西記粥店 (Closed)

午飯時間,叫做個魚片粥加炒面.個粥幾棉,咸淡適中,可能有加"師傅",但吾算過份,魚片都ok,吾太腥.炒面略嫌乾身少少,但少油就健康,無咩料,不過都夠味.埋單16蚊,咁價錢, 吾可以要求太多,亦無謂佢同三四十蚊一碗粥鋪比較.個人覺得呢度起碼好過去海皇粥.之前吃過呢度牛肉腸粉,雖然係蒸好放係蒸櫃度熱住,但腸粉質地腍滑,牛肉料普通,整體都算吾錯.

個晚去買dinner食, 由於趕時間,放棄左食生滾粥,叫左一碗碎牛粥$9同炸腸$6,$15食個dinner真係抵!!唔怪之得呢間野成日都咁旺場返到上樓, 先食個炸腸, $6有三條, 真係好抵, 個皮都幾煙un, 但係油炸鬼係好淋好淋好油好油個隻, 好明顯係早上留到而家,唔掂! 打開碗粥,望落好似好多料, 但係食落全部都係炸米粉, 牛肉係少之有少, 粥又好淡味, 有無搞錯!! 簡直連一般粥店水準都無, 以前幫襯過都無咁渣, 大退步啊!!!

今日２９／１同ｍｕｍ去試下何謂任食粥ｂｕｆｆｅｔ，但好可惜佢話經已無左ｌｕ～唉，灰哂啦～～～

星期六，番半晝，放工之後好優悠。一個人，食個lunch，點左一客炒米粉。上桌快，料又足，好過齋叫一碗粥。熱又香，唔油膩，原來只盛惠六皮。又夠平，又美味，梗係即時推介你！

1月2日12:45，逛完花墟，拿著大包水仙頭進店。幸好客人不算多，可獨佔一桌，不用狼狽地來吃(抱著包水仙和件羽絨)。要了魚腩粥和牛肉腸。魚腩粥：粥底綿和厚，吃至最後一啖才見水，魚腩兩件+少許魚頭(有魚眼而無魚云)，算肥美。牛腸：腸粉幾滑，牛肉行貨，HK$8.-絕對可以接受。題外話1:陰溝裡兩度翻船1. 進店四看壁上，祇見穿校服者HK$21.-任食單張。心裡咕嚕又被網友誤導。便要了魚腩粥，再細看桌上餐牌，才見HK$23.-任食，回望處近廚房壁上有一單張，寫著HK$23任食，落單前揚聲，天呀！不2.粥差不多吃光時，見鄰座在催蝦米腸，店員說未蒸好，心想應是即拉，便加了牛肉腸，未料到牛腸30 秒內到，而且無煙。題外話2:近來的經驗告訴我，粥有味精是正常的，所以在我將來的粥店食評，祇會出現"味精不重" 或"無味精"。

估唔到粥店都玩任食, $23都算抵, 一個雙併粥都要$14, 炒麵都要$6啦, 抵架食左個炒米, 無咩料之餘重要米粉有d硬, 但係個d粥就唔錯, 夠料又夠綿, 街坊野ok啦

前日放工經過呢度,俾一陣油器既香味吸引左埋去,終於以三蚊既價錢買左個煎堆,點解買煎堆?因為佢個樣最吸引囉!大大個(我覺得比一般粥店大),又圓又多芝麻,脹卜卜咁,食落果然無買錯!好脆好好食!原來有$23 任食咩?我日日行過都唔知添,咁咪好抵?等我留意下先.

尋日行過見到呢間舊式粥店,突然想食腸粉就係呢度食午餐。明顯地係家庭式經營,老一輩都唔係太熱情,只有一位後生小姐落力招呼人客。食左我至愛既叉燒腸($8)同炸兩($6)。下晝食腸粉都預左唔會即拉,如我所料所有腸粉都入晒蒸櫃熱住,味道當然唔會太好,但呢個價錢食到飽飽都無咩所謂。食食下至睇到原來有全日$23任食!!!我都食左$14啦,加多幾蚊可以食多好多野呀!!不過要早d去,質素應該仲正。呢度選擇都幾多,除左腸粉仲有生滾粥、煲仔飯、糖水、油器、炒麵/米粉。