海鮮島墨魚刺身專門店

Open Now

Now Closed

星期日，大陳小陳兩家人，一行十人，前往西貢布袋澳海鮮島，提前慶中秋團圓聚餐。港人北上，食客大減，我們則受惠了。海鮮大件夾抵食，且鮮味洋溢，必食刺身墨魚！C一早預計，下午五時三十分，餐廳安排小巴於坑口巴士站旁的小巴站，接我們前往餐廳。想不到，全車只有我們十人，一人霸坐兩個位。我們揀了海鮮八人餐$3,480，共有十道菜，以海鮮為主。此外，再額外點了招牌名菜 - 墨魚，一味兩吃。不但有晶瑩剔透且鮮滑非常的墨魚刺身，更有炸後酥脆惹味的椒鹽墨魚鬚。墨魚刺身是按照斤量計錢的，鋪在冰面上的墨魚刺身爽腴鮮美，吃時拌以醬油和日式芥末以提鮮，甚是好吃。不過，薄薄的一片，且數量也不是太多。墨魚的其他部位，則混入炸粉和椒鹽，炸至金黃酥脆且香口非常。套餐中的菜色，率先登場，乃個頭不大，但鮮嫩無比的白灼鮮海蝦。薑蔥焗蟹緊接上場，肉質鮮嫩肥美，帶有油潤甘香黃膏，咬下去啖啖肉，薑蔥尤為惹味，深得長輩們喜愛。三隻椒鹽瀨尿蝦，每隻被切成三段，惹味有餘，奈何未算肥美多肉也。及後，份量十足的芝士焗龍蝦伊麵壓軸上枱，龍蝦肉質爽口彈牙。適時，霸氣十足的清蒸沙巴龍躉又被送上來。廚師火喉拿揑極為準繩，魚肉質感細滑鮮美。相反，八隻古法

媽咪原來沒去過布袋澳吃海解! 即時起行出發找到了海鮮島墨魚刺身專門店 海鮮選擇又多又新鮮餐廳一絕是 有一個很開揚的海景位一邊吃海鮮 一邊吹海風 享受下午食物種類都多 可以在水箱揀海解 亦有套餐可選擇 價錢也很合理當日選擇了四人餐另外一提 星期六日 公眾假期有免費穿梭巴士真係好方便。⋆_ᴛᴏᴛᴀʟ ᴏʀᴅᴇʀ__ ⋆先有白灼生海蝦 🦐蝦很大隻 很新鮮 肉質鮮甜又彈牙😋。🍲蒜蓉粉絲蒸扇貝🐚手掌般大隻的扇貝 肉鮮爽口 最愛配角蒜蓉粉絲 粉絲吸收扇貝鮮甜味及蒜蓉香❤️‍🔥。🍢古法蒸鮑魚4隻大鮑魚 非常新鮮少少陳皮 配蔥花蒸 🌿時候剛剛好 口感爽口職員更教我們快速用兩支竹籤起鮑魚方法 有得玩有得吃!😂。🦑椒鹽墨魚鬚椒鹽墨魚鬚即叫即炸 炸皮夠薄 外脆內嫩椒鹽調味 吃不停口。🍲海鮮豆腐湯湯料用上不同海鮮 豆腐 茹類🥦鮮味十足 不過咸 下火一流。仲有白菜仔及干燒伊麵炒得乾身也不油 不錯不錯

呢排天氣咁好當然要週末出遊😋今次推薦大家去布袋澳 睇靚景夾食海鮮🦞🦑☎️提前預約坑口免費shuttle或者搭16號小巴，入去海鮮島墨魚刺身專門店食到肚子圓滾滾，人均先$250-300，好抵玩😚二人套餐包括新鮮大隻龍蝦伊面，惹味椒鹽排骨、陳皮蒸鮑魚、魚頭豆腐海鮮湯、小白菜一碟。就$598。新鮮海鮮唔同食法，特別鮮甜，而且店家火候控制得剛剛好，鮑魚龍蝦都烹飪的很美味呢！我地去出面見到好大隻墨魚游來游去，店主就推薦我地叫椒鹽炸墨魚，又介紹我地食沙白蒸蛋白。果然好推薦，墨魚好大份，蒸蛋好滑溜溜，配上鮮味沙白不錯不錯。叫埋個椰青，吹住海風好爽。叫咁多野又送橙，埋單唔需要$1200。絕對有興趣再訪✨😘食完可以係附近行30分鐘去清水灣沙灘🏖️個度好多車走，或者直接餐廳出面都有小巴離開

