三家村水產 (Closed)

2018 真係充滿淚水與汗水。辛勞一年，終於聽說 Bonus 派得不錯，總算有點安慰。小小地、預先慶祝一下啦。一直想試「三家村水產」 - 非常另類的「鯉魚門海鮮」。此店主打日式刺身及「浜燒」，有別於牌坊後面的一系列港式海鮮酒家，比較特別。地方好易搵，就係鯉魚門碼頭（不是牌坊那邊）。門口有隻「蟹道樂」式大蟹，好易認。裡面地方不大，但座位寬敞，日式裝修，附送無敵海景。坐窗口位感覺舒適。靠近門口有海鮮攤，明碼實價。門口另有活魚魚缸。來到鯉魚門都係要食活海鮮啦。韓國象拔蚌（$188），店員話切條好爽口，信佢；花竹蝦好鬼大隻（$168），一眼已經睇中；貪心想食多樣，所以點埋一份青鯛魚薄切（$128）跟酸汁。上菜刺身拼盤有乾冰效果。象拔蚌果然爽口，超甜；花竹蝦切出來都好多肉，口感口味不遜龍蝦，乃是我其中一度最愛；鯛魚就一般，始終唔係活魚。另外食生嘢無理由唔食生蠔。其實可以做燒蠔，但係我都係保險啲，食返最愛的日式酸汁食法，爽口富海水味。花竹蝦頭可以椒鹽不另收費、加埋炸魷魚鬚，送香檳一流（開瓶費$100）浜燒我們點了蟶子皇（$78）、鮑魚（$118）。有店員代勞燒完上碟。店員堅持唔點醬、不加調味，又真

鯉魚門的海鮮遠近馳名，然而其名聲好壞參半，而且清一式為中式酒樓，近年開業的三家村水產，主打日式料理，可算一道奇葩。點菜是類似中式海鮮酒家和日本的魚巿場的做法，可先到魚缸揀海鮮，再選擇做法。魚缸上各種海鮮價格和可供選擇的烹調方式寫得清清楚楚，無需擔心被劏。怕麻煩的，也可以直接按menu點菜。選擇很多，由壽司刺身，以至浜燒，串燒，天婦羅等都有。先來一鍋海鮮粥，用料包括彩貝，蕃薯蜆，刀貝等。蕃薯蜆的表現最突出，非常的鮮甜，粥底也煮得頗綿滑，唯粥本身完全沒有吸收到任何海鮮味，感覺上似粥是和貝類分開煮似的。再來浜燒蟶子和貴妃蚌。兩者食材本身上乘，入口爽口彈牙，連汁一起吃鮮甜無比，已經贏在起跑線。雖然沒有炭燒香，但個人來說不覺很大問題。有點不夠吃，再點了柚子汁一字骨雞翼和炸櫻花蝦豆腐。原以為柚子汁雞翼會很特別，誰知只是十分普通的炸雞翼，再加一個普通到不行的柚子汁沾來吃(味道和平日加水的即沖柚子飲品一模一樣)，味道只能夠用”正常”兩個字形容。反而櫻花蝦炸豆腐頗有驚喜，表面炸得香脆的櫻花蝦包著滑一滑的豆腐，雙重口感，成功演繹一加一大於二的道理。埋單二人計約七百元，以海鮮來說不貴，是合理的。

第一次試下呢間三家村水產。主要係俾佢嘅一夜干同浜燒吸引，仲稱每日新鮮海產，咁就試下喇。是日慶生，早就訂左位，兩位。對客人服務好到不得了，禮貌好好，亦好主動幫客人。亦會好好態度介紹當日新鮮水產同好有耐性講解。最後係叫左青龍蝦刺身，蝦頭拎去煲味噌湯。又呀左清酒煮彩貝(其實係咪即係花甲…)呢度連+10%已經差唔多$600當然亦叫左其他野食，因為就咁食個剌身同清酒煮蜆應就唔夠飽。追加一客燒鱈魚片，一客魷魚一夜干龍蝦刺身到喇，每人三片就已經將佢毀滅咗。新鮮係唔同啲，非常爽脆，但無乜龍蝦味，食佢個脆。個人一向認為鮮蝦龍蝦小龍蝦等等蝦蟹類海產都係煮熟至好食，肉的鮮甜和旨味先出到黎。然後個蝦頭就拎左去煲湯。鱈魚片同魷魚一夜干相繼出場，個鱈魚片唔錯丫，有啲似大發鱈魚片焼至薄脆再配天使牌沙律醬。個魷魚一夜干都好食嘅，但份量好少，屋企樓間串燒店唔係燒到燶曬都拍得住佢。到到個湯又連蝦頭返黎了。唔錯丫，湯偏咸，無乜龍蝦香同味。似係用湯烚熟個龍蝦頭然後滾多兩滾就拎出嚟。都話煮熟哂至好食，熟龍蝦頭好食好多。見狀都應該唔夠飽，再追軟殼蟹天婦羅，牛舌和雞腎串燒。之後清酒煮蜆就到。唔……清酒煮蜆囉…無酒飲就飲呢啲啦…應該

