sensory ZERO (One Island South ) (Closed)

很好嘅cafe shop,可以好好放鬆。環境好靚。試了個All day breakfast，賣相全部都好靚，好精緻，炒蛋好滑，香腸唔係平時啲cheap cheap腸。甜品超高質-檸檬撻。好有檸檬嘅香味，但唔太酸，有好清新嘅感覺。盆栽-好食，好creamy😍好滑，加埋啲曲奇🍪碎，增加咗唔少層次。

是日到南港島行山，行山前想醫肚又不想到連鎖快餐店，輾轉行到去One Island South既Sensory Zero曾經試過太古城既分店，黎到黃竹坑既分店當然要試下明火煮食既食物啦～餐廳裝份簡單，但勝在空間感夠大，有時間的確可以chill一個下午～蒲燒三層鰻魚滑蛋飯 - $95呢個係推介食物，鰻魚夠肥美同厚身，而滑蛋亦煮得夠嫩口白飯採用日本米，全部食材都好高質素，份量亦夠大～對於係黃竹坑呢個美食沙漠黎講，有呢間cafe的確增添不少上班族既午膳選擇

Sensory Zero 黃竹坑分店不但交通方便，有南港島綫地鐵可直達，餐廳地方寛敞，座位舒適，光猛開揚，用餐枱面闊大，配上不同style 的餐椅，非常獨特，用餐區隔離還有一個泰拳擂台，偶爾有表演或課堂，是另類格局的Café。它遠離鬧市，感覺休閒，是我喜愛的Café 其中一間。食物方面屬達標之選，無論賣相及味道，也合我心意。餐廳屬自助形式，免收加一之餘，某銀行信用卡消費滿$100 還有九五折優惠，認真驚喜！

澳洲M8+和牛肩肉扒溫泉蛋飯🐮🍚🍚 $138呢個係lunch set和牛🐮厚切亦食落好夠淋身溫泉蛋🥚同埋珍珠米🍚，好好食百幾蚊就食到和牛飯🐮🍚，非常抵食！呢度環境非常之舒服非繁忙時間嚟嘅話都幾chill🥰嘆杯咖啡☕️呢度絕對係一個好好嘅歇息處🏙如果平日嚟食午餐都有好多上班一族嚟排隊🤓如果想來食就要預時間啦！😎

📃開會前要食個靚早! One Island South 一幢頗新既大廈, 喺一眾工廈當中尤其搶眼! 🤩 ..One island south 地下有一間型格餐廳 (自助型式的) 落單, 自己跟號碼去水吧拎咖啡, 再跟號碼去廚房拎食物….如果自己一個去食呢, 呢個安排就有少少麻煩, 究竟放唔放低 d 嘢先好呢? 🤔 🐄我就揀左 Corned Beef & Cappuccino $58! 🍞自家製麵包, 煙煙靭靭! 咸牛肉炒蛋超級足料, 份量亦多, 再配有大量有少少甜味既肉鬆, 咸咸甜甜咁, 食嗰刻好醒晨, 只係太飽驚開會會瞌眼瞓 🤣🤣🤣☕Cappuccino 幼滑香濃, 因為驚飲唔晒, 所以我用外賣杯上, 搖兩搖先發現原來有拉花, 失敗! 影唔到! . 🍽以一個豐富早餐 + 香濃咖啡為自己打打氣! .

Sensory Zero嘅熱食一向高質，今次試吓佢哋嘅甜品🍮試咗呢個豆腐柚子🍊mousse cake🍰，估唔到原來豆腐同柚子味都幾夾個喎，講唔上話好好食，不過口痕食下甜品都OK嘅

因為o係附近做o野，我都幾常去 Sensory Zero！我見佢哋轉 Menu 都轉得幾密，來唔來都會試到新o野，今次就試到呢個豚肉肉餅飯。不過其實冇咩特別，我仲覺得有啲硬，都係廣東肉餅飯好食好多！我下次都o係 stick with 鰻魚飯最穩陣！

sensory ZERO - 黃竹坑朋友約食飯 見間嘢係我中意既工業風 又好似都有唔同種類既嘢食 一於應約😆個menu花多眼亂 就試個ALL DAY BREAKFAST先💲108本身諗住配凍檸茶 點知原來佢地係冇既只有一種叫橙茶既嘢 好似幾特別咁 就試下佢啦呢間嘢係先買嘢食 佢會比飛你 入便有埋號碼 到時自己留意顯示屏去拎嘢食其實賣相唔錯 唔知好唔好食呢☺️個蛋炒得幾滑 腸無乜特別 炒茹都係普普通通 多士都係普通水平 沙律菜尚算新鮮 整體嚟講呢個價錢唔值 雖然佢唔係唔好食 但講唔出有咩特別驅使我再食反而個橙茶有驚喜 個味幾清新 唔會好甜 Overall好食度:😋😋😋