西貢食海鮮除咗市中心之外，位於清水灣半島嘅布袋澳都一樣有，而且冇咁多人環境更加清幽。漁翁蜆湯份量好足叫個細嘅都分到五六碗，而且大蜆粒粒都啖啖肉，鮮甜嘅魚湯加入咗胡椒，天氣凍嘅時候特別暖胃。墨魚兩食(刺身+ 椒鹽)墨魚身用來做刺身、鬚就用嚟椒鹽炸，師傅刀工了得，刺身薄到晶瑩剔透，新鮮嘅墨魚食落爽口中帶點柔軟滑溜，而且好鮮甜，可以點上日式芥末豉油。墨魚鬚較平時嘅魷魚鬚短小，但口感更加脆口，同椒鹽係絕配，難得有咁新鮮嘅墨魚一定要試吓。椒鹽瀨尿蝦瀨尿蝦好大隻啖啖蝦肉都好彈牙，秘製嘅椒鹽配料係精華所在，搣好蝦肉之後點嚟食，香味無比難以抗拒！餐廳貼心提供手套同鉸剪等工具方便食用。果皮蒸鮑魚鮑魚來自澳洲，大隻得來肉厚，用蒸嘅方式最能保持鮑魚嘅鮮味，而且食嘅時候會滲透出果皮嘅甘香味。店員教我哋用竹籤吉隻鮑魚出嚟，好似砵仔糕咁好得意！

放假去咗西貢布袋澳一日遊食海鮮😗交通都幾方便，係坑口搭20分鐘小巴就到🚗推薦天黑前嚟到行下先，附近有天后古廟，同可以去碼頭睇日落🌅叫咗個二人餐 $598都幾抵食🤓芝士龍蝦伊麵是本日MVP🌟🦞🧀龍蝦超超超鮮味彈牙🥹加埋我好鐘意食嘅芝士伊麵大滿足❣️鮑魚大隻過平時食個啲好多，啖啖肉好彈牙🤤二人餐仲有海鮮豆腐湯，椒鹽骨同油菜，全部都好有水準🤟🏻我仲另外叫咗蒜蓉粉絲蒸扇貝同椒鹽瀨尿蝦🦐都好新鮮好食，十分回味🥺推薦大家試下嚟布袋澳食海鮮！

揸車方便遠遊，於是帶朋友入布袋澳，海鮮果然新鮮， 10分鮮味。不說不知，原來可以同餐廳溝通，安排車輛接送，一同享受鮮味美🤤🤤豉汁炒蟶子（$45/條）🥙🥙一道色香味俱佳的菜品！豉汁炒蟶子的整體口感非常豐富。蟶子本身帶有微甜的味道，與豉汁的鹹香和微辣形成了絕妙的對比。蟶子的質地鮮嫩多汁，咬下去時帶有一種爽脆的口感，非常開胃。豉汁則為這道菜帶來了豐富的層次感，使整體味道更加濃郁。椒鹽賴尿蝦（$35/兩）🦐🦐一道口感酥脆、香辣可口的菜品。椒鹽賴尿蝦的外觀十分吸引人，金黃酥脆的外皮讓人垂涎欲滴。咬下去時，蝦肉鮮嫩多汁，並帶有一絲的甜味，與香脆的外皮形成了絕佳的口感對比。椒鹽調味料則為這道菜增添了香辣的風味，帶來了一種濃郁的口感和微辣的刺激。果皮蒸藍鮑魚（$48/隻）🦪🦪一道獨特而精緻的菜品！藍鮑魚具有豐富的鮮味和彈牙的口感，而果皮蒸的烹飪方式則為這道菜增添了獨特的風味，使其釋放出淡淡的果香。蒸煮後，藍鮑魚保持了鮮嫩的質地，同時吸收了水果皮的香氣，結合了鮮美的海鮮味和清新的果香，味道獨特且令人驚喜。蒜蓉蒸貴妃蚌（$45/隻）🦪🦪一道口感鮮嫩、味道豐富的菜品！貴妃蚌與適量的蒜蓉一起放入蒸鍋中蒸煮，蒜

