣的，Tiramisu都很好，賣單一人先$60~~超抵~~今時今日咁既價錢食到咁多野，抵呢間店咁多人排隊。少少題外話，雖然生意咁好，但服務態度都還不錯，抵讚！

平就一定平㗎喇，亦都係小小集團式。價錢好合理, 因為起出面食呢D品種 2個人埋單唔會低過200!味道每款都不會難吃, 價錢超值, 加上不會叫你食完快D走!!芝士PIZZA 芝士味重 好食(我要求比較低)!!呢個普通白汁雞肉味, 呢個田螺超熱, 一食落口即容!!

28/12返荃灣要去Living plaza買D嘢順便去隔籬Saizeriya食lunch吧~今次去食有新嘢噃當然要試試啦~我超愛辣味雞翼真係百吃不厭好呵呵~蕃茄香辣藍青口只買$24湯本身欠少少濃味不過內裡有很多炸香前蒜子同吃即時加分不少 菠菜煙三文魚忌廉意粉汁料夠濃略嫌煙三文魚鹹了點 地中海海鮮飯平到呢$29味道也可以呢甘咁嘅價錢冇投訴啦~加埋兩位任飲吧$126埋單確係平民意大利餐之選呢!!

專誠來吃沙律，見餐牌有新推出，外貌、價錢均吸引，那有不點的理由嗎？當大部份食物都送上來後，它在施施然被捧上來 …… 我們一看見它，通通傻了眼  (◎-◎；) 怎麼會有天堂與地獄的分別！？魚是鱈魚扒，滑是滑，但竟然在鐵板上出水！  那個芝士白汁是少之又少，只塗在半邊魚扒上，害我要額外再撒上大量芝士粉才有芝士味。  唯一可取是粟米堅甜，焗過後煙煙韌韌，至於薯角就不要提吧。