Sakura Street (Closed)

10月26日回家前見有d肚餓,買個燒餅食咗先,今次揀咗紅豆鮮牛油味,個餡比之前試過的香蕉朱古力味更佳,因甜度適中,紅豆好足料,個薄薄嘅鮮牛油好軟,好滑,帶d微鹹,令味道有2種層次,good~~

哈哈~次次係隔離行過都冇買, 今次終於俾我係上星期六買o左.我當然買o左豆沙味,綠茶豆沙.仲有兩款係香蕉同tiramisu(呢兩款我冇食呀)豆沙:味道可以,不是太甜不是太硬. 所以我會再買的.綠茶豆沙:係可以見到d 一粒粒ge 紅豆(不過有點兒硬,再淋少少會好D),好香綠茶味, 其他人(我男友)可能唔係好接受,可能我鍾意綠茶種香味我覺得綠茶同豆沙都幾夾.奉勸真係要即日食^^

我試過芝麻餡($12).食落覺得好普通.d餡唔算多.我覺仲覺得食到個口好乾..雖然唔係難食但係唔覺得好味.隨街都可以食到呢d質素.只係呢度多口味選擇..不過12蚊一個真係唔抵.試完一次就算喇.我寧願食返出面$5蚊一個普普通通既紅豆餡仲好..

這是上2個星期五的事難得來到金鐘,就決定到這間出名的和果子店八卦一下.賣的是清一色銅鑼燒,應該至少有10幾種味,第一次食,便要了個最基本的紅豆忌廉味.外面較乾身,而入面的紅豆忌廉就是普通的紅豆忌廉,沒有甚麼特別,不是特別好食,又不是唔好食.不過細細個賣$12實在唔平,加上味道普通,真的無需要特登來試.如過經過金鐘,又突然口痕想食少少野,又想扮一扮叮噹的話,試一試都可以.

呢間野o係公司附近, 開左張咁耐都未買過黎食~~ 今日終於試左, 正呀, 興奮到要黎寫食評話比大家聽...我試左tiramisu 銅鑼燒:皮: 鬆軟, 正呀餡: 我見到有d食評寫呢個麻麻地...但我試左之後覺得好正wor...首先食到剛剛好夠濃既cream, 跟著食到啡色既tiramisu(o者)喱...整體幾好, 好香濃, cream夠滑...即買即食, 食完好開心...雖然價錢貴左d d...可以一試

早前睇雜誌見到有關此店既報導，見D圖好正咁。一直都想搵日買黎試下。恰巧今日要去附近買野，就正好買返件黎試下。去到o個陣都已經唔係剩返好多款，但都有五六款左右。而我就買左草莓朱古力，香蕉朱古力同埋三色玉。個人覺得草莓朱古力同香蕉朱古力都麻麻，朱古力味唔夠濃。尤其是草莓朱古力，因為粒草莓本身都偏淡，所以我唔多鍾意；香蕉朱古力就好D，皆因香蕉味都幾出。三色玉係我認為三件當中最好食既：紅豆餡唔係好蓉一pet o個隻，比較有咬口，我幾鍾意。而三色玉都幾煙韌，味道唔錯。呢三件野其實都唔平，不過當試下新野都無妨既。只係我諗我都冇咩意欲再去試其他味了。

原味紅豆銅鑼燒$10 - 第一次呢度買食, 當然要試試最傳統味道, 亦係全店最平款色. 紅豆唔係整得太茸, 食落幾有口感, 都幾新鮮唔太甜. 餅皮幾軟, 唔會因雪住而變硬, 都唔錯, 但又唔係太出色咁囉.枝豆銅鑼燒$12 - 期間限定! 原本諗住買綠茶紅豆餡, 但見呢個枝豆係期間限定, 就試呢個先. 枝豆茸好青綠色, 味道清新. 不過食慣紅豆,豆沙餡, 用枝豆做始終都好似有少少怪怪的.

紅豆味蓋過了綠茶味.銅鑼燒的外皮較7-11的銅鑼燒外皮乾身.

我同honey都係紅豆迷,當然要支持一下la...買咗一個原味紅豆比honey,一個紅豆cream比自己,我個人認為紅豆cream就真係麻麻地,因為d cream都唔夠滑,一d都唔實在,但係紅豆都算不錯,而honey就話佢個原味好正wor,仲叫我得閒買比佢食tim,但係就堅持一定要原味lor,佢話咩野都係original好wor,太多花巧就失真wor...另外,cashier姐姐雖然都幾好禮貌,但係就好似手腳慢咗d lor,以我呢d中環人嚟講,唔係好接受到,而且好似驚我唔比$咁,望實我响手袋攞銀包&哬銀包攞$比佢,好似一定要收咗$先幫我入袋咁,呢度要扣d分...

