Schwaz Cake and Chocolate (Closed)

特濃黑朱古力芝士餅 - 見到咁多人話好食, 咁就試下啦, 一試之下只屬一股, 好失望, 蛋糕唔夠滑, 食落仲帶有少少酸味, size 又比一般細, 而且價錢又比較貴, 唔會再有下次, 呢啲咁嘅quality 都讚到咁, 出面同樣價錢搵到quality 好過呢個好多啦~~

之前食過個特濃朱古力cake, 覺得都算OK, 早兩日再次遊歷又新街, 見到呢間舖, 忽然想試下佢其他product. 於是買左件石板街芝士cake, 但一食之下, 覺得幾失望, 同件特濃朱古力既級數爭好遠. 個石板街唔係好覺有芝士cake feel, 但又唔係normal cake, 總之食落口既感覺好怪......我諗我下次再有機會入元朗, 唯有再試下第二隻 la .但見佢有個狗狗cake, 又覺得呢間舖既老闆又幾有心思.

我係哩間Cake Shop既常客, 今日黎買野聽見老闆話有人係哩個網言話佢地D野唔好食, 戥佢地唔扺.New York Cheese Cake,同黑朱古力我都食過, New York軟硬度適中,太軟既話就無口感啦.黑朱古力既朱古力味好濃仲帶苦,話明係黑朱力梗係要苦啦,如果唔係不如食牛奶朱古力,至於曲奇餅人地都唔係好硬傘,佢地無加化學野落去喎點都健康D啦,仲有人地係門口玩狗有乜問題呢,又唔係無洗手就賣野俾你,話人有細菌,街就有菌啦,根本就係針對d狗.我今日就食左個豆腐芝士蛋糕,芝士同豆腐好夾,好滑,清清地,我就覺得佢地無咁差囉,雙返仲唔錯tim.

從小巴一跳下來,又走到這間芝士餅小店裡八卦一番!餅櫃裡最吸引我視線的就是這款黑朱古力芝士餅,只因今期突然勁想吃朱古力......顏色深深的餅面上有著點點金色,外表比其他餅款有貴氣吸引;這款芝士餅包含了三種不同口感;最頂層的朱古力漿軟滑、中間的餅層帶實、最底層的曲奇餅底最脆口也最硬,同樣地有著濃濃的朱古力味道,所以吃不出有芝士味道。個人較喜歡中層的餅身,實實的蛋糕給自己有很實在的感覺,不會有吃了等於沒吃那種空洞感;最不喜歡是底層那硬硬曲奇底,最初還以為是烘焦了的餅底,分開來吃才知道是曲奇餅碎,只是實在太硬了!也許自己較喜歡像消化餅那種鬆脆感覺吧。小店除了售賣芝士餅和曲奇外,現在還提供狗狗曲奇餅和muffin,價錢跟人吃的不相伯仲!

之前試過佢既Newyork cheese, 感覺唔係太好味,個餅唔掂,D Cheese 又硬過頭,但平時行過都見有人幫襯,最近又見有人係呢度推介, 咪以為上次偶有失手,所以最近再幫襯佢既皇牌- 特濃黑朱古力芝士餅,賣相幾靚,不過食落口又再次令我失望,仲要賣成三十幾蚊件.個cake 又係咁硬,朱古力味係就係好濃,不過濃到有點苦,結果變左食唔到芝士味. 再說,我亦有買佢地的曲奇,口感亦同Cheese Cake 一樣,好"硬".最得人驚就係個日佢門口有隻狗,個店主對隻狗又摸又鍚,呢間係食店黎架ma,感覺好似好"拿渣"咁,就算佢有洗手,個身都會有細菌la....Oh~~~NO!!!!!.老實講, 係元朗,佢D咁既質素,一件cake都要成廿幾三十蚊,好貴~~~,咁既價錢,好多好味過佢,我都係去番伊藤家好過.>_<.

這家店舖在元朗又新街,店舖小小,但有8款我最喜愛吃的芝士蛋榚,好可惜,8款我祗可以買到7款,因為它的其中一款早就賣晒.真失望.不能全部試試味.但想不到一間o甘小的芝士蛋榚專賣店,可做出比得上大酒店的cheesecake的味道,一入口就有芝士味,又香又滑,我第一件食的是混合益力多味的芝士蛋榚,好特別!另外一件係底部有d cokkie餅伴住.香味和口感一流.其如留下日後再講,提醒大家食cheesecake,飲一杯香濃咖啡會更好味o架.

