sensory ZERO (One Island South ) (Closed)

搭錯巴士，入左南區，朋友係呢邊返工話呢間cafe幾好，樓底高光猛，但係店既後方堆滿雜物，仲要係麻布袋，感覺會有野跳出黎咬.....換左去前小小既位，佢張膠櫈坐得勁辛苦，感覺係不斷跌落去，食物選擇吾多，咖啡同個檸檬tart都一般，係附近可以試下，專登去試就免啦⋯⋯唯一優點係好近黃竹坑站

之所以會幫襯，因為杯crazy chocolate,一直都好想試。咁啱行過就食你啦。呢杯crazy chocolate集黑朱古力，牛奶朱古力同白朱古力係入面。我諗對朱古力控嚟講簡直就係心頭好。雖然佢係有好多朱古力。但值得一讚嘅係佢唔算太甜。只有非常濃郁嘅朱古力味。好啦，既然飲左杯咁邪惡嘅飲品，就食返啲相對清淡嘅食物啦。叫咗個慢煮雞胸沙律，雞胸一啲都唔鞋恰恰。而且有雞味。沙律味道唔錯。係飲完杯邪惡朱古力後一個好嘅調劑品。

星期六去黃竹坑食晏諗左好耐食咩好平日都係食茶記多今日朋友生日食好少少就揀左呢間*之前係太古嗌過take away flat white好高汁今日黎one island south 呢間食晏兩個人嗌左一個daily rice - 豬腩肉溫泉蛋飯一個鰻魚滑蛋飯一杯crazy chocolate一杯凍Cappuccino好啦我知我唔應該用呢度既食物同茶記比但係茶記啲炒蛋真係好過呢度好多佢個鰻魚都係普通，少許腥同有啲骨但個珍珠米係幾唔錯（雖然我都唔知要點先可以煮到珍珠米難食🤔）個豬腩肉都幾好個醬好味，肉都好夠淋溫泉蛋咪就普通溫泉蛋咁*野飲方面杯crazy chocolate真係好好味而飲到尾真係極級甜我倒左啲Cappuccino入去中和返先冇事至於杯Cappuccino我都唔知點解可以咁普通.....冇乜味好淡咁同太古杯flatwhite質素差左勁多影相就靚飲落就真心飲水咁咁既質素收我$45*服務質素方面落單個員工都幾nice排我前兩個條友著杯野飲問有咩分別佢好有耐性咁一一解釋落單收錢都好快手攞野食就都係睇number攞野佢啲托盤用木盤都幾靚不過我冇影低🤣呢間野個擺盤好適合打卡

想試Sensoryzero好幾次但因為某些因素而錯開了終於緣份到了我都忘了是如何發掘這餐廳出來但第一次看到痴_線朱古力的照片就被吸引住😮😮😮覺得痴_線嘅位係本身係唔瀉架😂但我用盡努力 行好慢小心行 佢最後都係瀉左出黎🥲味道方面 我欣賞佢唔甜但佢如果質感濃啲就更配合到我望到嘅畫面這個比想像中稀另外點了一杯橙香義式有氣咖啡頭半杯都還好後半杯突然變得好甜我就放棄了始終喝不慣有氣嘅coffee鰻魚飯同和牛飯有日光的加持好似好味左😋飯底比較適合配鰻魚說不出原因因為個汁？因為個軟硬程度？我個人就不太欣賞鰻魚同滑蛋呢個配搭隻蛋整淡左鰻魚嘅味🙁總店環境之大不用說出來非常高嘅樓底 舒適度倍增令用膳時間比一般長左

Crazy Chocolate-【支持黃店】Sensory Zero相信中家都不會陌生啦！小編完全是為了杯Crazy Chocolate而前來拜訪的！這杯朱古力有黑朱古力、牛奶朱古力同埋白朱古力，入口是非常濃郁的朱古力味，但又唔會太甜，好難得！最鍾意是這杯朱古力一上碟時已經有湧出嚟的狀態，絕對增加食慾，又啱打卡，好吸引呀！不過食物方面，小安覺得價錢就偏貴，而食物質素就不過不失～背後的素意粉普普通通，就不花時間介紹它了～

