蛇王燊

Open Now

Now Closed

蛇羹好食，龜苓湯也不錯，蛇腩飯十分出色，有套餐可供選擇，套餐中的蛇羹及龜苓湯份量較少，大食的朋友可以加大！單點蛇羮有大少可以選擇！如果有喉嚨痛，店舖有蛇膽陳皮可以選購！

好冬所以諗到要食蛇。呢間街舖好細，好彩佢有樓上空間大好多。第一次嚟就試個c set 蛇羹加臘味飯加菜。蛇羹太細碗有啲唔夠喉，但好足料。臘味飯就無乜料得花生、蔥、超細粒蝦米。菜就凍，唔知係咪因為天氣太凍。見其他人食煲仔飯，好足料好熱騰騰，下次會試。

11月尾終於帶點秋已經入冬，終於就……在【蛇王燊】食了今年的第一碗蛇羹。店舖不太大，門口放了幾張枱，氣氛更加好。細門口沒有像小，蛇舖一樣擺滿一個個蛇箱。店舖門面貼了幾張雜誌及報紙訪問吸引客人。【蛇王燊】有蛇羹、蛇湯、蛇酒、龜苓湯、臘味糯米飯及煲仔飯。其中最好賣當然是的蛇羹、蛇湯。【蛇羹（大）$69】這個蛇羹稠如糊，而且蛇羹超級豐富。湯底材料有木耳絲、冬菇絲及雞肉絲，蛇肉份量超級多而且非常大條。蛇肉結實、稍為粗鞋。湯底味道濃郁，稍為鹹了一點，但食得出沒有落味精，加上檸檬葉與蛇羹確實是一個絕妙的配搭。

冬天來了，在灣仔上班的我每逢冬天都會光顧蛇王燊。店內有抵食的推出煲仔飯配蛇羹或蛇湯套餐，選擇蠻多的。由於街舖地方所限，所以我多會外賣回公司吃。該店共有四份蛇餐供應。今次我點了最基本的蛇羹+糯米飯套餐，加了$39便可以加大蛇羹，大概是多一陪的份量。蛇羹味道清甜，吃下去可以看到蛇肉份量蠻多的。每口都有一絲絲蛇肉。蛇羹加上檸檬葉和薄脆，檸檬葉十分清新，薄脆又增添了口感。糯米飯雖然不是生炒出來，但質素也不錯。糯米飯入口煙韌且黏性適中，而且充滿臘味的香。套餐還有一碟油菜，油菜嫩綠，份量算不少，實在十分豐富。除此之外，店內還荮提供了特色的煲仔飯如蛇腩飯和黃麂煲仔飯，好像未曾在其他地方見過，打算下次再試看看呢。

食過咁多間蛇，最好真係佢，足料蛇羮其他地方都有，但個蛇腩煲仔飯，第二度食唔到，一個套餐一舊水唔洗算係咁，如果佢夠人開埋二樓上去食就舒服好多，如果唔係只有太原街個舖位都真係幾窄

今日天氣陰陰涷 食碗蛇羹補下身就最啱！老店留下街舖座位不多 老闆叫我哋上對面大廈樓上坐， 係一個住宅嘅大露台 入面有幾張大枱 坐滿大大小小嘅客人， 有講國語有講英文 。招牌蛇羹料很足配上蛋散 食唔停口， 之後飲過蛇湯 第一啖飲落去好有紅棗嘅味道， 再飲落去味道好清甜， 食完蛇羹同蛇湯 已經飽咗一半。聽聞煲仔飯嘅咪係用咗泰國米 預先淋上豉油 打開蓋的一瞬間 香氣撲鼻， 臘肉有點靭 食完黐牙 臘腸接近全瘦， 如果有少少肥會更好食。煲仔飯煲得好靚 食到飯蕉完全冇黐底。雞件十分肥美 好夠味