今次人多book到房💕👍🏻食物水準都仲keep到生蠔叫左兩打先夠喉喎！希望下次可以多啲種類生蠔簡仲正！之前推薦過既芝士蛋糕🍰日本斷左貨冇得食真係超級可惜呀！絕對冇愈做愈差...抵讚👍🏻下次熟蟹同凍蟹個溫差可以大啲就好我鐘意佢個酸汁好味鵝肝墊底果片脆脆唔係咁好味，下次用返多士會好味啲....同埋個沙律醬太搶味...要再改良個燒魚每次食都係燒得好脆好好味牛舌一定要趁熱食菠蘿特飲每次必點刺身都依然係做到新鮮

位於三家村嘅三家村水產，門面同內裡裝修都好有特色，門口更有個鼓，去之前見openrice其他人講話入店時會有人擊鼓，但我去嗰時係無嘅，有啲失望🙍🏻‍♀️點餐方面，首先叫咗季節刺身特上選拼盤 $688， (圖入面再加埋$100嘅象拔蚌)，共$788，有咩刺身就唔講了，因為我都數唔到出嚟😂 成盤都好新鮮，但拖羅有少少筋，但整體都好好食😳 推介～另外叫了馬友一夜干，$328，呢個係店員推介嘅，賣相燒得好靚另外仲叫咗沙白同貴妃蚌，貴妃蚌特別鮮甜，超好食！

一間餐廳，食物，服務，環境，缺一不可鯉魚門三家村，一次過滿足三個願望踏入門開始，侍應們，服務態度很出色，細心留意顧客需要海產食物多選擇，厨師將食物處理得很好餐廳知道我是慶祝生日，在最尾更送上驚喜給我，細心窩心，推介

和牛及柑橘雪芭好食！！環境好乾淨，地方好闊落，加上望到海景，又無限時，所以完全唔洗趕時間，可以慢慢食，慢慢傾計，感覺好舒服。店內服務員也有禮貌，落單個陣唔會好似考試咁，要快速答問答，問佢地意見都會耐心解答

環境其實幾好，同員工都好好服務。可惜價錢同食物定價離晒地，公司策略有問題。嘢飲方面想叫咩嘢飲都話無晒貨，得返汽水同埋有酒飲品。最慘食完我兩公婆都肚痛🐒，應該係我地自己唔受得。食物其實都好味。

老實講餐廳十分之大, 裝修係偏日式, 座位都夠大, 唔會話放完野好窄咁樣,見到有餐廳竟然有得叫半熟蛋當然要試試, 蛋就唔算話太甜,小小凍的, 應該整法既問題, 同拉麵店既半熟蛋相比下 比較軟身D 同無咁甜. 三文魚入口即溶, 鮮味都重, 外觀都整得好好, 刺身方面完全無問題,師傅明顯有一定既功底. 叫左D熱食黎暖暖胃, 廢事全部都凍, 會好易胃痛,湯底係醬油湯, 味道沒日本個D咁咸, 應該係為左合乎香港人口味,香港好少人食太鹹. 麵身彈牙 唔會煮得過耐.生蠔味道小小金屬味, 無咩太大問題, 有專人煮俾我地係十分之好既服務, 因為我地咁岩煮生蠔既技術不強~西京燒既銀雪魚係我最中意食既菜式之一,主要係西京燒陣味同銀雪魚好夾,銀雪魚口感好軟, 魚味本身都夠重,無咩骨, 易入口, 必試!整體價錢正常,服務好食物質素高推薦