以前讀書嘅時候，每年盛夏都會入西貢行山、游水、滑浪、曬太陽，絕對係唔少人嘅青春回憶。但講起西貢，除咗係郊遊嘅熱門勝地之外，仲係食海鮮嘅天堂呀！唔少遊客去西貢食海鮮都會去西貢市中心，但作為本地人通常都會去布袋澳，因為價錢相對實惠！今次我哋嚟到海鮮島墨魚刺身專門店，海鮮選擇又多又新鮮，店員仲細心推薦本日最靚嘅海鮮同煮法，包保食到最鮮最甜嘅海鮮啦！花雕蛋白蒸刀背呢個花雕蛋白蒸刀背真係大大力推薦！刀背新鮮大隻又厚肉，所以只需簡單加入花雕同蛋白，就可以將刀背嘅鮮味帶晒出嚟，味道大大提升！蒜蓉粉絲蒸扇貝成隻手掌咁大隻嘅扇貝鮮甜又爽口！但每次食蒜蓉粉絲蒸扇貝，主角都會被配角搶風頭，粉絲索晒扇貝嘅鮮甜味同蒜蓉香味，真係回味無窮。豉椒炒蟶子王一上枱就已經被香濃嘅豉椒味深深吸引住！蟶子王超大隻，肉身紥實厚身，洗得超乾淨完全無沙，加上豉椒嘅點綴，非常香濃惹味！墨魚兩食：刺身新鮮嘅海鮮做刺身就梗係一流啦！墨魚刺身嘅厚薄度啱啱好，相信係傳說中嘅黃金比例2mm，哈哈！口感爽口又唔會過韌，夠晒彈牙鮮甜！墨魚兩食：椒鹽墨魚鬚墨魚身整成刺身，咁墨魚鬚就用椒鹽食法啦！椒鹽墨魚鬚即叫即炸，炸皮夠薄，非常香口，加上椒鹽嘅調味

這次我來到位於布袋澳的餐廳，品嚐了他們的2人套餐。開邊龍蝦、古法蒸鮑魚、海鮮豆腐湯、椒鹽骨和郊外油菜。新鮮的龍蝦為主角，搭配著芝士伊麵底，呈現出豐富的口感和美味。龍蝦肉質鮮嫩，搭配上濃郁的芝士醬汁，帶來了一種濃郁而且奢華的味道。古法蒸鮑魚。鮑魚是高級海鮮，以古法蒸煮，保留了鮑魚的鮮甜和彈性。每一口都能感受到鮑魚的鮮味，還帶有陣陣的陳皮果香。海鮮豆腐湯是湯品，融合了多種海鮮的鮮香。豆腐的軟嫩和海鮮的鮮甜相得益彰，讓湯的口感更加豐富，讓人暖心。椒鹽骨，椒鹽的香氣充斥著整個餐廳，骨肉經過炸製，外酥內嫩，每一口都能咬出肉汁的鮮味。郊外油菜，新鮮的油菜為主要材料，搭配著一些簡單的調味料，呈現出清爽的口感。

海鮮島墨魚刺身專門店👻同朋友嚟緊布袋澳嗰邊就揀咗呢間海鮮島墨魚刺身專門店朋友推介食過好正啲食物新鮮 即刻黎試下😆🔅鮑魚龍蝦二人套餐 HKD 598呢個套餐真係好豪華份量夠多兩個人食好足夠仲要多啲款式樣樣都啱食✨開邊龍蝦新鮮鮮甜既龍蝦揀咗上湯伊面底無芝士咁邪惡又可以食真啲個龍蝦✨古法蒸鮑魚大大隻鮑魚加啲陳皮同蔥蒸得啱啱好夠腍入味又唔會過火😛✨海鮮豆腐湯海鮮去煮好鮮味豆腐亦好滑嫩入面有蝦有蜆好足料✨椒鹽骨炸到香脆啖啖都係肉汁好有鑊氣😎✨郊外油菜新鮮白菜仔 爽脆清甜🔅椒鹽瀨尿蝦呢個瀨尿蝦真係一流新鮮鮮甜，肉質彈牙炸到金黃酥脆加埋啲椒鹽一口咬落去味道好濃郁又啖啖肉好耐無食瀨尿蝦真係食到流晒口水🤩🔅青島啤酒仲加多咗支青島啤啤佢嘆海鮮一流😌整體黎講：新鮮一流 環境滿分😋🎈 海鮮島墨魚刺身專門店 (西貢)西貢清水灣布袋澳6號地舖