嘩，終於等到香港得8‘c啦👏🏻可以着靚褸之餘，羊肉煲、蛇羹廣東美食真係等到頸都長！我以前食開銅鑼灣間蛇王椅，太多大陸Gip臣粗粗魯魯，而且越食越貴，伙計呼呼喝喝，頂，貼錢買難受咩！5、6年前一次係灣仔玩具街買嘢，丫，有間細到乒乓波枱都放唔落的蛇羹舖暱埋一邊。幾張舊名人相貼左係店外，記得當時一碗蛇羹價錢比很多店平。一食就食到宜家！蛇羹固然是主打，但空住肚黎的，不妨試試佢地套餐，好抵食。雖然蛇羹一碗$68唔算好貴，但套餐連臘味糯米飯、一碟油菜都係$89，我每次都會double碗蛇羹，先至$127，又飽又暖又好味！蛇羹：湯羹唔杰塌塌又唔稀啷啷，啱啱好，唔鹹又夠配料，成碗翅咁好料。主角蛇肉量夠，有咬口彈牙，唔腥唔滑澀澀好似未洗過咁！食咁多年，係試過一次有條骨！糯米飯：好食、唔油，因為唔係主打，唔係話好特別！其實除左糯米飯仲有好多煲仔飯選擇。我偏向鍾意糯米飯，因為唔使等，同埋搵糯米飯食難過搵煲仔飯。蛇湯：今次無飲，有時會點這湯，尤其浦完飲完想補補身！油菜：咪油菜囉，不過，我唔要蠔油既，因為佢地菜的清甜真係食得出！食過唔想食蛇王fun、蛇王椅！

今日去完中環海濱玩，加上凍👻到癲，但昨晚先食完十下十下，無奶油又十，食完真係十下十下過2019🤣🤣🤣都好耐無食過🐍羹，一於就決定去食🐍😁😁😁，其實我都超鐘意食🐍，試過超多間蛇店，出名又有唔出名又有，香港，九龍，新界都試過，最正都是這一間。我每次嚟都係叫這套餐，完全滿足我食蛇慾望，而且價錢又唔貴，食物質素又唔差，緊係必食啦😍😍😍我次次都係叫套餐A, 包一碗蛇羹，一個煲仔飯，一個龜湯。可能我比較重口味，所以比較鐘意飲龜湯，蛇湯比較清淡，所以我次次都飲龜湯而煲仔飯都係次次蛇腩飯，因為啲蛇腩不太堅韌，又夠補身，絕對正爆。雖然黃猄都好食，但胃得一個，食到嗰樣又唔食到嗰樣😅😅😅，個煲仔飯超多料，有冬菇，枝竹，蛇腩，本身送嚟已加了醬汁，如果唔夠可以自行添加田雞飯都一樣好食，不過我比較較愛蛇腩，可能比較小有😜😜😜蛇羹更唔洗講超足料，最遺憾就是可能上樓食的話，食完蛇，跟住飯，到最後個湯唔夠熱辣辣，因為如果唔上樓食既話，係店舖食，可以食晒羹同飯最後先上湯。這點差了一點點缺憾，如果改用悶熱鍋上湯，應該有得諗，可以保持溫度，雖然成本貴了點，但感覺比較可以保持水準，可供參考🤣🤣🤣不過真係無可口非，最正都係這店，

秋意濃郁，入冬必食除左打邊爐煲仔飯外，蛇羹都係必食之一🍴今日經開灣仔附近，一於去巷仔食呢間食開既蛇王燊🐍蛇羹大碗$69, 細碗$48個人覺得大同細碗既份量分別唔太大，所以細碗會較抵食👍今日係週未所以人較多，要上一樓食，但會用外賣碗拎上去，所以食食下會較快凍左果然真材實料，啖啖都食到蛇肉😋肉質厚身有咬口，仲有冬菇絲、木耳絲和薑絲飲落不稠身也不混濁，仲有淡淡的陳皮果香薄脆和檸檬葉會放在枱上，讓客人任取👍夠大方本人比較中意加入薄脆一齊食，卜卜脆😋口感豐富總括黎講:蛇羹好好飲，真材實料，係入冬既必食之一👍🍳🍴味道: 7/10👩👨服務: 6/10🏠💺環境: 6/10💰💸抵食: 7/10總消費: $165 (3人)