先講這裏的內部環境，中間有一扇大窗，可以望到維多利亞港，望落很舒服。今晚食飯得4枱客，有3枱都係坐近窗邊。 一坐低就出去海鮮檔睇下有咩食，呢度嘅員工都好詳細介紹每一款唔同海鮮，同可以點食。 揀咗一輪，我哋揀咗三款海鮮分別係聖子，貴妃蚌同蕃薯蜆。 頭兩款浜燒，而番薯蜆就用清酒煮。蟶子都算甜美，而貴妃蚌就厚肉。美中不足之處處佢只係用電爐燒，而不是用炭火燒。日式溏心蛋，味道都可以。最欣賞佢用好多菜墊底可以當沙律菜食。柚子牡蠣一夜乾， 應該係食緊燒金蠔，略嫌金蠔燒得硬咗少少，柚子味唔夠出。串燒雞翼，燒得啱啱好。冷稻庭烏冬，主要係畀我個女食， 跟餐一隻生鵪鶉蛋， 阿女食完我先敢撈落啲烏冬到。燒菠蘿，加咗肉桂粉，食落似食緊麥當當嘅蘋果批。燒味林河豚乾， 燒得啱啱好，唔會燒到硬曬亞女食咗大半碟。九州魚生丼，最特別嘅就係中間三片酸青瓜， 引發我最後嘅食慾食曬成碗飯。總括嚟講，人頭價錢略嫌貴咗少少。不過今晚客唔多，員工都好用心跟我們解釋每一道菜， 服務滿分。另一不足之處，就係每當有船泊岸的時候，汽油味都會飄入餐廳內。如果唔想聞汽油味，可能要坐遠窗邊少少啦。

週末下午閑遊鯉魚門碼頭.....試下這間 雜誌介紹的日式餐廳， 時間太早 中午3:00 ，只有我們一枱客，包場😂😂星期一至五： 17-23:00 星期六日： 14-23:00 （有下午茶餐供應）1）飲品：梅酒梳打 $48。味道太淡，一般 葡萄🍇茶 配 北海道芝士餅+和菓子 （下午茶餐$88） 葡萄茶🍵味道好特別，好有白酒既香味，配蜂蜜 味道清清地，幾好！ 2）四式刺身 $238 味道較平常的鮮甜，肉質較實，不會梅淋，估計比較新鮮，質素不錯👍🏻帶子，三文魚，章紅魚，蝦 各三件雖然款式普通，但新鮮加分，下次可試6/8 款，試多幾種。3）清酒煮 番薯硯 $108/份 海鮮水缸內 任君選擇，可清酒煮/浜燒都中型 size, 味道平平，肉質爽實 ，尚可4） 藍鮑魚/貴妃蚌 - 浜燒鮑魚：正常 $100 只貴妃蚌 ：好大隻殼。燒咗縮到好細，但味道好濃，一放入口，好淋滑又爽口，勁鮮甜👍🏻👍🏻$98/對5） 海胆一夜干蠔$108 好鮮味，但蠔質地似 金蠔屎，好細粒，價錢較貴/ 未試過，可以一試6） 甜品：下午茶餐配 。但竟然缺貨 和菓子😩😩 只有三件北海道芝士餅味道很清，不會太甜，好味的.....唔會

朋友發現好地方，話要帶我黎一試。餐廳係三家村碼頭旁邊，邊食邊望靚海景。點了櫻花蝦豆腐同串燒，吞拿魚丼同黑松露海膽炒飯。豆腐6邊都鋪滿櫻花蝦，臨食前店員才倒入暖暖的醬汁，豆腐炸完仍是好滑，櫻花蝦炸後帶點咸香！👍👍👍串燒火喉剛好，最特別係個燒波蘿，上面加了一點肉桂粉吊味。到我最最最推介的吞拿魚丼，有齊蔥粒魚腩，赤身同中拖蘿。蔥粒魚腩入口即溶，赤身魚味十足，大拖蘿入口後，簡直唔捨得吞，個種鮮味口感，絕對比得上築地日本店。😍😍😍最後是黑松露海膽炒飯，香氣十足，除了飯面上的海膽，炒飯中亦有大量海膽，飯點炒得很分明，爽口但又唔油。唯一係店長太落本，黑松露味道有點搶過海膽的風頭。我始終係海膽的中實fans。