蒜蓉粉絲蒸元貝 $76 2隻 🤪 粉絲入味軟身夠哂汁，一D都唔乾唔硬，豉油汁夠份量同惹味，粉絲扇貝都索哂汁，粉絲又不會變乾變硬。 扇貝既鮮甜、蒜蓉既香氣，鮮味十足。😁豉椒炒蟶子 $90 2隻❤夠哂爽甜鮮味，大大嚿既蟶子食得爽快！一D都唔老唔韌，用豉椒炒更香更惹味！❤白灼蝦 $120 8両 🥰用滾水烚熟D蝦，食果陣蘸埋佢地既辣椒豉油，食到蝦既肉質鮮甜夠彈牙，一D腥味都冇，味道又唔會太單調。蝦既原汁原味食法!❤黑瓜子斑 $280 😍 豐富魚油，魚肉雪白夠滑身，正常魚骨(我好怕多骨)，有魚味唔沙皮，蒸魚個豉油鹹淡岩岩好，唔會蓋過魚既味道，送飯一流~😌西蘭花炒鮮魷 $148 🥰🥰 西蘭花同鮮魷口感爽脆，一D都唔過腍，軟硬岩岩好，鮮美嫩滑既魷魚鮮味融入哂西蘭花入面，滿滿海鮮味，蘸埋蝦醬，味道更出色，而且份量都唔細，大推。😋豉椒炒蜆 $98 😊 夠哂惹味又滋味，份量超大碟，够鑊氣，香氣撲鼻，隻隻蜆都肥dodo冇沙，口感爽口彈牙夠鮮甜，可以再黎多碗飯!😁招牌瑤柱帝王雞 $138 ❤ 肉嫩皮爽彈，雞味特別重，蘸埋薑蔥蓉，更香口~雞油唔算多，所以食起黎唔會覺好油膩，雞肉都好嫩，唔嚡口。😎食完仲送凍冰冰，

本身見到人哋IG介紹話有專車接送甘方便，所以放假去咗試吓，點知原來都真係幾好味，環境好地道，對住海景非常之有風味海鮮都係時價，所以以下價錢只供參考兩食墨魚刺身（$370）呢個應該係呢度嘅皇牌，見枱枱都有叫🤣墨魚身作刺身食用，墨魚嘅鬚鬚就用嚟炸，一餸兩食幾抵食，個墨魚刺身超新鮮，食完個口充滿鮮甜味。而酥炸嘅墨魚鬚鬚好彈牙，果然係皇牌，十分推介👍🏻果皮清蒸鮑魚（$45/pc)鮑魚方面，佢有三款唔同品種，分為低中高三個價位，我就揀咗中價呢款，都有手掌心咁大隻，咬落夠爽口。蒜蓉粉絲蒸聖子（$45/pc)每次食海鮮我都會必叫，點整到咁好味，而且呢個size $45隻好抵食。蒸斑魚（$350）見到啲魚都好生猛，平時少食所以我都嗌咗條斑仔🤣 好好味，送飯一流😋椰青（$40）飲品方面，呢度都幾多選擇，有提供紅酒白酒仲有椰青👍🏻