Sensory zero都有好幾間分店，而黃竹坑就係headquarter！環境夠大！一定要去試下文青cafe，另一邊其實係擂台比賽，幾得意。裝修走黑白工業風～嘢食望落好吸引～仲有無肉嘅選擇，適合vegetarians or vegans🤪我本來想食牛角包㗎不過要2:30先有～下次再試由menu就睇得出呢間Cafe嘅質素～😎一個叫咗鰻魚飯，一個就係daily special～價錢都唔平～不過Lunch時段，就包一杯$40以下的飲品～所以Flat White同cappuccino 就唔使另外加錢～ 咁樣就都ok😛我比較鍾意鰻魚飯～鰻魚都有六大塊，都厚身，薄燒汁正，好好味😋，滑蛋就正常啦，加上日本米，先至係日本菜🤣另一個係金菇牛仔骨，金菇好重牛油味，爽脆。但係牛仔骨就麻麻，因為未煎得好熟，所以比較難咬開，變得硬左。（因為我自己成日都煮牛仔骨所以就會知😗）大概係四塊牛仔骨，白飯嘅份量係算多，如果牛仔骨多番少少就會更好。上咖啡同上菜速度係幾快～對於佢哋嘅咖啡真係有啲小失望，我地一拎，已經起哂泡，我個朋友對cappuccino的執著。先聞下咖啡，咖啡香味唔濃，重點係個奶唔係熱嘅～呢度的確扣分。因

由於而家去咗黃竹坑返工發現黃竹坑真係冇乜嘢食今日同個同事食farewell 飯所以去咗附近嘅餐廳食黎到呢間叫Sensory Zero食之前我係未食過呢間嘅但你入面裝修都幾靚食物價錢就百幾蚊一個我叫咗呢個鰻魚飯食論賣相黎講其實都唔差嘅食落我就覺得麻麻地份量可以鰻魚味比佢啲汁蓋過我覺得呢個價錢唔抵食仲點咗杯咖啡飲由於我平時都唔飲咖啡嘅所以我對呢個咖啡冇乜評語我都唔識分好定唔好飲嘅總結係個鰻魚飯我覺得一般般啦

今次黎到呢間Cafe覺得好舒適，空間非常之大，有自然光從落地玻璃照入嚟，係假日慵懶嘅感覺🥰餐廳主張自助形式，可以自行選擇位置，而餐廳內嘅擺設更係多到睇極都睇唔晒！•🍝是日意粉 - 燒雞肉粒扁意粉配蒜香忌廉汁(HKD 92)今次第一樣野先試雞肉粒，都幾滑身同好易咬，忌廉汁好creamy，不過汁可以再多少少，可能蒜太多，令意粉食落有點乾身🙊配料有青瓜同蕃茄仔，令成碟意粉食落感覺冇咁滯👍🏼·🥗All Day Breakfast (HKD 128)朋友對All day breakfast情有獨鍾，表示最欣賞餐廳採用手工果醬，食得岀果醬好新鮮，而炒蛋更是不可或缺的一部份，炒蛋夠滑身。最有心思更是烤焗的西蘭花，恰到好處，一D都唔乾身，火候和時間都控制得剛剛好。總括而言，All day breakfast的精髓就是每一樣食物的溫度都要處於熱嘅溫度狀態上碟才是一個好的All Day breakfast，而這間Cafe的時間都控制得很好！餐廳的另一邊設有MMA的擂台，相信應該有舉辦課程，待疫情過後，有興趣參加嘅朋友記得留意一下啦！😜

