三洋餐廳 (Closed)

我每朝返工前都喺屋企附近茶餐廳食早餐，三洋係會encore既地方，我對早餐粉面麻麻，所以通常揀早餐G，有餐飲，我通常揀熱鴛鴦，包就升呢做脆脆豬，以前熱辣辣好脆，而家就普通咗d，仲可以揀兩樣配菜，我會揀太陽蛋同腸

是日平安夜，唔想俾人鋸到一頸血，咁就平平地去歎吓茶記啦！深水埗咁多間茶記嚟講，佢都算得上數一數二乾淨企理架喇！入到去啲侍應好好，成張卡位俾晒你坐。一睇吓個餐牌，咩都有豐儉由人。咁我就擇左食什扒餐而我老公就點左個漁香班腩套餐。首先上菜是忌廉湯，還是一貫茶記麵粉溝的忌廉湯，不過都幾滑嘅。跟住到的是漁香腩班煲，中規中矩。但什扒餐就有點讓我失望！只有三塊扒（豬牛雞）加點配菜。如果閣下跟我一樣，期待有腸仔、火腿之類咁你就會失望喇。不過，有古法港式茄汁意粉都算加追少少分啦。最後，杯涷奶茶夠香濃，唔錯。

今日獨個兒行鴨寮街,行下不經意已是下午茶時間,見到三洋餐廳,見有位便入了去。見到餐牌,有魚湯米線,不是一般的常餐,快餐便叫了個時菜肉片魚湯米線配熱奶茶。一喝口魚湯,有些少鮮魚味,但有些咸,有數條生菜,那肉片的份量適中,不靭。但米線略為少了點,但煮得剛好,不會太淋。奶茶很香的紅茶味,配合淡奶,很香滑。以30 元的價錢算是很便宜了.

下午經過入去食咗個午餐豉椒牛肉河跟凍檸茶叫咗五分鐘就到色水幾好睇，份量吾算多食落口幾有鑊氣，牛肉都算滑個豉椒汁夠惹味，不過汁少咗啲比多啲更加好河粉都算滑，不過都係太少食完都吾夠飽凍檸茶同平時茶餐廳無分別地方算大都好乾淨企理服務就一般，價錢稍為貴午餐雖然凍飲成五十元

環境唔錯 入到去啲服務人員會同你打招呼 上菜落單都好迅速 人流整體都OK內部裝修傳統 呢款時菜豬潤公仔麵 賣點呢就係個湯底嘅鮮甜 徹底咁嘗試到嘅味道同埋個湯底嘅美味 好有層次感不過就得4塊豬膶就少咗啲囉 索價＄30 另外咖喱豬扒飯 幾足料豬扒多過咖喱 咖喱都幾正宗 豬扒好新鮮 混合埋一齊都好好食汁尤其是用黎撈飯讚不絕口整體還好 會再次光顧 ^u^

點了個魚湯飯，之前分別於佐敦及油麻地多間分店幫襯開，食過認為有保證，想不到深水埗此間分店出品會這麼差。魚湯溝水不在話下，只是一個有色的湯底，淡而無味，餸菜的份量少得驚人，黃鱔是其他分店的三份一份量，每一件也切得很細小，肉質更是霉，明顯是不新鮮。田雞是其他分店的一半份量，田雞肉並非白色，而是紅色偏啡，非常咸，味道十分怪！不得不提的是出餐時間，這碗魚湯飯我足足等了二十五分鐘，隔離枱的客人情況更惡劣，等了三十分鐘，心急有要事做的客人請勿惠顧。一邊吃已經提醒自己下次不要再幫襯，回家途中肚子突然非常痛，就像是扭毛巾般，不停標汗，當天晚上肚瀉了足足七次，整晚沒法子入睡，以後也不會再亂試其他分店！普遍員工態度正常，唯一短髮沒戴眼鏡之女侍應對客人不停呼喝，態度非常惡劣，望貴店多留意員工服務，該侍應確實會影響貴店之生意。