晚，獨自一人到Palace IFC看La Vie en Rose，不料收到男友sms說他等我。完場九點半，到麥記會合男友，赫然見到櫻路紙袋。驚喜萬分，估唔到佢記得我之前提過想食。三色玉－－紅豆加三顆煙un的糯米球，較傳統的味道香蕉朱古力cream－－不過甜，cream很滑，有moouse感覺，很喜歡這個。北海道奶油豆沙－－即紅豆沙加一片奶白色的牛油。牛油微咸，有ｄ似菠蘿油的牛油，但滑好多。三款都好好味，有機會想再試多ｄ款。多謝男友，生命上的一些小驚喜已經可以令我樂上好幾天。

為何日本人這麼愛吃豆沙包？於是來sakura street一試。嗜過tiramisu味和三色白玉，後者無疑較好吃，三色白玉是豆沙涵和糯米慈，豆沙包的皮鬆鬆軟軟，糯米慈硬身了一點；而tiramisu的味道還可以，但與銅鑼燒的外皮格格不入，都是傳統的比較好～價錢分別是$14和$16，幾貴，不值得再試了。

昨天黃昏路經時只剩下4款,買了3款試吓:1) tiramisu-雖然買了迷你乾冰粒,但中間的忌廉偏軟身-如網友所言,只食到忌廉,咖啡粉味唔濃2) fresh strawberry & custard cream-中間的士多啤梨只有酸味,反而淡黃色的custard cream清甜同滑3) fresh banana & chocolate cream-朱古力cream好朱古力-個人認為3個之中最好-見demo有紅豆cream味,有機會都想買來試吓-其實d餡料無咩特別,反而是個包質感幾好,唔喺海綿狀咁細緻,是睇到發到鬆晒嗰隻,不失軟身

早陣子看過雜誌, 得知金鐘開了一間銅鑼燒店, 售多款新奇口味的銅鑼燒, 可惜自己善忘, 既忘了店名, 又忘了地址~ 直至昨晚有點私事要到金鐘, 才想起這店~還好, 用了openrice的「食評搜尋功能」, 一查「銅鑼燒」便找到了這店子的食評了~ 這真是一個不可多得的功能啊~ (像是賣廣告呢^^)晚上七時多到了店子, 大概只有五至六款銅鑼燒, 不如雜誌推介的多, 可能售罄吧~ 買了朱古力士多啤梨味及Tiramisu味共兩個, 每個$16~ 先說銅鑼燒的外皮, 是鬆軟的, 新鮮的, 就是有那種黏黏的感覺, 但不夠香甜煙韌~ 個人比較愛吃甜的~朱古力士多啤梨味: 朱古力cream份量頗多, 內裡有朱古力碎碎, 甜度剛好, 亦夠香滑, 像是Haagen Dazs的Belgium chocolate, 不過當然沒那種幼滑及濃郁, 士多啤梨有一小粒, 置於中央, 吃到一半時剛好中和了那種「甜到漏」的感覺, 但如切成小粒口感更好~Tiramisu味: 內餡是芝士cream加上咖啡jelly一小件, 如之前食評所說的一樣, 十分幼滑輕柔, 始終未嘗試過Tiramisu味的銅鑼燒, 感覺很新奇~注意:

feel fresh, but nothing special with taste. The most disappointed thing is that I only found 1 small piece of apple inside! $14??!! theft!not sure if other taste is as "not worth" as this.

(17/8/07)講到點勁,有成十三隻款。今日六點幾,突登來買,見到淨番一個士多啤梨吉士味、同埋一個士多啤梨什麼,又即刻比人買埋,雜誌仲講tiramisu味三點才會出,懶矜貴,點知幾籃tiramisu淨番係度!見到「廚房」整緊一盤紅豆,咁即係唔會同一時間有多款選擇啦!一場黎到,淨番tramisu都要買架啦。餅皮係較新鮮鬆軟好多既,不過tramisu真係好忌廉feel咋,唔好奢望咩酒味,咩芝士味o羅!賣$16,真係好唔抵。