平時好少去去黃竹坑，咁岩今日要上workshop，上堂前搵間餐廳邊食邊等朋友先！呢間cafe超易搵，A2出口行多幾步就到。相信呢個係鎮店之寶，聞名不如見面，見到大家都熱烈推介。先唔好講味道，打卡真係一流，成杯睇落超級邪惡，真係好吸引。飲用前最好先攪拌均勻，免得有陣苦朱古力味，攪拌後一流，岩哂凍冰冰既天氣（今日得10度咋）！再來邪惡牛角包，勁足料，多料到要用刀叉切開先食得到，食落好香，呢個價錢抵啊！環境好大又坐得舒服，如果唔係趕時間真係想坐多陣岩岩睇到好似有其他分店，下次可以試埋其他菜式

Sensory zero 有好幾間分店，今次去左黃竹坑個間，餐廳空間闊落，樓底好高，裝修中西合壁，感覺幾舒服👍🏻餐廳係自助形式點餐，食物同埋飲品種類都算多！/crazy chocolate $50/個個去襯黎間餐廳都一定飲嘅飲品😂佢嘅賣相係真係幾吸引，朱古力多到流曬出黎，第一啖飲落去面頭嘅cream 好濃好滑，之後再飲其實味道冇我想像中好濃🙈要等面頭嘅朱古力融左之後攪混，味道先濃d/肉鬆芝士滑蛋牛角包 $73/今次叫左下午茶餐，黎個價錢包一杯$40 以下嘅飲品，其他特飲就要補差價！牛角包鬆脆，面頭有好多肉鬆，炒蛋份量都好多，加埋淡淡嘅牛油果芥末醬味道好夾👍🏻/澳洲M5和牛牛肩肉溫泉蛋飯 $158/牛肉飯嘅賣相係有d 失望嘅🤔牛肉雖然做到皮脆肉嫩，但係個人覺得都係太燶😖同埋我係expect 和牛燒到粉紅色☹️依家睇落已經係well done... 味道就普通，溫泉蛋都唔係好做到流心效果☹️整體黎講，個人覺得有d overrated，但係個牛角包係唔錯👍🏻環境都舒服，唔會好多人，坐底做嘢/ 同frd 食個tea傾下計都係個唔錯嘅選擇！

喺黃竹坑行完南朗山近近地搵間Cafe食下先咁啱又有一間黃店想試好耐㗎啦今次行完山去食就啱晒啦✨✨✨✨✨✨✨✨✨✨✨✨✨✨✨✨✨✨Crazy chocolate----滿滿的🤤我好鍾意飲朱古力好期待呢杯三層朱古力嘅飲品比起普通嘅朱古力佢口感係豐富啲但由於我好食得甜所以我覺得佢可以再甜啲同再濃啲不過整體都已經好滿足喵喵多士配自家製果醬----靚靚又好味🐱見到喵喵形多士就覺得好可愛哄到少少燶食落脆脆地配埋自家製果醬味道好夾今次揀咗無花果伯爵茶果醬入面真係有細細粒嘅無花果同伯爵茶嘅味道平衡得好好搽咗喺塊多士上面又唔會覺得好甜感味爆料牛角包----鬆脆🥐佢有好多唔同嘅餡料揀款款都好吸引最後揀咗肉鬆芝士雙份日本滑蛋佢每一款嘅牛角包都有牛油果芥末醬食落去呢個醬有淡淡嘅芥末味又有少少嘅牛油果味芥末嘅味道唔會搶咗呢個包嘅餡嘅味道滑蛋又炒得幾滑加埋少少溶咗嘅芝士同埋肉鬆都唔錯蒲燒三層鰻魚滑蛋飯----鰻魚肥美呢個三層鰻魚滑蛋飯啲鰻魚好肥美呀厚厚的啖啖肉鰻魚汁份量適中再配埋滑蛋同日本米好夾好味道檸檬蛋白撻----有驚喜呢個檸檬蛋白撻嘅餅底好脆雖然係蛋白撻但係味道唔會太甜仲食到檸檬嘅清香我同朋友share啱啱