暑假最後一日又有好天氣，咁就唔好浪費去遊車河，之後就入左布袋澳行下同食豐富嘅午餐海鮮啦！我地入左去 海鮮島 食午餐，雖然仲係夏天，不過望住個靚view，一邊食海鮮一邊吹住海風，個feel又真係幾正。(最好就係可以同埋狗仔一齊食嘛)食物種類都多，而且價錢都係合理價，不過我地就唔想諗太多，簡單啲叫左個四人餐啦。先嚟白灼生海蝦，啲蝦都好大隻，而且好鮮甜又彈牙。再嚟椒鹽鮮魷，炸得外脆內嫩，一啖一口密密食好滋味。海鮮豆腐湯，湯料好足入面有好多唔同嘅海鮮，而且佢用左咸魚做料，鮮味十足得嚟又唔會過咸，飲完絕對係下火一流…哈哈…哈錯。古法蒸鮑魚，鮑魚好大隻而且都非常新鮮，蒸嘅時候又剛剛好，所以食落特別鮮甜有口感。店姨姨仲教我地快速用兩支竹籤起鮑魚方法，真係超有效呀！金蒜銀絲蒸海皇貝，海皇貝新鮮有彈口，連埋啲蒜香同埋吸晒精華嘅粉絲一齊食，真心覺得係超好味呀！仲有白菜仔不得不提佢個干燒伊麵，味道剛剛好，炒得乾身之餘仲唔油，絕對係驚喜之作。

間唔中都會去西貢食海鮮，今次入到去布袋澳，見到好多遊客特登入嚟食，望住過海食特別過癮！椒鹽賴尿蝦賴尿蝦成隻手板咁長，小編同朋友兩個人叫左一隻，岩岩好～ 啲肉好易就起到～ 好入味，亦好新鮮，肉質一啲都唔會散～ 不錯豉椒炒蟶子蟶子超大隻，入口鮮甜又爽口，用上豉椒炒，夠晒鑊氣又惹味，餸飯一流！芝士焗龍蝦伊麵店員特登為小編揀咗兩隻肥美嘅龍蝦！龍蝦肉質爽彈，識落啖啖肉，都幾大隻～ 可以揀上湯或者芝士焗，小編當然揀咗芝士，芝香濃郁，令伊麵更入味，好邪惡！椒鹽鮮魷魷魚可以兩食，店員建議將魷魚椒鹽炸，都幾有鑊氣～ 魷魚肉質煙韌，油炸後亦都唔會太膩魷魚刺身魷魚好新鮮，食落好鮮甜，點一點Wasabi令鮮味更突出

同公司同事一齊嚟食海鮮，一齊慶祝大project 活動順利完成✌🏻本身一心諗住去到坑口搭接駁車，因為好方便一個WhatsApp就可以預約👀但係同事順風車兜埋我，泊車去到餐廳附近再步行行入小巷👣我哋一行四人，兩位男士大食，我哋就打算叫4 人餐😋四人餐包括白灼生海蝦，芝士或者上湯焗龍蝦伊麵🍝金蒜銀絲蒸海皇貝四隻🦪清蒸沙巴龍躉大約一斤，🐟古法蒸鮑魚四隻，漁翁蜆湯🍴油菜🥬$ 1680雖然夏天，但係坐喺海邊食海鮮吹住海風🌊其實都幾有風味，整體海鮮真係冇得彈非常新鮮🐟🦐🦞沙巴龍躉真係好大條，呢個4 人餐絕對夠飽另外見到唔少遊客喺附近碼頭搭船過嚟🛥️都係一個好好嘅旅遊景點📸

上個週末同家中老爸慶祝生日，一行五人去布袋澳食海鮮，天氣又舒服，不是很曬沿著海邊走走。穿過小巷，見到大大海鮮島招牌，亦都有大魚缸，多新鮮海鮮。可以自行選擇想食嘅海鮮，我哋最後選擇四人餐，好抵食。四人餐包括：白灼生海蝦、芝士焗龍蝦伊麵、金蒜粉絲蒸海王貝四隻、清蒸沙巴龍躉 、陳皮蒸鮑魚4 隻,漁翁蜆湯郊外油菜 $1680。 在另外加咗五隻蟶子。真係非常夠飽。海蝦極度鮮甜，焗龍蝦啖啖肉，最欣賞魚翁蜆湯加咗少少胡椒同埋酸菜，飲咗兩碗都完全冇口渴好好鮮甜。整餐飯一家人都好滿意，假日中午時間都好多人幫襯，交通安排都好完善可以有專車接送到坑口地鐵站。