週末下午茶時間到上址, 客人座滿一半, 在狹小空間之下找一個位置座下, 以前在這店食過米線知道這店嘅魚湯相對這區任何一間茶餐廳或者酒樓都勝任有餘! 所以心裡早就決定是米線, 只是選什麼餡料陪襯而已, 當日心想魚湯配魚肉製品吧, 於是乎叫了” 鯪魚球”公仔麵而非米線, 一會兒後, 熱乎乎的米線送上, 除了鯪魚球之外還放上一條稍粗碌的菜芯, 條菜芯煮得剛剛好剩番少少咬口, 中間重好甜好有菜香味, 鯪魚球一咬落即感覺到澎湃的淡水魚味/陳皮香味, 口感是彈牙的但又不是橡膠口感, 還有充滿魚味的奶白微黃色湯, 以這個價錢絕對值得, 個人十分推薦此店的魚湯產品, 其他的則還有待發現

星期六瞓晏左，11點落街食個brunch，呢條街好多餐廳，睇左一陣之後就揀左三洋~ 襯未到1130都仲可以食早餐叫左個西西地既早餐，羅宋湯底既鏍絲粉，個湯底又真係幾濃，又多蕃茄肉碎，所以都唔錯另外仲有配多士，我就揀左餐肉炒蛋，個多士都幾脆幾香，不過蛋同餐肉份量都幾細，不過夠少油!普普通通一個茶餐廳套餐啦，但最好唔好坐近門口，開門關門有陣熱風衝入黎，一路食都仲係熱辣辣，唔多舒服...

來到深水埗，知道這兒除了有出名的腸粉小食店，還有一間出名食湯飯的餐廳，位置距離西九龍中心不遠。放下平日工作，放下沉重心情，好好來一個湯飯吧！不吃肉的星期一，湯飯材料當然也是「無肉無求」，清清的配菜，蕃茄、豆腐、油麥菜，心情即時放下來。魚湯味道真不錯，味濃而不口乾，應該沒有味精吧。配料新鮮，不用點豉油吃。湯飯可以改米線、螺絲粉，個人認為配飯是最好，因為跟湯分開上。因為想把湯喝掉，胃部再沒有空間，所以沒有點飲品。盛惠三十七元！一個不算便宜但絕對稱不上昂貴的價錢，把我吃飽飽的，滿滿足足的。

正當公司的展銷會開得如火如荼之際, 當日完事後, 同太座會合由於有點攰唔想週圍去就在家附近隨便吃一點吧! 時間上比較晚了, 差不多十點不想多吃, 就到三洋餐廳要個湯米線再加個炒野食吧!所以, 一個魚片蕃茄湯米線會是一個不錯的選擇, 附上兩條菜芯算是店方的心意吧! 魚片剛剛熟亦有相當嘅厚度, 湯頭依舊鮮味, 這裏的魚湯底實在是此店的賣點! 另一個炒野叫咗: 星洲炒米, 一個普通之極的港式茶餐廳菜式, 咖哩粉落得唔夠多雖則已經炒得均勻至一片黃, 又或者師傳沒有落黃薑粉同炒亦唔定, 所以色水未夠金黃, 有义燒絲但一點也未炒出燒味的芳香氣味,紅椒/綠椒絲未夠多致顏色未見斑爛, 最失敗的是蝦只是一堆貌似蝦的無味纖維, 一早被水喉水沖至鮮味完全流失, 明白這是9成茶餐廳的例牌做法但已經做了幾十個年頭, 真的要這樣丞傳下去的嗎? 蛋也炒得不夠散, 如果可以落些青蔥段效果肯定會更好, 可見這店的師傅並未完全掌握得到星洲炒米的keypoint在哪裡, 各位有機會來這店的話,真的想叫炒野食的話, 可以剔除這個選擇了!

三洋出名係湯飯，第一次幫襯就係油麻地果間，之後搬到深水埗，發現原來都有間三洋，打探後原來呢間同油麻地其實係兩黎嘅，去試，D 野食湯飯當然係 keep 到一樣水準啦，咁咪一路幫襯啦！點知有一日，發覺唔見左老闆娘，原來賣左盤，之後都有幫襯，依家唔知係咪旺左，攪到鬼死咁多人，都無所謂啦，反正都行左過黎，咪等下囉！終於有位咪坐底叫野食啦，都係叫左個湯飯，點知食落去 D 湯淡到水咁，無味嘅，直頭係熱水咁，賣晒咪賣晒囉，做咩加水啫，攪到滾水白(圾)咁，垃圾！自從賣左盤就攪到咁，真係越整越衰！  以後都唔會再幫襯呢間野！