上星期六去左三家村食晚餐，其實之前嚟過，不過以為佢只係食燒海鮮所以冇入去試，今次嚟係比其中一篇食評提到嘅海鮮粥吸引倒而嚟，一入去坐低，即刻 order 個海鮮粥先，足料，如果佢可以用個爐熱住食就一流！跟住點左幾樣海鮮，除左燒，重有其他整法。除左海鮮，重點左其他小食，個糖心蛋，正！從未食過咁好食，油甘魚鮫，咪睇佢好似好少，但有肉既部分好多，食完已經飽到不得了，梗係要食埋甜品先完美啦，點左個燒菠蘿同芝士蛋糕，個菠蘿就唔係好得，生生地，食左兩件都唔係好食倒，好酸，個侍應收碟時我即時反映個菠蘿唔掂，點知佢二話不說幫我取消呢碟費用，我好 appreciate 佢呢個 prompt action, 唔係因為佢幫我慳番幾十蚊，我讚賞既係佢有聽客人嘅反映而作出處理，好多其他餐廳，你講完，佢只會有一句唔好意思就算。另外，不得不提，幫我落單個靚女侍應非常有禮貌而且好好笑容，呢餐，食得非常開心，兩個人食左大約1700。一定會再嚟！

呢間新派的日本海鮮飯店，位置於三家村鯉魚門碼頭，餐廳在碼頭面向鯉魚門港口，大大的窗，可以軟網整個海景，餐廳設計非常之有日本的風味，可以坐大約120人，環境非常知舒服，有一個大大的養魚缸，可以睇見活生生的海鮮。我們選了炸白飯魚干，廚房選用細緻無骨的白飯魚，加上炸粉漿，炸至金黃爽脆，絕不油膩，有非常香口。季節刺身拼盤四種，有三文魚，油甘魚，甜蝦，帆立貝，再加上Wasabi，海草，生蝦和帆立貝非常之鮮甜，兩款的魚生非常鮮味，尤其是三文魚，如有極之豐富。鵝肝牛肉果卷，鵝肝和牛油果的配搭，非常之絕配，鵝肝的肥膩，有牛油果的中和，剛剛恰到好處。一夜干馬交魚，大大條的馬交魚，加上少少海鹽，經過一整夜的風干，然後用油煎至金黃鹹香，味道濃郁。安格斯牛肉串燒，牛肉選用安格斯牛，燒烤知約七成熟，牛味十足。江戶前天婦羅拼盤，天婦羅拼盤非常之出色，炸物質點都不油膩，簡單新鮮的食材，蓮藕，秋葵，大蝦，南瓜，㸲炸金黃色，紅甲八隻，選用大大隻的花甲，用清酒。快煮，清清淡淡的日本清酒，清爽而清甜。，福岡係到焼生蠔，這幾隻生蠔放在一個烤爐架上，用網夾住，用明火炭，燒烤，聽到生蠔吱吱的發餉，生蠔的汁液，爆開和流出，每隻都

鯉魚門食海鮮新鮮就係人都知, 但去鯉魚門食日本野真係第一次, 感覺就好似去北海道食海邊新鮮捉既刺身咁!!(哈哈是否想得太多XD) 鯉魚門碼頭再行入少少就會見到, 都用左少少時間先揾到~ 餐廳有真海景, 不過今次Book位就無book到, 大家如果想有靚海景伴美食應該要早d book!! 不過本身餐廳設計都幾有漁村風情, 最大特式一定係有得去海鮮櫃到揀新鮮海鮮! 明碼實價mark好左都唔怕會比人厄~~ 刺身拼盤有三種價錢, 揀左中間價既刺身六品, 分別有金槍魚、左口魚、油甘魚、三文魚、帶子同池魚。雖然每款得2片但都幾厚切, 魚肉軟綿鮮嫰, 當中我最愛是帶子, 鮮甜軟硬~ 配埋底部既海草配菜, 差D連啲冰都想食埋呀!而愛貝類刺身既我就揀左壽司拼盤, 分別有牡丹蝦、深海池魚、象拔蚌同埋帆立貝, 可惜當日象拔蚌缺貨, 所以揀左兩件牡丹蝦, 呢個拼盤比起刺身拼盤更得我心!! 牡丹蝦入口清甜鮮美, 入口軟綿綿半化口感好正, 最正係帆立貝, 非常厚肉鮮甜, 肉質充滿彈性, 日本米黏糯有咬口。 燒味醂河豚干真係每次都必點之物, 呢到同平時食差唔多, 唔會過咸, 切得比較幼身, 感覺上食極都有XD 日本