生龍清湯腩 (Closed)

有一排無食生龍，諗住去食個開心早午餐坐低要左個蕃茄牛腩米同埋油菜一碟食物一陣就到，明明叫左兩次牛腩要肥d，結果碗麵d牛腩又瘦又靭，蕃茄湯如果無左個幾舊蕃茄我以為我叫左清湯，係碟菜正常少少。咁就收我$50，行過隔離街食牛什粉麵都好過佢。真懷疑係咪轉左手，d食物質素退哂步。臨走同收銀阿姐講d牛腩好靭，佢話: 喔？係呀？扮無知，唔駛旨意我再支持。

論到美食，最適合香港人口味而又合符經濟原則莫過於吃一碗腍滑入味的牛腩河。坊間有很多出名的清湯腩店也嘗試過了，唯獨這間時常被譽為出色的湯腩，我從未試過。適逢這晚走到旺角覓食宵夜，經過這間生龍裡面人生人海，便走入去試試。店裡的裝潢簡單，枱凳以原木為主，店裡並不算大，只有十幾張枱，牆上貼滿了用人手寫的菜式，感覺很特別。生龍開設了六間分店，主要在九龍區。這裡除了牛腩出名外, 咖喱和雲吞麵也不遜色。這裡以崩沙腩、坑腩及爽腩為主的清湯腩。據聞老板只選用高級食肆才會採用的閹牛，這種牛牛味是比較香濃充實，而且價錢相對也比較貴。而店裡標明不用味精、雞粉等添加物，而湯底只用每天百多斤牛骨熬製百多斤牛腩，再加自製配方及加入多款蔬菜熬製出來。我們分別點了一碗清湯腩河和一碗爽腩米線，各半肥瘦。清湯腩河, 一貫慣例，先來渴一口湯，湯頭感覺有點過油膩，但的確是很濃的腩味，而且有著啖啖的清甜味道。略嫌牛腩份量比較少而且咬下有點韌，最後也不能把牛腩㖔下去。爽腩米線， 爽腩是牛肚皮的腩位，有塊薄軟膠質，吃下爽軟不硬。這裡的爽腩一點腩肉也沒有，只有幾塊軟膠，吃完感覺不到吃過牛腩來，而且四十元一碗真的不化算，有點失望！

生龍是一間專賣清湯腩的港式粉麵茶室，至今已有至少三間分，於本土清湯腩壇中算有點名氣。相信位於深水埗的是原祖店，暫未有緣相會，今次試過旺角分店後，再到訪此品牌店的機會微乎其微。牛腩分多個部位，多種食法。 只數算牛腩的部位，除傳統清湯牛腩牛筋外，還有坑腩，爽腩，崩沙腩，牛面珠，牛利，牛尾， 可謂由頭吃到落尾。清湯腩專賣店有咖喱，蕃茄湯底不足為奇，這裏甚至有菌王及黑白胡椒等食法，實行不放過彡何配搭牛腩的食法，把腩香發揮到至極。組合變奏出的味道又是如何呢？甘香爽腩麵（$30）幼麵的色水偏淡黃，比一般的淺色，熟稔度滾得剛好，條條分明、質地爽身，但唯一敗筆處是略帶鹼水味，不大討好（雖本人不太抗拒）。爽腩，腩肉連厚厚的筋膜，抵讚的是，牛香十足，正如店方說的用料新鮮。口感方面正如字般，比一般蝴蝶腩來得煙韌實身有嚼勁，但韌得過份，想咬開也成問題，恕我不懂欣賞這。黑白椒胡煨牛尾（$26）屬淨食的一類，大概半碗份量的椒胡湯底，湯浸著七八件大大小小的切件牛尾，還有數大塊白蘿蔔塾底。湯底椒胡香很澎湃，衝著口及喉來，非常不錯，但份量太少無法當湯飲。然後，同樣的問題再發生， 清湯腩及煨的烹調法，我會理解為長時間浸煮

我記得我以前黎食過咖哩, 係唔錯嫁, 但今次行過再食, 就真係失望呢一間生龍清湯腩餐廳, 除左賣清湯腩之外, 另一個招牌菜就係巴基斯坦咖哩。本人羊狂, 見有羊架咖哩, 就拿拿臨叫黎食下試下啦, 點知結果都幾令人失望。黎到, 其實個咖哩熱辣辣係幾香既。但用匙攪一攪就幾發覺都幾稀-,-稀到似乎同水都冇咩分別而羊架呢, 有兩支, 但都幾少肉肉質幾硬幾難咬, 幾唔好食而個咖哩我係叫左大辣既但結果黎到就真係唔係好辣而個咖哩其實都真係麻麻地-,- 下次都係唔好再黎食而且, 價錢都未必有點貴, 七十幾蚊食兩支冇咩肉既羊架