今天叫了金牌特餐, 即早餐等於常餐, 常餐等於特餐那種。主要因為太喜歡吃沙嗲牛肉公仔麵。這裡所謂金牌, 主要係可選厚多士或蒜茸包, 不是普通的牛油白麵包。亦有芝士磨菇火腿炒蛋或西班牙奄列, 而不是普通的腸仔煎蛋。今次的厚多士比較濃, 不過亦令到脆口大增, 西班牙奄列很大份。沙嗲牛肉公仔麵方面不是平時普通的牛肉, 而是肥牛, 還算可以, 仍是普通大塊牛肉會滿足些。食那麼濃味的食物, 一杯涷檸茶是非常解渴的

今(17-2-2013 Sun)朝早趁男友未返工,拎o野畀佢,順便一齊食早餐啦,佢又提議呢間,因為覺得價錢公道.我o地o黎到坐係一邊卡位,然後決定o左叫咩o野早餐,不過由於男友都有幾多o野拎,所以我見到後面有卡位走,就即刻調位,調o左位至叫o野食,咁又冇亂啦.我o地同樣叫$30.00o既歐陸早餐,同樣加$2.00要凍奶茶,男友就揀牛油厚多士,西煎豬扒,腸仔同煙肉配茄汁焗豆;我揀法式蒜茸包,香煎雞扒,芝士腸同午餐肉配茄汁焗豆.好快凍奶茶o黎到,茶味唔濃,但口感都幾滑.之後兩份早餐都到o黎,細細件o既法式蒜茸包就只有一件,比起大大件o既牛油厚多士,真係唔抵.好,我就先食式蒜茸包,佢係脆口,但,點解會係苦o架?麻麻喎.而雞扒呢,皮脆肉亦嫩,OK o既;男友就話食豬扒食到大陣鬆肉粉味,我都食半件,我食唔出添.除o左件煙肉炸過火外,佢件牛油厚多士同其他o野,都冇乜問題;茄汁焗豆都畀得幾多,OK o既.服務:好好,好彩佢唔嫌煩畀我o地轉枱,而且我o地起身走時,佢都講句多謝.

深水埗區有好多茶餐廳.............友人帶我去1間出名食魚湯飯.............所以由nov月尾, 12至jan頭, 13...........共嚟咗4次.........食咗 :1) 魚湯飯 (hk$33)-第1,2次嚟當然要試吓最出名嘅魚湯飯啦-menu上標榜無添+魚湯底-熱辣辣,飲落雖然唔濃魚味,但真喺好自然,色澤對辦,調味唔重,所以唔會好鹹,真喺唔錯,魚湯份量好多,之後我都有慢慢飲晒d湯,真喺唔錯架,尤其睇埋價$$$$-佢嘅餸喺自由配搭,好似食車仔麵咁............有近20款嘢(肉/田雞/魚/蔬菜等)揀2種............再喺近10款蔬菜揀1種-相呢碗,我揀咗肉丸+芫茜............再搭個絲瓜-佢嘅肉丸細細粒,有麻油香味,唔似現成貨,似自家製多d,幾好味-其他材料靚靚仔仔,新鮮-還是喜歡第1次嗰碗有番茄的,令個到魚湯底有少少酸味,味道比呢碗豐富-所以下次番茄會喺我嘅鐵膽-飯同湯喺分開上,除咗飯,可以揀米線的-呢碗魚湯飯好住家,油都唔多滴,啱晒我呢類自顧又懶嘅人士........成日都要出街食2) 金牌特餐 (hk$33)-呢度嘅特餐

19-9-2012(Wed)晏晝,同男友拎佢o既o野返屋企放低後,就去佢北角同筲箕灣o既親人家派手信同食晚飯,臨出去前佢又話要食啲o野,去食和味串光燒,但未開,咁去茶餐廳啦.行行吓行到呢間就入去啦,我要$28.00o既炸雞髀沙律,飲熱奶茶,男友要$27.00o既豬粉腸公仔麵,加$2.00飲凍檸茶.等o左一陣,兩杯o野飲到o黎,杯奶茶好香,可惜只有唔濃o既茶味,冇奶味同唔滑.(男友o既豬粉腸公仔麵到o黎,只有兩,三件豬粉腸,我都食一件,原來都算爽爽地,男友好欣賞啖湯,話唔係味精湯,而係魚湯.而我o既炸雞髀沙律就要繼續等,終於等到喇,食落,皮脆肉都有汁,不過鹹o左啲啲.沙律冇乜問題.