去完海洋公園玩, 就行去黃竹坑sensory zero 嘆杯crazy chocolate 先, 每次只要望到咁rich 嘅朱古力, 心情就好愉快, 實在係一杯令人瘋狂嘅朱古力。朱古力真係好濃郁, 有唔同層次, 部分白古力放最上面, 再有朱古力泡, 朱古力奶, 仲有吃到一點點的碎朱古力, 喜歡朱古力的人, 絕對不可以錯過~

「sensory ZERO」是一間以感味為主題的Cafe。店內環境寬敞，樓底很高，空間感很足。有著大大的塊的落地玻璃窗，光線很充足。店內的裝修中西合璧，有西式的裝飾也有中式的裝飾，整體設計簡約，非常適合午後一個人放空下自己，享受午後的悠閒時光！🧡無肉大滿足早餐配法國無花果·有機伯爵茶果醬（$128）無肉大滿足早餐食材豐富，顏色鮮艷繽紛，賣相一流，喵喵多士是cafe的特色菜式之一，多士外脆內軟，口感幼滑，帶有淡淡的甜味。自家製的無花果伯爵茶果醬味道天然，可配搭多士食用也可帶回家沖水飲。🧡蒲燒三層鰻魚滑蛋飯（$143）鰻魚肥美厚身，米飯使用的是珍珠米，味道香濃！🧡痴_線朱古力（$50）朱古力幾乎要傾倒而出，整杯朱古力佈滿朱古力和朱古力碎，味道偏甜，打卡一流！🧡KARMARAMA（$45）KARMARAMA果汁是由橙、菠蘿、芒果、人參製作而成，口感很濃稠，菠蘿味和芒果味極重，感覺很濕熱。

餐廳採用落地大玻璃加上闊落寬敞的空間，令整個環境非常舒服悠閒寫意😍另外亦融入了香港的特色(舊式酒樓必備龍鳳🐲🐔及🏫枱枱凳凳)，文青打卡必去💁🏻‍♀️👉 大滿足早餐配自家製果醬 All day breakfast份量非常豐富足料， 🧒🏻就一定食唔曬😂 值得一提的嫩滑牛油香炒蛋🍳及喵喵🐱多士配自家製雜莓🍇紅茶果醬， 仲可以自己發揮藝術天份🎨👉 蒲燒三層鰻魚滑蛋飯日本米鑑定士飯系列採用日本🇯🇵米及雞蛋🥚，食起上嚟自然安心D啦😎 厚切鰻魚🐟肥美多汁又有口感（近期係香港食過最好食的鰻魚🥰），配上滑一滑的炒蛋， 唔怪得知差唔多枱枱都有人叫啦🥳👉 是日手工製蛋糕-旋脆貓🤨今次就同大家試左是日甜品🍮（餐牌上面係冇的）外形好似一隻可愛貓貓🐱， 裡面係濃密的choco 🍫mousse配上朱古力脆脆， 味道都幾好食😋👉 痴_線朱古力痴_線朱古力果然為痴_線咁足料🤣， 簡直就係髒髒包🍞的三重朱古力飲品版😙 不過味道就偏dark choco 的苦味，螞蟻人就可以唔洗試😔

朋友搬Office到黃竹坑，上Office之前去呢間餐廳食咗早餐先舖頭樓底好高，天花裝有吊扇， 裏面燈光比較陰暗， 感覺比較悠閒入到去先喺收銀處落order， 之後佢會比個牌客人， 如果係咖啡之類，就好似Starbucks咁行過去咖啡處度等攞，如果order 食物的話，就好似大家樂咁，等顯示牌出現你訂單嘅數字，然之後就去food counter 攞如果係樽裝飲品好似果汁咁，就自己直接去雪櫃攞Order 咗果汁同牛角包🥐配炒蛋樽裝果汁一貫樽裝果汁水準， 牛角包配炒蛋， 味道唔錯， 但好似成五十蚊我覺得份量比較少，唔值呢個價錢如果只係講食物嘅話，我覺得餐廳唔值呢個價錢，但係如果係想搵個地方Hea下又坐半日的話， 咁都幾舒適