每年冬天都來食十次八次， 因為隨左蛇羮， 滑雞煲飯都好好味， 價錢亦都合理。 今年有所改變：1 . 樓上食堂安裝了冷氣 （期實覺得冇咩作為， 因為食蛇都會係冬天先食， 又何需冷氣呢， 裝左冷氣反而覺得冇左風味。2. 簿脆以往是一大盒擺台面任添， 而家要配給， 每個餐一個盒仔的份量， 真係吾夠喉囉～～， 其實薄脆不值錢， 無需咁計較啦！3. 又加左價， 都加得幾密下。所以會尋覓下其他選擇🤔

涼涼地 緊係食蛇啦 灣仔老牌蛇鋪 應該都無得輸呢間有蛇羹 蛇湯 龜湯 糯米飯佢分ABCD餐 應該有其他人影相我就揀左A餐 蛇湯 蛇羹 蛇腩煲飯蛇味重 無腥味 （我覺得）蛇湯同龜湯比 我諗我下次會揀B配龜湯因為龜湯隻味好味d 感覺似d雞精味 好濃味蛇腩 我最愛

叫左個SET B, 有湯, 有蛇更, 有煲仔飯。蛇湯: 味道似老火湯, 好似還有D 藥材? 幾好飲。蛇更: 細碗左D, 可能因為是套餐, 唔係散叫? 加埋薄脆好味。煲仔飯: 叫左田雞飯, 勁足料!!! 好多田雞, 多到飯都唔夠撈, 已經加左豉油, 味道剛剛好, 仲有少少飯焦, 好味, 田雞又啖啖肉!

前晚相信患了扁桃腺炎，昨天喉嚨痛、全身乏力。託家人買了個蛇羹+蛇湯回家食，（美味如常）食完後好快就成個精神晒，退了熱、喉嚨痛及夜尿都大大改善。可見此店真材實料，故能補充體力、強化抵抗力，功效卓越。

是日行完婚展就search下附近有咩好食朋友話想食蛇羹之後就搵到呢間自己都好期待食蛇因為已經無食好多年最後做咗個餐有蛇羹蛇湯同埋煲仔飯首先介紹蛇羹明白到咩叫做啖啖肉真係好豐富味道真係好好之後就係蛇湯飲完之後暖笠笠好夠味道啊！加左錢要咗個糯米飯因為真係揀唔到煲仔飯定糯米飯好最後貪心地兩個要晒雖然細細碗但係真係好好食勁多花生！最後再介紹煲仔飯！因為我本人好鍾意食田雞佢啲田雞都好大隻！又係啖啖肉！等候時間都需時好趕時間嘅你就要考慮一下啦

今年個冬天凍得咁緊要!! 真係好想一餐接一餐咁keep住食野暖胃又暖身( . _ . ) 凍冰冰ge時候腦海除了打邊爐都係打邊爐,唔通日日打餐餐打咩... 好在～香港暖笠笠ge美食仲有好多選擇,我相信呢兩款一定係好多人係冬日必食top 5之一!就係煲仔飯同蛇羮/湯=))我極力推介蛇王燊，我個胃完全畀個B餐收買左！A餐就蛇羹配煲仔飯 再加個龜苓湯B餐就蛇羹配煲仔飯 再加個蛇湯C D 餐主要係腊味糯米飯做膽唔少蛇鋪都有做蛇羹配糯米飯呀菜飯呀羊腩飯呀配煲仔飯真係一個價錢滿足哂我兩個心願蛇湯 - 我飲開北角蛇王良較重中藥味的，所以會覺得蛇火燊的蛇湯淡口d，清甜d, 如果淨飲蛇湯，我就推薦蛇王良。蛇羹 - 食蛇真係唔係人人接受到，所以平時冬天我飲蛇湯多d,因為唔會見到任何蛇ge影蹤，會好似飲緊中湯咁。今次我衝住個煲仔飯，又唔知龜苓湯好唔好飲，所以揀左B餐。超足料，雖然係細細ge一碗，但啖啖蛇肉，完全真材實料地睇到蛇肉的紋理，肉質肥厚有嚼勁。隨手加一把薄脆，這一口咔滋咔滋，下一口嚼嚼嚼嚼，超滿足!滑雞煲飯 - 剛好我有一陣子無食到雞，令我當日係咁多款煲仔飯中揀左平平無奇ge滑雞。有驚喜!!唔好睇佢