半肥瘦清湯腩麵走蔥，啲湯好好味呀 ﹗有濃郁牛味，全部飲晒 ﹗牛腩肉質夠腍，但肥膏太多，一舊舊呀 ﹗雖然要肥先好食，但不能太肥麻，無咩肉食。麵質烚得剛好，爽彈好味，但份量太小喇，點夠我食呀 ﹗

半肥瘦清湯腩伊麵走蔥，清湯腩最最最緊要係啖湯，當然要好認真地大啖大啖地試啦，好清甜、牛味濃，有無味精食完睇吓渴唔渴就知喇。牛腩炆得夠腍、肥膏位爽滑，唔會食都滿口係油。伊麵質地可以啦，爽口啲、嚥靭啲更好。

蠔油菜芯，好老啊 ﹗看得見的老，啲莖巢晒皮架 ﹗葉就免免強強過關啦，上次食嗰碟好嫰好爽好甜架喎，依家老成咁，劣 ﹗爽腩麵走蔥，哥仔話完來爽腩係無瘦架喎，咁真係搞到我分唔開爽腩、崩砂腩、坑腩、牛腩、肚腩、胃腩喇 ﹗爽腩炆得勁入味，質地鬆化軟棉，到底爽在那裡呢？湯好味道，清晒去 ﹗

清湯牛四寶伊麵走蔥，我都話走蔥咯，又唔記得。好采佢地啲蔥放係隻羹度啫，即刻掉晒去。依度實在好多選擇，唔知食咩好，咁黎個什錦試試啦。清湯好香甜，話咁快比我全部飲晒。好掛住第一次食到既腍滑牛腩，今次同樣都係遇唔到，牛腩勁多肥膏，肉位又硬又乾，失望 ﹗牛肚有陣酸味，我接受唔到囉。牛脷過腍，完全無爽口感覺。牛筋嚥靭膠口又棉滑，正呀 ﹗伊麵烚得不過不失啦，收貨。

清湯腩質數時好時壞，師父真頑皮，咪玩我啦 ﹗上年無意中發現間好味清湯腩喎 ﹗傳聞咖喱更出色，暫時無緣一試呢。淨清湯牛腩半肥瘦大、淨清湯牛腩瘦細，兩碟加埋成 HKD168 呀 ﹗都幾貴啊 ﹗買返屋企同女友撐枱腳，將兩款撈埋，開住個爐滾住食，熱騰騰 ﹗女友十一點半收工終於可以一齊食晚飯喇，餓食我喇。蘿蔔勁甜又勁腍，吸收晒牛腩既精華，好好食 ﹗牛腩炆得入味非常，口感軟棉滑溜，高水準。勁鍾意食辣既我，今次連辣椒油都唔要，食原味超正 ﹗濃郁清湯非常甜美，全部飲晒一滴不漏 ﹗

第一次幫襯，試吓您咩料子先 ﹗清湯，跟撈麵的，頭幾啖幾清甜，但越飲越咸呢，過咸喇 ﹗有舊蘿蔔送喎，都算爽甜既。蝦籽清湯腩撈麵，原來佢地既半肥瘦定義係咁架？我覺得好肥吓喎。有崩砂腩、爽腩、清湯腩揀，仲有半肥瘦、肥或瘦揀。蝦籽真係超足料，好抵食，但真係過多喇，有啲咸啊 ﹗咸湯加咸麵，咸上加咸。腩好腍好滑，但係肥左少少。

與太太辦完年貨，拿着大包小包的十分累贅，晚飯就只能匆匆忙忙的在附近快食，吃完後便要馬上回家與小友相會了...太太建議到"生龍"吃牛腩。這兒的東西一向夠大件頭，食完一定夠飽。記得上趟獨個兒來只吃了碗清湯腩後已飽到反艇....今次重施故技，要了坑腩連湯飯。飯仍是沉甸甸的一大碗，努力的不斷扒啊扒也好像永遠吃不完；坑腩有點偏肥，瘦肉部份有點嚡韌，只是很一般的水平，不過一大碗有七至八片，自然又是抵食之作；蘿蔔一直是這裡的弱項 --- 入口毫無清甜之感且有少許渣。偏硬咬口的蘿蔔往往很難嗦湯，這樣的貨色又怎會好吃得到哪裡 太座平常不太嚐辣，但這夜反而叫了咖喱腩來試。巴基斯坦式的咖喱一直甚得本人歡心 (可能自己是一個不折不扣的洋葱狂吧)，這兒做出來的不論在辛辣及稠度都頗讓人愜意；牛腩的水準味道一如自己那碗坑腩的無甚大區別，只是so so而已....要了一客炸雲吞作小吃。外皮金黄香脆且出奇地不太油膩；餡內的蝦肉夠爽鮮且有不少豬肉混於其中，是很理想的雲吞餡組合。醮大量甜酸醬來吃，很開胃....匆匆如狂風掃落葉般的吃完，便馬上歸途了....