這間店其實路經過一次的，但老實講cheesecake的賣相並未能吸引我幫襯。後來見人介紹新出的特濃黑朱古力芝士餅，才再次引起我的興趣，特別前去一試。　特濃黑朱古力芝士餅($32)-大家講到好好，閃閃生輝的賣相又的確吸引，價錢又貴了一截，自然有期望，結果再一次期望換來失望：黑朱古力味的確濃厚，但與芝士味完全不夾，是錯配了；質感亦不夠細滑，講真食了兩三啖已不想再續。　Bailey's芝士餅($25)-為是日精選，酒味與芝士味均十分之輕，加上半mousse cake的質感，以柔美特色過關，至少比上面那款要好。　同媽咪講這兩件元朗cheesecake要$57，令她好意外，其實以質素計真的不太抵食。由於店主態度很好，又請我試食特濃朱古力曲奇(雖然麻麻)，還未忍心給個喊評，不過我自己就是不會再來幫襯了~

朱古力味夠濃,加上朱古力曲奇餅底配合得好好,芝士味也不錯,但有少少芝士與朱古力味不是整件味道均衡,有啖芝士味重,有啖朱古力味重,不過整體唔錯

食完B 仔涼粉, 糊里糊塗行0左去uncle 介紹我0地去睇睇(「0個度幾旺, 好多0野食0架!」) 的又新街, 見到呢度有cheesecake 賣, 二話不說買了件honey cheesecake ($25) 試試.焗製0既honey cheesecake 賣相homemade, 夠乾身, 口感幾rich, 食落帶蜜糖0既香甜味, 但又唔會過甜(起碼食完喉嚨無唔舒服0既感覺), 食完唔覺得漏, 非常好食! $25 一個slice 好抵, 推介!女店員主動問我0地要唔要膠叉, 仲因為見我0地兩個人, 俾了兩隻叉-- 雖然其實得我一個人食=P, 但佢0既安排又幾細心.有誠意0既小店... 我會再返0黎買蛋糕食! 加油!

今日經過元朗又新街見到一間勁細舖頭係賣cake的.行近睇下原來買cheese cake,見到佢d cake個樣都算靚,價錢就由$20-$32,我一眼就見到佢件黑朱古力芝士蛋糕,因為個樣好靚仲有金泊係上面,仲要係最貴,因為我好鐘意食黑朱古力所以買左,返到屋企就急不及待開黎食,真係超好食,朱古力味超濃,朱古力味留係你個口入面好內都唔散,口感好結實，個別＄３２總算無令我失望．大家一定要試下．

今晚吃過飯後路經,今次益力多藍莓芝士餅有貨,故買了1件回家慢用蛋糕面有1小粒新鮮藍莓在頂+小小whipped cream,質感明顯較上次軟身,所以味道似新鮮貨,間中食到新鮮藍莓蓉。細味間,每啖都有芝士味的餘韻,不錯今次serve我的是個眼大大,好精緻的小妹妹。雖然年紀少少(應仲喺小學生),但都恰如1個成人的店員,好淡定,好好笑容。問完你仲有無其他需要,又問你要唔要叉,最後1句多謝梗喺唔少得啦

今天lunch後,買了4件試吓。之前見~snoopy~寫有益力多藍莓芝士餅,1心來試吓,但剛好比之前的客大手購入,連mini cake size都無埋,唯有下次再試1)檸檬cheese cake-4個之中比較好的因酸酸地的檸檬味令件餅無咁膩口2)new york cheese cake-質感好似唔夠軟3)blueberry cheese cake-個藍莓醬做得好1般因無嘜藍莓味4)strawberry cheese cake-無嘜特別

三大一小從元朗大馬路走到又新街找吃,向右看看馳名串燒,向左看就見到這間芝士餅店的小招牌,在好奇心驅使下跟小表妹走到店前研究一番。名符其實的小店,門外剛好放著一個蛋糕櫃,上面有些玻璃罐裝著好幾款曲奇餅,老闆和其他果汁機等等就在櫃後地方;當我和小表妹在研究蛋糕時,有禮的老闆就走出來招待我們了,老闆介紹我們吃益力多藍莓芝士餅,但我們卻只對new york cheese cake有興趣,今次先試這款吧。小小一角芝士餅索價$20,以價錢來說不算貴,但以份量來計就不算太便宜;芝士餅芝士味算濃郁,雖未達自己標準但已經算是味道不太淡,一般客人應該接受得到;蛋糕質感很滑溜,吃起來沒有粉粉那種怪感覺,這方面是很不錯;硬度方面是中間路線,不是軟綿綿也不是硬的的;甜度也很適中,不是甜到膩的芝士餅味道。小店除了切餅之外,還有size 小小的原個芝士餅($50),兩個人吃剛好,比起買兩件切餅的份量多,有機會可以考慮。另外,買滿$40可有一個印仔,儲滿4個印仔送芝士餅一件,看來我也沒有機會有免費餅吃了。老闆斯文有禮但又可以開玩笑,小表妹要求要膠叉,我又多口說:"佢要有叉用";老闆將芝士餅給我們時就笑著說"呢個有叉用