星期日一早起身去行山，做了熱身後找間餐廳慢活地享受我的早餐再出發。落地玻璃，環境光亮潔淨，飄來陣陣咖啡香，令人醒神。行山不應吃太飽，只要了一件自家裂製花生醬，藍莓醬多士和一杯cappuccino 。Cappuccino 不需多講了，已來過好幾次，品質有保證，濃厚帶甘，就啱晨早一杯。多士鬆脆帶點韌性。花生醬配藍莓醬原來好夾味，誰也搶不了誰的風頭。甜度剛好。還有新鮮藍莓增加口感，非常健康的早餐。Hea完了，能量也儲了，係時候上山挑戰自我體能了。

放假去黃竹坑行山，出發前就揀左港鐵站附近既 sensory ZERO試下。餐廳環境幾靚用左工廠風格裝修，而且有一個格鬥擂台。 雖然食品價格比較偏貴，不過都入左去試下。今次試左幾款野食,竟然 All Day Breakfast最伏 ，好普通。不過優勝係$108 lunch set 包左一杯餐飲，點左杯Cappuccino。又幾好飲喎仲有好靚既拉花！另外二款分別鰻魚飯&日本叉燒飯反而好好食，厚身鰻魚&叉燒飯都超足料。

今次試左sensory zero嘅和牛溫泉蛋飯🍛因係和牛，就算係厚切食落都好淋身加埋溫泉蛋同珍珠米，都幾好食😋百幾蚊有咁多和牛抵食啦🙈下次可以試埋佢哋啲甜品同埋雪糕呀

又到左一週一度嘅星期六又係時候獎勵自己飲咖啡+食大餐😍對於咖啡正所謂一週不見，如隔7天所以一定要努力揾下好嘅Flat white (almond milk +$5) $35Flat white 係我嘅必叫item今次因為貪得意想試下almond milk，所以+$5轉左味道好突出有獨特嘅蕃茄乾味加上crema 份量好，成杯咖啡好creamy 非常順口😋👍🏻😋👍🏻😋👍🏻Daily rice 🍚 + soup $95照燒雞扒飯 + 南瓜🎃忌廉湯首先個飯好大份，一個女仔嘅話會食唔哂所以我都拎走左一半返屋企😂雞扒好厚身，肉好滑而且冇渣係用雞肶做嘅😍（好多間都賣雞扒，唔通間間都係用雞肶做咩😏）唔係一般餐廳用個種現成雞扒所以好好食👍🏻👍🏻👍🏻南瓜🎃忌廉湯放心！唔係can food 有南瓜容喺入面，所以飲完都飽左1/3我覺得湯係好飲嘅😋不過再熱d 就好了

煙三文魚+Cream Cheese+Bagel呢個經典早餐組合已經好耐無食過, 以前去開果間西式早餐店轉左Menu就無左呢個item, 傷心左好一陣子因為唔知邊度仲有呢個早餐供應。前排去Sensory食早餐見佢有呢個煙三文魚Sourdough就叫來試試睇下可唔可以彌補一下心靈創傷lol結果係正既! 片Sourdough toast有烘過底好脆口, 煙三文魚本身夠油脂, 好軟林又唔會過咸, 仲有幾粒Capers夠曬"正宗", 沙律菜有個酸酸地既dressing, 夠開胃。唯一係個Cream cheese份量比較孤寒, 塗唔滿片多士之餘又薄。比我一定會"忟"灰咁"忟"到少少麵包都見唔到加埋杯Ginger Latte, 自家製薑蜜好夠薑, 兩樣加埋係貴左D要成差唔多$120, 但間唔時一餐半餐懷緬下個味道係OK既! 利申: 已經食左兩次 lol

其實之前都有黎過哩間咖啡店，轉眼間以經有四間分店了☕️☕️☕️☕️☕️不過我還是喜歡黃竹坑的主店喜歡哩度空間感大，入到哩有種舒服既感覺，也許只有工廠區既地方先有足夠既地方🤫🤫哩度係自助型式，先付款購餐，然後可以埋位座，再留意番大螢幕顯示既單number，再去取餐便可今日嗌左咖哩吉列豬扒飯同埋澳洲M8和牛牛肩肉扒温泉蛋飯再散叫左杯無檸檬🍋但有檸味美式有氣咖啡，杯野飲嗰名真係好搞笑呀等左一陣就可以去取餐，所有餐具都係自助既。我碗M8和牛配埋温泉蛋飯幾不錯啵，温泉蛋撈埋珍珠米飯無得輸呀食得出唔係一通既牛，係好味既！！配埋蛋汁既和牛撈埋飯食，好味道！如果啲飯可以熱啲就好啦！至於吉列豬扒飯係配上日式既甜咖哩，整體係okay 既！杯可愛既咖啡又真係有檸檬🍋味，但又無檸檬🍋，好得意，好新奇呀，加分既！！

Overall, the ambience still chills with speedy service and food. Yet the coffee tastes sour (common flaws as served with lunch set) and gets cold easily.The eel rice and scrambled egg looks great but perhaps felt overated due to high expectations.Daily pasta felt the same, with the ground meat sprinkled on top tastes like hash; prefer meat sauce instead.Hopefully with rooms for improvement, I will give it a try later in near future.