一個人食飯，見呢間野長期咁多人，又講到咁好，咁諗住幾好食點知....中伏，我咩都擺落口好少話一樣野唔好食的但呢間野的確唔好食　我叫左咖哩牛腩河，試一試個清湯，一個字咸！啲河粉又好少，我一個女仔食完都唔飽.... 啲牛腩仲誇張，得幾片，而且好硬.....講真，我覺得我屋企樓下茶記既牛腩河啲牛腩都唔會咁，失望！

今次再光顧生龍是補吃上次吃不到的咖喱.但我今次仍然點了蕃茄濃湯系列的蕃茄牛根粉絲, 為什麼又點蕃茄濃湯, 因為生龍的蕃茄濃湯不同一般食店淡而無味或味精湯感覺, 這裡喝下去帶點像媽媽煮湯那份清甜的感覺. 最重要一點, 上次只試牛坑腩, 今次就試一試牛根吧.我碗的牛根多到數不完, 長度有長長短短. 每根牛根都非常"諗"又不太鹹.友人點巴基斯坦咖哩牛腩巴基斯坦咖哩與印度咖哩不同, 巴基斯坦沒有好香的咖喱味, 吃下去有點沙質感覺. 應是咖喱粉未煮溶. 它們相似是落了檸檬葉. 至於辣度, 我們是點了少少辣. 不太"搶口". 吃後有點暖烘烘感覺不會至於吃到滿頭大汗. 不吃辣的人選這個辣情度是可接受. 薯仔煮到有點軟, 但我接受. 因為我不喜歡咖哩裡的薯仔是硬那種感覺.吃到最尾發現好多牛根哦, 牛膏一早溶在咖哩汁內了.我們還點了時菜, 不太鹹又不太油. 是健康之選哦

今晚11點幾朋友想找個吃飯的地方,而我就想找個吃甜品的地方,點算好??如果大家都有這樣的煩惱,我可以介紹你來這間一來到,朋友立即就點了這裡的招牌咖喱飯"金牌咖喱薯仔牛腩飯",牛腩要咗瘦腩+一杯咸檸七,咁我又有少少口痕,就點了一個"自家制香煎墨魚餅",等咗一陣就立即有得食,這裡的咖喱都幾有保證的,不過對我來說很辣,所以都不會點咸檸七,底有半舊唔知青檸定黃檸的物體+整杯冰+雪碧,唔知點解飲落得咸七味,個檸"督"極都無檸味再過一陣"自家制香煎墨魚餅"也到了,給了一點泰式甜酸醬來點,入口都幾彈牙不過無乜墨魚味到最後就叫我的甜品了,一直以來都鍾情這裡的芒果布甸和芒果糕,不過今日賣晒,問個侍應仲有乜野揀,佢話得番紅豆糕,就當試新野就要咗3件(因為10蚊3件),好快就來到了,就吃第一舊啦,都幾好吃,內裡的紅豆普通多加上是實的,唔算好"淋",有咬口,椰汁幾香,食完見到第2台有人想叫甜品,另一個侍應竟然答了,仲有一件雪耳糕!!!!!!!(點解我叫冇得揀??),唉...........算我無口福無得試啦

每次去MK行街, 一定會大出血. 因為太多心頭好聚集此點行了一會便發覺肚餓, 便隨便走一間粉面鋪頭吃晚飯.最初貪吃粉面快, 快手吃過後又可以再shopping. 所以我對這間粉面無期望. 但坐後朋友對我說, 數年前在荃吃過此粉後一直念念不望. 今次有機會再吃, 所以他特別興奮介紹我一定要吃爽腩. 因為頗出名. 友人點了沙腩河 因我減肥中就叫了一碗茄腩粉絲, 我聽朋友意見要爽腩, 所以要加錢粉絲吸收蕃茄湯精華, 正呀我地還叫了一個菜埋單這裡除了出名爽腩外, 還有出名咖哩. 我下次一定會來試.還有這裡合適長期糧尾又對食物要求高的朋友一個好去處